الموز

Re: الموز (Re: معتز تروتسكى)

الاخ الحبيب معتز لك التحية وشكرا على مرورك الميمون ويكفينا انك تتواجد يا سيدى ونعتبره دعما للموز الحقيقى الجايبين صورته هنا ده فوق ... [qutoe]بس مابقدر اقول اكتر من كده بخاف من ديكو ده يجرنا 50..

(عدل بواسطة قرشـــو on 06-26-2006, 07:54 AM)

الأخ احمد محمد عثمان

لك التحية



Quote: لا لا لا ما اظن عمك قرشو دا ما بتاع كماين..



شكرا يا سيدى على حسن الظن واصدقك القول انه مافى كمين ولا حاجة
نحن ناس بنعيش حياتنا الغالية بالنية السليمة زى ما قال الفنان المابريدو
لكن دكين ده الله يجازى محنو بس ...

قصة صاحبك بتاع ريفى شندى دى والله قرررررربت تبقى على
وخرجت منها بأقل الخسائر وكان ايجار جنينة واستعوضت الله
عشان كده الموز ده عندى معاه تار يا سيدى

شكرا لمرورك والله يديك العافية

قرشو
سلامات
شنو من ديك وعيييييييييييك

عارف اسم البوست ده خلعني - عندي عمتي ربنا يحفظها لقبها ( الموز) وهذه الاسم طغي علي اسمها الحقيقي تماما والكثيرون لا يعرفون اسمها الحقيقي مطلقا"
ولمن شفت البوست طوالي قلت يا جماعه قرشو ده عرف عمتي من وين !!!!!!!!!

التحايا النواضر

حبيبنا ابوعثمان

لك التحية


تعرف فى السودان تكرر هذا الاسم لدى النساء الكبار ولست ادرى ماهو السر ربما كان هنالك حدث ارتبط بالموز مما جعلهم يطلقونه على الفتيات ساعتها ..

ربنا يسلم عمتك الموز يا سيدى ويديك العافية

لك الود كله

Quote: لأن الموز غني بفيتامينات مجموعة ب التي تساعد على تهدئة النظام العصبيَ


قرشو
د ي اتفق معاك فيها ..

اصلو الناس الما ضاقت الموز طوالي سمهم فاير وتعتريهم حالات انفعال ونقة كتيرة..
ودونك البورد..

نحي فيك رمزيتك واستعاراتك البليغة يا رمزي باشا..

قرشو اذيك ياخي
Warum ist die Banane krumm?
Why is the banana bent?
لية الموزة محنية /محنوفه/ملوية/
ده سؤال تعجيزي من الالمان

دكين دحين لية الموز
في الأول بقوم لي تحت وبعدين لي فوق ؟؟
ودونك الصورة

الخـــواض
سلامااات
مشتاقين يا حبيبنا ... شفت اسمك قلت الحق اسلم عليك قبل ما تختفي تاني ... الشوق كميات يا حبيب

قرشو وكل الحلوين
سلامااات
صاحبي دنقلاوي كان قاعد في الرياض قبل كم سنة ... جاهم جدهم زيارة .. سامعهم كل يوم يتونسوا ... السعودية انتهت .. الغربه بدون فايده ... وما عارف شنو ... جابو الغداء من ما لذ وطاب ... وبعده الموز الصومالي الهجيمة داك ( دكين زح بعيد ) .. الحاج مسك الموزة كده وهز راسه وطنطن براه قال : تلهطو لي في جنس ده وشابكني البلد انتهت ... الغربة ضياع زمن

حبيبنا الخواض

لك التحية ومنور البوست يا سيدى بى طلتك البهية

ياخى الالمان ولا انت هسع الحيرنا وعجزنا

دى غايتو الا دكين يحلها

يديك العافية

حبيبنا دكين

لك التحية

والله تعرف ناس البورد ديل لو كانوا قاعدين فى حوش واحد الواحد كان جاب ليهم كم كرتونة موز عشان يروقوا اعصابهم ياخى ...

تعرف الموز كمان من فوائده بنزل ضغط الدم ....

يديك العافية يا حبة

وتفنن كثير من الشعوب في التهام الموز باشكال عدة ..
وشعوب امريكا اللاتينية تاكل الموز مقلياً..



ويقال فيما يقال على سبيل النكتة
ان رجلا قرا في مجلة رايدر دايجست (المختار) ان الموز يمنح قوة وطاقة عالية
فألتهم الرجل طناً من الموز ..وكان اليوم خميساً فذهب الى اولادة ..

