|
|
 Test غنية شايقية
|
Test 1 2 3
طارق العوض
|
|
 
|
|
|
|
|
|
|
 Re: Test غنية شايقية (Re: شرووم)
|
محاولة ناجحة شرووم،،
لكن في زول يجرب بي شووق حار قدر ده؟
أحب الغناء الشايقي عموم،،
فشكراً عليها إفتتاحية صباحية شوقية،،
ودي،،
| |
|
|
|
|
|
|
|
|
|
Re: Test غنية شايقية (Re: Soumeta)
|
الأخت سوميتا ،،
شكرا كتير على مساهمتك وتشجيعك ،،
بالنسبة للشوق دا يادوب جزء بس شوقنا ، والجاي اكتر .
واحييك بالمناسبة على اختيارك الجميل للاسم.
شرووم.
| |
|
|
|
|
|
|
|
|
|
Re: Test غنية شايقية (Re: ملكة سبأ)
|
ملكتنا ،
ملكة سبأ ،،، الله يبشرك الخير الكتير.
| Quote: يلا ارح دايرين البورد دا عجاجو في السمي |
اديني فرصة بس كان مااخلي ليك البورد ده عجاجه لاوي .
شكرا على مرورك الجميل.
شرووم
| |
|
|
|
|
|
|
|
|
 Re: Test غنية شايقية (Re: شرووم)
|
شروووم ..
كــدا تمام التمام ..
| Quote: يلا ارح دايرين البورد دا عجاجو في السمي |
يلالا بعد كدا جاهو بلا السيرفر .. ( شلخو ) معاك طوالي 
خلي الـ :
false في الـ Auto  واردم طــوالي
| |
|
|
|
|
|
|
|
|
|
Re: Test غنية شايقية (Re: tmbis)
|
مرحبا بالرائع تمبس ،،
دهـ ياسيدي فضلة خيركم ،، وليك علي أردمو ردم من بكرة ان شاء الله
| Quote: يلالا بعد كدا جاهو بلا السيرفر .. ( شلخو ) معاك طوالي |
شليخ وهو داب الشليخ ،، بس ربك يهون ونلقى الفرصة .
شكرا تمبس.
| |
|
|
|
|
|
|
|
|
|
Re: Test غنية شايقية (Re: شرووم)
|
سوميتا وعشان نزيد الحاجات ،،، وجع وألق أهديك الاغنية دي.
| |
|
|
|
|
|
|
|
|
|
Re: Test غنية شايقية (Re: شرووم)
|
شرووووم عذراً ما شفت الإهداء إلا هسسسسع دي،،
و في غناهم
إن حزنو حزنهم يوصف دمع القلب
و إن فرحو يشرحو صدور الكلمات
و إن إشتاقو يعذبو الشوق في عمرو
و بوصفو االاحاسيس صـــــــاح،،
و حنااااااااان و حبوبين في غناهم
و في كلامهم و في سلامهم و في معشرهم،،
و لاصدقائي الشوايقة حكاوي و حكاوي بالذاكرة،،
وحبي لغناء الشايقيي٭ كما يقولون
يمتد لي زمن طويل لا ورا،،
احمد جبارة و حنيــــــة صوتو،،
صديق احمد احبو حب عجيب،،
ومن مكانا ده أتمني ليهو الشفاء،،
و جميل الإهداء إستمتعت بيهو جداً،،
| |
|
|
|
|
|
|
|
|
|
Re: Test غنية شايقية (Re: Soumeta)
|
سوميتا
Quote: و في غناهم
إن حزنو حزنهم يوصف دمع القلب
و إن فرحو يشرحو صدور الكلمات
و إن إشتاقو يعذبو الشوق في عمرو
و بوصفو االاحاسيس صـــــــاح،،
و حنااااااااان و حبوبين في غناهم
و في كلامهم و في سلامهم و في معشرهم،،
و لاصدقائي الشوايقة حكاوي و حكاوي بالذاكرة،، |
انت ذاتك مااقل منهم في وصف المشاعر والاحاسيس ويبدو ان قدر الشعب السوداني عامة أن يحمل كميات من الشوق والحنين اكبر من طاقته
Quote: وحبي لغناء الشايقيي٭ كما يقولون
يمتد لي زمن طويل لا ورا،، |
مرورك من هنا عدة مرات هو دليل كافي لحبك وتعلقك بالغناء الشايقي ، فكتري منها لان فيهو الدواء لجروح الزمن وندبات الشوق.
