كتب الكاتب الفاتح جبرا المتوفرة بمعرض الدوحة
|
|
 صـور من المناصـــير
|
حقول القمح الوارفة في جزيرة( سور)بضم السين وإهمال وتسكين الواو..سور بالمناصير وهي جزيرة علامة المنطقة ومرشدها لحقبة من الزمن الطويل شيخنا على الحسن الإديرقاوي..خريج الأزهر الشريف.في زمن قل فيه المتعلمين..كان قد وهب الناطقية والحجة والنكتة العلمية والمعرفة.كان عابداً زاهداً متواضعاًلم يخلو جامعاً في مديرية النيل والشمالية إلا تحدث فيه مسهباً في كل تفاصيل المعرفة.كان يحدث الناس عن دينهم والوضوء والصلاة عملياً في أماكن عمل الناس والمزارعين يشرح لهم الوضوء ويتوضأ أمامهم من جدول الماء الجاري أماهم ويصلي أمامهم.. يرتاد بيوت المآتم والأفراح ويشرح للنساء مايرضي الله وما يغضب الله كان موسوعة نادرة في العلم... رحمه الله رحمة واسعة واحسن اليه.. وهى أيضاً جزيرة المعلمين الكبار الأذكياء في حقل التعليم العريض..
|
|
 
|
|
|
|
|
|
|
|
Re: صـور من المناصـــير (Re: منصوري)
|
ناس جزيرة سور.. معروف عنهم أرضهم تكفيهم يستحيل يشتروا قمح من خارجها( يكسروا) مستحيل يكسروا قمح من خارجها.. تمرهم يكفيهم قمحهم يكفيهم.. اللوبيا والذرة والأغنام.. هذه الجزيرة الكبيرة. كان لما يهدد الفيضان مدنية نوري.كان لايصل نهاية أراضي السلوكة فيها حدود التمر( اللشو) ناهيك عن ( اللشو وأرض الساقية..)الآن سوف تغرق كلها..
| |
|
|
|
|
|
|
|
|
|
Re: صـور من المناصـــير (Re: منصوري)
|
هلا بناس المناصير ،حيث الاصالة والجمال
طبعا يا منصوري المناصير ديل اهل اولاد
خالتي لزم ، يعني اهلي
عشان كدا اللحمة رفت
تسلم منصوري
| |
|
|
|
|
|
|
|
|
|
Re: صـور من المناصـــير (Re: منصوري)
|
 ....سليمان احمد سليمان الحلبي..من كبار رجالات شري. والرقم الأول تجارياً فيها..له دكان فى سوق السلمات أو سوق النعوفاب( أولاد أب نعوف..له تجارة واسعة أحد دكاكينه يبيع إسبيرات وابورات..
أسرة متعلمه
عمه كان نائب مدير كلية الفنون الجميلة في أوائل الستينات وكان متخصص خط.. السيد سليمان سعد عليه رحمة الله..والد فنان الطمبور الشهير عادل السيد ود كواب..لهم علاقة نسب وتزاوج مع أسرة عازف الكمان الشهير على ميرغني( اوكسترا التلفزيون)
| |
|
|
|
|
|
|
|
|
|
Re: صـور من المناصـــير (Re: منصوري)
|
كا تبتنا القديرة عشة بت فاطمة. يعني طلعنا أهل.. دا بعد جديد كمان مرحب بيهو.. بعد الزمالة والأخوة في المنبر هنا أضفتي لينا بعد جديد.. تسلمي.. بقينا أهل يعني.مرحب بيك وشكراًعلى المرور يا غالية..
| |
|
|
|
|
|
|
|
|
|
Re: صـور من المناصـــير (Re: منصوري)
|
فاتني أن اقول أن جزيرة ( سور) هي قرية عازف السيكسفون الشهير في فرقة التلفزيون( اوكسترا الإذاعة والتلفزيون) عازف السيكسفون(الشايقي) محمد الحسن الشايقي..مقدم شرطة.. بالإضافة لعمله في الشرطة واوكسترا الإذاعة والتلفزيون كان ملازماً في العزف في فرقة عميد الفن السوداني أحمد المصطفي عليه الرحمة.. وقد إختاره العميد ملازماً له لتجويده لفنه.. صوت سيكسفونه ظاهر متفرد في كل تسجيلات العميد .. وحلقاته القديمة
| |
|
|
|
|
|
|
|
|
|
Re: صـور من المناصـــير (Re: منصوري)
|
سوق السلمات أو سوق النعوفاب.. اولاد أب نعوف.. قبيلة منشرة في القبيلة الواسعة الشايقية والمناصير..
