|
|
|
 Re: أخطاء شائعة في سماع ونطق كلمات الاغاني السودانية (Re: garjah)
|
كنت أجلس مع أولاد الحلة في العتبة ,مرهقين بعد الرجوع من التمرين الكروي,كانت عقارب الزمن تشير إلي بداية الثمانينات.
وقف بهاء يغني ويشير بمعني الكلمات بيديه
وأنا آآآآآه أنا من عيونو الناعسات
يشير فيها بيديه إلي عينيه
ثم يواصل
وأنا آآآآه أنا من ضفايروا السادلات
وأشار هنا إلي ظفر* بنانه
عندها سالت دموع أولاد الحلة من الضحك الهستيري
..............................................................................
(عوضا عن ضفائر الشعر للموصوفه)*.
| |
 
|
|
|
|
|
|
|
 Re: أخطاء شائعة في سماع ونطق كلمات الاغاني السودانية (Re: newbie)
|
أحد أصدقائي كان يعزف على آلة الكمنجة في فرقة مصاحبة لفنان من فناني المندلين
قال لي الفنان كان أروش في إنتقاء الاغنيات ويرهقنا كثيرا في بعض المقاطع التي تحتاج (جكة)
بالكمنجة أو الجيتار لان صوته ما كان بيساعد في ملء الفراغ اللي بين مقاطع الاغنية
قال الفنان ده مغرم بأغنية (كان طلعت القمرة)
بعدين قبل ما يصل لـ( بسألوك مننا) كانوا (يلكزوه) لانو كان بينطقها (بسعلوك مننا)
| |
|
|
|
|
|
|
|
|
|
Re: أخطاء شائعة في سماع ونطق كلمات الاغاني السودانية (Re: garjah)
|
مرة سمعت واحد بيغني أغنية عشة الفلاتية
عني مالم صدوا وإتوارو
كدا
عني مالم صدوا مشوارم
وأغنية أحمد المصطفى
الدنيا تحلى .. صعابا سهلة .. بس روق واحلا
كدا
الدنيا تحلى .. صعابا سهلة .. مسروق وأحلا
وبرضو أغنية حيدر بورسودان
سحرني وسباني ساحر اسمراني
خلى ديارنا ودع
كدا
خلى ديار مودة
وكتير 
| |
|
|
|
|
|
|
|
|
|
Re: أخطاء شائعة في سماع ونطق كلمات الاغاني السودانية (Re: garjah)
|
قـرجة والشـباب،، سـلام، وشكـرا على المـوضوع الخـفيف الـظريف،،
الفنان، وهـو بالتأكـيد ليس الأسـتاذ وردي،، كان بغـني القمـر بوبا، لـكن غـلبو (يقـفلها).. فأصـبح يـردد (معـلـقاً): بوووبا عـليك تـقيل... بـوووبا عـليك تـقـيل..بوووبا.. ولما لم يجـد للقـفلة سـبيلا.. أشـار للفـرقة المصاحبة بكلتا يديه بعـلامة التوقـف هامسـاً: خـلاس خـلاس خـلاس!...
وعـلى ذكـر صاحـب يـونس عـيد يا قـرجة؛ فقـد حـدث عـندنا في الأبـيض، أيام زيارة بوش الكبير، وكان أيامها نائب ريغان، أبان زيارته لمعـسكرات النازحين حول المدينة أواخـر أيام نمـيري.. وقبل الزيارة بي يوم جاء ناس الإتحـاد الاشـتراكي (أو مجـلس الشعب) للمعـسكر، وشـرحوا للناس عن زيارة بـوش، وقالوا ليهم لامن يصل، تطلعوا كلكم وتهـتفوا:
Welcome Bush,, Welcome Bush
فخـرجوا عند وصوله هاتفين: الكمبوووش.. الكمبووش.. الكمبوووش!
| |
|
|
|
|
|
|
|
|
|
Re: أخطاء شائعة في سماع ونطق كلمات الاغاني السودانية (Re: garjah)
|
يا قرجة والله الموضوع مبااااااااااااالغة ..
وشلتوا من طرف كيبوردي
صاحبنا قاعد يحلق لي تحت الشجرة وهو بيدندن :
يا نسيم التوية..
وهو يقصد :
راقصين التوية ..
صديق اخر كان بغني معانا في جلسة اغنية للراحل محمد احمد عوض ..
الاغنية كانت " عندي كلمة احب اقولا عن مصيري وعن مصيرك ..
