خطاب إستقالة ..ووداع

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 14-11-2018, 11:54 AM الصفحة الرئيسية

مدخل أرشيف النصف الثاني للعام 2006م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
14-06-2006, 11:49 PM

عصام أحمد

تاريخ التسجيل: 09-05-2006
مجموع المشاركات: 3848

للتواصل معنا

FaceBook
تويتر Twitter
YouTube


خطاب إستقالة ..ووداع

    سحبت تقديرا وإحتراما لرأي الجميع من داخل وخارج الحوش

    (عدل بواسطة عصام أحمد on 16-06-2006, 09:44 PM)

                   |Articles |News |مقالات |بيانات

15-06-2006, 00:08 AM

خدر
<aخدر
تاريخ التسجيل: 07-02-2005
مجموع المشاركات: 13188

للتواصل معنا

FaceBook
تويتر Twitter
YouTube


Re: خطاب إستقالة ..ووداع (Re: عصام أحمد)

    يا عصام .. صباحكـ خير ياخي

    رغم انك ما كتبت سبب استقالتكـ لكن يا ريت ماتمشي .. عارف ليه لانكـ جيت بي محض ارادتكـ
    رغبة منكـ في التواصل و تبادل الافكار مع الاخرين في الشتات و داخل السودان
    ميزة السايبر ده انو عباره عن افكار طايره في الهواء .. بعضها بنقراهو و ننساهو و بعضها
    بتحفر في ذاكرتنا
    انا تابعت بوستاتكـ و عجبني بعضها و زي ناس كتار هنا برضو انتبهو لي زول اسمو عصام
    يعني اسه مجرد انك اشتركت في سودانيزاونلاين اسمك انحفر في راسي طيب اتخيل معاي لو قعدت
    ؟؟
    غالبا انت ذاتكـ ممكن تتحكر في راس ناس كتار
    سودانيزاونلاين مجتمع سوداني كامل يجب انكـ تكتب افكاركـ و احاسيسكـ عشان تقدر علي الاقل
    تخلي الناس ديل يستفيدو من الباسوورد بتاعكـ الداير تلحقو امات طه ده
    وافتكر انو زول كتب استقاله باللغة الفوق دي .. اكيد لسه عندو كلام مفيد ماقالو
    ولا شنو ؟
                   |Articles |News |مقالات |بيانات

15-06-2006, 00:14 AM

doma
<adoma
تاريخ التسجيل: 04-02-2002
مجموع المشاركات: 15894

للتواصل معنا

FaceBook
تويتر Twitter
YouTube


Re: خطاب إستقالة ..ووداع (Re: خدر)

    هي يا عصام يا ولدي جيت اسلم عليك القاك مغادر؟؟؟ عين السواد كراعي حاره والله .
    غايتو لو في اي طريقه انك تجئ ما تنقطع مرات مرات ادينا طله مع انه انا من قناعاتي انه ادمان البورد لي زول عنده شغل ولا دراسه بخرب عليه الا ارباب المعاشات والناس الهمها فوق غيرها الا زول عنده معايشوا في ايدوا والله البورد يبهدل حاله
                   |Articles |News |مقالات |بيانات

15-06-2006, 00:48 AM

قرشـــو
<aقرشـــو
تاريخ التسجيل: 05-02-2002
مجموع المشاركات: 11371

للتواصل معنا

FaceBook
تويتر Twitter
YouTube


Re: خطاب إستقالة ..ووداع (Re: عصام أحمد)


    الأخ الكريم عصام

    لك التحية والاحترام

    قرار صعب جدا هو مفارقة المنتديات لان ذلك يعنى الغاء شىء هام من حياتك فالمنتديات ليست مجرد تلاقى مع اخرين وقراءات وينتهى الامر بل هى نمط حياة فى عصرنا هذا وهى جزء من برنامجنا اليومى يعنى تقدر تقول كده زى كباية الشاى فى الصباح أو فنجان القهوة للكيفين ...

