|
|
 عليكم الله شوفوا كوفي عنان متواضع كيف
|
كوفي عنان يجلس وسط نازحي ولاجئي دارفور ويستمع لمشاكلهم (( تواضح )) كتر خيرك ياكوفي عنان
وانت تجلس هكذا وسط اهلنا وتستمع اليهم في حين ان الحكومة السودانية هي التي تقتلهم وتمارس الجرائم
ضدهم والان ترفض تعويضهم .
Quote: نان يحذر من أزمة بدارفور ويوفد الإبراهيمي للخرطوم
كوفي أنان أعلن أن دارفور يمر بأسوأ أزمة إنسانية على وجه الأرض(الفرنسية-أرشيف)
قرر الأمين العام للأمم المتحدة كوفي أنان إرسال الدبلوماسي الأخضر الإبراهيمي إلى الخرطوم الأسبوع المقبل ضمن مساعي المنظمة الدولية للسماح بدخول فريق تابع لها للإعداد لتسليم مهمة حفظ السلام الأممية في دارفور غربي السودان.
وقال كبير المتحدثين باسم الأمم المتحدة ستيفان دوجاريك إن إرسال الإبراهيمي يأتي في "إطار الحوار المستمر مع حكومة السودان", مضيفا أن مسؤول عمليات حفظ السلام بالمنظمة هيدي أنابي سيرافق المبعوث خلال مهمته.
ويأتي قرار أنان عقب إصدار مجلس الأمن الثلاثاء الماضي قرارا يمهل السودان أسبوعا للسماح بدخول خبراء عسكريين تابعين للأمم المتحدة، ليبدأ الإعداد لنقل مهمة حفظ السلام في الإقليم من بعثة الاتحاد الأفريقي إلى قوة أممية.
أسوأ أزمة
وكأن أنان أكد أنه لا توجد "ثانية نضيعها" إذا أراد العالم أن ينقذ مئات الآلاف من الأشخاص في دارفور، حسب قوله.
وأضاف أنان في مقال نشرته صحيفة "لوفيغارو" الفرنسية أن الأقليم يمر بأسوأ أزمة إنسانية على وجه الأرض, مشيرا إلى أن اتفاق السلام المبرم بين الحكومة وفصيل من أكبر الحركات المتمردة، من شأنه أن يساعد على إحلال السلام, لكن التوترات لاتزال محتدمة في الوقت الذي رفضت فيه فصائل أخرى التوقيع عليه.
تجدد العنف
قوات الاتحاد الأفريقي تنتظر تسليم مهماتها للقوات الأممية (الفرنسية)
ويأتي التحرك الأممي متزامنا مع تأكيد تقرير صادر عن المنظمة الدولية أن عشرة أشخاص على الأقل قتلوا في هجوم يوم الاثنين الماضي في إقليم دارفور غربي السودان، بعد أقل من أسبوعين على توقيع اتفاق السلام في العاصمة النيجيرية أبوجا.
وأوضح التقرير أن القتلى لقوا مصرعهم في هجوم شنته مليشيا مسلحة في كرقاي وتنقرارا في شمال دارفور في الـ15 من هذا الشهر, مشيرا إلى أن الهجوم أسفر كذلك عن إصابة آخرين بجروح اعتبروا في عداد المفقودين.
ولم يوضح التقرير من هي المليشيا المسؤولة عن هذا الهجوم، لكن مسؤولين في الاتحاد الأفريقي قالوا إن عناصر من الجنجويد هم الذين شنوا الهجوم.
وتأتي أعمال العنف هذه بعد أقل من أسبوعين على توقيع اتفاق أبوجا بين حركة تحرير السودان وحكومة الخرطوم. ولم يوقع الاتفاق فصيل عبد الواحد نور في حركة تحرير السودان ولا حركة العدل والمساواة, وطالبتا الحكومة السودانية بتقديم مزيد من التنازلات. |
|
|
 
|
|
|
|
|
|
|
|
Re: عليكم الله شوفوا كوفي عنان متواضع كيف (Re: عمر الفاروق)
|
اخوى عمر الفاروق
لك التحية
| Quote: لكن كدي جيب لينا صورة لي تواضع بوش وهو يأكل ام جنقر مع ابكرونا |
يا عمر خلينا من بوش
انت تعال واقعد مع ابكرونا دا واكل معاه الشية على الجمر
على شان تبطل عنصريتك البتوزعها شمال ويمين دا ...