زولنا جاااااااادي شديد وقال:
عندي كلمة احب اقولا ليكم انتو يا حلوين عن مصيري وعن مصيرك ..
من يومها ونحن بقينا نمط الأغنية دي بي إضافات مننا ..
واحد يجيهو ويقول ليهو عندي كلمة احب اقولا ليكم انتو يا حلوين برااااااااااكم وما معاكم ايييييي زول عن مصيري وعن مصير..
وواحد تاني يجيهو ويقول ليهو :
عندي كلمة سر وبي الدس دس عايز اقولا ليكم يا الحولين عن مصيري وعن مصيرك ...
لحدي ما شردناهو من الحلة وكرهناهو الغنا
الدقسة فيها اللحسة ...هو قانون حلتنا ..
| |
|
|
|
|
|
|
|
|
|
Re: أخطاء شائعة في سماع ونطق كلمات الاغاني السودانية (Re: عمر الفاروق)
|
أخي / قرجة
تحياتي ..
مرات كثيرة أسمع بعضهم يردد مقطع من أغنية ثنائي العاصمة ..
لا غزال في روضة غنى ..
و هو يقصد ..
لا هــزار في روضة ..
لكنى لأ أعلم هل هذا الهزار ( في روضة غنى ) أم ( في روضة غناء ) ..
أفيدونا ..
و بمناسبة روضة غناء ..
سمعت أن شاعرنا الكبير و إبن مدينتناـ الأبيض ـ المرحوم / حميدة أبو عشر ألف هذه الأغنية
( وداعاً روضتي الغناء ) في مدح مدرسة حنتوب الثانوية حيث كان يعمل جنايني و صدر قرار بنقله من حنتوب إلى الأبيض أو خورطقت فألف هذه الأغنية .. فتأمل سحر هذا الجنايني و إبداع نظمه.. فهل من ينفي أو يؤكد صحة هذه الرواية ؟؟
| |
|
|
|
|
|
|
|
|
|
Re: أخطاء شائعة في سماع ونطق كلمات الاغاني السودانية (Re: garjah)
|
صاحبنا عامل فيها فنان ونظام ما بيغني الأغنية إلا يكون فاهم معانيها لأنو حاسي إنو ممكن يوم يعملوا معاهو لقاء في التلفزيون وكده ..
يوم جاني شايل اغنية للراحل رمضان زايد " عيني يا سبب الأذى " وقال لي يا عمر ياخ الأغنية دي كلها واضحة لكن الكلمة دي معناها شنو ؟؟
ويقول لي ( الصدشقا ) ..
زولي كان بيلصق كلمة الصد مع شقا وقايلا كلللللها كلمة واحدة فبيقول في الحفلات :
الصدشقا ..
الكويس إنو طبعاً ماف زول ناقش الموضوع لأنو في النهاية بتطلع كلها صحيحة ..
الراحل العبقري الكاشف يقال إنو كان جالس في ورشة النجارة بتاعتو بيلحن في أغنية ليالي المقرن تقريباً ( اما السواقي بدت تسوق والقمري غنا بكل زوق ) ..
ولمن وصل للحتة بتاعت :
" عند الأصيل لازم نعود " ..
الجماعة الماعهو في الورشة سمعوها :
"لازمنا عود "
صبي الورشة جرى جري طيران وجاب ليهم عود بتاع مرق
| |
|
|
|
|
|
|
|
|
|
Re: أخطاء شائعة في سماع ونطق كلمات الاغاني السودانية (Re: BAKTASH)
|
قرجة ..
يا ظريف..
بوست في السلك ..
عندنا واحد قريبنا خالص بيقول في اغنية كابلي ( أراك عصير الدم ) بدل ( عصّيُ الدمعِ ) آي والله ..
قبل فترة شاهدت في التلفزيون ( ولد ضغيروني ) قاديننا بيهو الأيام دي بيغني أغنية الراحل خوجلي عثمان (أسمعنا مرة ) ولمن يوصل للمقطع بتاع (حن في عمرنا شايفنو مرّ (( من المرور ) ) كان بيأشر بي أصبعو ( علامة العدد واحد ) يعني شايف عمرو مرة واحدة ..
