|
|
|
 Re: اخيرا رحل الاستاذ ابراهيم عوض بعد رحلة طويلة من العطاء المتميز فالنترحم عليه (Re: الطيب شيقوق)
|
نقلا عن بوست رحيل نغم بهذا المنبر
بعد رحيل الفنان الذري ••
مابقدر ابوح وماداير اصرح
كتب حسن عمر خليفة
ما بين اعلان النبأ الحزين لرحيل الفنان الذري ابراهيم عوض وكتابة هذه الكلمات مساحة زمنية طويلة ما بين الاسى والتفكر والبحث المضني عن كلمات للحديث عن واحد من اعظم فناني السودان الذين اختزلوا بصدق مشاعرهم ونبل احساسهم مسافات الزمان والمكان فكانوا اساتذة علموا الناس المشاعر فاستوي علي مقاعد دراستهم الجيل بعد الجيل وظل معين عطاءهم الدافق يسيل انهارا عذبة صافية تروي الظامئين وتاوي المضني وتدل الحائر•
نكتب ونعلم اننا اقل قامة من مقام ابراهيم عوض ولكننا نكتب لنرد له دينا في اعناقنا وهو يقيل عثراتنا ويرشد خطواتنا ويمنحنا الزاد لمواصلة المسير كلما وهنت القوي وقل الصبر• والحال كذلك لابد ان نقف في حضرة ابراهيم عوض في هذا اليوم الذي يدخر الناس له الشكر نعم نشكر ابراهيم عوض ونرفع الاكف ضارعة للمولي عز وجل ان يمطر عليه شآبيب رحمته وان يغسله من خطاياه بالثلج والماء والبرد وان ينزله في دار البقاء منزلة الانقياء وان يتجاوز عن سيئاته ويعامله بالاحسان•
ورحلة ابراهيم عوض في عالم الغناء والموسيقي سفر باذخ وسجل مليء بالعطاء تقول سيرته الذاتية التي اوردها الدكتور عبد اللطيف البوني والاستاذ الزميل طارق شريف في سفرهما القيم : ابراهيم عوض خمسون عاما من الغناء العذب ـ ان اسمه الكامل هو ابراهيم عوض عبد المجيد سليمان اطلق صرخة ميلاده الاول عام 1933م في ام درمان مدينة الفن والابداع فشرب من فيض عطائها وفيها التحق بخلوة الشريف عمر الثوري ثم خلوة الفكي عثمان ثم مدرسة الفكي عوض عمر كان والده عوض عبد المجيد يعمل نحاتا ولم يختر ابنه ابراهيم مهنة بعيدة عن ذلك اذ عمل حدادا قبل دخوله المعترك الفني ورشة الشنقيطي ثم ورشة ناصر بشير بعد ذلك كان الفتى علي موعد اخر مع القدر الذي ادخر له ان يكون واحدا من اصحاب البصمة الغنائية البارزة والدامغة في الغناء السوداني•
ابراهيم عوض دون ترتيب او تسلسل تاريخي فنان غني للحب والامل والالم والمصير والانتصار علي الصعاب وقلد جيد الوطن بالدرر والروائع سمعناه وهو يشدو:
اعز مكان وطني السودان لانو حسانو اعز حسان
وطيورو صوادح وروضو جنان
هذا هو الوطن في ذاكرة ابراهيم عوض وان كان الراحل المقيم قد اهتم بجغرافيا الزمان والمكان فانه أس التغني لهذا الوطن هو انسانه الذي حمله ابراهيم عوض في حدقات العيون وهنالك النيل الذي يجري حاملا الحياة والخير والنماء وكل ذلك عند ابراهيم عوض قيمة خاصة للوطن:
فيهو النيل النيل الخالد
فيهو الخال والعم والوالد
فيهو تراث بين طارف وتالد
وفيهو الخير اشكال والوان
اوقد ابراهيم عوض مشاعل الامل ونادي بتحدي الصعب في رمزية خرجت بالحب من دائرة انفعال شخصي الي زاد رحلة حياة تطول فنادي بالثبات ومواجهة الصعاب:
ليه بنهرب من مصيرنا
ونقضي ايامنا في عذاب
ليه تقول لي انتهينا
ونحن في عز الشباب
وكم من مرة ومرة استنهضنا الهمم وواصلنا المسير زادنا في ذلك نداء ابراهيم عوض القوي والمعبر:
تاني ما تقول انتهينا
بتنهي جيل ينظر الينا
باني امالو وطموحو
ومعتمد ابدا علينا
نحن قلب الدنيا ديا
ونحن عز الدنيا بينا
تاني ما تقول انتهينا
نحن يا دوب ابتدينا
ومع ابراهيم عوض رددنا وغنينا لوسيم الطلعة نحن اكبر من الشجن واللوعة•
