كتب الكاتب الفاتح جبرا المتوفرة بمعرض الدوحة
|
|
 عبد الكريم الامين احمد..رافقتك الســــــــــــــــــــلامه.......
|
الحبيب الاديب المهندس عبد الكريم الامين احمد..شعلة بورداب الدوحه ..احد الاقلام المتميزه فى هذا المنبر .. ذلك الشاب الخلوق المهذب والممثل بفرقة شتات بالدوحه سيشد الرحال هذه الايام الى ربوع الوطن الحبيب بعد غيبه ليعانق ترابه ويحتضن اهله ويروى اشواقه وحنينه .
هنيئا لك نوم الحيشان الفى السهله والملايات تهبهب.. هنيئا لك شاى الصباح مع الوالده خديجه والاخوت والوالد الامين ومع الجيران..
هنيئا لك وانت تزور الخرطوم ..مدنى .. سنار.. ابونعامه.. كمبو الرى..
الابيض.. المجلــــــــد (غريقه النقره..دينقا ام الديار) جوبا نار مندكوروفى الجيب
سنفتقدك الدوحه مؤقتا يا كيكى .. وبوردابها .. وكذلك شتات المسرحيه
قالو الوصايه فى المهله سلام لكل اهل السودان شرق غرب شمال جنوب محل ما تقبل..
بالله تحيه حاره وعناق احر للولد الجميل يوسف سعد قول ليهو نيفين يتسال منك
وللوصايا بقيه....
|
|
 
|
|
|
|
|
|
|
|
Re: عبد الكريم الامين احمد..رافقتك الســــــــــــــــــــلامه....... (Re: ضحيه ابراهيم)
|
كيكي لك الحب
وكل الاماني بالوصول بالســـــلامة
وتجي مليان بالحكايات والونسة الجديدة
وقصص الغلابا والمساكين وأبناء السبيل
كيكي لك المحبة الخالصة والمودة وتمشي وتجي راجع لينا بالســـــــــلامة
والي كل الذين ينتظروا مولد النجوم الزواهر أقول لهم أنتم على موعد مع إفتتاح لم يحدث في هذه الدولة الواعدةوسوف ترون !!!
الإجازة على الابواب نقول لكل المسافرين مع السلامة ومودتي وإحترامي
| |
|
|
|
|
|
|
|
|
|
Re: عبد الكريم الامين احمد..رافقتك الســــــــــــــــــــلامه....... (Re: ضحيه ابراهيم)
|
عميق شكري عزيزي ضحية، لك الجمال، حيث ماتقع عيناك، وقلبك، وخيالك.. وذكراك..
والله، غير قادر على وصف، هذا الذات الإنسانية المسافرة إلى سويداء الوطن..
أحس بالإشفاق على نفسي، وعلى حروفي الباهتة، الكسيرة، الكسيحة، حمال هزيل، هي اللغة حين تقارب
هذا الشخص الملئ، برائحة ما، يعيش بداخله كرنفال من الأنس، والطيبة، والفهم، لا داعي لإحراج اللغة..
ولكن سعيد، من يدخل في هالته، المضيئة، ليل نهار..
فلتقر عين أهلك، واطفالهم، وليفرح الوطن، بأبن غائب، وقد عاد للحيشان البسيطة، والسماء الصافية، والأمهات المعجزات...
| |
|
|
|
|
|
|
|
|
|
Re: عبد الكريم الامين احمد..رافقتك الســــــــــــــــــــلامه....... (Re: Adil Osman)
|
اديبنا وحبيبنا الراقى /عبد الغنى كرم الله
شكرا على هذه الكلمات الدرر ..فانت صاحب قلم رشيق لا يجارى زى ماقلت انت انا هنا تفضحنى
اللغه.. عشمنا ان يعود كيكى بالسلامه ومعه حاجات كتيره جميله..
ابوساندرا/ نحن لم نهيأ فقط بل اعلنا الحداد .. لان الروح انفصلت عن الجسد منذ ان اعلن
كيكى سفره قبل ما يسافر.
الفنان القدير الممثل / ودرمليه
وينك يا جميل مختفى ..صاحبك كيكى اعلن سفره الذى اشبه بسفر طارق مغص والجاك فى (نص شتات)
لكن لم يظهر حتى الان الساده اصحاب الامانات والوصايا.. (جلكسه) وكراتينه.
العزيز /فيصل الزبير التحيات الخوالد وشكرا على المرور..