تسلم
| |
|
|
|
|
|
|
|
|
|
Re: عليكم الله شوفوا كوفي عنان متواضع كيف (Re: معتز تروتسكى)
|
معتز تروتسكى
شخصيا
يا زول وين انت
كدة نشوف
قلت شنو
Quote: القال ليك من ماقاعد يقعد
يعنى الا يجيب ليكم الصور هنا؟؟!!
بالمناسبه وابكرينا لابكرينا بفرق..
ابكرينا البعرفو عمر يبعد عنكم مئات السنين الضوئيه...
ياخ عليك الله فكونا.. |
يا مان ما شرط هو يقول ولا يجيب الصورة اطلاقا ..
ولكن اسلوبه يوضح ..
ولا انت رايك شنو ؟؟؟
والله الفرق دا عندكم انتوا بس
كدا ورينا الفرق بينا ابكرينا الاول والثانى شنو ...
والله السنين الضوئية ممكن لكن دا بيكون فى كوكب تانى غير الارض ...
لكن سؤال بسيط وما هو معيار الفرق بيننا ابكرينا ..
يا اخوى ما فى زول ماسكك اطلاقا يا تروتسكى انت بس خليك عادى ..اوكى
تسلم يا مان
| |
|
|
|
|
|
|
|
|
|
Re: عليكم الله شوفوا كوفي عنان متواضع كيف (Re: ابراهيم بقال سراج)
|
بقال انت ضعيف سياسيا ولا تسطيع ان تحلل
كيف لعنان ان يغطي عن تقصير في اماكن اخري من العالم
ومن وراء هذه الحمله الاعلاميه لقضيه دارفور
كفايه غباء
زمان عمر الفاروق عمل ليهوا قمتوا قعدتوا لما فصلوه
هاك دي
خلي يطلع ديل من اسرائيل وبطلوا فصاحه
خلاص مولد وانفض
وتاكد انوا القصه مصالح خاصه لدول فقط
ما عشان حنانك
طيب ما يشوفوا المسلمين في الشيشان وفلسطين وغيرها
ياخي شةف ليك مواضيع تانيه
نعرف من خلالها بقال
صحيفة معاريف الاسرائيلية نشرت رد النيابة العامة الاسرائيلية للالتماس الذي قدمته الى المحكمة العليا الاسرائيلية بعض التنظيمات حول اطلاق سراح اللاجئين السودانيين ومما جاء في الرد انه وفق المعلومات الاستخباراتية الاسرائيلية فان السودانيين الذين تسللوا الى اسرائيل يشكلون خطرا كبيرا على امن الدولة العبرية بسبب الحركات والتنظيمات الاسلامية الارهابية والمتطرفة الفاعلة في السودان، واعترفت النيابة ان اسرائيل تحتجز في سجونها 176 سودانيا بدون محاكمة وانها ترفض الافراج عنهم او اطلاق سراحهم او محاكمتهم، مشددة انه منذش شهر «يناير» من العام الحالى تفاقمت ظاهرة تسلل السودانيين الى اسرائيل من شبه جزيرة سيناء، زاعمة انهم يخططون لعمليات عسكرية ضد اهداف اسرائيلية، كما اتهمتهم بأنهم قاموا بتهريب الاسلحة من سيناء الى المقاومة الفلسطينية في قطاع غزة.
اما صحيفة «هاآرتس» فقد كشفت النقاب عن ان اللاجئين السودانيين معتقلون في اسرائيل بموجب قانون طوارئ سن قبل 52 عاما ضمن محاولات الدولة العبرية منع ظاهرة التسلل الى اراضيها.
وينص القانون على ان الدولة العبرية باستطاعتها حجز أي شخص تعتبره متسللا الى اراضيها لفترة زمنية غير محددة، كما ان القانون المذكور يمنع المعتقل من التوجه الى القضاء الاسرائيلي لشرح معاناته وظروف اعتقاله. واضافت الصحيفة ان ممثلين عن عدد من منظمات حــــــقوق الانسان في اسرائيل اكتشفوا هذا الامر وقدموا التماسا الى المحكمة العليا الاسرائيلية، طالبوا من خلاله منح اللاجئين الحق الاساسي في عرض قضيـــتهم على المحكمة الاسرائيلية. ولفتت المنظمات النظر الى ان السلطات الاسرائيلية تستعمل مع السودانيين القانون القديم، في حين تتعامل مع المهاجرين من الدول المختلفة، غير العربية او الاسلامية وفق قانون اخر بموجبه يتم تمديد اعتقال المتسلل غير القانوني في السجن لمدة لا تزيد عن اربع وعشرين ساعة، كما ان القانون يلزمها بعرضه على المحكمة الاسرائيلية في فترة اقصاها اسبوعان.