وحين قضى سالها في فخر واعتداد : اما لاحظتي شيئا جديدا فيني ..
فهزت راسها بالنفي وقالت: عااااااادي ..
فسالها مرة اخرى : متأكدة انتي؟؟
فاجابت : والله عاااادي ...بس مؤخرتك بقت حمرة حبتين ..












خاص:

ودي وريني حيتخيلوها كيييييييييف؟؟

حبيبنا دكين

لك التحية

عن عادات الشعوب فى التهام الموز

أكثر ما حيرنى هو الصومال اذ يضعوا الموز مع الوجبة وبعد كل لقمة من الاكل ياكلوا لقمة موز
مرة كنا عازمين صومال جيراننا واحتطنا لذلك باحضار الموز مع الاكل فكانوا يأكلونه هكذا وطبعا نحن معتادين نحلى بيه...

اما انا فلا احلى بالموز لانه يسبب السمنة ويزيد الوزن

يعنى ما عندى بيه شغلة

سلاامات يا قرشوا



Quote: ياخى دول العالم دى كلها ارخص فواكهها الموز معقول يكون عندكم غالى ؟؟؟؟ بلدكم دى كعبة يا ستى



أحكى ليك قصة

زمان لما الناس كانت بتدرس فى شرق أورباواحد قريبنا جا وجاب معاه

مرة . ما عارف من وين بلدها.

المهم صاحبنا كان موظف كحيان . كل يوم يدخل البيت شايل كيس الموز

والولية آخر حب وتقول ليه مافى داعى للتكلفة أنا متأكدة من حبك

يوم الولية نزلت السوق مع الحريم عرفت سعر الموز

لمت هدومها وحلفت ما تقعد زول كزاب

لأنه الموز عندهم غالى جدآ فى بلدها ومفهمها الموضوع حب

والغالى يرخص ليك

مع تحياتى

الحبيب رأفت

لك التحية والاحترام



Quote: يوم الولية نزلت السوق مع الحريم عرفت سعر الموز لمت هدومها وحلفت ما تقعد زول كزاب لأنه الموز عندهم غالى جدآ فى بلدها ومفهمها الموضوع حب والغالى يرخص ليك



ياخوى الخواجية دى متحيلة ساكت
هو ما كويس موظفنا الغلبان ده وفر الموز
والله ناس الكسرة والملاح فى تلتلة

بس الحكاية طريفة وتعكس كيف الموز غالى عند بعض الدول والشعوب

يديك العافية

أخونا الحبيب قرشو

هاك موز سريلانكا ده

في شهر رمضان الكريم الفائت إشترى أحد أخوانا السودانيين موزتين (فقط) وحضر الى مكان تجمَعنا

لتناول فطور رمضان، وكنا كلنا خمسة أشخاص، تصدَق الموزتين ديل كانن كافيات لنا كلنا لان حجمهن

لايصدق ...وزن الموزة الواحدة نصف كيلو وزيادة

والموز ده لونه احمر وليس طاعم مثل الموز العادي

عندي ليك سؤال هنا

واحد اخونا رفض أكل النوعية دي من الموز بحجة (يكون أدوها عين)

هل تناول كل ما هو ملفت للنظر من الفواكه والاطعمة يستوجب تجنبه؟

الأخ حيدر حسن


لك التحية

اشكرك على مداخلتك واثراء الموضوع بالجديد تماما علينا



Quote: لايصدق ...وزن الموزة الواحدة نصف كيلو وزيادة والموز ده لونه احمر وليس طاعم مثل الموز العادي



ياخوى ده موز عجيب خلاص بتاعكم ده ...

لكن قطع شك ده كله هرمونات يا سيدى

طبعا نحن بطبعنا تقليديين فى كل شىء وعشان كده اى حاجة غريبة بنكش منها ونقول لا دى فيها انة ..
هنا ايضا فى السعودية تأتى الخضر من كل بلاد العالم فمثلا كل شىء شكله مخالف وكبير زيادة من اللزوم عشان كده تلقى السودانيين دائما يقولوا ليك ياخى ده ذاتو ما عندو طعم ...
دائما لدينا حنين لمنتجاتنا وان كانت اقل حجما ووزنا ... بس حنين للوطن وفى الغربة بس ..




Quote: عندي ليك سؤال هنا واحد اخونا رفض أكل النوعية دي من الموز بحجة (يكون أدوها عين) هل تناول كل ما هو ملفت للنظر من الفواكه والاطعمة يستوجب تجنبه؟



تصدق انا شخصيا بحب الفواكه والخضر الما شفتها قبل كده واحاول التجريب دائما
لكن بصراحة زى ما قلت ليك شايف معظم الناس بقولوا ليك لا ياصاحبى ابعد من الشر وغنى له..