|
|
 تفاصيل قصة الساحرة الطائرة بالمدينة المنورة ( توجد صور ) ..
|
قبل قراءة التفاصيل و مشاهدة الصور الجابتكم هنا أسمعوا القصة الظريفة دي ..
مرة حكى لي واحد صاحبي سعودي من ناس مكة إنو كان عندو صاحبو نيجيري مولود و متربي و عايش في مكة المكرمة و ما بيعرف عن نيجيريا إلا الرطانة الإتعلمها من أمه و أبوه الله يرحمهم .. أهة الزول النيجيري دا يوم كدا قام إتشاكل ليهو مع واحد سعودي ودقاهو دقة ريحة .. فقاموا دخلوه السجن و بعد ما كمل مدتو جا قرار انو يترحل لبلده نيجيريا اللي عمرو ما شافو و ما بيعرف عنه التقطعو ..
اهة الزول المسكين لما وصل نيجيريا لقى نفسو ضهب و داقس و ما عارف راسو من قعرو .. و بعدين لا جواز لا جنسية لا أي حاااجة و مافي أي طريقة عشان يلقى ليهو تأشيرة ترجعوا لمكة لأنو دخوله محظور و لأنو ما كان في موسم عمرة و لا حج ..
المهم صاحبنا راسو إتقطع خلاااس و غلبو اليسويهو و حالتو بقت تحنن العدو .. يوم كدا كان قاعد في الشارع مهموم قام جاهو واحد عجوز كدا قال مشكلتك شنو يا ولدي .. قاليهو و الله يا حاج مشكلتي عايز أرجع مكة بأي طريقة لأنو أهلي كلهم هناك و ما عندي زول هنا و لا بعرف لي حتة أمشي ليها هنا و ما عندي جواز و لا تأشيرة .. عمك العجوز قاليهو كان دي مشكلتك بسيييطة كدي قوم تعال معاي .
أهة عمك ساق ليك الزول وداهو ليك لي واحد عمك تاني أكبر من أي حاجة .ز عمك التني دا كان شيخ وفكي كارب و سرو باتع من النوع البوريك نتيجة الكورة في الطشت داك قبل ما تبدأ .. أهة قام الولد بعد حكي مشكلتو للفكي .. الفكي برضو قال ليهو .. مافي مشكلة إن شاء الله بسييييطة ..
أهة قام الفكي شال ليك صينية فاضية كدا و فناها في الهوا فنننن .. الصينية وقفت في الهوا فوق مستوى راس الولد يعني صينية طائرة ..
بعد كدا عمك قال للولد بالهوساوي ..
تا شي كا هو سما ونا ..يعني بالعربي ( تعال أركب في الصينية دي ) طبعاً عشان الصينية توديهو مكة ..
أهة الولد لمن شاف بعينو و سمع بأضانو .. قام قال .. كااااااااااي ( يعني لا لا لا ) .. و قام جرى الجرية الياها .. و بقى جاري لحدي موسم العمرة فتح و طلع ليهو جواز بإسم تاني و أخد تأشيرة و جا مكة و حكى الحكاية دي لصاحبي و صاحبي حكاها لي و أنا حكيتها ليكم.. كان صاح كان كضب ما بعرفا ..
يلا إنتو كدي أقروا الموضوع دا و شوف الصور دي .. و بعدين قولوا رأيكم شنو ..
http://www.okaz.com.sa/okaz/osf/20060608/Cat200606084026.htm
كااااااااي .. ما بصدق ..
|
|
 
|
|
|
|
|
|
|
|
Re: تفاصيل قصة الساحرة الطائرة بالمدينة المنورة ( توجد صور ) .. (Re: عصام دهب)
|
حبيبنا ود دهب
والله يادوب صدَقت الشغلة دي
من الطابق الثاني الى الرابع كمان .... وليس العكس
بالله شوف الشيطان ده بشيل بلوة قدر دي ويطير بيها
طيب ما كان يركَبها في صينية ويطير بيها لنيجيريا ويريَح خلق الله دي
الشيطان الملعون قال لربنا ماحيركع لابن أدم عشان خلقهم من طين
شوف (الطين) العريان ده بقى تقيل عليهو شيلو كيف
| |
|
|
|
|
|
|
|
|
|
Re: تفاصيل قصة الساحرة الطائرة بالمدينة المنورة ( توجد صور ) .. (Re: حيدر حسن ميرغني)
|
حبيبنا الرائع / حنين
تحياتي ليك و لأشبال التاميل .. و صلاح الأمين كمان
| Quote: بالله شوف الشيطان ده بشيل بلوة قدر دي ويطير بيها |
خلي بالك يا حنين دا شيطان ضراني خلااس .. تكون الحجة إتغاتت ليهو في حاجة قال خليني أركبها ليك التونسية .. أهة بدل ما يطيرها بعيد من ناس الهيئة .. قام من حسادتو رماها ليك في بيت الجيران وسط الأولاد المساكين النايمين ديل .. و رماها ليهم عريااانه كمان .. بس عشان الأولاد شاطرين و ما قليلين أدبين .. ما غنجوا بيها .. قاموا كوركو لحدي ما الشيطان شتت و خلاها براها و بعدين جو المطاوعة مسكوها ..