يظهر في الصورة خراف السوق في سلخانة السوق.. مشهورة خراف المناصير الشهيرة بجودة لحمها.. وهشاشة لحمها.. وجودته خاصة في الشية.. السبب يقولوا ناس الزراعة والثروة الحيوانية ما يأكله الضان والخراف يؤثر تأثيراً مباشراً على لحمتها بخلاف لحم الأبقار.. السبب هنا في جودة اللحم هو..أكلورق لوبيا الجروف.. والعليقة الصباحية للخراف. وهي تتكون من ( النوي المسحون) النوى حصى التمر يطحن ويكسر ويخلط بحب مريق البلد ويضاف اليه التمر المكسر( صيص.. سيس) التمر.. هذه الخلطة معروفة عند كل المناصير.. لذلك خرافهم مشهورة في كريمة وعطبرة بجودة لحمها وأنه لحم طاعم وخالى من الدهون تماماً..تحرص عليه الأسر المنصورية في العاصمة والمدن المختلفة. ذويهم يرسلوا لهم خرفان الضحية من البلد.. موش زي خرفان الصعيد تأكل وتقرض ورق العشر وأصحابها يسقوها موية الملح عندما يجيبوها للملجة في أم درمان.. الملح معروف عند تجار الخرفان لحظة البيع ينفخ الخروف ويتمو ويظهر شكلو( مدبلب) ومتموم مغري المنظر..ولذلك تجد معظم لحم الخرطوم لما يفور ويغلي في الحلة يطلع رغب بالكوم.. لحم خراف المناصير يستحيل يطلع رغب.. والمكضب يجرب..
منظر الخراف هنا معدة للسلخ في سوق السلمات.. هنيئاً مريا
| |
|
|
|
|
|
|
|
|
|
Re: صـور من المناصـــير (Re: منصوري)
|
سوق النعوفاب.أو سوق السلمات معروف كل يوم إثنين..بقية الأيام بيكون فاتح.. لكن يتم عماره يوم الإثنين.. تجيهوا البكاسي من كريمة ومروي ونوري لشراء الخراف وتداول التجارة بجميع أنواعها.. وتجيهوا الباصات واللواري من عطبرة.. وتجيهوا أعراب البوادي.. عرب خلاء المناصير يجيبوا الفحم والحطب والعطرون والسمن والحبال والخراف..
.......
هذه المنطقة بعد شوية راح تقع تحت بحيرة الخزان وتصبح نسياً منسياً..
| |
|
|
|
|
|
|
|
|
|
Re: صـور من المناصـــير (Re: منصوري)
|
دا كمان طمبراوي من جزيرة أووس بالمناصير..
بعدين ياجماعة الجزر دي موش حاجة صغيرة جزر كبيرة جداً اصغر جزيرة اقل حاجة فيها 10 قري أو ثلاثمائة بيت.ز اسرة. سواقي واراضي خصبة بحرية .. اقل حاجة العربية تمشي في الجزيرة نصف ساعة..
................
الطيب محمد الطيب مرة في برنامج تراثي مع المناصير قال الطمبور عند المناصير زي حقة الصعوط كل واحد يسف ويدي الجمبو).. أو زي كورية الموية كل واحد يشرب ويناول الجمبو يشرب..
دلالة على تجويد العزف والناس الكتار البي ينقرشوا الطمبور
| |
|
|
|
|
|
|
|
|
|
Re: صـور من المناصـــير (Re: منصوري)
|
الناس ديل الفوق كلهم طنابيرهم دي راح تتحدر تعوم في الموية في بحيرة الخزان بعد شوية.. وحايمشواالمكابراب. وأحفادهم بعد شوية ينسوا الطمبور.. ويمسكوا في ( العرضة) بتاعة الجعليين ديك البي يطيروا ليها لى فوق ويندقوا لى تحت..وبدل يشيلوا طمبور يشيلو حاجة كدة زي الطبل صغيرة كدة..
.........
الجعليون مع إحترامنا ليهم.. لكن معروفين في الشمالية فنهم موش قوي موش أخاذ.. زي فن الشايقية والمناصير والرباطاب والدناقلة والمحس والحلفاوين..
| |
|
|
|
|
|
|
|
|
|
Re: صـور من المناصـــير (Re: Munir)
|
اها يا ود اهلي المنصوري ، النقول ليك انا بحب البوستات التتكلم عن المدن والمناطق خاصة الواحد ما بعرف حاجة عن معظم مدن وقري السودان شكرا ليك لاضافة البعد الغايب فينا ، سعيدة بهذا البوست واصل ..
| |
|
|
|
|
|
|
|
|
|
Re: صـور من المناصـــير (Re: منصوري)
|
حقول البصل الوارفة في جزر المناصير
..........
