كتب الكاتب الفاتح جبرا المتوفرة بمعرض الدوحة
|
Re: الازرق الوهاج يفترس القراقير بنصف دستة (Re: على محمد على بشير)
|
طبعاً نحن بنعشق الهلال وبس.
والمريخ دا ماقاعدين نشتغل بيهو ولا بنفتش أخباروا.
و ياعلي إنت قلت:
Quote: خلينى افتش ليك المعلومه دى واجيك صادى |
إذا داير معلومات عن أحداث ذي البنتكلم عنها دي أسأل منتصر الزاكي
أو زيكو (كما يحلو لكم) وبالله أسألوا لينا الكفر وداهو وين.
خالص مودتي
السماني
| |
|
|
|
|
|
|
Re: الازرق الوهاج يفترس القراقير بنصف دستة (Re: يحى الشريف)
|
Quote: وبعدين انتو المركز التاني مالو اصلا اتعودتو عليهو |
ود الشريف
انتا عارف انو نحنا اخدنا كأس الممتاز ثلاثه سنوان متتاليه وبعد دا جيتوا انتوا شلتوه برضو ثلاثه سنوات متتاليه .. يعنى ماعملتوا حاجه جديده .. بس فى حالة انكم اخدتوا كأس الممتاز هذه السنه .. ح تكونوا عملتوا انجاز بحق وحقيقه .. لانكم ح تكونا فزتوا بيهو اربعه مرات متتاليه .. ودا رقم لم يسجل من قبل .
بس السؤال ... هل يستطيع الهلال الفوز بكأس الهلال هذا الموسم؟ لا اظن ذلك .. لانه تانى المريخ لا اعتقد بأنه سيخسر نقطه واحد فى هذا الموسم ... اضف الى ذلك ان فرق الممتاز مجتمعه غير مؤهله البته لتعطيل المريخ .. بما فيها ( ابو الهل ) وذلك لان الفارق فى المستوى بينهم مجتمعين ( اى فرق الممتاز ) وسيد البلد اصبح كالفارق بين ( الثرى ) و ( الثريا ) .
مودتى
| |
|
|
|
|
|
|
Re: الازرق الوهاج يفترس القراقير بنصف دستة (Re: يحى الشريف)
|
الستة في الموردة دي قديييييييييييييييييييمة شفناها قبل شهر مع سوبر هاتريك السعودي لكن احييييييييييييييييييييي من العرب ومن بهاء الدين الفكة الكورة في الدقيقة الاخيرة والله يرحم (صلاح بمبان) والله يطرأ بازي حارس سيمبا بالخير لما كان يمسك كورة يصفقوا ليهو جماعتك يا علي الشريف ويفلقو احمد عافية .. وبعد المباراة سجلو بازي و..............!! وكتر خير بريمة القال لي باكمبا وحمد الجريف يا جماعة هوي كفاية تلاتة ما تزيدوها ويا ادريس الجريف تعال دخل قون الجماعة ديل هجومم ده لو لعبنا اسبوع ما بجيبو فيني قون .
المريخ والهلال ورغم انو (مافي كورة) لكن يظلان لغة جميلة للتواصل والمناكفة اللذيذة المن غير زعل .. بوست لذيذ ..
| |
|
|
|
|
|
|
Re: الازرق الوهاج يفترس القراقير بنصف دستة (Re: امير عوض الجمري)
|
Quote: المريخ والهلال ورغم انو (مافي كورة) لكن يظلان لغة جميلة للتواصل والمناكفة اللذيذة المن غير زعل .. بوست لذيذ .. |
والله كلامك هبش الجرح ...
والله انحنا جرينا فى الميدان مابيشبه الناس التانين والغريبه الناس العلمناهم الكوره سبقونا
نعمل شنو؟؟؟؟
| |
|
|
|
|
|
|
Re: الازرق الوهاج يفترس القراقير بنصف دستة (Re: يحى الشريف)
|
.. غايتو اقول ليكم حاجة , بالجد بستغرب لمن القى زول يقول هو مريخابي , بقول يا ربي الزول ده نصيح .. طبعا نحن مسلّمين سلفا انو حاليا مافي كورة , لا عند هلال الملايين ولا عند وصيفه الدائم المريخ ,, لكن اهو ربنا ابتلانا بالمرضة الاسمها كورة دي .. مودتى لكم جميعا
| |
|
|
|
|
|
|
|