ومرة اخري نعود لمسيرة ابراهيم عوض الذي كاد ان يودع دنيا الغناء بعد ان تاخر لمعان نجمه قياسا بابني جيله الراحلين سيد خليفة وصلاح محمد عيسي لكن ارادة الفنان وايمانه برسالته دفعته ليواصل وسرعان ما حرك باغانيه مشاعر الشباب ليصبح ليس فنانهم فقط ولكن ظاهرة قلدوها في كل شيء بدءا من طريقة تصفيف الشعر مرورا بالملابس وصولا الي سن الذهب وكان لقب الفنان الذري الذي اطلقته عليه الصحافة الفنية تعبيرا واقعيا عن مدي الانتشار والقبول الذي وجده هذا الفنان والذي يعتبره الاستاذ ذو النون بشري ملك الاغنية الخفيفة وهو ينقل (الكسرة) الي اغنية قائمة بذاتها•
ويقول الاستاذ ذو النون ان ابراهيم عوض شارك في اول زيارة له الي مصر في فيلم بعنوان اسماعيل يس طرزان وذلك باغنية اظهر وبان عليك الامان•
وتاخذنا موجة الحزن علي رحيل ابراهيم عوض لتعيدنا مجددا لنسهر معه الليل ولنكون شهودا وهو يقول:
يشهد لي الليل وصمتو
شفت الليل والهم عرفتو
كاس ورا كاس المر شربتو
اداري عذاب قلبي الحرمتو
من قساك وايه الكسبتو
تكوي عيون عاشت تحبك
وفي بكائية الشاعر محجوب سراج ندير ظهورنا للمحبوب ونتسلي مرة اخري مع فناننا الذري الراحل المقيم وهو يلوم المحبوب:
ليه بتسال عني تاني
بعد ما شلت الاماني
ورحت خليتني لزماني
وانت عارفو عليا جاني
ولان فجيعتنا في رحيله كبيرة فاننا نهديه بقية المقاطع ونقول له:
لو بتفتكر الليالي بتداوي غلبي
ولا تاني ترجع الافراح لقلبي
انت واهم يا حبيبي
دي الليالي امر ليا
من دموعي الفي عينيا
وكل لحظة بتمر عليا
تنقص الايام شوية
تطفي شمعاتي القليلة
وافضل ابكي واقول حليلا
وابراهيم عوض الذي غني للشجن واللوعة هو ذاته ابراهيم الذي تودد للمحبوب وطلب منه فقط ان يكون عزيز دنياه وشرح له حاله في بعده وكيف تمر عليه الدقائق واللحظات:
كنت معاك سعيد
والليلة في بعدك ما اضناني
واصبر يمكن يفيد صبري
ويمكن نرجع تاني
الي ان يقول:
بهرب منك للقاك
وبحاول من اجلك انساك
امهد ليك تتخلص مني
القي خطاي تجمعني معاك
ولو تعرف عايش علي عطفك
وكل حياتي من املاكك
بتعرف يوم في دنيا غيابك
يساوي سنين في دنيا هناي
يا اعز عزيز في دنياي
انا طامع ابقي عزيز دنياك
وفي الختام لن نجد غير ان نقول:
ما بقدر اقول الزول داك سباني
والشوق صار رسول هيج لي جناني
بخاف الناس تقول وتقول عن حناني
واللاح يوم يزول وين القاهو تاني؟؟؟؟
طب في مرقدك هنيئا فقد اثريت الوجدان ودخلت القلوب وها هي ذي اليوم الاكف ترتفع ضارعة للمولي عز وجل ان يسكنك فسيح جناته مع النبيين والصديقين والشهداء والصالحين وحسن اولئك رفيقا وان يلهم اهلك وذويك ومعجبيك الصبر وحسن العزاء•
خلال مسيرته الفنية الطويلة تعامل ابراهيم عوض مع عدد من الشعراء كان في مقدمتهم ابن الحي عبد الرحمن الريح الذي غني له ابراهيم عوض (بسمة الايام) (هيجتني الذكري) وغيرها وهنالك الطاهر ابراهيم الذي غني له (حبيبي جنني وغير حالي) و (لو بعدي برضيهو وشقاي يهنيهو اصبر خليهو الايام بتوريهو)• و (يا خائن)•
تغني كذلك فناننا الراحل لسيف الدين الدسوقي فكانت (احب مكان وطني السودان) و (ايوه جيتكم) ثم كانت قمة هذا التعاون في (المصير) ومع ابراهيم الرشيد والملحن الشاب حينها عبد اللطيف خضر ود الحاوي كان لابراهيم عوض عهد جديد فجاءت اغنيات (وسيم الطلعة) (يا زمن وقف شوية) (ولو مشتاق حقيقة ما بتغيب دقيقة) وفي لقاء امدرماني آخر كان ابراهيم عوض علي موعد مع محجوب سراج في ثلاث اغنيات (ليه بتسال) ثم (قاصدني ما مخليني) (مين قساك) وتعد اغنية (تذكار عزيز) للشاعر مصطفي عبد الرحيم من الاغاني الخالدة والباقية•
هنالك عدد من الشعراء تعامل معهم ابراهيم عوض مثل عوض احمد خليفة، اسحق الحلنقي، عبد المنعم عبد الحي، النعمان علي الله، حسين عثمان منصور، حسين محمود جقود، عثمان بكر، بشير عبد العال(سلوى)، وغيرهم من الشعراء
| |
 
|
|
|
|
|
| |
الطيب شيقوق
أحمد الشايقي
أبوذر بابكر
لؤى
Hisham Ibrahim
عشة بت فاطنة
Muna Khugali
فيس بوك
تويتر
انستقرام
يوتيوب
بنتيريست