شكراً زولتنا زولة المناصير عشة بت فاطمة وشكراُ منير لفناننا الرائع عيسى..جاييكم للتعليقات
| |
|
|
|
|
|
|
|
|
|
Re: صـور من المناصـــير (Re: منصوري)
|
زولة المناصير زولتنا عشة بت فاطمة الكاتبة اللفتة.. حا أواصل ليك في أهلك المناصير..قبل ثلاث سنوات زارتنا الشاعرة المتفردة اسماء الجنيد في دارنا ومعها أسرتها.. سألتها عنك.. ومن ذلك التاريخ البعيد لم أسألك ..
قالت سومة في الحقيقة أنتم أمام واحدة عصامية مدهشة متميزة مكافحة في عملها، ما عندها دقيقة واحدة فراغ.. انتم محظوظين انها تكتب اليكم هنا.. قالت عشة عصامية ومنضبطة في عملها وفي نمط اخلاقها العالي.. قالت بأمانة أنا أشعر بأني صغيرة أمامها.. واسماء إنت تعرفيها بت فقره ومن بيت دين ومن بيت علم وتعليم ما بتقول كلام ساكت..
........
عشان كدة أنا حصل لى عظيم الشرف بمداخلتك هنا
..........
بلدياتنا منير..
ياخي شاكر وغذنك معاك في دخولك بواحدة من روائع عيسي بروي..
........
وحسناً فعلت يا منير جبتا أغنية موزونة غير عاطفية..من عيسي وطبعاً نحن الأيام دي في أحزان..فارشين على من فقدناهم من ناسنا حتى يقول القضاء كلمته..
..........
الحقيقة عيسي بروي فنان قامة بقامة الشمالية كلها هو مثلي تماماً يؤمن بأن المنطقة بدن تفاريق وحواجز يضعوها الناس من عندهم يجب الناس أن لايقيفوا أمام المد الإجتماعي.. فهو غني للبلد كلها وعاش بين ظهرانيكم اكثر مما عاش في المناصير..أراه هذه الأيام يغني ويمدح بالطمبور في فضائية السودان كثيراً..
........
كذلك نشكرك على البوست الرائع الذي أفردته للقامة السامقة صديق أحمد.. تحياتي
| |
|
|
|
|
|
|
|
|
|
Re: صـور من المناصـــير (Re: منصوري)
|
منذ 18 سنة والذهب طلع على شواطي جزيرة شري وشرري والناس تغربل وتبيع. حتى خفنا منه على الزراعة لأن عائده سهل..
................
نحن هنا نوثق للتأريخ وافتكر هذا مهم وأكبر من اي إعتبار شخصي آخر..
لذلك هذه الصور أنا لم ألتقطها بأمانة.. وقد إلتقطها خواجة ألماني من هؤلاء المناصير قبل شهرين.. نصف مليون صورة.. ونشرها على مواقع المانية بجميع هذه الصور ورايه أنه لاحكر عليها..هي هدية لكل الباحثين.. دلاني عليها واحد ألماني زميل شغل.. هذا الألماني كان في بعثات الآثار التي تنقب في منطقتنا.. وهو قد إنتهت مهمته وغادر المنطقة... ولكنه برضاء المواطنين أخذ هذه الصور وقال لهم عن إذنكم سوف أنشرها وسمحوا له بذلك.. لكي يكونوا في صفحات التاريخ.. ولذلك أنا وقتما أعيد نشرها هنا قلتا أحسن ناسا اهلا يشوفوها لأنو في اضابير النت الألماني ما راح تعرف...
وأنا شخصياً أعرف هؤلاء الناس اللي نشرهم بأسمائهم وقد امسك عن بعض أسماء الأسر ولكن الشخصيات المهمة سوف اذكرها
............
برضو إذا في زول ما عايز صورة معينة تتنشر أحسن يبلغنا عشان نحذفها تمشياً مع كل الإعتبارات..
| |
|
|
|
|
|
|
|
|
|
Re: صـور من المناصـــير (Re: منصوري)
|
ديل كمان يغربلوا ويبيعوا على التجار عشان يحصلوا مصاريف المدرسة برواج.. ويشتروا العايزنوا كلوا من غير ما يكلفوا الأهل..