تحياتي
| |
|
|
|
|
|
|
|
|
|
Re: أخطاء شائعة في سماع ونطق كلمات الاغاني السودانية (Re: garjah)
|
العزيز قرجة والأخوة،،
بوست ظريف خفيف وهادف ، يمكن نقدر من خلاله نحل مشكلة عويصة لتبديل المعاني بالنطق الخاطيء لبعض الحروف أو المقاطع:
هاكم دي ،،
- ((باغات)) تتمازج ألوانها (لفناني المفضل إبراهيم عوض رحمه الله)
- (ضاجع) في سريرو متوسد (وسيرو)
- سامي (غدرك)
- (عزبني) وزيد (عزابك)
- الأماني (العزبة)
- في غفلة (رغيبي)
- ناس قراب منك عرفو سر (حسني) والصحيح حزني
- (متعزب) سنين ، في تباريح الهوى (والقبيح في الأمر أن ((متعزب)) يقسموها على مقطعين : أولهما متعة))
- واحد قال لي وردي بينطق السين شين في الموس ، وذلك حين يقول (بالموش تجرحني ) وهويقصد رموش تجرحني في أغنية نور العين
البوست مهم ، والأخطاء فادحة ، والإذاعة تسجل ،،
تحياتي ،،
| |
|
|
|
|
|
|
|
|
|
Re: أخطاء شائعة في سماع ونطق كلمات الاغاني السودانية (Re: Ahmed Khalil)
|
Quote: والناس تبشر ...وتتخوجج ( على قول ابوريم ) على الغنا الزي ده
|
دي حقيقة
والاكثر من كده كان عندنا فنان في عطبرة في مطلع الثمانينات إسمو مصطفى مضـوي عندو إغنية
إسمها(الوليد الضيف غرَكتنو كيف) وهي مرثية في زول جميل لقى حتفه غرقاً في النهر
تخيل ما ان يبداء في غناء الاغنية دي بعد رمية حزينة وإلا تلقى الجماعة تبشَر وتتخوجج كما قلت
والعجاج حدو السماء.
الوليد = تصغير ولد
غرَكتنو = اغرقتموه في النهر
| |
|
|
|
|
|
|
|
|
|
Re: أخطاء شائعة في سماع ونطق كلمات الاغاني السودانية (Re: garjah)
|
العزيز قرجة كيفنك
اخونا عبد الدائم من ناس الزقازيق السمحين عايز يشارك معاكم
Quote: مالك مجافى الناس عايش براك فى عـلـبـة
سهر المنام لى وحدى ياقسيم الريد فوقك الــنـمـل
البلال بلال يا بلالى بـلـعـب بـولـو سـال يا بلالى
الكـاسـر ضـراعـو امـنتـو الرسول |
| |
|
|
|
|
|
|
|
|
|
Re: أخطاء شائعة في سماع ونطق كلمات الاغاني السودانية (Re: طارق جبريل)
|
Quote: : مالك مجافى الناس عايش براك فى عـلـبـة
سهر المنام لى وحدى ياقسيم الريد فوقك الــنـمـل
البلال بلال يا بلالى بـلـعـب بـولـو سـال يا بلالى
الكـاسـر ضـراعـو امـنتـو الرسول |
لكن يا ابوريم
الزول السمح عبدالدائم كيف مخلنو يكتب من برة
خلي يكاتب بكري ..وكلنا نديهو دفرة من جوة
| |
|
|
|
|
|
|
|
|
|
Re: أخطاء شائعة في سماع ونطق كلمات الاغاني السودانية (Re: garjah)
|
في قعدة يحفها جكس من الحلة تقدم ود جيرانا مشاركاً للعريس في حنتو وبي كل ثقة قال حا يقدم اغنية لزينب الحويرص ..
دقينا ليهو الإيقاع وهو نظام الود حافظ شديد :
بول الحقيقة كلمني مالك بي الهجر مألمني ..
بووووووووول يا حبيب ..
والله ما عرفنا نمشي وين
وطبعاً الأغنية هي :
قول الحقيقة كلمني مالك بي الهجر مألمني ..
قوووووووول يا حبيب..