وتابعت المنظمات الحقوقية الاسرائيلية في التماسها قائلة ان الدولة العبرية لجأت الى القانون القديم.
ذات الصحيفة «هاآرتس» اجرت الاسبوع الماضي لقاءً مطولا مع البروفيسور يهودا بايور الذي وصفته بأحد ابرز الباحثين حول المحرقة اليهودية وهدف اللقاء البحث عن القواسم المشتركة بين محرقة اليهود والابادة الجماعية في دارفور فهو يعتبر السودان عدواً لاسرائيل لكن دارفور ليست عدواً ولهذا السبب كتب مقالا في صحيفة «هاآرتس» انتقد فيه بشدة تعامل السلطات الاسرائيلية مع اللاجئين من دارفور وتساءل قائلا بأي نوع من القوانين نضع في سجوننا لاجئين فروا من الابادة الجماعية؟
وفي خطاب بعث به الى المحكمة الاسرائيلية العليا قارن البروفيسور يهودا بايور بين وضع اللاجئين السودانيين في السجون الاسرائيلية وحبس السلطات البريطانية للاجئين اليهود الالمان في نهاية الثلاثينات واضاف قائلا: عاني اليهود طويلا من اللجوء، اما هؤلاء السودانيون فجاءونا وطلبوا اللجوء لانهم سود تعرضوا للهجمات من العرب بسبب عرقيتهم ولونهم الاسود وبالتالى لابد من منحهم اللجوء السياسي ولابد ان نسمح لهم بالبقاء في اسرائيل كما ارادوا ويمكنهم العودة حال تحقيق السلام في مناطقهم .
ولكن ربما يتسلل عبرهم جواسيس؟ سؤال من الصحيفة رد عليه البروفسيور الاسرائيلي قائلا: هذا ما قالته بريطانيا عن اللاجئين اليهود لقد تحرت معهم واحدا تلو الآخر، ففي السودان يتعرض الافارقة السود لاضطهاد من العرب البدو الذين تدعمهم الحكومة لقد قتلت منهم نحو 400 ألف شخص وليس 200 ألف شخص كما تقول صحفنا الاسرائيلية او نحو 180 ألفاً كما قالت صحيفة نيويورك تايمز لا ادري من اين جاءوا بهذه الارقام هؤلاء اللاجئون هم من اصل نحو 45 ملايين جملة سكان اقليم دارفور نزح منهم نحو مليونين.
لكن الا ترى ثمة مخاوف من ان يشكل هؤلاء السودانيون مصدر قلق لاسرائيل وامنها ؟ يرد قائلا: لا لا ارى اي خطر حقيقي من هؤلاء السودانيين انهم قله من اللاجئين تسربوا عبر مصر اننا استقبلنا لاجئين من فيتنام والبوسنة لماذا لا نقبل لاجئين من دارفور.
من هذا اللقاء يتضح جليا ان اليهود هم الذين سوقوا لمصطلح الابادة الجماعية في دارفور، تقول الصحيفة ان البروفيسور يهودا بايور يرأس هيئة استشارية تضم 10 اكاديميين للوقاية من الابادة الجماعية والبحث عن انجع السبل لوقفها سواء بالحظر السياسي أو الدبلوماسي أو الاقتصادي الفعال وقد خلصت هذه الهيئة الاستشارية الى ان ما يحدث في دارفور ابادة جماعية وهو مصطلح استخدمه وزير الخارجية الامريكي السابق كولن باول امام الكونغرس ومن بعده كوندوليزا رايس ثم الرئيس بوش نفسه.
http://www.rayaam.net/syasia/syasa40.html
| |
|
|
|
|
|
|
|
|
|
Re: عليكم الله شوفوا كوفي عنان متواضع كيف (Re: ابراهيم بقال سراج)
|
يا عاصم شايفك ساكيني شديد في موضوع العنصرية ده ...
دي كده المرة التانية حا اعمل ليك فيها ما فاهم شي وبرضو بقول ليك نجلي الحنك ده ..