عادل عثمان / يا ذاكرة الكاميرا وينك يا راجل يا شفيف الدواخل.. والله صاحبك كيكى قرر يسافر
وقال لازم يصيف فى كمبو الرى مع ناس سوفيت واخرين.. شكرا على الحن الجميل وسلام لى كردفان.
| |
|
|
|
|
|
|
|
|
|
Re: عبد الكريم الامين احمد..رافقتك الســــــــــــــــــــلامه....... (Re: Adil Osman)
|
يا سلام يا عادل عثمان ..يا صديقي النبيل..
تعرف يا عادل اجمل الاشياء في هذه الموقع هو التعرف لزول جميل نبيل
في قامتك..
واحس تماما بانني اعرفك منذ الالاف السنوات..وجرت بيننا احداث مشتركة
وعشنا معا بين احبابننا البسطاء وملح ارض الوطن..
حتما ساشتاق لمباراة مداخلاتك والتمتع بها..وسوف اشتاق لبوست
(ONCE UPON TIME) الذي يقراه لي صديقي (هاشم كرار) باصرار شديد
عبر الهاتف..وهوشديد الاعجاب بك وبلغتك العالية ويتمني ان يلتقيك
ذات يوما ما...
لذا انت مطلب رسمي وشعبي في الدوحة..ومستهدف من كل القطاعات
عادل عثمان...
قف!!!
نحن نحبك تماما....
| |
|
|
|
|
|
|
|
|
|
Re: عبد الكريم الامين احمد..رافقتك الســــــــــــــــــــلامه....... (Re: ضحيه ابراهيم)
|
الاخ ضحية..
لك الشكر والتقدير علي هذه الكلمات الطيبة..ولكن لماذا ياخي فانا الان احس
احساس حقيقي بالخجل ازاء هذا الاحتفاء المدهش بوداع شخصي المتواضع..
ولكن اعود واقول اجل انها العودة الي الوطن..الي ربوع عزيزة علي نفسي
تتجول في داخلي دوما..بشخوصها وعبقها وجمال كل اهل السودان من كل الجهات..
واتلهف الان وبداء العد التنازلي لمعانقة اهلي وكل عالمي الجميل..اصدقائي
القدامي ..صديقاتي ..كل الناس الطيبة الذين لم يبرح حبهم قلبي يوما..
| |
|
|
|
|
|
|
|
|
|
Re: عبد الكريم الامين احمد..رافقتك الســــــــــــــــــــلامه....... (Re: بدر الدين الأمير)
|
بدرالدين الامير..
رب اخ لك لم تلده امك..
سوف اشتاقك..واشتاق لاشيائك الرائعة واولها موامراتك المحبكة
وروحك الطيبة الجادة المرتبة..
تحياتي
لفائذ وحمزة..
وسوف احط الرحال في (اربجي) لاشكيك لاهلها الكرام ..
وسوف اعانق (لبيد)..واخته..فانهم ابناي..(ولا اقول ليك انهم اخواني)(لمزيد من الدقة)
واسلم علي كل اهل اربجي الكرام..
واقول لهم لقد ارسلتم للوطن رجلا عالي الهمة وشاهق الطموح..
| |
|
|
|
|
|
|
|
|
|
Re: عبد الكريم الامين احمد..رافقتك الســــــــــــــــــــلامه....... (Re: بدر الدين الأمير)
|
يا بدر
مهاد اكيد بعد السنين الجميلة وسط هديل قماري الجزيرة
ووصوت ماء النيل عندما يعبر بالقرب من اربجي
ودعاش صباحات الحقول ..ورنين النوبة الاربجية
بتكون نست (نفيين)..
وانا ذاتي نفيين موريس دي حدها معاي (ابوسمرة)
لانو صوتها بعمل لي زغللة وانا زول ماشي بالبر
اقوم اخش لي في(لوري) ساكت..
تخريمة ..
قد تكون نيفبن ضمن اجندة كثيرة مهمة في الجلسة الاولي مع (قوبي) فكي كمبو الري..
| |
|
|
|
|
|
|
|
|
|
Re: عبد الكريم الامين احمد..رافقتك الســــــــــــــــــــلامه....... (Re: عبدالكريم الامين احمد)
|
كرومة ..
يا طعم الدوحة .
أكره الوداعات ..
و أكثر أكره البتر المؤقت للنبض ..