........
كذلك غير سواحل جزرنا ظهرت مناطق في الجبال بها ذهب وقد ذهب اليها الناس بمجهوداتهم الفردية..
| |
|
|
|
|
|
|
|
|
|
Re: صـور من المناصـــير (Re: منصوري)
|
دا برضوا مع صغر سنو منيصيرياً فالح عايز يطلع مصاريف المدرسة ولايمد يده حتى لوالده.. هؤلاء على شاطئ جزيرة شرري.. الطمي والصخور المجروفة وتعري الصخور والأحجار هنا يكشف عن الذهب.
| |
|
|
|
|
|
|
|
|
|
Re: صـور من المناصـــير (Re: منصوري)
|
............
ياكل في فطورو.. في جزيرة سور.. دمعة ديك بلدي.. وفطير قمح احمر يقرمش.. موش زي فطير المدن بتاع القمح الأبيض قمح الصعيد.. وجنبو ربطة بصل أخضر .زحاجات كلها طازجة من البيئة.. بالمناسبة أها النوريكم الفنجرة.. كمان المناصير من عزة نفسهم ما بياكلوا أي قمح؟ قمح خاص يزرع عندهم ويسمي القمح البلدي أحمر وحبتو دقاقة وفطيرو يقرمش ولذيذ.. موش كدة حتي الذرة عندهم ذره خاص يزرع في جزرهم يسمي ذرة بلدي صغير وكسرتوا بيضااااء زي الشب.. اي ذرة جاييهم من خارج المنطقة ما بيأكلوهو.يسموهو عيش الصعيد والبي يسوي كسرتوا بي عيش الصعيد هذا.. الناس ما بتاكل في قدحوا .. حتي الأولاد الصغار يكملوا القدح الفيهو مريق بلد حتي يقبلوا على القدح الفيهو مريق صعيد
..................
فاتني أن أذكر ايضاً أن جزيرة سور هي جزيرة
العقيد مدرعات خالد على بابكر وهو يسكن فيها ويحرص على زيارتها كل عام
..
كذلك موجه التعليم محمد على بابكر شقيقه.. وكذلك عمر على بابكر شقيقه الآخر.. ومنطقة الرأسمالي علي قصيرون..
| |
|
|
|
|
|
|
|
|
|
Re: صـور من المناصـــير (Re: منصوري)
|
.................
يا عشة بت فاطمة.. أها النوريك الفنجرة.. إنت قايلة نفسك براكي العندك براد شاي..(إستانليستيل)..؟ شوفي نحنا في جزيرة سور عندنا.. وعندنا شاي تمامة الكيف..
مع إنو إنت مغتربة بس نحنا إغتربنا داخل جزرنا وبرادنا زي برادك..
من تمرنا
ومن قمحنا
واللبوبيا
والخراف
وذهبنا المصفصف ومسفسف على سواحلنا
موش براد الإيستانلي استيل براهو..لاجوه كمان في الفضية..عفش خلاقي.. يدهشك..ماخفي أعظم؟
| |
|
|
|
|
|
|
|
|
|
Re: صـور من المناصـــير (Re: منصوري)
|
يبدو إنو الدهب في جزيرة سوور اكثر من جزيرة شري وشررى..
............
تعبتا شديد أنا مع الخواجة الألماني دا.. مغتس الصور دي جنس غتيسة ومحملهم على نظام غريب في التحميل.. عايز شغل كتير حتى يتفك من على ظهر الشبكة.. الصوفت ويير بتاعهن غريب..مدخلن في مليون تقنية..بس برضو جبتهن..
| |
|
|
|
|
|
|
|
|
|
Re: صـور من المناصـــير (Re: منصوري)
|
محمد محمد صالح المنصوري.فوق السبعين حفظه الله. تعرفه كل قطاعات التعليم في مديرية النيل والمديرية الشمالية..من سكان جزيرة شري.. وقت التعليم نادر كان مدرس مدرسة وسطي. في معظم مدن الشايقية ومدارسها.. ثم ناظر مدارس وسطي.. ثم موجه التعليم ومدير إدارة المرحلة المتوسطة ومكتبه في الدامر مسؤول قطاع التعليم الأوسط في المديرية الشمالية كلها قبل ما تتقسم الى النيل والشمالية.. مساعد الوكيل وممثل مكتب التعليم في المديرية الشمالية بمحافظة الدامر.. أولاده وبناته كلهم جامعيين.. وبعضهم لايزال مندرج في سلك التعليم.. التقوى والعلم والورع والإلتزام..بنات على أولاد.. خدم التعليم في الشمالية كثيراً بإسهاماته وافكاره..