| Quote: طيب ما كان يركَبها في صينية ويطير بيها لنيجيريا ويريَح خلق الله دي |
شكلها الصينية ديك شاغلها one way يعني نيجيريا مكة و ما في بالعكس .. عشان كدا تكون ما لقت ليها طريقة حجز .. مسكينة ..
| Quote: شوف (الطين) العريان ده بقى تقيل عليهو شيلو كيف |
أشوف الله و الرسول ؟؟
تحياتي يا حنين و لكل من معك ..
| |
|
|
|
|
|
|
|
|
|
Re: تفاصيل قصة الساحرة الطائرة بالمدينة المنورة ( توجد صور ) .. (Re: عصام دهب)
|
الأستاذ عصام دهب
لك التحية
طالما الدنيا خميس والزرقاوى مكتول خلينا نتونس
اها يا سيدى يحكى لى احدهم والعهدة عليه بانه كان فى سودانى فى افريقيا الوسطى حالته بالبلاء برضو لقى ليك عمك عجوز وقدم ليه مساعدة ...
العجوز قال للسودانى عاوز شنو يا ولدى ...
السودانى قال ليه والله ما عاوز حاجة غير امشى العمرة لكن المسالة صعبة زى ما عارف
العجوز قال ليه لا صعبه ولا حاجة تعال معاى
ساقه لى بيته قعده وجاب ليه موية بعد ما شرب العجوز دخل يده تحت المخده طلع جواز سفر سودانى باسم وصورة الراجل وعليه تأشيرة دخول للعمرة وخروج من افريقيا الوسطى ...
الرجل جاء السعودية وحكى لمن حكى لى مباشرة
أها رأيك شنو ؟؟؟
ولا احكى ليك حكاية الفلاتى والترحيل فى جدة ؟؟؟
أظنك عارفها
| |
|
|
|
|
|
|
|
|
|
Re: تفاصيل قصة الساحرة الطائرة بالمدينة المنورة ( توجد صور ) .. (Re: قرشـــو)
|
العمدة الفاضل / قرشو
تحياتي لك ..
قلت لي ..
| Quote: العجوز دخل يده تحت المخده طلع جواز سفر سودانى باسم وصورة الراجل وعليه تأشيرة دخول للعمرة وخروج من افريقيا الوسطى ... |
ياخي دا فكي و لا قنصل ؟؟
لكن ختررري عديل كدا ..
أهة زي دا أنا البنفع معاي ..
بس أنت لمني فيهو و بعد داك أنا حأبكي ليهو كداا لمن يدخل يدو تحت المخدة و يطلع لي إعفاء نهائي من ضرائب المغتربين و الرسوم القنصلية الهدت حيلنا دي ..
| Quote: احكى ليك حكاية الفلاتى والترحيل فى جدة |
يا ريت تحكيها عشان نآمن ذاتو ..
تحياتي لك ..
| |
|
|
|
|
|
|
|
|
|
Re: تفاصيل قصة الساحرة الطائرة بالمدينة المنورة ( توجد صور ) .. (Re: عصام دهب)
|
عصام
لكن ماقلت لي الزولة الطايرة دي كانت بتسوَي في شنو هناك؟
انا عارف المطاوعة ديل حايودوها الاخرة بتهمة الطيران دي بس من غير النظر للاتهامات الاخرى
اخبار عدتها بتاعة الشغل شنو؟
لو في العدة في حاجة بتفك لينا تشفير القنوات الفضائية دي بالله ما نوصَيك عليهاأرسلها لينا
نحنا هنا ماعندنا مشكلة في المشاهدة المباشرة بس خرمانين للتعليق العربي
المحيَرني الزولة دي طارت عريانة ليه... تكون عاوزة (تغري) المطاوعة ديل؟
مرة إتحرقن بنات في مدرسة بمكة وهن لابسات ما خلَو واحد يصَور، ليه ما منعوا تصوير جسد عريان
المرة دي؟
معليش قلنا نهريك أسئلة لانك كمحامي متعود تصبر وتجاوب
ترعاك وأهلك السلامة
| |
|
|
|
|
|
|
|
|
|
Re: تفاصيل قصة الساحرة الطائرة بالمدينة المنورة ( توجد صور ) .. (Re: حيدر حسن ميرغني)
|
حنين
| Quote: لكن ماقلت لي الزولة الطايرة دي كانت بتسوَي في شنو هناك؟ |
ما بعرفت يا حيدر .. يمكن تكون بتسوي في أكروبات !!
