|
امسية الوفاء لشاعرالشعب ود باب السنط والدكة والنفاج الحملة الشعبية للتضامن مع الشاعر محجوب شريف
|
الحملة الشعبية للتضامن مع شاعر الشعب محجوب شريف ومشروعاته الانسانيه اطلقت نفيرها الهيلاهوب ومنظمة سودانا للثقافة والفنون
منذ دجاجي يلقط الحبة ونحن الطيور ايها الانسان منذ أن كانت سبل كسب العيش في السودان متاحة والمناهج بخت الرضا. منذ ان كانت التعريفة مخرومة والجنيه /يزينه ساعي البريد/ الجمال منذ ان كان السوداني عملة نادرة تصرف في كل البلدان وتعتمدها كل البنوك الي أن صار السوداني عملة مثقلة بالتضخم تحتاج لغسلها من سوءات الانظمة/ البشر. منذ تلك اللحظة البرهة التي قتلت حسرتها آس الشيرية وشجرة اللبخ الظليلة البروفيسور علي المك والذي قال فيها (ذات لحظة ذات برهة كنا... وكنا سودانيين) منذ تلك اللحظة المفرطة في القدم ، المفرطة في الحداثة ، المفرطة في المستقبل. ظل يبشر بالانسان الانسان ظل يهجس بنبوءة الوردة وقدر الحياة والجمال علي الانتصار... ذلكم هو الشاعر محجوب شريف. لم يكتفي بالكتابة سلاحا للتغيير والتعبير بل زاوح بين الكلمة والسلوك ، وامتدت مشاريعه احلام مع المخلصين من بنات وأولاد بلده لتطول كل شي فكانت(أطفال مرض الفشل الكلوي / نفاج- هكر) دعوة للحياة دعوة للوفاء ودعم مشروعات الشاعر الانسان محجوب شريف
تصوير الصحفي سهيل سعيد ابراهيم صحيفة السوداني
|
|
|
|
|
|
|
|
Re: امسية الوفاء لشاعرالشعب ود باب السنط والدكة والنفاج الحملة الشعبية للتضامن مع الشاعر محجوب (Re: almohndis)
|
سلامات الهندس لك عاطر التحايا القلبية اهدي لك وللشاعر الانسان ...الوطن بعض كلماته
Quote: فديتك يا مديد القامة
يا شعباً سديد الرأي
وقلبي عليك يا حجراً حنين دفاي
أقبل وين أفوتك وفى حماك حماي
أسيب عزاي أسيبه وكيفن ألقى عزاي
فى وحشتي وسلواي عيونه وبحة الغناي
نخيلك تمره ضوَّ صباي
ونيلك فى جواي هامد هميم جرّاي
وقبضة إيدي مسكة رمحك الرماي
أطالع فى صحارى الليل
مطالع صبحك الضواي
فديتك لو بقيت منفاي
فديتك لو بقيت مرساي
(محجوب شريف) |
غيبتنا الظروف فاوجدتنا انت التحية لك ولما تبقى من الشعب السودانى ذو الواقف الوطنية للمحافظة على ماتبقى من الايادى النتنة
| |
|
|
|
|
|
|
Re: امسية الوفاء لشاعرالشعب ود باب السنط والدكة والنفاج الحملة الشعبية للتضامن مع الشاعر محجوب (Re: almohndis)
|
غنى يا خرطوم و غنى ****شدى أوتار المغنى
كان و سيبقى يوماً مشهوداً، من أيام أهل السودان ."دقر ،عينى باردة و صلاة النبى". فقد حضر و شارك و ساهم فى نجاح هذا الإحتفال -طوعاًو اختياراً- مواطنون من كل الأعمار و الإتجاهات الفكرية و السياسية،و الإتجاهات الجغرافية.ولا غرو، ففى محجوب تتوحد و تتحد كل الأشواق الإنسانية. جميعنا كانت تحرسناو تلهمناو تيقظنا روح شاعر الشعب المعلم محجوب شريف .وكان- يا ما كان- و ما سيكون شاعرنا إنساناًإستثنائياً كعادته،علمنا بتواضعه و نكران ذاته،ما نعلم و ما لا نعلم.فطوبى لهذا الجبل و هذا الكائن الإنسانى النبيل. فدى لك العمر يا محجوب يا شريف. "شكراً لهذا الشعب الذى جعل كل هذا ممكناً".شكراً لمحجوب شريف ، "فوق فوق ، سودانا فوق ". فلنعض على مشاريع محجوب شريف بالنواجز.تعالوا أيها الأصدقاء،أيتها الصديقات نستظل بشجرة محجوب ،فإنها لجد وريفة و ظليلة و مثمرة.
| |
|
|
|
|
|
|
Re: امسية الوفاء لشاعرالشعب ود باب السنط والدكة والنفاج الحملة الشعبية للتضامن مع الشاعر محجوب (Re: almohndis)
|
قزازة دم
واحلالي القبلي شال شبال لمع برق المهيرة قيرة قيرة يا مطيره يا رزاز الدم حبابك لما يبقى الجرح عرضة ولما نمشي الحزن سيرة من دمانا الأرض شربت موية عزبة كل ذرة رملة شربت حبة حبة موية أحمر لونها قاني فتقت ورد الأغاني تهدي لى اسمك رمزاً للوطن كنز المحبة قيرة قيرة يا مطيرة يا شهيد الشعب أهلاً مش بتطلع كل يوم الشمس أجمل وكل يوم النخل أطول زيدو قامة وياما شفتك ياما ياما لما شفت البدر طالع فى سما الوطن ابتسامة إنتّ فى النهر البسافر جاري طول العمر صاحي طبعو منك يا الملامحك من ضفافي واللي شافك مرة شافو واسمك الختيتو فرهد عشب أخضر فى الجناين فى الشوارع نيمة نيمة فى مصابيح المدينة فى فوانيس الضواحي تملا نادي الحلة سيرتك اسمك الخلانا نقدر فى ظلام الليل نعاين والبتسأل عنو ده الخليتو شافع لسه دابو يا ما حيعجبك ، شنابو صوتو رقان فيهو بحة ود فلان اصرار وصحة عندو قصة حب جميلة جرب آلام الحراسة وحرض أولاد الدراسة وهدّو حيل العسكرية البنية أم طرحة كبرت يا سلام الفنجرية ليها راية وبى كلامها وبى اهتماماتها الجديدة دقت أجراس القصيدة وشدت أوتار الصلابة الكتوف اتلاحقت فى السكة يابا واحلالي القبلي شال شبال لمع برق المهيرة قيرة قيرة يا مطيرة يارزاز الدم حبابك لما يبقى الجرح عرضة ولما نمشي الحزن سيرة
دعواتنا وقلوبنا مع شاعر الشعب ..
والتحية لك أخي عثمان .. ولكل هذه الجموع ..
| |
|
|
|
|
|
|
|