امايا بقال الشفت بقول ليك :
انت لو شايف إنو ناس كوفي عنان ديل ما زيكم وناس اعلى منكم للدرجة اللي خلتك توصفهم بالتواضع فنحن الكلام ده ما عندنا !!!!!!
وبعدين يا وهم ما اي زول لونو ابيض يقعد مع الناس ديل تقوم تصورو وتجيبوا لينا !!!!
وبعدين ياخ قووووووووووول قعد معاهم اصحاب البشرة البيضا المشكلة وين ؟؟؟؟؟؟
شفت كيف إنو مركب النقص عندك !!!!!!
عالجوا المشكلة دي يا عاصم بعدين تعالوا ناقشوا موضوع العنصرية ده !!!!!!
تخريمة :
بالله ام جنقر بيشربوهو !!!!!!؟؟؟
ياااااااااااااااي لكن على قول تراجي ..
اصلو انا إتربيت في حي راقي وعملية اللوز بعملها برة السودان وبصيف في لندن وكده ..
| |
|
|
|
|
|
|
|
|
|
Re: عليكم الله شوفوا كوفي عنان متواضع كيف (Re: عمر الفاروق)
|
يا ود الفاروق
حبابك وين انت
Quote: يا عاصم شايفك ساكيني شديد في موضوع العنصرية ده ...
دي كده المرة التانية حا اعمل ليك فيها ما فاهم شي وبرضو بقول ليك نجلي الحنك ده .. |
اه يا ود الفاروق انت ما عنصرى يعنى ...
وثانيا انا اسكك انت لشنوا يعنى ..
يا عمر والله لا بحب السكسيك ولا بجارى الناس لكن كلمة حق بقولها
وانت عارفنى كويس من الاوف لا ين انا الاعور بقول ليه اعور يعنى العنصرى بقول ليه عنصرى ..ز
يا اخوى والله ما دايرة ليها تانى ولا ثالت ..
اما الحنك دا ممكن نجلى ما مشكلة نشوف غيره احسن صح ...
| Quote: عالجوا المشكلة دي يا عاصم بعدين تعالوا ناقشوا موضوع العنصرية ده !!!!!! |
يا عمر منو القال ليك انحنا عندنا مشكلة فى اللون
لا عمرنا اللون لم يكن مقياس بالنسبة لينا
لكن مشكلتنا فى الناس البيقولوا عرب ديل ؟؟
انت معاى ؟؟
خارج النص
والله وبقلب صادق اسال اين الاخ علاء الدين وبلغه باننا ننتظر علاء الدين
الصغير الشرس العنصرى نمر2 بدل 1 ...
اتمنى ان ترسل له سلامى
| |
|
|
|
|
|
|
|
|
|
Re: عليكم الله شوفوا كوفي عنان متواضع كيف (Re: عاصم ابوبكر حامد)
|
عاصم :
تعرف زماااااااان في الستينات سنة 87 انا جيت نزلت لي بوست هنا وكان إسمو :
الفوراوي الذي احببت !!!!
اها شفت كيف ..ختيت ليك في البوست ده صورة لي كوفي عنان ده بي الجلابية وما قلت بغم وطلعت ..
أها جماعتكم الله يديهم العافية جو شبكوني يا عنصري وكيف تخت صورة كوفي عنان وكيف تشبهوا بي الفور وكيف وكيف وكيف مع العلم بأني ما قلت اي شي غير ختيت الصورة ..
وسكوني كده لحدي ما فصلوني والكلام ده اسأل منو محمدين والحنكوشة تراجي ..
اها سبحان الله دارت الدوائر وأهو جا اليوم البتشكروا فيهو كوفي عنان وتطلعوهو متواضع !!!
طيب ما انا سبقتكم بي سنة كاااااااااملة واكتشفت الحقيقة دي لمن لبستو الجلابية وطلعتوا فوراوي !!!!!!
شفت كيف الناس ممكن تلخبط الكيمان ....
طبعاً حا يجو (وربما تجي انت زاتك) تشبكوني نحن عارفين نواياك وخشينا جوة دواخلك وعرفنا قصدك مع العلم بأنو لا يعلم ما بالدواخل إلا الله ..
عموماً هنيئاً لكم تواضع كوفي وتواضع انجلينا جولي وبراد بيت وكل الحلوين ..
اما حكاية اللون دي انا ما قصدتها بقدر ما قصدت العقد البتخلي بقال يتفاخر إنو قاعدة معاهم خواجية في نفس البرش وكوفي عنان يشرب معاهم أم جنقر ..