Quote: انا عارف المطاوعة ديل حايودوها الاخرة بتهمة الطيران دي بس من غير النظر للاتهامات الاخرى
اخبار عدتها بتاعة الشغل شنو؟ |
طيب هم المطاوعة ديل لما ما بيعرفوا يطيروا زيها الهناية الليهم شنو ؟؟
| Quote: لو في العدة في حاجة بتفك لينا تشفير القنوات الفضائية دي بالله ما نوصَيك عليهاأرسلها لينا |
العدة فيها ديك يا حيدر ..
| Quote: نحنا هنا ماعندنا مشكلة في المشاهدة المباشرة بس خرمانين للتعليق العربي |
و نحنا هنا مكجنين أي شئ من الإنتو خرمانين ليهو دا ؟؟
| Quote: المحيَرني الزولة دي طارت عريانة ليه... تكون عاوزة (تغري) المطاوعة ديل؟ |
و المحيرني أكتر أنها ركت في الدور الفوق ليه ما كان تطير و ترك ليها في شدرة مثلاً ..
تسلم و كل من معك ..
| |
|
|
|
|
|
|
|
|
|
Re: تفاصيل قصة الساحرة الطائرة بالمدينة المنورة ( توجد صور ) .. (Re: عصام دهب)
|
الأستاذ عصام دهب
لك التحية والاحترام
عفوا سيدى ان تكرر الرد مرات كثيرة فقد كان السيرفر فى اسوأ حالاته وقام كمل لينا الباندوث وطبعا اليوم الاحد فقط اتصلح وبقى زى الناس وشفت الردود الكثيرة دى ... معذرة سيدى ...
تعرف يا سيدى حكاية زول جدة اغرب من الخيال...
واحد نيجيرى فى الترحيل لمخالفته لنظام الاقامة
فى يوم قال للعسكرى الحارس ياخى انا ماشى عمرة عشان مسافر نيجيريا
العسكرى استخف به وقال ليه انت فاكر نفسك فى فندق ولا ايه ؟؟؟
اها صاحبنا مسك ليه فحمه وبقى يرسم باخره على جدار العنبر
وبعد خلص الرسم بتاع الباخرة
الراجل طرح فكرته على زملاء العنبر قائلا : يا جماعة انا بكره ماشى بالباخرة دى ومارق من عنبركم ده
العاوز يمشى معاى منو ؟؟؟
طبعا الجماعة قالوا الراجل سلوكو ضربت وبقى يخرف
لكن فى سودانى قرفان وقافله معاه قال ليه انا بمشى معاك ...
المفاجأة انه فى اليوم التالى لم يوجد النيجرى ولا السودانى فى عنبر الترحيل
ولكن كيف خرجوا هذا ما يحير الشرطة حتى الان .....
شفت الجماعة ديل خطرين كيف يا استاذ ؟؟؟؟
يديك العافية
| |
|
|
|
|
|
|
|
|
|
Re: تفاصيل قصة الساحرة الطائرة بالمدينة المنورة ( توجد صور ) .. (Re: قرشـــو)
|
العمدة / قرشو
تحياتي لك
Quote: المفاجأة انه فى اليوم التالى لم يوجد النيجرى ولا السودانى فى عنبر الترحيل
ولكن كيف خرجوا هذا ما يحير الشرطة حتى الان ..... |
و دا الكلام المحيرني أنا ذاتي !!
هناك أشياء خارقة لا يمكن تصديقها حتى و إن حدثت معك شخصياً و إليك هذه القصة التي حدثت معي و شهد عليها مجموعة من الناس بينهم إثنان من أصدقائي موجودين معنا حالياً في جدة ..