و كثيرا أكره الخواء ..
وأظنني سأمر بمراحل ( الردة ) هذه في غيابك
( غفر الله لك يا صاحبي )
.. سأخدر موضع كيكي في القلب بالجلوس إلى أصدقائي في الكمبو..
نعاقر سيرتك ..
فنثمل .. قدر ما الله أدانا.
و نرقب أوبتك بغنيمة
( أوليست غنيمة رائحة الوطن تعلق في الحشا ؟؟ .. )
يبرد حشاك يا صاحبي الذي أحب .
و تتبارك شقيش ما تقبل يا كريم ..
همسة للدوحة :
يا غانية .. ها يهجرك الطنبارة واحدا واحدا .. ( يوسف سعد .. كرومة ) .. ينسلون من تحت أثوابك و روائحك و مفاتنك الشهوة .
وبوصلة الحبيبة ( تمغنط ) نبضهم ..
يستقبلون قبلتهم الأولى .. وحبلهم السري ( الوطن ) .
البلد التي تنام هناك و تصحو وفي قلبها: ( أحي يا وليدي .. يا حليلك ) .
لا عزاء لك إذن ..
سيضاجعك الحزن .. و الوحدة
ريثما عودة .
| |
|
|
|
|
|
|
|
|
|
Re: عبد الكريم الامين احمد..رافقتك الســــــــــــــــــــلامه....... (Re: Tragie Mustafa)
|
كــيــكي ..
أصدق أمنياتي لك بقضاء إجازة سعيدة بالسودان ..
وشكلك كده الإجازة دي ح ( تمدهــــا ) لأنه شايف ( لفتـــك ) طويلة ..
حاسدك عدييييييييييل كده ..
العقاب بنحرسو ليك ( تب ) وسأسجل كل المؤامرات التي ستحاك في غيابك خاصة من جهة (عمك الكبير ) وإنت عارفو براك ..
أتمنى ان تجد الاهل جميعاً بخير ، وسنفتقدك ، وستفقد الدوحة أحد أركانها الأساسية لفترة قصيرة ، ثم يعود بعدها الفارس (كيكي) محملاً بحكايا جديدة ، وسرد أكثر امتاعاً ، وذاكرة تصويرية ( ماشاء الله ) ..
أحكي لنا ، كيف أصبح أهل الكمبو ، والى أين وصلت جوبا بنيرانها ، وماذا حلّ بالخرطوم بعد الأحداث الكبيرة التي مرت بها ، هل ما زالت كما هي أم أن تجاعيدها قد زادت ..
كيف هم الشماشة ، وستات الشاي ، والفول والتسالي ، والموظفين والدكاكين والباعة المتجولون ..وووووووووو... وحركة نص البلد في أوقات اليوم المختلفة ، متى تهدأ مدن السودان التي ستزورها مساء .. ما تخلي حاجة ، سجل كل ما يقع عليه بصرك ، وتعال متعنا بحكيك الممتع ..
( ما تطول الغيبة ) كما قال محمود تاور ..
كل طائر مرتحل عبر البحر قاصد الأهل حملتو أشواقي الدفيقة .( عثمان حسين + حسين بازرعة) ..
وها أنذا أحملك أشواقي لكل البلد ، من أقصاها الى أقصاها .. وعليك التبليغ ..
رافقتك السلامة يا صديقي .. وإجازة ممتعة ..
صلاح عبدالله
| |
|
|
|
|
|
|
|
|
|
Re: عبد الكريم الامين احمد..رافقتك الســــــــــــــــــــلامه....... (Re: عبدالكريم الامين احمد)
|
Quote: كرومة ..
يا طعم الدوحة .
أكره الوداعات ..
و أكثر أكره البتر المؤقت للنبض ..
و كثيرا أكره الخواء ..
وأظنني سأمر بمراحل ( الردة ) هذه في غيابك
( غفر الله لك يا صاحبي )
.. سأخدر موضع كيكي في القلب بالجلوس إلى أصدقائي في الكمبو..
نعاقر سيرتك ..
فنثمل .. قدر ما الله أدانا.
و نرقب أوبتك بغنيمة
( أوليست غنيمة رائحة الوطن تعلق في الحشا ؟؟ .. )
يبرد حشاك يا صاحبي الذي أحب .
و تتبارك شقيش ما تقبل يا كريم ..