هو قايل كوفي عنان ده شنو ؟؟؟ ما افريقي ويييييييهم بس عندو ال Green Card وجاهو اللوتري بدري وبعد داك مشت معاهو ...
تخريمة :
علاء الدن مرتااااااااح في السودان ومتجدع بي الدفع الرباعي  ..
اها انت لسة لايص في بلاد الله ولا هجدت ليك في بلد معين ...
| |
|
|
|
|
|
|
|
|
|
Re: عليكم الله شوفوا كوفي عنان متواضع كيف (Re: ابراهيم بقال سراج)
|
يا ود الفاروق
قلت لى
سبقت الناس بعام كامل
ما مشكلة بتكون مركب مكنة بتاعت كائن فضائى وقتها
اما فصلك اتذكره جيده
وكنت من ضمن
(مطاريد الاون لاين ) فى الاوف لا ين
وكانت من ضمن الذين وضعوا حجر الاساس ..
ما مشكلة ...
اما اجى انا واقول انت عنصرى دا ما فيها اتثين ثلاثة لان
وقلمك يدل على ذلك وما مشكلة نعتبر نفسنا ما قرانا لعمر الفاروق ...
| Quote: طبعاً حا يجو (وربما تجي انت زاتك) تشبكوني نحن عارفين نواياك وخشينا جوة دواخلك وعرفنا قصدك مع العلم بأنو لا يعلم ما بالدواخل إلا الله .. |
والله انا شخصيا هذا ليس اسلوبى
Quote: عموماً هنيئاً لكم تواضع كوفي وتواضع انجلينا جولي وبراد بيت وكل الحلوين ..
اما حكاية اللون دي انا ما قصدتها بقدر ما قصدت العقد البتخلي بقال يتفاخر إنو قاعدة معاهم خواجية في نفس البرش وكوفي عنان يشرب معاهم أم جنقر ..
هو قايل كوفي عنان ده شنو ؟؟؟ ما افريقي ويييييييهم بس عندو ال Green Card وجاهو اللوتري بدري وبعد داك مشت معاهو ... |
يقعد يطير بغطس ما مشكلتنا
مشكلتنا حل للقضية
ولا انت رايك شنو ؟؟
Quote: تخريمة :
علاء الدن مرتااااااااح في السودان ومتجدع بي الدفع الرباعي ..
اها انت لسة لايص في بلاد الله ولا هجدت ليك في بلد معين ... |
والله يزيده راحة
نعم سمعت انه يلك سيارة ذات دفع رباعى وحايم الخرطوم كلها
وما مخلى شركة كمبيوتر وما خاتى رجلوا فيها ...
والله اخوك يا مان لسة حايم فى بلاد الله الواسعة ولكن الاستقرار الان حصل
الحمدلله ...
| |
|
|
|
|
|
|
|
|
|
Re: عليكم الله شوفوا كوفي عنان متواضع كيف (Re: Tragie Mustafa)
|
Quote: تروتسكي
متلح الشباب مالك,ماطبعا عنصري انت ذاتك.
عامل فيها بتهظر وانك مناصر ل (ابكرينا) ولكنك ضد نموذج (ابكرينا ) لما يبقى مفتح زي بقال وعاصم.
عايزه طيب وسكين وبيصدق استهبالك كله,ياراجل يا طيب...!!!!! قوم العب غيرها.
وعلر فكره عارفاك (لايوق) وحتفضل تلت وتعجن في البوست ده بمجرد دخلتي ,لكني ما فاضيه بالذات
لماخلاتك العرضحالات دي,فتك بعافيه.(الخلاصه)انه (ابكرينا داك)ثاني الا في ذاكرتكم كل الابكرينا بقوا بقال
واعين بحقوقهم ومفتحين عيونهم زي الريال ابو عشرة.
تراجي. |
ثانكس تراجي..
------------------------------------
اركب كوبر؛ ارح يا
السلالاب بالكمبونى نفر . .
| |
|
|
|
|
|
|
|
|
|
Re: عليكم الله شوفوا كوفي عنان متواضع كيف (Re: Tragie Mustafa)
|
الأخ العـزيـز ابراهيم بقال ..
التحايا والتقدير ..
