|
ديك الصباح يونس محمود....أرعى بي قيدك
|
ديك الصباح يونس محمود....أرعى بي قيدك
يونس محمود هل تذكرونه؟ بتاع أيها الشعب السودانى البطل (أو الفضل)كما كانو يقولون بعد هروب الشعب للخارج نعم انه هو..... ذلك الشخص النكرة ذو اللسان البذيء الذي تسبب بلسانه الزفر في استعداء كل دول الجوار... انقطعت سيرته لفترة طويلة ليطل علينا من جديد عبر بوابة نادى الميرغني الكسلاوى(عاش أبو هاشم)!!! و السؤال هنا هل عقم رحم الحتمية لدرجة الاستعانة بسىء الذكر يونس محمود ليكون رئيسا لناديهم وهو الذي أساء للحتمية حاضرا و تاريخا و شبع فيهم سبابا..... أطل علينا يونس محمود في معركة بغير معترك بين الهلال و المريخ حول تسجيل لاعب من المرغنى و الاعب يرغب في اللعب للهلال و الهلال هو من دفع أكثر ولكن أنحاز ديك الصباح للانقاذي جمال الوالي و قال اللاعب للمريخ و لو دفع الهلال مليار جنيه,,, أول حاجه نحمد الله كثيرا أنو الزول ده ما طلع هلالابى تانبا نقول لى ديك الصباح أرعى بى قيدك و الله تقعد تناقر الهلال المرة الجاية نقاك رئيس نادى أم صفقا عراض
|
|
|
|
|
|
|
|
Re: ديك الصباح يونس محمود....أرعى بي قيدك (Re: ALGARADABI)
|
ابن عمي العزيييييز عمر (ابو إيناس)
تحية وسلام عبرك وليك
يا غالي تعرف إنت خدمت ذلك الدجال خدمة ما كان يحلم بيها طول عمره .. اولاً حرام عليك تشتم (الديك) .. الشيء التاني والاهم انه يا عمر تعرف محمود ده ما كان فضل زول بريدو غير ابوهو وامو واحتمال اخوانو اسي كده انت خليت نص الشعب السوداني على الاقل يتعاطف معاهو ونحن شعب متسامح ونساي (نميري) اقرب مثال .. عشان كده تلقى نص الشعب (المريخاب) نسوا كل العملو فينا (الزويل) ده على قول عمك عوض حامد .. وقالو خلاص ده زولنا .. بعدين ياخ مالنا نحن (المريخاب) عشان تقول الحمد لله الزول ما طلع هلالابي .. وانا متأكد انه برضو ما مريخابي .. ده زول مصالح يا اخوي وجمال (الوالي) بدفع عكس (التانين) .. اما الميرغنية (الختمية) فاتمنى أن يدركوا أمرهم قبل أن تقع الفاس في الراس ..
| |
|
|
|
|
|
|
Re: ديك الصباح يونس محمود....أرعى بي قيدك (Re: Rakoba)
|
Quote: وعن الصفقة التى تمت مع نادى المريخ بخصوص الطاهر حماد قال يونس نحن كمجلس ادارة اتخذنا كل الإجراءات التى تحفظ حقوق نادي الميرغني وأشاد بإدارة نادي المريخ والسيد جمال الوالي بالسلوك الحضاري الذى اتبعوه مع الميرغني لإطلاق سراح اللاعب ونحن في الميرغني أعطينا اللاعب للمريخ ومرتبطين بنظم الإتحاد العام بعد أن تم التراضي بين الميرغني والمريخ. |
Quote: وتحسر يونس على موقف الهلال بأن يكون اللاعب أسيراً بنادى الهلال وأن أجهزة الإعلام حاولت تضخيم الأمر وتمنى من الإعلاميين أصحاب الغرض أن لا يزجوا باسم الميرغنى في قضاياهم الخاصة. |
قال عبدالماجد عبدالسلام السكرتير الأسبق لنادي الميرغنى ـ ليس غريباً على الهلال التعامل بتلك الطريقة وهو مشهود له بذلك، وفي تسجيل اللاعب مجدى مرجان عام 1983 والشيك بحوزتى حتى الآن ومجلس الهلال غير صادق ورغم ذلك أُناشدهم بإطلاق سراح الطاهر حماد مراعاة لمصلحة الميرغنى
| |
|
|
|
|
|
|
Re: ديك الصباح يونس محمود....أرعى بي قيدك (Re: Rakoba)
|
الأخوة المتداخلون لقد حسم الأتحاد العام هذه الهيصة بأن افتى بأن اللاعب المذكور لن يلعب لأن من الهلال او المريخ لأنه لم يتم مدة الثلاثة سنوات مع فريقه الحالى .. اما عن فريق الميرغنى صاحب التاريخ الكروى المجيد فأتمنى له الهبوط للدرجة الأولى او الثانية فى ظل رئآسة ديك الصباح يونس محمود..
| |
|
|
|
|
|
|
|