همسة للدوحة :
يا غانية .. ها يهجرك الطنبارة واحدا واحدا .. ( يوسف سعد .. كرومة ) .. ينسلون من تحت أثوابك و روائحك و مفاتنك الشهوة .
وبوصلة الحبيبة ( تمغنط ) نبضهم ..
يستقبلون قبلتهم الأولى .. وحبلهم السري ( الوطن ) .
البلد التي تنام هناك و تصحو وفي قلبها: ( أحي يا وليدي .. يا حليلك ) .
لا عزاء لك إذن ..
سيضاجعك الحزن .. و الوحدة
ريثما عودة .
|
اوهههههه
انه اذن عماد
تدري ياعماد ستشدني الي الدوحة حبال ابداعك وجمال روحك
والدهشة..
شيخي النبيل.
انت من علمنا معاني الجمال في هذه الغربة.ويذكرنا دوما بذلك الوطن
الذي انجب العديد من اهل الدهشة وانت شيخهم جميعا..
دمت ايها النبيل,,وحتما سنلتقي...
| |
|
|
|
|
|
|
|
|
|
Re: عبد الكريم الامين احمد..رافقتك الســــــــــــــــــــلامه....... (Re: عبدالكريم الامين احمد)
|
سلامات
وعوافي
ياخلاصة الخير الفني الناس
ترياق الزمن المتعافي
...
هذا الولد يشبه شاي الصباح ..وريحة جبنة الضهرية ..
رامينا في درب الشوق مالك ....
سافر ياكرومة .. وونتف ريش الدريبات الوليفة.. وقبًل بنوت الشارع .. قبلن بالنظرات العالية ... ستات الشاية والتسالي ... شوارع الفريق وعمدان المحبة العتيقة ... اولاد الحي (كمبلت - ودس دس (دسوسية) - ونط الحبل - ) .. النسوان متلمات في ضحي الفريق والبن دخانو عالك في السما .. الكمسنجية ... والكماسرة .. والذين يتبادلون التحايا وارقام الهواتف النقالة بي شباك الحافلة .. الذين يمشون في الزلط ويتضاحكون وكانهم في نزهة نيلية ... كورنات الفريق في عصير بارد والحجاج محولقين في الضُمنة .. ودكان الفريق (كل دكان في كل فريق يساوي دكان ودالبصير) يناقشون قضايا الفساد ويكشفون لغزلان الحي بي تحت تحت ...
سلم علي دفاع وسوق المجلد ابجاهين وعلي العريبي وناس عرديبا وترجوك ودوانكي الحامية ..
سلم علي شوارع الخرتوم شارع شارع ..
ياخي مشتاقين والله العظيم ...
| |
|
|
|
|
|
|
|
|
|
Re: عبد الكريم الامين احمد..رافقتك الســــــــــــــــــــلامه....... (Re: ودرملية)
|
ياااااااه
انت اذن ودرملية...احدي هداية الرب في هذا الزمن القاسي..
ان تصادق انسان بقامة ودرملية انه اذن الخلود..
شاعر ومثقف ومسرحي بتفنن في الدراما..
ودرملية يذكرني دوما بالنبلاء العظام في اروبا القديمة..
وايضا يذكرني بالعظماء من ابناء وطني. روحه الشفيفة تخفي في داحلها شفافية
عالية وانسانية بها (روح القدس)..
ساسافر يا دوملية
واعانق كل بلادي واحدثهم بشوقك العالي..
سابداء من عمال المواني والحماليين واشاركهم عطاءهم وبساطتهم الحميمة
واتبادل معهم (نخب التمباك)..
وسامتلي مرة اخري من عبق الشارع وروحه واحدثهم عن ملهمهم(ودالرملية) واخريين
في الدوحة هنا..جمعتنا بهم حبهم للوطن وكل اشياءه الجميلة..
ستصل تحياتك ناس ابوجاهين ..وستكون انت محور حديثنا...