    كثيرا ما يعترينا هذا الشعور حينما نحس بالاحباط وحينما نجد اننا لم نجد ذواتنا ولكن يبقى سلطان العادة مشرعا على اناملنا تجاه الكى بورد يقودنا اليه قسرا وفى الوجدان اسماء أعزاء وموضوعات معلقة ومعرفة لم تكتمل ولذا نعود ...

    رغم اننى شخصيا سافتقدك سيدى ولكنى انحاز لارادتك ...
    وأرجو ان تأخذ وقتك عزيزى الفاضل وتعود الينا محملا بالاشواق والمعارف والمعلومات...

    يديك العافية
                   |Articles |News |مقالات |بيانات

15-06-2006, 01:01 AM

غادة عبدالعزيز خالد
<aغادة عبدالعزيز خالد
تاريخ التسجيل: 26-10-2004
مجموع المشاركات: 4806

للتواصل معنا

FaceBook
تويتر Twitter
YouTube


Re: خطاب إستقالة ..ووداع (Re: قرشـــو)

    الاخ عصام

    تعرف,
    لاول مرة ارى بوست الأطفال
    و بما انو هاشم
    كان مساهر
    ففتحتة
    و كنا نقرأ فية
    و فرح بصور الحيوانات
    و طلب حتى الذهاب
    الى حديقة الحيوان
    (احيييييى, كلو منك حسة)

    اتمنى ان تعدل عن قرارك
    و لنا ان نحترمة
    مهما كان

    خالص الود
    غادة
                   |Articles |News |مقالات |بيانات

15-06-2006, 01:02 AM

garjah
<agarjah
تاريخ التسجيل: 04-05-2002
مجموع المشاركات: 4702

للتواصل معنا

FaceBook
تويتر Twitter
YouTube


Re: خطاب إستقالة ..ووداع (Re: قرشـــو)

    عصام اخوي

    المنابر دي عايزة صبر

    ارجوك استمر معانا

    واكيد انك حتندمج مع العالم دي

    بس مد للصبر شوية
                   |Articles |News |مقالات |بيانات

15-06-2006, 01:37 AM

Rasha Hatim
<aRasha Hatim
تاريخ التسجيل: 01-05-2006
مجموع المشاركات: 1681

للتواصل معنا

FaceBook
تويتر Twitter
YouTube


Re: خطاب إستقالة ..ووداع (Re: garjah)

    يا عصام

    يعني ختيتنا في طيارة واحدة وشغلت الطيار الالي وعاوز تنط؟؟؟؟

    مافي طريقة استنى معانا النشوف اخرتها شنو؟؟؟؟؟

    السودان يحتضر فعلينا ان نكون حوله, ان لم يكن في ارضه,, ففي هذا الوطن الصغير.

    كن معنا دوماو لا تذهب.


    لك كل الود
                   |Articles |News |مقالات |بيانات

15-06-2006, 01:40 AM

شرف الدين آدم إسماعيل

تاريخ التسجيل: 13-11-2005
مجموع المشاركات: 844

للتواصل معنا

FaceBook
تويتر Twitter
YouTube


Re: خطاب إستقالة ..ووداع (Re: عصام أحمد)

    يا عصام

    كدى انا يادوب كده انتبهت لى البوست بتاع الاطفال دا خاصة جانب الحكاوي

    كدى استهدى باله , خلى بالك طويييييل سلبة

    خلى الناس تسفيد من افكارك واراؤك

    الاستقالة دى سيبك منها وقول ياهادى

    مع خالص تحياتى ومودتى
                   |Articles |News |مقالات |بيانات

15-06-2006, 01:56 AM

Tumadir
<aTumadir
تاريخ التسجيل: 23-05-2002
مجموع المشاركات: 14699

للتواصل معنا

FaceBook
تويتر Twitter
YouTube


Re: خطاب إستقالة ..ووداع (Re: شرف الدين آدم إسماعيل)

    حلفت عليك قسم ما بتمشى ...