في الأبيض يوجد شخص ذو قدرات خارقة إسمه ( يوسف كوموري ) و يتحدث عنه الناس و عن قدراته الخارقة التي لا يمكن تصديقها إلا برؤيتها عياناً بياناً .. و لأنني لا أقتنع بمثل هذه الحكايات فقد دعاني صديقي / علي قنيو ـ و كان ذلك في نهاية عام 1990م ـ لأن أتناول معهم وجبة الفطور في دكانهم بسوق الأبيض الغربي ( عمارة فندق بانجديد أنترناشونال ).. بعد الفطور حضر يوسف كوموري و كان في حالة سكر ( جهاراً نهارا ) .. طلب منه بعض الإخوة أن يقدم عرضاً لبعض قدراته الخارقة فتمنع أولاً ثم إستجاب بعد إلحاح .. و أمامي قام بسحب أوراق كانت موجودة في درج المكتب الخاص بالمحل ـ حسب زعم أصحاب الدكان ـ و أخرجها لنا من جيبه .. و من ثم قام بطحن حبة فلفل أخضر ( شطة ) و غطاها بجك الموية .. و رفع ( الجك ) فكان تحته ورقة من فئة العشرين جنيه .. لم أصدق ما حدث أمامي و أعتبرته مجرد ألاعيب حاوي خفيف اليد .. و بكل تهكم قلت له ( شاطر !! ) .. أحد من الإخوة الموجودين و إسمه الطاهر ربما أراد إقناعي بقدرات يوسف الخارقة عن طريق البيان بالعمل فخاطب يوسف ( أخونا عصام دا مسافر مصر بيقرأ هناك و هسع دي ما عندو قروش مصرية عشان يركب بيها تكسي من المطار عايزنك تساعدو ) يوسف و دون أن يرفع رأسه ( المدنقر ) خاطبني بقوله ( عايز كم ) .. و بكل تحدي أجبته ( ما عايز أتعبك و أتعب الناس المعاك عايز جنيه مصري واحد بس ) و بكل ثقة ناولني يوسف ( جك الموية الفاضي ) و طلب مني أن أضعه على الوضع المقلوب في التربيزة بعد أن تأكدت من عدم وجود شئ بداخله .. فعلت ذلك .. فصمت يوسف لفترة و جيزة جداً ثم طلب مني أن أرفع الجك و حين فعلت كنت حقيقة ما بين مصدق و مكذب و مندهش و مرتجف و كل ما يخطر على بالك لأنني و يشهد الله على ما أقول وجدت ورقة عملة من فئة الجنيه المصري الما بغباهو .. تخيل !! .. حينها تركت الدكان و الجنيه المصري الذي أحضره يوسف الذي لم يغادر الأبيض في حياته قط كما علمت و ربما لا يعرف حتى ما هي عاصمة مصر .. و لم أعد مطلقاً لذلك الدكان حتى سافرت و لم أقابل يوسف كوموري حتى الآن ..
و تخيل أمس كنا أنا و صديقي علي قنيو و إبن خالتي إبراهيم في منزل صديقنا الشاعر / الطيب برير ، و حكى علي قنيو للطيب هذه الحكاية التي كان شاهد عليهابكل تفاصيلها .. فذكرني بها و رأيت أن أحكيها لك و للقراء .. فتخيلوا و تحيروا مثلي و هاتو ما لديكم ..!!
| |
|
|
|
|
|
|
|
|
|
Re: تفاصيل قصة الساحرة الطائرة بالمدينة المنورة ( توجد صور ) .. (Re: عصام دهب)
|
الأستاذ عصام دهب
لك التحية
اصدق طبعا حكاية الجنية المصرى
فى اوائل الثمانينات كان هنالك شخص يدعى "أبكر قروش" فى العباسية
وحاج أبكر ده حكايته غريبه اذ تطلب منه اى قروش ما عليه سوى ان يمد يده لاقرب شجرة ويتناول القروش ويسلمها لك فورا ولك مطلق التصرف بها ...
لست ادرى هل هنالك خدام من الشياطين يستجيبون لهؤلاء فورا ويقدموا لهم ما يريدون ام ماذا؟؟؟
الحكاوى كثيرة وان استرسلنا فيها فسيعتقد البعض اننا ننجر لهم من راسنا ولكنها حقائق والله
ويبقى السر لدى اولئك الناس
مع كل الود
| |
|
|
|
|
|
|
| |
عصام دهب
حيدر حسن ميرغني
قرشـــو
فيس بوك
تويتر
انستقرام
يوتيوب
بنتيريست