لك الشكر اخي عبدالرحيم علي (هكذا) اطراء.و ابقوا عشرة
علي كوخ الجمال والاخاء والابداع الذي يجمعنا هنا في الدوحة..
| |
|
|
|
|
|
|
|
|
|
Re: عبد الكريم الامين احمد..رافقتك الســــــــــــــــــــلامه....... (Re: عبدالكريم الامين احمد)
|
ألاخ صاحب البوست
والعظماء بورداب الدوحة
اسمحوا لى بهذه الاطلالة لتحية ولدنا كيكى
وهذا بعض مماكتبته فى بوست الهندسة والمعمار انقله لكم للفائدة
ياكيكى شايفك بقيت على سفر ومااديتنى خبر
ان بقيت على وعدك وح تغشانا فى جدة جيب لى معاك شوية غاز ونشرة اخبار من الجزيرة وزى اربعة خمسة امتار مربعة من سماوات الدوحة المعطرات باقى مافى حاجة فى قطر غيرهم
وان بقيت ماشى بفوق لينا تصحبك السلامة وسلم لينا على العقاب
شايف ناس الدوحة عاملين ليك بوست وداع يااخى الناس ديل طيبين اوى
كاتبين فيك كلام لم يقال فى جابراييل جارسيا ماركيز
غايتو ماعارف الناس ديل سحرتهم كيف .. انت كيكى الزمان زاتو ولا المساحة كانت ظالماك
عجبى والله ...
ومكانك سوف يظل شاغرا فى البورد لحين عودتك لانه لايوجد من يضاهيك فى الرواشة واللقافة
وانا فى انتظار ردك
اخوك احمد التجانى
| |
|
|
|
|
|
|
|
|
|
Re: عبد الكريم الامين احمد..رافقتك الســــــــــــــــــــلامه....... (Re: عبدالكريم الامين احمد)
|
ضحيه الفريد.. كيف حالك أخى الغالى
جميل أن نحتفى بوداع هذاالكريم(ودالامين)
البارع.. أها يا كريم.. وانت ماشى لى بلد الحيشان..
وبيوت الضيفان.. وناس عشا البايتات.. وأهل الحاره..
والملمات.. وناس القلوب العامره... بلد الخريف والمطر
وريحة الدعاش.. وعناقريب مفرشه بره..وأهل متقالدين ..
وبرش مفروش بره جنب خشم الباب..وناس الله والجيران والحله.
أها وصيه فى الذمه.. سلام شديد..وتحاياما ليها حد..ومعانقه
حاره لى كل أهل(كمبوالرى)... سلام لى أخونا المناضل(سوفيت)
ولى(أحمد ننق)..والعم(أحمدكنيش)..وماتنساأخواتى العزيزات
(بليه)..و(جوك)..و(حواء ليمون)...سلام لى دبله..وأبوالليل
وزينب خوجلى..وتحيه خاصه لى (عمك كوى) وبتو الجميله فطومه
و(كاويك) سار الليل.. وعلى ودأب سلس والعكر..ولى كل أهلنا
فى(الكمبو الجميل) حتى ناس الجنكو..و(جنكوعوضيه)..أهدى لهم
جميعاهذه القصيده المتواضعه:
أمنيات غير مستحيله
....................
أريتنى لو أنا كنت غابه
بتحمل أقوات....الغلابه..
أوكنت فوق الصيف سحابه
بتمسح أحزان.... الكآبه..
أو كنت حاجه.... بتشدو
جوه غنا ....الربابه
تخلص الناس ....من عذابه..
أريتنى لوأنا.. كنت نسمه
بتسرى فوق .. قمم الرحابه
وتشيل من .. الايام صعابا..
أو كنت ...........بسمه
ترجع الروح .......لى شبابا..
أو كنت ...نغمه على وتر
ما أصلو زول..فى الدنياجابا..
أوفكره ... رائعه
على صدور ...ماانسده بابا..
أريتنى ... لو أنا كنت
يمه ... وكنت يابا..
للمرابطين فى متاهات الخرابه
وللنفوس التايهه فى زمن الحرابه..
أريتنى لوأحرف مضيئه على الكتابه
بتكسر أقلام............الرتابه..
وترجع أوقاتناالعظيمه من اغترابا..
وتبقى واحات.............. للبشر
تبقى للوادى.............. النهر
تبقى للعطشان............. مطر
تبقى للضهبان............. شجر
تبقى للمشتاق............. سفر
تبقى للبستان............. ثمر
تبقى للاغصان.............. زهر
وتبقى للاطفال..حكاوى مع السحر..
تبقى.................. الشمش
تبقى.................. القمر
تبقى..................الشروق
تبقى...................الفجر
تبقى الظلال........عز الضهر..
تبقى المدارس....... والحقول
تبقى المزارع....... والنخيل
تبقى الرواح ....تبقى المقيل..
تبقى الهنا .... وتبقى الغنا
وتبقى المنى.... الما مستحيل
..............