    ياخ انا معتمدة عليك فى حكاية الافلام دى وكده..

    وبرضو التسلية ..

    نحن عندنا زهجة مدمرة ..انت الوحيد البفكها..بى بوستاتك الانيقة ..وتداخلاتك المسلية ..


    ما تمشى!!!

    دى اوامر..

    "حكم الضعيف على القوى"...

    طيب؟
                   |Articles |News |مقالات |بيانات

15-06-2006, 01:56 AM

محمدين محمد اسحق
<aمحمدين محمد اسحق
تاريخ التسجيل: 12-04-2005
مجموع المشاركات: 9983

للتواصل معنا

FaceBook
تويتر Twitter
YouTube


Re: خطاب إستقالة ..ووداع (Re: شرف الدين آدم إسماعيل)


    ارجو ان تبقي ..
    اخي عصام ..
    علي الاقل كصوت لاؤلئك الذين لا يستطيعون ايصال اصواتهم




                   |Articles |News |مقالات |بيانات

15-06-2006, 02:03 AM

النسر

تاريخ التسجيل: 21-02-2003
مجموع المشاركات: 0

للتواصل معنا

FaceBook
تويتر Twitter
YouTube


Re: خطاب إستقالة ..ووداع (Re: عصام أحمد)

    لا لو مشيت المكان من غيرك مسيخ مع احترامى للجميع ما كنت كويس مالك والحصل شنو ؟بنحبك خليك معانا وجنبنا
                   |Articles |News |مقالات |بيانات

15-06-2006, 02:28 AM

Nasruddin Al Basheer
<aNasruddin Al Basheer
تاريخ التسجيل: 08-12-2005
مجموع المشاركات: 4079

للتواصل معنا

FaceBook
تويتر Twitter
YouTube


Re: خطاب إستقالة ..ووداع (Re: النسر)

    الأخ العزيز عصام
    للأسف هذه أول مرة أتداخل معاك وأول مرة انضم
    للجنة المساعي الحميدة لإقناع الحردانين
    رغم إنك ما ذكرت الأسباب التي دعتك للاستقالة،
    لكنني ومع احترامي للاسباب أرى أنها غير مقنعة
    بدليل أنك انضممت حديثاً للبورد، اللهم إلا إذا
    كنت فاكر إنو المسألة فيها مواهي وكده..
    والله يا عصام رغم إن فترتك قصيرة إلا أن مشاركاتك
    كانت رائعة وإيجابية وبوستاتك (أرجو الانتباه إلى
    هذه الكلمة الأخيرة جيداً حتى لا تفهمنا غلط والمسألة
    تجوط) تنم على أنك إنسان حلو وتحمل في دواخلك روح طبية
    وسخرية عالية.. الليلة الله يحلك مني..
    ويا عصام تعرف مشكلتك الوحيدة شنو؟ إنك ما ثقيل
    يا اخي شوف الرؤساء اللي كنا بنهتف ليهم ستاشر وتمنتاشر سنة
    حتى الآن ما اشتغلوا بينا..
    تجي إنت بمحض إرادتك وتقدم استقالتك؟
    يا اخي خلي عدم الثقالة واسحب الاستقالة
    تانياً لو استقلت حاتفك الولد الأغبش الفي الصورة ده
    في الفرقة..
    طلب خاص ، خليك في البورد
                   |Articles |News |مقالات |بيانات

15-06-2006, 02:35 AM

الفاتح وديدي
<aالفاتح وديدي
تاريخ التسجيل: 11-04-2005
مجموع المشاركات: 614

للتواصل معنا

FaceBook
تويتر Twitter
YouTube


Re: خطاب إستقالة ..ووداع (Re: عصام أحمد)

    ......
    Quote: وافتكر انو زول كتب استقاله باللغة الفوق دي .. اكيد لسه عندو كلام مفيد ماقالو
    ولا شنو ؟