كتب الأخ مهـاجـر :
Quote: خلي يطلع ديل من اسرائيل وبطلوا فصاحه
خلاص مولد وانفض
وتاكد انوا القصه مصالح خاصه لدول فقط
ما عشان حنانك
طيب ما يشوفوا المسلمين في الشيشان وفلسطين وغيرها |
كمـا كتبـت الأخــت تـراجـي :
Quote: الموضوع مش كوفي عنان وخلفيته الافريقيه او غيره
الموضوع الثقافه والتعليم الحقيقي هو البيخلي الناس تتواضع وتعرف انها كلها سواسيه. |
وأعتقـد أن مـا كتبـاه عـين العقـل !!
لأن كـوفـي عنـان فـي حقيقـة الأمـر يعتبـر عبـدا مطيعـا للبيت البيض ، ينفـذ أوامـره وأحـلامـه وخططـه ..
ولا عـلاقـة لـه بالانسـانيـة ، حينمـا تتعـذب هـذه الانسـانيـة بأيـدي اليانكـي ..
وبالمقـابـل عليـك الله شـوف كـوفـي عنـان متـواطـئ كيـف !!!
يبقـى السـؤال يـا عـزيـزي بقـال :
هـل بسـتطيـع كـوفـي عنـان أن يـذهـب لغـوانتـانمـو أو أبـوغـريـب ليتـواضع مـع هـؤلاء !!؟؟
فالمبـادئ حـالـة واحـدة لا تتجـزأ ، ولـو كـان عنـان ينـاضـل بحـق مـن أجـل الانسـانيـة ، فلمـاذا يـا تـرى لـم يتـواضع مـع هـؤلاء !!
كـوفـي عنـان مجـرم حـرب متـواطـئ مـع الصهيـونيـة العـالميـة يـا عـزيـزي !!
ولك السـلام .. ولنـا السـلام .. فـي زمـن البحـث عـن السـلام .. حتـى مجـئ السـلام ..
| |
|
|
|
|
|
|
|
|
|
Re: عليكم الله شوفوا كوفي عنان متواضع كيف (Re: حسين يوسف احمد)
|
المحترم حسين يوسف
لن يناصر احد التعذيب او الاضطهاد
ولكن لن اعذب البشر اكثر باحضار صور افظع عن ما فعله صدام بشعبه.
ويمكنني ان احصل عى صور مشابهه
من
مصر
سوريا
ليبيا
و..الخ من كل هذه الدول التي لا تحترم شعوبها,
اتمنى ان تحضر لي صور من ماتم بحق الطيارين السودانين (الدارفورين)الذين رفضوا ضرب قراهم في دارفور.
واتمنى ان تجد لي مبرر واحد للطيارين السودانين الذين نفذوا تلك الاوامر؟؟؟
ونشكر الله ان في الشعب الامريكي مواطنين رائعين هم من وثق لنا لمثل هذه الجرائم
ولكن نأسف في نفس الوقت ان في شعوينا لم يوجد من يوثق او يستنكر ولو بصمت ماتم للبعض من ابناء شعبنا.
ولك الود.
تراجي.
| |
|
|
|
|
|
|
|
|
|
Re: عليكم الله شوفوا كوفي عنان متواضع كيف (Re: ود الباوقة)
|
والله يا بقال انتو ال وصلتو اهلكم للبهدله دى
كلكم تربية كيزان ولمن ما تلقوا معاهم طريقه تجرو جرى لامريكا او ماما امريكا
قبلك احمد حسين وعبد العزيز عشر كانوا اكبر كلاب امن فى الانقاذ عزبوا وشردوا اولاد الناس من جامعة النيلين
احمد حسين كان اكبر كوز ومن كلاب امن الانقاذ ورئيس اتحاد النيلين لسنة 1993
عبدالعزيز عشر كان اكبر كوز ومن كلاب امن الانقاذ ورئيس اتحاد جامعة النيلين لسنة 1994
وانت زاتك يا بقال تربية كيزان وبالاحرى انتو اولاد الترابى لمن الترابى انشق من الحكومه ظهرتو وشردتو كلكم عشان كده يا اخوى انتو جيبتو البلاء لاهلكم
والله والله عشر واحمد حسين ال حسه بيمثلو العدل والمساواة عزبو طلبة النيلين امر العزاب
وكانوا يرتكبوا ابشع من كده
واختنا تراجى تربى فى بقايا كيزان ورغم انو هى عارفاهم سابقا اولاد الترابى
ربيهم يا تراجى والله بعد ما ريشهم يكبر حيدوسو على حتى ابناء دارفور
وفى الساعه ديك حنقول عفا الله عما سلف