أخى عبدالكريم..تصحبك السلامه والامانى الطيبه.. كنت أتمنى أن
تشهد معى وأنت بالدوحه( لبوست حار جدا) لمجموعة مقالات باسم.....
(مشاهد خلف الرؤى)..أرجوأن تكون حاضرا معى.. متابعتك تهمنى جدا..
وحتى لا أنسى أشكرك جدا على تزكيتك لى ببوست(ضيف على الهواء)..
ألف تحيه ليكم...... مامون أحمد ابراهيم
| |
|
|
|
|
|
|
|
|
|
Re: عبد الكريم الامين احمد..رافقتك الســــــــــــــــــــلامه....... (Re: Abu Eltayeb)
|
اوووووه
اخي وصديقي مامون احمد
تعجز الكلمات..وتقف حائرة في هذة اللحظة
ولكن كل الذي ادريه انني مكنا لك بشكر يصعب وصفه ومحبة عالية
وستصل تحياك لكل اهل البلد..وكل اصدقائك البسطاء في (كمبو الري)
وساحدثهم (بمامون) الذي احتفي عاليا حبا لهم وانحيازا لقضياهم وغني من البعد
من الملهم (منضرة)..وغازل كاويك بكل براءة وحب كبير..وارتشف شاي الرضية من البعد
وهزم ليالي الغربة وهو يستدعي كورال (الجنقو) عندما يعودون من الحصاد
فرحين كاسبين مالا من عرق جبينهم يغيهم الفقر والعوز والجوع
مرة اخري شكرا اخي وحبيبي مامون..وسلامي للاسرة ولصديقي
الفنان المهذب صلاح (فالولة)....
| |
|
|
|
|
|
|
|
|
|
Re: عبد الكريم الامين احمد..رافقتك الســــــــــــــــــــلامه....... (Re: khaleel)
|
Quote: قشة ما تعر ليك واشارتك خضراء زي الكتاب الاخضر
يلا فرتق زي ما قال ابندرق |
كويس يا خليل ارجاني..
انا حسي بدق ليك في النوية ..وبوزع شربات بهناك في اليوم الحار بهناك..
والليلة طريتني ابندرق..ده زول لذيذ خلاص..
تعرف الزول ده قصتو طبعا لذيذة خلاص..
مرة ضرب لي تلفون زي الساعة 12 نص النهار وقال لي (ياكريم) تعال عندك امانة
عندي تعال شيلها..ولازم تجي ولو ما جيت انا بزعل منك..
قلت ليه خلاص انا بجي المغرب..
اها مع المغرب كده مشيت ليهو في بيت العزابة..لقيتو (نايم) ولمن شافني قام صحي
وكان (طاشم) شديد..
وهو راقد في السرير..بيقول لي يا زول انت الجابك شنو..وداير شنو..ياجن..
قلت ليهو يا درق انت مش اتصلت بي وقلت لي تعال..
قال لي يا زول فرتق..فرتق ياجن
فرتق..يا....فرتق
الله يا ابندرق..مالك يازول..
قال لي انا ما بعرفك انت ذاتك منو..فرتق يا زول فرتتتتتتق..فرتق ياجن..
(طبعا مع العلم انو زول صحبي شديد..بس من ما يطشم بكجني كجين شديد)
لك التحية صديقي ابندرق..
وياهو مفرتقين..ياخلو؟؟
| |
|
|
|
|
|
|
|
|
|
Re: عبد الكريم الامين احمد..رافقتك الســــــــــــــــــــلامه....... (Re: ضحيه ابراهيم)
|
كرومة يا رائع
| Quote: الامتداد محطة مهمة من محطات اجازتي..وعندي شلة (وست) لابد من المرور عبرهم انهم شلة من اصدقائي الجميلين بالقرب من (بقالة بابكير) |
انا في انتظارك يا طاير علي داري
وصل رسايل يا طاير وطن البشاير
وافرد جناحك يا طاير علي داري
قبال تعود لازم تروح من تاني مرة
ما تنسي زول في الحلة إلا
تسلم عليهو وتبوس ايديه
ونحن متأكدون بأنك ستترك أريجا وعبقا طيبا في كل مكان تحل به
مع صادق أمنياتنا بإجازة هانئة سعيدة
| |
|
|
|
|
|
|
|
|
|
Re: عبد الكريم الامين احمد..رافقتك الســــــــــــــــــــلامه....... (Re: فيصل عباس)
|
لفيصل عباس طعم اخر
صوفي جميل..وعطيل كابح جماحه..وشاعر لكنه بخيل بجمال شعره..