    خدر ده مرّات بيتجلّى ياعصام ياخ..
    ......
                   |Articles |News |مقالات |بيانات

15-06-2006, 03:36 AM

فيصل نوبي
<aفيصل نوبي
تاريخ التسجيل: 16-09-2005
مجموع المشاركات: 14194

للتواصل معنا

FaceBook
تويتر Twitter
YouTube


Re: خطاب إستقالة ..ووداع (Re: الفاتح وديدي)

    استقالة مرفوضة.................. نهائيا.
                   |Articles |News |مقالات |بيانات

15-06-2006, 06:19 AM

Ahmed Daoud
<aAhmed Daoud
تاريخ التسجيل: 30-01-2004
مجموع المشاركات: 755

للتواصل معنا

FaceBook
تويتر Twitter
YouTube


Re: خطاب إستقالة ..ووداع (Re: الفاتح وديدي) (Re: عصام أحمد)

    الاخ عصام

    لم اتداخل معك يوما ولكننى اقرأ كل بوستاتك
    ارجو ان تراجع قرار الاستقالة .............
    وكما يقول عرب الخليج ( توو الناس )

    خالص ودى .

    احمد داود
                   |Articles |News |مقالات |بيانات

15-06-2006, 06:45 AM

كوليل

تاريخ التسجيل: 26-11-2002
مجموع المشاركات: 0

للتواصل معنا

FaceBook
تويتر Twitter
YouTube


Re: خطاب إستقالة ..ووداع (Re: عصام أحمد)


    مرفوووووووووووووووووووووووووووض

    ولا اجيك بالسكة احسن
                   |Articles |News |مقالات |بيانات

16-06-2006, 00:24 AM

غادة عبدالعزيز خالد
<aغادة عبدالعزيز خالد
تاريخ التسجيل: 26-10-2004
مجموع المشاركات: 4806

للتواصل معنا

FaceBook
تويتر Twitter
YouTube


Re: خطاب إستقالة ..ووداع (Re: كوليل)

    يا جماعة

    عصام دو ما جة؟؟
                   |Articles |News |مقالات |بيانات

16-06-2006, 01:25 AM

عوض الله الفولانى
<aعوض الله الفولانى
تاريخ التسجيل: 04-09-2003
مجموع المشاركات: 850

للتواصل معنا

FaceBook
تويتر Twitter
YouTube


Re: خطاب إستقالة ..ووداع (Re: غادة عبدالعزيز خالد)

    ألأستـاذ / عصـــام

    سلامات

    بلاش تفارق خليك هنا خليك

    اها الفنانة دى بتقول ليك بلاش تفارق

    طيب الناس ديل كلهم ما ليهم خاطر عندك

    عشان خاطر الفنانة

    ياخى انت زول رائع جدا رايح وين تخلينا؟؟

    لفولانى
                   |Articles |News |مقالات |بيانات

16-06-2006, 03:08 AM

unixo


للتواصل معنا

FaceBook
تويتر Twitter
YouTube


Re: خطاب إستقالة ..ووداع (Re: عصام أحمد)

    الاخ عصـام
    رغم انني لم ارحب بك لحظة قدومك لوجودي خارج البورد لفترة طويلة
    الا انني فرحت جدا بأسهاماتك القيمـة.
    ترجمة مزرعة الحيوان اعجبتني .. كنت اتمني ان اكتب دراسة نقدية
    عن تلز الترجمة لكي تعم الفائدة.
    وجودك مهم وضروري
    العن الشيطان يا أخوي.

    يا حاجة دومــا و تماضــر .. سـلام
                   |Articles |News |مقالات |بيانات

16-06-2006, 03:40 AM

shazaly gafar
<ashazaly gafar
تاريخ التسجيل: 12-12-2004
مجموع المشاركات: 1604

للتواصل معنا

FaceBook
تويتر Twitter
YouTube


Re: خطاب إستقالة ..ووداع (Re: unixo)


    ينتابنى احســـاس بالأسى كلما رأيتُ ورقةً تسقط ..