وجاى حسه يتباكى على دارفور وهو وصلها على كده
بكاش
| |
|
|
|
|
|
|
|
|
|
Re: عليكم الله شوفوا كوفي عنان متواضع كيف (Re: Tragie Mustafa)
|
الاخوة المتداخلون جميعاً
لكم الشكر والتقدير وشكراً لكم علي المشاركة
الاخ / حسين يوسف
نحن ضد التعذيب الذي يمارس في العراق وضد انتهاك حقوق الانسان ولكن يأخي الذي فعله الكيزان في اهلنا في دارفور
اسوء بكثير مما يفعل الان في العراق وفلسطين وغيرها (( مواطنيين ابرياء تقصف الحكومة قراهم ومدنهم بالطائرات
اي مواطن يخرج من منزله لمسافة خمس كيلوا مترات اذا كانت امراءة تضرب واذا كانت فتاة تغتصب اما الرجال
فنصيبهم الموت شي مؤسف للغاية ,, فالوضع في دارفور مذري للغاية وتحتاح لامثال كوفي عنان وكولن باول والمجتمع
الدولي الوقوف بجانبهم والسماع اليهم والي مشاكلهم والجرائم التي ارتكبت ضدهم ,, هل تصدقوا ان ما يمارسه الجبهة اللا اسلامية
في سجون كوبر ودبك والدبة وشالا والخير خنقا اسوء بالف مرة مما يفعله الامريكان في العراق ولا عشان الكيزان ما عرضوا
ليكم صور السجناء الدارفورين في السجون ,, كثيرون من ابناء دارفور نالوا اقساط من التعذيب وبشتي الانواع وبأبشع صورها
وهم الحكوا عن الحصل ليهم داخل السجون بعد اطلاق سراح بعضهم , الجمرة بتحرق واطيها ومن لم تقتل الحكومة اهله بالانتنوف
ويعذب اهله في سجون النظام لا يحس ولا يعي بصرخاتنا
| |
|
|
|
|
|
|
|
|
|
Re: عليكم الله شوفوا كوفي عنان متواضع كيف (Re: ابراهيم بقال سراج)
|
| Quote: كثيرون من ابناء دارفور نالوا اقساط من التعذيب وبشتي الانواع وبأبشع صورها |
..
.
.
كنت وين ..
عندما كانت بيوتات الاشباح التي كان قوامها العديد من ابناء دارفور من مختلف القبايل ..
اين كنت عندما كانوا صبية على الحاج والترابي .. يدخلون البيوت من حيطانها.. والمدارس والجامعات .. لم تسلم منهم حتى الطالبات .. لماذا لم تذكر من مات بفعلهم أو انتهكت انسانيته امام مشهد من آل بيته
لماذا تذكرهم الآن عندما انقلب عليهم .. سحر ساحرهم ويدفع منهم في التمن
وتولول أنت عن بيوت التعذيب والاشباح ..
..
كل هذه السنين لن تنمحي من الذاكرة .. وكل الاشكال التي وقفت امامنا تحمل الهراوات ومعدات التعذيب ستظل محفورة في ذاكرتنا وذاكرة الايام ..
..
لم يسلم كل السودان من زبانية الجبهة التي كان العديد من ابناء دارفور من قوامها ..
من درسوا التعذيب بابشع صوره .. ليس فقط شريحة محدده من ابناء دارفور تعرضوا للتعذيب .. كل الشعب السوداني ومازال العديد منهم يقبع في السجون
وانت سيد العارفين
| |
|
|
|
|
|
|
|
|
|
Re: عليكم الله شوفوا كوفي عنان متواضع كيف (Re: tmbis)
|
العـزيـزة تـراجـي ..
التحـايـا والتقـديـر ..
يبـدو أنـك منفعـلة أكـثر ممـا يجـب ..
أنـا اسـتشهـدت بصـور التعـذيب فـي غـوانتنـامـو ، وأبـوغـريـب ، لشـئ واحـد فقـط !!
وهـو لأثبـت للأخ بقـال أن كـوفـي عنـان ليـس هـو الـرجـل المنـاسـب ليلعـب دور المنقـذ لأهلنـا فـي دارفـور ..
باعتبـار أن قضـية دارفـور ، تحتـاج لـرجـل يقـدس الانسـانيـة ، ولا يـجزئ المـواقف الانسـانية حسـب مصـالح قـوى الشـر العالمـي ..
