|
|
 حدث في يوم أمس الأحد
|
الرئيس عمر حسن أحمد البشير في إجتماع مجلس الوزراء الراجل كان كاجوال خالص لكين ما فات على سيادته أن كم القميص الكاروهات بالرغم من إنو نص كم إلا أنه كان خارج كم السفاري يعني متسلل عديل وبكلام ناس المغرب العربي شرود وبي كلام شماسة زمان الساعة مقدمه عند سيادته. فهل سيادته ما عندو واحد يقول ليهو يا رئيس كم قميصك بره.
السيد/ مسار مستشار رئيس الجمهورية وهو قاعد في إجتماع جاهو مسكول على الهواء مباشرة الدنيا دي كلها إتفرجت فيو أها ده يقولو فيهو شنو يا جماعة .
أى حفل خطابي يدوك أربعة مكرفونات لو بقيت سبت دودو – متعه الله بالصحة والعافية – ما تقدرتمسكها بي إيديك الإثنين يا جماعة في إختراع إسمو الإستاند وما لازم يكون بلمع يعني أي ستاند والسلام لأنو الرئيس يمسك ليكم العكاز ولا المكرفونات ولا يكبر ليكم ولا النار ولعت.
التلفزيون بائس يا جماعة بوس شديد ، كمال حامد عندو إستديو تقول عاملو براهو لو إستضاف فيهو تلاته أشخاص يكونو زي القاعدين ليهم في عنقريب من شدة الزحمة. الإضاءة عامة حدث ولا حرج ، الديكور حتى على مستوى إجتماعات مجلس الوزرء ولقاءات كبار المسئولين من الخير منتهي البؤس وكراسي الجلوس الكبيرة وعبيطه تلقي الوزير متشتح فيها كانو قاعد في خور ويهز في كرعينو والألوان حدث ولا حرج.
|
|
 
|
|
|
|
|
|
|
|
Re: حدث في يوم أمس الأحد (Re: عمر الفاروق)
|
الفاروق أعمل شنو لكين يا مان ما عندي حل يا أعاين في التلفزيون يا أعاين من الشباك يا أجري وأجيهو راجع عشان كده فضلت أعاين في التلفزيون لأنو الجري دا ما حقي 
| |
|
|
|
|
|
|
|
|
|
Re: حدث في يوم أمس الأحد (Re: زول ساكت)
|
زول ساكت
زمان يا فرده قالوا لينا في المدرسة "لو" بتفتح عمل الشيطان ، ولأن الخواجات الشيطان الأكبر والميديم والإسمول كان لازم يتلاعبوا شوية بلفظ "لو" بلغتهم فأخترع الفرنجه إفاتهم الثلاث "If 1 , If 2 & If 3) والحمد لله الما وصلوها أربعه وقالوا واحدة ممكن حدوثها وهي كما جاء في الكثير من محلات التمباك ود عماري الجيد نمبر (1) وهي عبارتهم الشهيرة "لو ما فاطر ما تخاطر" والتانيه محتمل حدوثها "لو تمرد أهل العوض وعملوا جبهة الوافر ضراعو للحرية والديمقراطية لنالوا بعضاً من حقوقهم المفقودة ويمكن أن تكون المفاوضات في تيزي أوزو بالجزائر ونسميها إتفاقية تيزي أوزو ، والأخيرة لا يمكن حدوثها وهي متمثلة في توجهنا الحضاري دون تعليق وكل واحد يركب المثال العاوزو علي كيفيو
أها الكلام الما عندو معني ده سببو "وسببو دي بي كلام الحبش تؤدي نفس المعني بالعربية ، وأسأل الفنانة أستير" المهم إنت بدل لو قلت حا ، وحا دي لو أضفت ليها واو في النهاية حا تكون بريك أو فرامل للحمار أو حصان الكارو وحا الزمن ده ما بتفتح في كوتشينه حتى ، لكين أنا حا أحاول أقول ليك كلام كلو حاحات كلو
حاتفقع مرارتك لو واصلت في قرأة هذه التهريج
وحا أذبح خروف من الشريان إلى الشريان لو حكومتنا إستقالت مجتمعة أو منفردة
وحا أكون مبسوط جداًجداً لو تلفزيونا أصبح بثه أرضي وبس ومدة البث بقت خمسة ساعات عند اللزوم
وحا أعشي ليك أولاد الحلة كلهم وبوش كمان لو هناية تاني وقفت معاي جمب العمود
| |
|
|
|
|
|
|
|
|
|
Re: حدث في يوم أمس الأحد (Re: almulaomar)
|
على الجزيمه يامولانا حاحيتنا جنس محاحه
اما قولكم
| Quote: "لو تمرد أهل العوض وعملوا جبهة الوافر ضراعو للحرية والديمقراطية لنالوا بعضاً من حقوقهم المفقودة ويمكن أن تكون المفاوضات في تيزي أوزو بالجزائر ونسميها إتفاقية تيزي أوزو ، والأخيرة لا يمكن حدوثها وهي متمثلة في توجهنا الحضاري دون تعليق وكل واحد يركب المثال العاوزو علي كيفيو |
ففيه نظر
حيث ان اهل العوض رضي الله عنهم لاتجاورهم اي دوله اضف اىي ذلك انعدام الجبال والغابات
وحاجات تاني حامياني
| |
|
|
|
|
|
|
|
|
|
Re: حدث في يوم أمس الأحد (Re: almulaomar)
|
الملا عمر ..سلام
| Quote: فهل سيادته ما عندو واحد يقول ليهو يا رئيس كم قميصك بره. |
لا ارى غضاضة فى ان تكون هنالك لجنة تشرف على المظهر العام للرئيس ومستشاريه من ناحية الهندام وضبطه كذلك الأجهزة التى من حولهم ووضعها الصحيح وليس هناك حرج فى التوصية بقفل الموبايل طالما اقتضى الامر فما من كلام اهم من كلام الرئيس.