    أخى عصــأم

    لا تقاطع بل دعِ الحبلَ موصولاً .. وامتطى الصبرَ جواداً ..

    فالرحلةُ شاقَّة والطريق طـــــويل .. ولا بدَّ من الوصـــول ..

    احترامى

    شاذلى
                   |Articles |News |مقالات |بيانات

16-06-2006, 09:24 AM

Tragie Mustafa
<aTragie Mustafa
تاريخ التسجيل: 29-03-2005
مجموع المشاركات: 49964

للتواصل معنا

FaceBook
تويتر Twitter
YouTube


Re: خطاب إستقالة ..ووداع (Re: shazaly gafar)


    عصام الفاضل

    يا اخي انت وين ماشي ولو مشيت انت المفروض يقعد منو؟؟؟؟

    كفايه صورة بروفايلك بتورينا انت منو؟؟؟؟؟

    وولدك الفي صوره ده كنا بنحلم سوى نجيب ليه قميص وبنطلون

    وشنطة مدرسه وكتب وكرسات واللوان ولعب حلوه,ويأكل وجبات

    صحيه ويلقى الدواء البيخفف وجعوا لو مرض!!!

    وبالعون الزاتي نبدأ نبني ليه فصول ومدراس ونوادي عشان يتعلم كورة وباسكت بول

    ومساكن شعبيه بسيطه فيها ماسوره بتجيب مويه نظيفه وشبابيك تحميه من الباعوضه

    وكنت بحلم وبحلم كل ما اشوف صورته في مداخله لك ووجودك هو الكان بيزكرني انه

    في ناس بتشاركني الحلم الجميل ديه...

    تقوم تقول ماشي!!!

    خلاص ماشي وين ورينا عشان نمشي معاك؟؟؟؟

    ومنتظرنك

    دي قرفه بتحصل كثير في الاول

    لكن بترجع تتعود....

    وتقاوم وتعرف تلقى ناسك وحبانك واخوانك وبوستاتهم وين...

    وتتعلم ترى القبح وتتجنبه وتفتش للبيفرحك,وتقعد معه

    او تصنع حاجاتك براك زي بوستاتك المميزه وزي ماقالت لك بت حاتم

    طيارتك دي خليتها معلقه ليه....

    اوع تكون ققرت تقفز انت من طيارة سودانيز اونلاين؟؟؟؟

    يا أخي دي تكون عوجه كبيره خلاص....

    غايتو انت فتحت الباب وقررت ترمي روحك..لكن ناس الطياره ديل كلهم ماسكين فيك

    الناس الفي البوست ده للآن ماسكين فيك...

    معقول بس ...(الهواء)..ده يكون اقوى مننا كلنا.

    تراجي.
                   |Articles |News |مقالات |بيانات

16-06-2006, 12:45 PM

Osman Malik

تاريخ التسجيل: 27-04-2005
مجموع المشاركات: 277

للتواصل معنا

FaceBook
تويتر Twitter
YouTube


Re: خطاب إستقالة ..ووداع (Re: عصام أحمد)

    اتفهم تماما رغبتك في مغادرة هذا المكان, فكثيرا ما يصيبني الغثيان عند رؤية بوستات المهاترة و التنابذ.
    هون عليك, و اختار مايروقك من المواضيع ودع الغث لمجيديه.
                   |Articles |News |مقالات |بيانات

16-06-2006, 01:24 PM

Firdouse


للتواصل معنا

FaceBook
تويتر Twitter
YouTube


Re: خطاب إستقالة ..ووداع (Re: Osman Malik)



    Isam,

    Stoop to the wind let it go, then stand tall. You may take a break; but you may not jump (grar jomhory signed by Tumadir and supported by the rest of us) from the airplane even if you are very timorous to be dumped first (smiling face). Your pen is one of the few that I enjoy reading and your posts are extraordinary. So please don’t dismay us and stay.
    It must have been conclusive to make such a decision, but may you reconsider it? We hope you do.