Quote: احمد جبارة و حنيــــــة صوتو،،
صديق احمد احبو حب عجيب،،
ومن مكانا ده أتمني ليهو الشفاء،، |
محمد جبارة وصديق احمد ،، قمم الفن الشايقى وعموده الفقري محمد جبارة صاحب الحنجرة الحنينة وأفضل من عزف الطمبور من فناني الشايقية ،، وصديق احمد صاحب الصوت المتفرد والامكانيات اللا محدودة.
امنياتي لصديق احمد بالشفاء والعافية ، ولهم الاثنين بوافر الصحة وطول العمر ان شاء الله
شكرا سوميتا مشاركتك لها وقعها الجميل واوعدك بأشياء لصديق أحمد ومحمد جبارة.
شرووم.
| |
|
|
|
|
|
|
|
|
|
Re: Test غنية شايقية (Re: شرووم)
|
الاخ العزيز
شرووم
تهانينا
وياسلام دا انجاز رائع وبديع
جانا قبل ايام معاوية المقل
حلقبنا
فوق
كان عندك ليهو شى
سووى .. لينا هنى
وتحياتى
| |
|
|
|
|
|
|
|
|
|
Re: Test غنية شايقية (Re: Muna Khugali)
|
الاخت منى خوجلي
| Quote: كـده تمام ..مـرحـب بغنـا أهلنـا الحـنينين وغنـايين.. |
ومرحب بيك انت كمان في بوستينا المتواضع ،،
الغناء الجميل واللحن العذب والكلمات الندية تجبر من يستمع أن يطرب لها دون ان تهتم بجنسه او قبيلته والغناء والموسيقى لا وطن لها،،
وغناء الشايقية يحمل كما ذكرت كل الحنين والطرب والكلام الجميل.
شكرا لمرورك الجميل.
شروووم
| |
|
|
|
|
|
|
|
|
|
Re: Test غنية شايقية (Re: عمر ادريس محمد)
|
عمر ادريس ابن عمي كيفنك ،،،
تسلم على المرور ،،
Quote: جانا قبل ايام معاوية المقل
حلقبنا
فوق
|
معاوية المقل انسان ، فنان ومبدع ،، سرقته منا أمريكا عبر اللوتري،،
فقدناهو وافتقدهـ الفن الجميل .
Quote: كان عندك ليهو شى
سووى .. لينا هنى |
عندي ليهو اشياء وشيتايات ،، وان شاء الله اجيب ليك ليهو شي بكرة باذن الله.
تحياتي للعيال والاسرة
شرووم
| |
|
|
|
|
|
|
|
|
|
Re: Test غنية شايقية (Re: شرووم)
|
شكرا ياشرووم وعلى راحتك يابا انت فتحت طاقة من الحنين والشوق والغناء السمح مابتنسد
على راحتك
ومعاك
شوف ود الدابى هنافى قصيدة"ساري الليل" غناء الشفاف..عبد القيوم الشريف
كان قالها ودالدابى فى "عوض" الجنى الصغير الجميل. عمرة كان..كان عشرة كان اتناشر, حديثو قليل وبسمتو باقة كل الاوقات , ناس البلد يلمحو.. الشافع دا فيهو شئ من أهل الله ..اهل الصلاح والدروشة ، اختفى عقب فيضانات عام 1988م ولم يعثر له على أثر(انشق البحر شالو) فأطلق حاتم حسن الدابي هذه الصرخة والتي تزداد حزناًووهجا مع الأيام .