غايتو الله يكون في عون الحبيب
| |
|
|
|
|
|
|
|
|
|
Re: أخطاء شائعة في سماع ونطق كلمات الاغاني السودانية (Re: حيدر حسن ميرغني)
|
قرجة الحبيب
قريبي مرة جدع عداد الكهرباء في الشارع وطلَـق فاتورة الحكومة بالتلاتة وجاب ليهو جهاز حق طاقة
شمسية ربطو في راس البيت وقام شغَلو ليك وهو فرحان ..ادار موجة الراديو وكان عايز يستمع
لبرنامج (دكان ود البصير) سمع ليك صوت مثل صوت (السَخلة) لاغنية (يا حبيبي قلبي حاب رحلة
بين طيَات السحاب) والسبب كان الكهرباء الواصلة للراديو ضعيفة مثل ضعف احجار البطارية بعد طول
استخدام .. يازول عندو ولد شليق كده كان بيسمع في الاغنية وإفتكر الفنان شاب صغير مثله، بقى
يغني وراهو:
ياحبيبي قلبي حاررررر
رحلة بين طيارات السحاب
ابوه .. المستغَرب للصوت قال ليهو:
ياولدي إنت دي حنان بلوبلو ولا اضاني طرشة
الولد قال ليهو .. لا .. يمكن ده محمد سلاَم
| |
|
|
|
|
|
|
|
|
|
Re: أخطاء شائعة في سماع ونطق كلمات الاغاني السودانية (Re: عمر الفاروق)
|
الأخ عمر... ولا يهمك.. (it does happen in the best of families)
Quote: في قعدة يحفها جكس من الحلة تقدم ود جيرانا مشاركاً للعريس في حنتو وبي كل ثقة قال حا يقدم اغنية لزينب الحويرص ..
دقينا ليهو الإيقاع وهو نظام الود حافظ شديد :
بول الحقيقة كلمني مالك بي الهجر مألمني ..
بووووووووول يا حبيب ..
|
لكن، لا أتصور ان يكون "ود جيرانكم" بهذه الضحالة، فإذا إفترضنا أنه لم يتبين مخارج حروف الكلمات جيداً – هذا إذا كان قد استمع للاغنية من مؤدي/ة آخر خلاف الفنانة زينب الحويرص – فأين ذهب "حسه العام" (common sense)؟ خاصة وان المشاركة كانت في مناسبة حضرها كثير من الأصدقاء بغض النظر عن نوع (gender) الحضور. أنا شخصياً أتذكر انني استمعت لهذه الاغنية بصوت الفنانة زينب الحويرص في احد برامج التلفزيون وكان يصاحبها على عزف العود الموسيقار الماحي سليمان، الذي اعتقد أنه من قام بتلحين الاغنية... كانت كلمات الاغنية في غاية الوضوح نطقاً وأداء وتطريباً..
| |
|
|
|
|
|
|
|
|
|
Re: أخطاء شائعة في سماع ونطق كلمات الاغاني السودانية (Re: saif basheer)
|
وكمان قامت زينب الحويرص بتسجيلها للتلفزيون في وجود حنان النيل وامال النور وكان يعزف على الأورجن الفنان بدر الدين عجاج ..
اما بالنسبة لي موضوع الضحالة فإنت زي شكلك قايلني ناجر الموضوع من راسي وخصوصاً حكاية إنو في جلسة وعرس وكمية من الاصدقاء ..
لكن يا زول تعال حلتنا واقعد مع الشباب وبعدين بتعرف الحاصل ..
وعموماً كده وللضمان انا بقول ليك السبب الرئيسي في لخبطة الموضوع ..
كان عندنا ود جيرانا كان عامل فيها شاعر وناس الحلة كانوا مكجننو ..
فيوم جا قل ليهم يا شباب انا عملت لي ديوان شعر إسمو :
أقول وارتاح ..
طبعاً شماشرة الحلة قالوا ليهو ياخ ما تقوم تلف كده ..والله انت حقو ديوانك ده تسميهو :
ابول وارتاح ..
ومن حينها بدأ اولاد الحلة بتحريف الأغنية عشان يشاغلوا بيها صاحبنا ده وكل ما يلاقوهو يشبكوهو ليك على سبيل المزاح :
بول النصيحة وكملني مالك بالهجر مألمني وقول يا حبيب..
واحد من شباب الحلة (القام يوم العرس) لقط الأغنية من شباب الحلة وما فاهم الحاصل وكان مفتكر إنو هي أصلاً كده ..
فقام تووووووووشك درعا في الحفلة ..
أها إن شاء الله تكون صدقتني وما تفتكر إني قاعد انجر من راسي ..