    Regards,

    Firdouse



                   |Articles |News |مقالات |بيانات

16-06-2006, 09:42 PM

عصام أحمد

تاريخ التسجيل: 09-05-2006
مجموع المشاركات: 3848

للتواصل معنا

FaceBook
تويتر Twitter
YouTube


Re: خطاب إستقالة ..ووداع (Re: عصام أحمد)

    شكرا لكم جميعا علي هذه المشاعر النبيلة للذين أضاعوا جزءا من وقتهم الثمين وللذين لم ينتبهوا أيضا لما كتبته أول أمس. وحقيقة الأمر أنني لم أكن أظن أنني أحمل هذه المساحة بينكم (ليس الا لحداثة عهدي كما زكرت)
    ولكن ما فؤجئت به أيضا ذلك الكم من الرسائل في الإيميل والتي تحثني علي عدم الرحيل وهي من داخل الحوش ومن خارجه فلهم ولكم مني خالص الود والحب.

    وربما إستوقفتني كلماتكم كثيرا ولكن أهم ما أستوقفني هو عبارة - هذا الباسوورد ليس ملكا لك وحدك!!

    وفعلا هو ملك لأناس كثيرون غيري..يحتاجونه بشده ..إن لم يكن اليوم فغدا ويجب أن لا أرميه علي الأقل كصوت لمن لا صوت له . يوصله متي ما شاء وفي أي وقت.



    Quote:

    سودانيزاونلاين مجتمع سوداني كامل يجب انكـ تكتب افكاركـ و احاسيسكـ عشان تقدر علي الاقل
    تخلي الناس ديل يستفيدو من الباسوورد بتاعكـ الداير تلحقو امات طه ده
    وافتكر انو زول كتب استقاله باللغة الفوق دي .. اكيد لسه عندو كلام مفيد ماقالو
    ولا شنو ؟


    خدر الف شكر وتقدير

    فعلا لدي الكثير الذي لم أقله بعد ..وكلامك صاح ..وشكرا لك علي تمسكك بي وعلي نصحك المفيد جدا الذي غاب عني لحظتها.



    Quote:
    غايتو لو في اي طريقه انك تجئ ما تنقطع مرات مرات ادينا طله مع انه انا من قناعاتي انه ادمان البورد لي زول عنده شغل ولا دراسه بخرب عليه الا ارباب المعاشات والناس الهمها فوق غيرها الا زول عنده معايشوا في ايدوا والله البورد يبهدل حاله


    دومة لك كل شكر وتقدير

    هي زهجة غريبة كده لمت فيني وبي أسبابها والموضوع ما بعيد من هنا لكن ما بنقطع حتما ما مشغول ولا حاجة. وأفوتكم أمشي وين؟



    Quote:

    رغم اننى شخصيا سافتقدك سيدى ولكنى انحاز لارادتك ...
    وأرجو ان تأخذ وقتك عزيزى الفاضل وتعود الينا محملا بالاشواق والمعارف والمعلومات...

    يديك العافية


    قرشو لك مني كل شكر وتقدير

    وأنا أيضا كنت سأفتقدك يا صديقي وهي زهجة وعدت أو فكت بي مشاعركم الجميلة دي.




    Quote:

    الاخ عصام

    تعرف,
    لاول مرة ارى بوست الأطفال
    و بما انو هاشم
    كان مساهر
    ففتحتة
    و كنا نقرأ فية
    و فرح بصور الحيوانات
    و طلب حتى الذهاب
    الى حديقة الحيوان
    (احيييييى, كلو منك حسة )

    اتمنى ان تعدل عن قرارك
    و لنا ان نحترمة
    مهما كان




    غادة عبد العزيز خالد لك مني كل شكر وتقدير

    وحقا فرحت بأن هاشم أظلع علي حيوانات حديقة الحيوانات
    ويا حليل حديقة الحيوان الفي السودان ..شلعوها ويقت هسه موزعة بين الحدائق والخرطوم اتنين حديقة القرشي للأطفال..لكن كانت جنينة حلوة. تحياتي للمناضل الصغير هاشم والأسرة الكريمة.