يا ساري الليل : ما شفت عوض تابع النجمات فات لي قدام ؟؟
من يوم البحر الجانا وتسب وقام
يوم دخل الحلة وهدم بيوتنا ترا وهدام
صبحنا ضيوف ما خلاّ وراهو صلة أرحام
يوم داكا عوض خلاها مرق سفره طويل مع الأيام
درويشاً صغير عشرة أعوام
الزول زول الله من الصلاح الرفعت عنهم الأقلام
من غرث الرسل الدارو الآخرة أم خيرن دام
التركو نعيم الدنيا الزايل للعبدوها وللحكام
متجلبب بي تيبان الرحمة غتا وهندام
متنعلت بي أرض الله الواسعة خطى الأقدام
متزود شايل خير الزاد تقى وإلهام
يا ساري الليل ما شفت جناح جبريل غتاهو بقالو مظلة جلوس وقيام
يبقالي نجع متوجه قاصد أرض الشام
ما شفتو هناك مع الحجاج لابس الإحرام
بين يثرب ومكة وفي بيت الله المكسي رخام
يبقالي هناك يكون مندسي مع الخدام
فتشنا سما أرض ما شفنا منام
في التمر الشايل تكا سبيطو مدلول خام
في الجرف الأخضر في لوبيهو وفي النجام
في جدول جاري تسرسر مويتو نعيماً دام
يا ساري الليل أنا داير أوصيك وأديك كلام
الروح إين صعدت لي باريها وفي جنات الخلد مقام
لو لاقيتو في إي مكان في إي زحام
روح كلمو قولو الحلة بكت من شوقا إليك تغريك سلام
| |
|
|
|
|
|
|
|
|
|
Re: Test غنية شايقية (Re: شرووم)
|
Quote: معاوية المقل انسان ، فنان ومبدع ،، سرقته منا أمريكا عبر اللوتري،،
فقدناهو وافتقدهـ الفن الجميل |
تعرف ياشرووم
الدنيا عصيرا بدرى ويوم أحد فى فلادلفيا فى الاسبوعين الفاتو.الوقت يعادل اللحظات الاخيرة من حش القش ,وطلوع الناس لا فوق فى البلد.الرابطة هديمة فى نصها وخاته ربطة قشها فوق راسها ,والتندة فى الرسول يجى ود حلال ماشى بى حمارتو يساعدها ...ونحن التيراب ذاتو ..اتلملمنا من جاى لا جاى . شباب يملو عين الشمش ويفضلو من كل بقاع السودان الوطن الواحد ..الجاى من وردية ليل, والسايق التكسى, والبوزع فى البيتزا(قراصة الخواجات... الله يصرف ..) والبقرء ليل ونهار...وبطانا بنيات ووليدات معانا ...والتيراب نفسة قلوبهم معا, والالسن شتى ..شى انجليزى مكسر عند الكبار..وصاح عند الشباب والاطفال. وشى بين بين وجانا معاوية المقل ...زول يسالمك بى عيونو, مبدع وصاحب فن جميل, وقال كدى الطنمبور ضرب .. واتحزمو واحدين وقفوا صفاقة ,ناس المدن وصفقتهم الطرقة "والليلى" فيهم عقاب ذكرى يجاهدوامع النقارة,مرات تشعر وكان الدقديقة ياها ذاتها ومرات تفارق ,وصوت معاوية المقل الوسيم يصدح, ينقر جوة الروح , وقامن البنات رقصن واحدات عارفات شوية حتى هديل الحمام عارفاتنو,وواحدات يرقصن فى حق المدن, والطمبور يعاين لهن بى قعر عينو.. المهم تحت الرزاز اقمنا حفلة شايقية فى سماء فلادلفيااحتفالا بمناسبة قدوم زوجة واحد من ولادنا.
تحياتى
| |
|
|
|
|
|
|
|
|
|
Re: Test غنية شايقية (Re: عمر ادريس محمد)
|
يا سلام عليك يا عمر ،،
حملتني إلى ذكريات الزمن الجميل هناك بي تحت وحش القش وساعة العصاري والكل يجاهد لحزم اكبر كمية ممكنة من القش والرحيل قبل ماتضلم عشان يلحقو يصلوا المغرب (مغربا متأخر كدي) ويادوب البهائم سكتن من النبيح الا بهائم حاجة اصلها دائما متأخري.