تخريمة :
أسة في داعي للتعب ده
| |
|
|
|
|
|
|
|
|
|
Re: أخطاء شائعة في سماع ونطق كلمات الاغاني السودانية (Re: يازولyazoalيازول)
|
يازول يا سمح يازين
شكراً على قبول الدعوة
قرجة.. انا مشيت للزول وغمزت ليهو عشان يجي لي هنا لنادي الطمبور بتاعنا ده بناء على إقتراحك
الفوق داك، وطلع بتاع (مرايس) مثلي لكن يبدو لي حا نجيب إغاني الانادي كلها هنا، بيتنا في
عطبر كان جمب (الكمبو)، بنعمل تخريمة عزَ الظهر ونقعد نغني مع سواقين اللواري السفرية الجاية
من الشمالية فيهم الرطانة والشايقية ناس مليانة حكاوي وكمان غنا
بجيك صادي ومعاي بلاويهم
| |
|
|
|
|
|
|
|
|
|
Re: أخطاء شائعة في سماع ونطق كلمات الاغاني السودانية (Re: يازولyazoalيازول)
|
وأنا عندما كنتُ صغيراً كنت أسمع "أو حين أراك تختال" أداء عبدالدافع عثمان، كنت أسمعها "أو حين رتختا"... وظللت ردهاً من الزمن أحاول فك طلاسم هذه الـ "رتختا"... ولما طالت حيرتي سألت احد العارفين حينذاك... وأفاد..
من الطرائف أيضاً كان هناك من يحاول تقليد عثمان حسين في اغنية "في هواك يا جميل" فكان يقول "جوز نواح سكراني أو سكرانِ" قاصداً "جوز نواعسك راني"...
| |
|
|
|
|
|
|
|
|
|
Re: أخطاء شائعة في سماع ونطق كلمات الاغاني السودانية (Re: saif basheer)
|
| Quote: وأنا عندما كنتُ صغيراً كنت أسمع |
كنا في ديوان العمدة وكنا صغار حينها ,نلهو ونغني
أذكر من الأغاني أغنية مدلـــــــــــــــــــينا
نغنيها حتي نصل المقطع الشرق أتي والغرب أتي)
كانت تخرج من المجموعةالشرقوته والغربوته)
...................................................................................
عندما وصلت منتصف البوست خلعت النظارة خوفا أن تبللها الدموع.أرجو أن يكون ماكتبته صحيحا.
| |
|
|
|
|
|
|
|
|
|
Re: أخطاء شائعة في سماع ونطق كلمات الاغاني السودانية (Re: حيدر حسن ميرغني)
|
العزيز صلاح ,,,,,,,,,,,الفنان محمد وردى لمن اول مرة غنى بالعربى اغنيته ياطير يا طائر كان بقول!! يا تير يا تاير !!!
| |
|
|
|
|
|
|
|
|
|
Re: أخطاء شائعة في سماع ونطق كلمات الاغاني السودانية (Re: حيدر حسن ميرغني)
|
| Quote: الشرقوته والغربوته |
ياراجل والله خليتني أضحك براي .. دي مبالغة ..
الشرقوته ..والغربوته ..
آريدهم .. جوك يغتغتوك ..
سيروا...
تعرف أنا زمان كنت بسمع غنية عجيبة جدأ ..
البورو بور يني .. البوروبو يحنن
شغل بالي ..
تعرف لمن كبرت وبقيت تفتيحه .. لقيته ليك .
القربو يحنن .. والبعدو يجنن ..
وديع وحنين .. شغل بالي ..
شفته العوجه دي كيف ..
ودي عندنا فيها قصة لطيفه ..
كان في عرس في المربعات عطبرة .. طبعاً عطبرة مشهورة بي إنها مرات بتقوم عليها حالة من التطرف ضد الحفلات .. يعني في عز الحفلة والبهجة تقوم تحسد ليك الناس وتقرر تفرتك الحفلة وبي كل بساطة تشبكهم ليك كتاحة وتراب واليوم داك زودته حبه بعد التراب والكتاحة أدت ليك الناس مطره .
المهم الناس كانوا مصرين يتموا الحفلة دخلوا الحوش وعندهم برنده كبيرة .. شبوكلك غنى
القربوا يحنن .. أبو العروس .. جاهم داخل قال ليهم المطره صابه بدل ماتدعوا شابكننا القربوا يحنن والبعدو يجنن .. الله ينعل ديــــن الهين ولين زاتوا .. الناس كلها ضحكت وقالت ليه ياحاج صلى على النبي ..
تحياتي ،
خالد الأرباب
| |
|
|
|
|
|
|
| |
garjah
طارق جبريل
حيدر حسن ميرغني
تيسير عووضة
Khalid Saeed
عمر الفاروق
خالد علي محجوب المنسي
صديق الموج
BAKTASH
خالد العبيد
Elmosley
مبيوع
ALazhary2
زول ساكت
saif basheer
يازولyazoalيازول
Haytham Abdulaziz
Saifeldin Gibreel
Nasr
الخير محمد عوض
خالد الأيوبي
عوض الله الفولانى
فيس بوك
تويتر
انستقرام
يوتيوب
بنتيريست