|
|
 تنبيه هام وعاجل الى أعضاء الجالية السودانية بالمنطقة الشرقية
|
تتواجد بعثة السفارة السودانية يوم الأحد القادم الموافق 21/5/2006م وذلك لإنهاء كافة المعاملات القنصلية للإخوة السودانيين المقيمين بالمنطقة الشرقية بمقر فندق الدمام.
لذا وجب التنبيه إلى أن هناك فئة دأبت على جباية مبالغ بغير وجه حق تحت ما يسمى برسوم دعم الجالية وبما انه لا توجد إي جهة شرعية ممثلة للجالية السودانية بالمنطقة الشرقية لذا لا يحق لأي جهة تحصيل هذه الرسوم كما لا يحق لأي جهة حجز الجواز أو المعاملة نظير أي رسوم عدا الرسوم المفروضة من الدولة والتي باتت معروفة للكل. وكنا قد تطرقنا لهذا الأمر في موضوع سابق عاجل لسعادة السفير: أوقفوا نهب أموال مواطنيكم بالمنطقة الشرقية
أما فيما يتعلق بأمر الجالية فان اللجنة التمهيدية برئاسة المهندس سانتينو أنيس تعمل على قدم وساق لإنهاء كافة الترتيبات اللازمة للدعوة لجمعية عمومية لكافة السودانيين بالمنطقة الشرقية لانتخاب مباشر لممثلي الجالية السودانية بالمنطقة الشرقية.
|
|
 
|
|
|
|
|
|
|
 Re: تنبيه هام وعاجل الى أعضاء الجالية السودانية بالمنطقة الشرقية (Re: Badri)
|
يا بدري
سلام
السفارة دي مما سمعنا بيهم جايين قبل أسبوعين ونحن منتظرين
البوست نزلو صلاح غريبة وزاغ منو
هسي البضمن لينا أنو كلامك مايطلع زي صلاح غريبة شنو ؟؟
أما بخصوص الجالية والجباية
والله أنا أكثر من عشر سنوات في الشرقية
يوم واحد لا قابلتني جالية ولا سمعت ليها بنشاط
كونوها كيف ومتين الله يعلم
نحن شعب فاشل وظاهرة صوتية .. فقط لاغيـــر
أصلو ما عندنا حاجة منظمة أو مدروسة
كلو بالبركة
هسي إن شاء الله ناس السفارة ديل يجيبو معاهم جوازات فاضية وخطـَّاط
مايقومو يكعوجو لينا الكتابة في الجواز براهو جوازنا يخجـِّل
ياخبر بفلوس بكرة يبقى ببلاش
منتظرين
| |
|
|
|
|
|
|
|
|
|
Re: تنبيه هام وعاجل الى أعضاء الجالية السودانية بالمنطقة الشرقية (Re: ثابت محمد)
|
صاحب البوست والبقية
السلام عليكم ورحمة الله
Quote: الى الامام
انتهى عهد الظلام
تحياتى |
بس بعد ما تدوني قروشي يا دكتورة.
الشفيع ياخوي ما تعمل طناش
تعال سوقنا معاك بكرة وشوف لينا طريقة للتعويض سريع سريع
عاوز اشتري سيارة
------------
حزروا فزروا الناس ديل ما حضروا في الموعد
السابق ليه؟
--------
حسب مصادر جبهة كونامى فإن الاسباب مخجلة بالجد!!!
تدفع كم يا الشفيع ؟
تحياتي
| |
|
|
|
|
|
|
|
|
|
Re: تنبيه هام وعاجل الى أعضاء الجالية السودانية بالمنطقة الشرقية (Re: Alshafea Ibrahim)
|
السلام عليكم ورحمة الله
| Quote: بديك سيارتي اها موافق ؟؟ |
موافق بس تدفع الفرق+التعويض وبصراحة الدكتورة أنا عفيتها
لأنو هي ما كانت عارفة.
نديك القصة الصغيرة دي :
اخر مرة ذهبت لتجديد جوازي (العام الماضي)
عند البعثة بالدمام قمت أول حاجة سألت من برة برة
هوي ناس رسوم التجديد كم؟
فعرفت أنها مية ريال وكسر من المية
وعملت الاجراءات إلى أن وصلت خطوة الدفع عند المحاسب
قام طلب مني تسديد المبلغ (((زايدا)))عليه مية ريال غير رسوم
التجديد . قمت سعلتو مستنكرا : ميه زيادة ليه؟
قال دي مجهود حربي !! قمت قلت ليهو حرب شنو بعد اتفاقية السلام
قام زعــل بالحيل ووراني العين الحمرة وقال لي كلاما عجيب خلاص
أنا قمت طلبت مقابلة مسعول البعثة وأظنو القنصل
وطوالي توش قلت ليهو رسوم تجديد الجواز مقدارها كدة ؟ صاح ؟
قام قالي صاح . طوالي أنا قمت اشتغلت معاهو ((حنك كونامى داك))*
في قصة المية ريال الزيادة دي
قام هو طوالي وقع الورقة بعدم دفع المية ريال
ومشيت للمحاسب ودفعت فقط رسوم التجديد
بالمناسبة المحاسب كاد أن يطرشق عندها !!!!
----------------
* حنك كونامى كان مبني على انو أنا عندي ريالات
لكن ما عايز ادفع غير الرسوم (يعني ما حنك ظروفي )
-------------------
ده كلو كوم
وقصة ما حضروا في الموعد السابق كوم تاني
| |
|
|
|
|
|
|
| |
Badri
مهيرة
hatim
حمد فتح الرحمن
ثابت محمد
Mohamed E. Seliaman
فيس بوك
تويتر
انستقرام
يوتيوب
بنتيريست