وفجاة نقلتني إلى هناك بلاد العم سام (والبرد الشديد والناس الشايلة المسدسات وحايمة في الشوارع - هكذا تصوري دوما لبلادكم البديلة- والعمارات الشاهقة تعاين لي فوق لمن تقع على قفاك ماتشوف اخر العمارة ).
ثم معاوية المقل الود الذهبي والحنجرة الذهبية ،، هذا المعاوية منحنا اجمل لحظات الطرب والمتعة والانسجام مع النفس ،،
لا زلت اذكر حفلة أحد اقربائي في اوسلي وكان معاوية هو فنان الحفلة وكالعهد به كان نجما سما فوق كل النجوم وجعلنا ننطط الليل بأكلمه على رمال أوسلي الناعمة ،، ولازال يغني حتى طلعت الشمس ويعلم الله اني اشرب في شاي الصباح واستمع لمعاوية يغني كأن لم يغني من قبل.
شكرا عمر على المداخلة الجميلة.
| |
|
|
|
|
|
|
|
|
|
Re: Test غنية شايقية (Re: شرووم)
|
عمر أهديك والاخوان بأمريكا وكل من يفتقد أمه او يشتاق إليها أغنية يايمة ،،
كلمات ناصر محمد محجوب
وألحان معاوية المقل.
يا يمة كان حكم الزمن تسلك خطاي دربا طويل
وارحل براي طاوي الحزن من غير رفيق شايلني شيل
شايل آساي والزاد شجن والهم حداي والشوق طويل
شايلك معاي عيني بكن بل الدروب دمعا يسيل
والزكريات طافن نعن زمنا رحل فاقد دليل
في لحظة جن واتلملمن طرني ايامي القبيل
عند الصباح والنيل حضن لون الشعاع ممزوج جميل
فوق نخلة قمريات شدن جاوب غنيواتن هديل
فرحن جداولنا وجرن حانت مواعيد المقيل
يرقص جريد يبرد سعن يكسي الخدار لون ..... (الشريط مقطوع)
يا يمة ما نام لي جفن يملا السهاد عيني ويكيل
اثار جراحن ما برن اصلو الزمن بيهن كفيل
يا يمة والايام قسن في صيف صحاريهن نزيل
باقي الصبر يشكي الوهن طول السفر هد الحويل
يايمة في درب المحن كم شفت مرة وضقت ويل
تشهد علي غيمات غشن شاطي الضياع ناويات رحيل
ساقن خطاويهن مشن من غير وداع عابرات سبيل
يا يمة حنك لي وطن خضرة وضفاف واحة وضليل
سفن الهموم لو يوم رسن عدن بحور المستحيل
بطلب عفوك و انسى الحزن يشفي الجراح للبي يزيل
واشبع امان دعوات وحن والفات يهون يصبح قليل
| |
|
|
|
|
|
|
|
|
|
Re: Test غنية شايقية (Re: شرووم)
|
الاخ شروم
لك كل الود وأنت تمطرنا بهذه الورود من الغناء الشايقي الجميل..
أين هذه أغنية....
أوعديني..
أوعديني يطل صباحك لو ليالي الغربة طالو
وسديني (أسير) عيونك أستريح وأرقت قبالو
كلميني الصبر ضايق ما داير يتمدد حبالو
أعتقد إنها لمعاوية المقل أيضا....
| |
|
|
|
|
|
|
|
|
|
Re: Test غنية شايقية (Re: hatim)
|
شكرا أخي الكريم hatim على مرورك بالبوست
Quote: أين هذه أغنية....
أوعديني..
أوعديني يطل صباحك لو ليالي الغربة طالو
وسديني (أسير) عيونك أستريح وأرقت قبالو
كلميني الصبر ضايق ما داير يتمدد حبالو
أعتقد إنها لمعاوية المقل أيضا.... |
نعم اغنية اوعديني هي من أغاني معاوية المقل وهي فعلا من الاغاني الجميلة جدا
وعلى ما اعتقد هي ايضا من كلمات ناصر محمد محجوب. سأرى إن كان في إمكاني إنزالها غدا صباحا.