هذه اللجنة يجب تكوينها فوراً وتكليفها بهذه المهام وضرورة أدائها طوال فترة إجتماعات الرئيس حتى لو يدوهم over time
اما التلفزيون فيطول الحديث عنه ولما آل إليه حاله
بإختصار التلفزيون داير ليهو (نـفـضـة)
غصة فى الحلق
دمت ،،
| |
|
|
|
|
|
|
|
|
|
Re: حدث في يوم أمس الأحد (Re: بدرالدين شنا)
|
المتعة عمر سلامي وإحترامي
صغرت ليك الصورة شوية لو المقاس دا نفع معاك خت الماوس فوق ليهو وأعمل (رايت كلك) (كوبي) وأمش البروفايل وكبها من فوق الصورة القديمة وأعمل (جينج بروفايل) ... سمح؟؟؟
ولنا عودة للموضوع قلنا أول حاجة نصغر الصورة عشان البوست يستعدل
| |
|
|
|
|
|
|
|
|
|
Re: حدث في يوم أمس الأحد (Re: بدرالدين شنا)
|
أخي الرائع بدر الدين شنا
صغرني وأنا الكبر العلى شنو ، إنت ما سمعت الصغيرون الما كبير دي ما غنوها لي حبوبتي زمااااااااااااااااااااااان لمن كانت في الروضة المهم إنت قامة وإنت فنان لازم أمثالي يكونوا صغار قدامو وبعدين يا البدري يا أخوي أنا أصغر منك في كل شئ وإنت الكبير بتاعنا بس سألت بي الله ما تجهجه لي البشير وتطلع من الموضوع ولا ناس التلفزيون دافعين ليك يا فرده ، إنت فنان ونحن الجمهور خليك معانا التلفزيون ممكن أى وكيل رقيب يقود دبابه يخليهو خرابه على العليهو
| |
|
|
|
|
|
|
|
|
|
Re: حدث في يوم أمس الأحد (Re: عوض الله الفولانى)
|
أخي عوض الفولاني
| Quote: جماعة الفضائية السودانية هى المتنفس الوحيد لنا خاصة نحن اجبرتنا الظروف بأن نكون خارج حدود الوطن |
ماهو عشان كده أنا بقول يا ريت برامجها وناسها يكونوا بشبهوا باقي تلفزيونات العالم عشان على الأقل نتنفس هواء يعني ما ملوث.
اى وظيفة في الدنيا ليها وضعها ، ووجود إنسان أياً كان في جهاز مرئي للدنيا كلها لابد أن يكون وفق أسس وضوابط ، فتصور أى مسئول أو حتى مذيع أومذيع ربط يتم عمل مكياج ليهو وترتيب ملابسه ووضع الإضاءة ، بالله عليكم الله ما شفتو أخونا المذيع الزبير نايل لمن كان في تلفزيون أمدرمان كان عامل كيف ولمن شتت لي تلفزيون الجزيرة بقي كيف ولا أبو مدين الأبي كمال حامد يديهو فرقه كلو كلو في إستديو الفن بتاعو فقام الراجل بقي داك يا المذيع في قنوات راديو وتلفزيون العرب وكمال حامد لي هسع بي جلابيتو بتاعت باب شريف وأهو دي زاتها حكاية رب ضارة نافعة أو عسي أن تكرهوا شئياً وهو خير لكم. والأمور على هذا الأساس كثيرة ومسيخه. وحتى على المستوى الداخلي شوفو ناس قناة النيل الأزرق وطريقة تصوريهم وشوفوا ناس قريعتي راحت تلفزيون أمدرمان
بلد ما في أى علاقة بينها وبين فن الديكور مع إنو عندنا ناس والله بمستوى هوليوود لكين ما لاقين ليهم فرقه وده البزيد الهجرة لأنو الذي لا يملك شئ يأخذ كل شئ ، تصوروا واحد يحمل شهادة عليا من كلية عالمية ذائعة الصيت في هندسة الصوت يشيل ويقدم ويقولو ليهو حا نتصل بيك ولمن صوتو بح ما في واحد إتصل بيهو ، أخيراً واحد صاحبو قال ليهو والله في البلد دي إلا تعمل ليك تلفزيون أو إذاعة براك عشان تسمع صوتك أو تمارس هندسة الصوت بتاعتك دي
| |
|
|
|
|
|
|
|
|
|
Re: حدث في يوم أمس الأحد (Re: almulaomar)
|
الاخ الملا عمر
كلو كوم والرقيص بتع ناس الحكومة ده كوم تاني ، يعني البشير شرط عيناقدام الشعوب وهو بس متين يخلص خطابه والغنا يبدا عشان ينطط !! غايتو دي ما سبقهم عليها زول بالجد منظرهم ده مؤلم جدا للنظرQuote: .أى حفل خطابي يدوك أربعة مكرفونات لو بقيت سبت دودو – متعه الله بالصحة والعافية – ما تقدرتمسكها بي إيديك الإثنين يا جماعة في إختراع إسمو الإستاند وما لازم يكون بلمع يعني أي ستاند والسلام لأنو الرئيس يمسك ليكم العكاز ولا المكرفونات ولا يكبر ليكم ولا النار ولعت.
|
لكن ابدعت في دي
| |
|
|
|
|
|
|
| |
almulaomar
عمر الفاروق
زول ساكت
walid taha
بدرالدين شنا
banadieha
عوض الله الفولانى
طارق جبريل
فيس بوك
تويتر
انستقرام
يوتيوب
بنتيريست