    Quote:

    عصام اخوي

    المنابر دي عايزة صبر

    ارجوك استمر معانا

    واكيد انك حتندمج مع العالم دي

    بس مد للصبر شوية

    قرجة لك مني كل إحترام وتقدير وشكرا جزيلا لك

    والله أكتر مرة أضحك كده هنا! لما شفتك شايل قرجتك دي وبقرأ في كلامك اللذيذ ده..وكلامك صاح والحكاية عاوزة صبر شديد.

    ورجائك لن يضيع هدرا يا صاحبي.
    وشكرا لك من كل قلبي.

    Quote:


    السودان يحتضر فعلينا ان نكون حوله, ان لم يكن في ارضه,, ففي هذا الوطن الصغير.

    كن معنا دوماو لا تذهب.


    لك كل الود



    رشا حاتم
    لك مني كل إحترام وتقدير
    وشكرا لك علي هذا التنبيه والذي ربما لم يخطر علي بالي لحظتها.

    وكما قلت فلن يموت طالما نحن بجانبه وإن لم نكن بإرضه فهنا الآن علي الأقل.


    Quote:


    الاستقالة دى سيبك منها وقول ياهادى

    مع خالص تحياتى ومودتى



    شرف الدين آدم إسماعيل

    لك مني كل إحترام وتقدير وشكرا جزيلا لك

    أها يا هـــادي..



    Quote:
    Tumadir

    ما تمشى!!!

    دى اوامر..

    "حكم الضعيف على القوى"...

    طيب؟



    تماضر
    لك مني كل إحترام وتقدير وشكرا جزيلا لك

    طيب كويس..حكم الضعيف علي القوي بيمشي.


    Quote:



    ان تبقي ..
    اخي عصام ..
    علي الاقل كصوت لاؤلئك الذين لا يستطيعون ايصال اصواتهم





    محمدين محمد اسحق لك مني كل احترام وتقدير و شكرا جزيلا لك

    أتمني ذلك وسأعمل من أجله هنا من هذا المنبر.

    Quote:

    ما كنت كويس مالك والحصل شنو ؟بنحبك خليك معانا وجنبنا



    النسر لك مني كل أحترام وتقدير وشكرا جزيلا لك

    وأنا ذاتي حبيتكم بالجد ولو ما حبيتكم أكون ما عصام.. لأنكم أهلي ومين فينا ما بيحب أهلوا.!!مين؟




    Quote:


    تانياً لو استقلت حاتفك الولد الأغبش الفي الصورة ده
    في الفرقة..
    طلب خاص ، خليك في البورد






    Nasruddin Al Basheer لك مني كل أحترام وتقدير وشكرا جزيلا لك

    والله الولد ده هو بعدكم سبب رئيسي لعودتي هنا ..ده السودان باكر منتظروا.
    وطلبك يا سيدي علي العين والراس.


    Quote:

    خدر ده مرّات بيتجلّى ياعصام ياخ



    الفاتح وديدي لك مني كل أحترام وتقدير وشكرا جزيلا لك

    زي ماقلت لكن مــا مرات ..دايما.

    Quote:
    استقالة مرفوضة.................. نهائيا


    فيصل نوبي
    لك مني كل أحترام وتقدير وشكرا جزيلا لك

    نهائيا!!!!(اليد فوق الرأس )

    Quote:
    لم اتداخل معك يوما ولكننى اقرأ كل بوستاتك
    ارجو ان تراجع قرار الاستقالة .............



    Ahmed Daoud

    لك مني كل أحترام وتقدير وشكرا جزيلا لك

    وكما طلبت فقد راجعته ...كما أحب أن أشكرك علي مرورك علي بوستاتي .