وإلا لكـان للسـيد عنـان مـوقف واضح وقـوي وشـجاع مـن كـل جـرائـم الادارة الأمـريكية ..
وهـذا مـا لـزم تـوضـيحه ..
أمـا أحـاديثـك عـن القـائد المجـاهـد صـدام حسـين - فك الله أسـره - فهـذا ليـس مكـانهـا !!
ويبـدو أنهـا تقـع تحـت تـأثـير الانفعـال أيضـا !!
لأن حـديثـي السـابق يتفـق فـي مضـمونـه مـع طـرحـك ، بـدليـل إنـي اسـتشـهدت بمـلاحظتك للأخ بقـال !!
ولـك السـلام .. ولنـا السـلام .. فـي زمـن البحـث عـن السـلام .. حـتى مجـئ السـلام ..
| |
|
|
|
|
|
|
|
|
|
Re: عليكم الله شوفوا كوفي عنان متواضع كيف (Re: ابراهيم بقال سراج)
|
الأخ العـزيـز بقـال ..
التحـايـا والـود ..
Quote: نحن ضد التعذيب الذي يمارس في العراق وضد انتهاك حقوق الانسان ولكن يأخي الذي فعله الكيزان في اهلنا في دارفور
اسوء بكثير مما يفعل الان في العراق وفلسطين وغيرها |
يا عزيزي أنا لا أتهمك بأنك مع التعذيب غلى الاطلاق ..
ولا أريد أن أعقد مقارنة بين تعذيب وتعذيب ، لأن حالات التعذيب واحد ايا كان نوعها ومصدرها وشكلها !!
فقط أردت أن أنبهك عزيزي أن القضايا العادلة لا يجب أن نضعها بين أيدي من يصمتون عندما يتعلق الأمر بقوى الشر العالمي ..
أردت ان أوصل لك رسالة أن عنان ليس الرجل المناسب لنصرة الحق ، سواء في دارفور أو غيرها ، لأنه شخص لا مبادئ له ، والدليل صمته وانكساره تجاه ما يحدث في العالم من قبل هدارة الشر الأمريكي !!
Quote: فالوضع في دارفور مذري للغاية وتحتاح لامثال كوفي عنان وكولن باول والمجتمع
الدولي الوقوف بجانبهم والسماع اليهم والي مشاكلهم والجرائم التي ارتكبت ضدهم |
أتفق معك أن الوضع في دارفور وفي كل السودان سئ للغاية ..
ولكن أختلف معك في الاستعانة بأشخاص أمثال عنان وكولن باول ، حيث لا يعقل أن تنتهك الانسانية بايدي كولن باول في غوانتنامو ، وأبو غريب ، ويتفرج عنان على ذلك ويتواطأ ، ثم يأتيا ليمثلا لنا دور رسل الرحمة ..
لا يا عزيزي ، الوضع في السودان يحتاج وقفتنا الجادة ضد سلطة الانقاذ ، واسقاطها ، وما دون ذلك هو مضيعة وقت ..
لأن اليوم الذي تحتم مصلحة أمريكا ان تنسى قضية دارفور ، سيتوارى عنان وينسحب !!
ولك السـلام .. ولنـا السـلام .. فـي زمـن البحـث عـن السـلام .. حتـى مجـئ السـلام ..
| |
|
|
|
|
|
|
|
|
|
Re: عليكم الله شوفوا كوفي عنان متواضع كيف (Re: حسين يوسف احمد)
|
Quote: يا بقال انت قال كوفي أنا فرقوا من الناس ديل شنو ؟؟؟
جدّو مشى امريكا بدري ..بس ..
لكن كدي جيب لينا صورة لي تواضع بوش وهو يأكل ام جنقر مع ابكرونا !!!!! |
عمر الفاروق ياخوي انت قادي جغرافيا ولاشنو! كوفي عنان علاقتو بي أمريكا ,
عرفنا ناس خدر ناس عاديين ساكت قبلت على كوفي عنان داير تمرقو زول وهمان ساكت
| |
|
|
|
|
|
|
| |
ابراهيم بقال سراج
Sobajo
عمر الفاروق
عاصم ابوبكر حامد
معتز تروتسكى
مهاجر
Tragie Mustafa
حسين يوسف احمد
BAKASH
tmbis
Marouf Sanad
فيس بوك
تويتر
انستقرام
يوتيوب
بنتيريست