شرووم.
| |
|
|
|
|
|
|
|
|
|
Re: Test غنية شايقية (Re: شرووم)
|
عمر ،، وكل معجبي ومحبي معاوية المقل ،،
دي اغنية (همسة ) للشاعر الاستاذ المحامي .. الحسينابي ..
| |
|
|
|
|
|
|
|
|
 Re: Test غنية شايقية (Re: يحى الشريف)
|
يحيى ياخوي تسلم على المرور ،،
Quote: وعليك الله ذي ما قال تمبس شلّخ لينا المنبر ده عديل ..
|
أكتر من كدا يا يحيى ؟؟ والله الا كان اسطرو ليكم كراس حساب (هه)
لكن بيني وبينك انا ما رافع منه الا كان بكري يوقفني وللا الجماعة ديل يقطعوا النت.
ولكـ تقديري
شرووم
| |
|
|
|
|
|
|
|
|
|
Re: Test غنية شايقية (Re: شرووم)
|
ملك الاغنية الشايقية عامة وصاحب الحنجرة التي لا مثيل لها في العالم اجمع صديق أحمد مع امنياتنا له بعاااااااجل الشفاء .
| |
|
|
|
|
|
|
|
|
|
Re: Test غنية شايقية (Re: شرووم)
|
كلمات الاغنية
لا ليل لا صباح طعم ماليهو دونك
كل الدينا صبحت في إحساسي كونك
الهوى والحنان بس ياهن عيونك
مابقدر اسيبك مابقدر أخونك
الله يشيل سعادتي يديهن جفونك
ويخليك ديمة ليا يغتيك ويصونك
ولي يجيبك لي انتي
غيابك مابدورو
الأحزان غشتني والنوم لي يضرو
كفاي يومين بدونك على بالحسرة مرو
بالفرح المعاك صرت الليل امرو
حالي صبح يحنن العدو مابيسرو
الأحزان غشتني والنوم لي يضرو
كيف بالله حالتك ما واحشاك عيني
هاكي حنان فؤادي وخلي جفاك شوية
خلاص أنا بوراكي طلتني الآسية
لو شفتيها حالتي مابترضيها لي
كملت كل دموعي وحزن الطير عليا
لو يرضيك برضو زيديها الأذية
مافضل في قلبي غير الشوق وصبرو
خلاص انا بعد ديا بقول عينيك يحنو
كفاي عيوني ناحو تعبو وراكي وجنو
انت قلبك كلو طيبة وانا راجيهو حنو
مابدي الملامة واخيب مرة ظنو
جيبي ايديك عليا يصفقوا لي يغنوا
ويباركو الناس هوانا يحكو تملي عنه
الايام معاك بالأفراح يمروا
كلمات الاغنية من الاستماع للشريط لذا ربما هناك بعض الاخطاء .
شرووم
| |
|
|
|
|
|
|
|
|
|
Re: Test غنية شايقية (Re: شرووم)
|
العزيز
شرووم
معليش إنشغلت شوية... وشكراعلى اللحن الجميل وصوت معاوية المقل الدافى الحنين
تتميز كثير من أغانى الطمبور بنوعية متفردة من القصائد ..وكل قصيدة وراها قصة وموضوع
ياريت نواصل فى تتبعها وكشف اسرارها الغميسة وابداعها المتفرد ..وانت تراكا جاهز
وشلخ من طرف يازول 
تحياتى
وبجيك راجع
| |
|
|
|
|
|
|
|
|
|
Re: Test غنية شايقية (Re: عمر ادريس محمد)
|
الشقيق عمر كيفنك يا الطيب
لقد رجحت ان تكون مشاغل الدنيا وهمومه بعدتك شوية.
Quote: تتميز كثير من أغانى الطمبور بنوعية متفردة من القصائد ..وكل قصيدة وراها قصة وموضوع
ياريت نواصل فى تتبعها وكشف اسرارها الغميسة وابداعها المتفرد .وانت تراكا جاهز |
نعم يا عمر كل أغنية أو كل قصيدة هي عبارة عن قصة في حد ذاتها تتميز عموما بكثافة مخزن الحنية والحنين للوطن والاهل ( رغم انه مرات يكون بين الشاعر ووطنه (الصغير) شارع او شارعين (هه).