    Quote:
    مرفوووووووووووووووووووووووووووض

    كوليل

    لك مني كل أحترام وتقدير وشكرا جزيلا لك


    عديييييييييييييييييييييييييييييييييييييل كده!!!

    Quote:


    طيب الناس ديل كلهم ما ليهم خاطر عندك

    عشان خاطر الفنانة

    ياخى انت زول رائع جدا رايح وين تخلينا؟؟

    لفولانى



    عوض الله الفولانى
    لك مني كل أحترام وتقدير وشكرا جزيلا لك

    إنت الأروع يا صاحبي..وأنا زاتي ما عارف كنت ماشي وين؟؟!!!

    لكن هسه جيت راجع.

    Quote:
    وجودك مهم وضروري
    العن الشيطان يا أخوي


    unixo

    لك مني كل أحترام وتقدير وشكرا جزيلا لك

    خلاص لعنته ..

    Quote:


    أخى عصــأم

    لا تقاطع بل دعِ الحبلَ موصولاً .. وامتطى الصبرَ جواداً ..

    فالرحلةُ شاقَّة والطريق طـــــويل .. ولا بدَّ من الوصـــول ..

    احترامى

    شاذلى


    shazaly gafar

    لك مني كل أحترام وتقدير وشكرا جزيلا لك

    فعلا كما زكرت فالحكاية عاوزة صبر ..وكما زكرت لابد من الوصول وإن طـــال السفر.





    Quote:


    غايتو انت فتحت الباب وقررت ترمي روحك..لكن ناس الطياره ديل كلهم ماسكين فيك

    الناس الفي البوست ده للآن ماسكين فيك...

    معقول بس ...(الهواء)..ده يكون اقوى مننا كلنا.

    تراجي.






    Tragie Mustafa
    لك مني كل أحترام وتقدير وشكرا جزيلا لك


    غير معقول طبعا الهواء يكون أقوي منكم وها أنتم هنا
    ومن خارج البورد بقوتكم تقهرون الريح و تعيدونني من جديد
    الي داخل الطائرة.




    Quote:
    اختار مايروقك من المواضيع ودع الغث لمجيديه


    Osman Malik
    لك مني كل أحترام وتقدير وشكرا جزيلا لك

    كما زكرت أخي فهذا هو عين العقل.




    Quote:


    It must have been conclusive to make such a decision,
    but may you reconsider it? We hope you do.
    Regards


    Firdouse
    لك مني كل أحترام وتقدير وشكرا جزيلا لك

    فعلا فقدت أعدت النظر فيما زكرت.




    وأخيرا أعتزر عن كل ما سببته لكم من إزعاج ..
    وسنواصل بقوة وشكلي حا أركب (حجارة بطارية جديدة

    نايل بور قالوا قوية .. والود ده في إيميل وصلني قالي لي لبسوا قميص أو بدلة
    وكرفتة

    وصلتني تعليقات كتيرة عن فنيلتوا المقطعة دي.. رأيكم شنو؟


    ت ح ي ا ت ي
                   |Articles |News |مقالات |بيانات

16-06-2006, 09:48 PM

bob
<abob
تاريخ التسجيل: 03-03-2002
مجموع المشاركات: 3353

للتواصل معنا

FaceBook
تويتر Twitter
YouTube


Re: خطاب إستقالة ..ووداع (Re: عصام أحمد)

    الاخ/ عصــام

    بالجد كدا انا ما بحب اقول لزول اقعد ولا امشى بس مرات بخت نفسى فى موقفك ده ..وحقيقه مريت بموقف ذى ده ولا زلت مارا ..بس منتظر يعنى ذى انك منتظر ملك الموت اقول ليك خلاص شلته روحك من sudaneseonline..

    بس اتمنى ليك التوفيق فيما تتفق فيه معا نفسك

    قفــله بــس (فى مـانـع)

    Regards/
    bob
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de