في منزل يعج بالمغتربين العزابة ذات مساء ما في هذه الدوحة
مر فيصل عباس بهذه المجموعة النبيلة المشاغبة..
ومنذ ذلك اليوم..والي الان..لم يمر صباح ويرن جرسه واورن جرس هاتفي
لنناقش اشياء شتي..علامتهم المميزة الادب..والشعر
والحديث عن مدن المستحيل وعثمان بشري..وكان كان العوام الذي مات مرتين...
وايضا هنالك حديثا يشابه كتابات (محسن خالد)..
فيصل لك التحية
ولك من الوطن احاديثا واحاديث نغزي بها تلك التلفونات الصباحية..
وامسك الخشب,,,
| |
|
|
|
|
|
|
|
|
|
Re: عبد الكريم الامين احمد..رافقتك الســــــــــــــــــــلامه....... (Re: ضحيه ابراهيم)
|
كريم يا كريم!
أودعتني الغربة وتهم بالعودة؟؟
سوف أوفق أوضاعي وأقص اترك خطوة خطوة
حاملة على رأسي تاج صداقتك الجميلة
يضيء دروب قادمة الينا
سلم لي على بنياتي وغنيماتي وبقيراتي
وعلى كل هديدة في المنتقة
على حمدة وكليتيمة وكل ست شاي في المنتقة
حدا ترب اليهود
سلم على أمير مارسدس
وعمو أبكر
ودكان مصطفى
بعدين اوقف اندك
سعادتي شدو في حالى الصفاء
وخالتو شادية في ساعات العنكبة
حتى أسأل العنبة الرامية في بيتنا
| |
|
|
|
|
|
|
|
|
|
Re: عبد الكريم الامين احمد..رافقتك الســــــــــــــــــــلامه....... (Re: nadus2000)
|
العزيز ضحية
لماذا استعجل الود عبد الكريم الذهاب للعمرة
وكما تعلم الذهاب للعمرة والحج من المراحل الاخيرة
وبعدها نذهب للعلاج بالاردن وبعدها نذهب للمقابر احمد شرفي
المهم سيزور مكة شخص من كمبو الري وصديق مقرب للمهمشين
ومن مكة سيذهب للسودان غانما سالما بسيارته الجديدة
واطلقنا دعوات كبيرة بالسودان لاستقباله
وانشاء الله يوصل بالسلامة بدون عناء
| |
|
|
|
|
|
|
|
|
|
Re: عبد الكريم الامين احمد..رافقتك الســــــــــــــــــــلامه....... (Re: عبدالكريم الامين احمد)
|
Quote: العزيز ضحية
لماذا استعجل الود عبد الكريم الذهاب للعمرة
وكما تعلم الذهاب للعمرة والحج من المراحل الاخيرة
وبعدها نذهب للعلاج بالاردن وبعدها نذهب للمقابر احمد شرفي
|
شنو يا خليل خشمك فوقو (التمباك)..عايز تجيب خبري مالك يا زول..السنة دي
مجاورين كوسا للرحمة والغفران وحبا في الرسول..
ما تخاف بجيب ليك (موية) زمزم..تغسل بيها راسك الماكن ده..وبشحد
ربنا يديك بت الحلال عشان تبطل (المقابضة) ...ويخليك تخت الكورة في الوطة
وتبطل الزوغان من المنبر...
وتسلم يا وريف وبيناتنا ورافة قادمة(او كما قال صحبك)
| |
|
|
|
|
|
|
| |
ضحيه ابراهيم
محمد سنى دفع الله
حيدر حسن ميرغني
عبدالكريم الامين احمد
Bannaga ELias
الفاتح وديدي
عبدالغني كرم الله بشير
أبو ساندرا
Faisal Al Zubeir
ودرملية
Adil Osman
Kamel mohamad
بدر الدين الأمير
طارق جبريل
معتصم الطاهر
Tragie Mustafa
Emad Abdulla
Mutwali Malik
محمد عبدالرحمن
khaleel
صديق حمدتو
فيصل عباس
عامر تيتاوى
يوسف سعد
nadus2000
Omar Bob
فيس بوك
تويتر
انستقرام
يوتيوب
بنتيريست