وأنا معك على استعداد لنفرد متسع من مساحات البورد للحديث عنها وعن مدلولاتها وسبب القصيدة.
بس خليك معاي عشان الشليخ كتر ومحتاج لمساعد شليخ أول.
اقعد عافي.
شرووم
| |
|
|
|
|
|
|
|
|
|
Re: Test غنية شايقية (Re: شرووم)
|
رغم مجافاتي للمكان،
لكن أسوي شنو؟
شلاقتاً علي جيت داخل، وزيادة في الشلاقة سمعت،
وعاد تعال شوف...
زيييييييييين بشَّرْتَ وهزِّيت، ونطط
أسع شعر جلدي واقف صوفايي صوفايي،
ووالله معبور، وما لاقي عِمَّةً أعضيها،
مالك علي يا عبدالله؟
براك عارفني،
زي ده ماب اقدر عليهو.
غايتو،
الله يديك العافية.
ـــــــــــــــــــــــــــــ
تعالي برة الدارة عشان اسألك جبت الشقاوة البتنزلبها الغني دي من وين؟
والله ناس الحجير مرقو تب، وتاني ما يتلحقو أصلو...
| |
|
|
|
|
|
|
|
|
|
Re: Test غنية شايقية (Re: بدري الياس)
|
بدري ،، ياخي راجيك انا من بدري
وناديتك يوم جية اسامة معاوية وصيحت عليك لامن حلقى انقرش بس صياحي رددوا ابو التي تي
Quote: رغم مجافاتي للمكان،
لكن أسوي شنو؟
شلاقتاً علي جيت داخل، وزيادة في الشلاقة سمعت،
وعاد تعال شوف... |
البكان ده مابنقدر على مجافاتو يا بدري ،، ده ياهو طاقتنا الفاتحي على الوطن مرة تجيب سموم ومرة تجيب كتاحة وهبوب امشير واحيانا طراوة، ونحن عشما في الطراوة وشوية الضو الداخل بيها ترانا فاتحنها وقاعدين قصادا.
Quote: زيييييييييين بشَّرْتَ وهزِّيت، ونطط
أسع شعر جلدي واقف صوفايي صوفايي،
ووالله معبور، وما لاقي عِمَّةً أعضيها،
مالك علي يا عبدالله؟
براك عارفني،
زي ده ماب اقدر عليهو.
غايتو،
الله يديك العافية. |
دي ياها شوية الطراوة الحارسنها لينا زمن تمر علينا ينشف عرقنا ونتشهد ونستغفر نرجع لي حرنا وهبابتنا.
Quote: تعالي برة الدارة عشان اسألك جبت الشقاوة البتنزلبها الغني دي من وين؟
والله ناس الحجير مرقو تب، وتاني ما يتلحقو أصلو... |
الشقاوة دي سرها مخفي يابدر يا اخوي وحمدو في بطنو..
ناس الحجير اصلهم مسقفين من يومن وايامن بس علي الدنيي ضيقي.
أبقى تعال مرات مرات عشان تاخد كوتك من النسيم.
شرووم
| |
|
|
|
|
|
|
|
|
|
Re: Test غنية شايقية (Re: شرووم)
|
جاياك
حكاية هيثم ياشروم
مابين هيثم والأيام
شعر
على الخضر
الحان واداء الفنان
المبدع
معاوية المقل
_______
حاجة زراتنا هنا وحضرت حفلة لى معاوية
قالتو طلبتك بالرسول سولنا
وأشريرى عليك ياهيثم
التحايا
| |
|
|
|
|
|
|
| |
شرووم
Soumeta
ملكة سبأ
tmbis
يحى الشريف
ودقاسم
nile1
عمر ادريس محمد
Muna Khugali
hatim
لؤى
فيس بوك
تويتر
انستقرام
يوتيوب
بنتيريست