.........
من قرية العطمانين في الجزيرة شري..
كان دائماً يبرونه اولاد حاج الماحي بإقامة ليلية في خلوتهم بالعطمانين هو عمه أحمد حسب الله عليه رحمة الله تاجر ومتعهد المدرسة..
أول ليلية يطلع فيها مديح ويمدح مباشرة مع الجمهور الماحي المجذوب حاج الماحي.كانت في دارهم وخلوتهم خلوة العطمانيين.. الماحي كان برفقة والده سيد المديح وصاحب الصوت المتفرد في أولاد حاج الماحي ومطور ألحان المديح المجذوب حاج الماحي..ومفترع التسجيلات القديمة في إذاعة أم درمان.. الليلية كانت في صيف 1962..الماحي كان عمره لايتجاوز 18 سنة.. الماحي المجذوب هو رائد فرقة أولاد حاج الماحي اليوم.. كانت ليلية عامرة في ذلك اليوم وطرب الناس فيها كثيراً ورقصوا.. وسجلها محمدمحمد أحمد المنصوري في مسجله أبو بكرات قروندنق..كنت أنا ابن خمس سنوات ولكني أتذكرها كما لو كانت اليوم..بمجرد ما انتهت المدحة الأولى أمر المجذوب بفتح المسجل شوية ليري ويسمع نوعية الأداء.. إطمئن عليه.. كان هو وابنه الماحي لوحدهما.. وعادة ما كان يرافقهما أحمد الماحي.. المجذوب عمه.. ولكن في هذه الليلية كان المجذوب وابنه فقط.. كنت قريب من عنقريب أو سرير المداحين..أسمع كل مرة المجذوب يقول للماحي شد حيلك شوية سرع المديح.. اضرب الطارة قدام ضربة واحدة.. ورا ضربتين.. لما انتهت المدحة قال ليهو شد حيلك شوية جاياك مدحة غيقاعها مختلف..( حليل الماحي وحليل زمنو... سعيد اليزورو مكان وطنو) وهي من مدائح الشيخ علي ودحليب وليست لحاج الماحي.. ولكن أولاد حاج الماحي يمدحونها عرفاناً للصداقة التي كانت بين جدهم والد حاج الماحي وعلى ود حليب,..
بعد ما انتهت الليلية الناس قالوا للمجذوب والله ماشاء الله الماحي تما الفرقة.. قال ليهم لو ما اتعلم المديح وسط أهلو يتعلموا وين؟ عايزنوا يطلع بره البلد وهو كامل..
الصباح كان الفطور في ضل الصباح وضبحوا خروف تاني للفطور.. كان عدد الناس يزيد على مائة.. أما الليلية امس فعدد الناس كان كبيراً يتجاوز الألف..
واحد من أهالي العبابسة في شري وهو معمر..اسمو عثمان ود عبادي قال لازم يسأل المجذوب عن حاجة.. وسألوا.. قال ليهو أنا عرفت من جدي في مدحة( الرسول نور البلد... يحليلو صادق في الوعد..لمونا أخوان من بلد... وفي راسهم الحاج ودكلد).. قال حاج الماحي يقصد..جد أحمد ود سليمان عم عمدة المناصير.. فلماسأل المجذوب .. المجذوب أكد الرواية وقال صاح...كان يقصد كدة حاج الماحي..
كان التعليم في عنفوانه والبلد بكر.. والحياة رغدة.. والعيش هنيء وان محمد محمد صالح المنصوري يتدفق صحة وعافية.. كانت له ضحكة مميزة.ز نسأل الله أن يطول في عمره.. هذه الصورة له أخذها الخواجة قبل شهرين من جزيرة شري..( شري الغرا.. شري النضارة.. نسيت قلبي أنا في خداره.. شبابا الذوق والنضاره.. مثقف ومليان حضاره)
| |
|
|
|
|
|
|
|
|
|
Re: صـور من المناصـــير (Re: منصوري)
|
الخواجة قبل شهرين أتاريهو كان جاي ومعاهو مرتو.. الحريم قالن ليها حجارنا فيهن دهب.. خلت شغلتها وبقت تفتش في الدهب ونوعية الحجار.. بس تفتش بطريقة حديثة.. وكمان أدت الحريم فكرة في تفتيش الحجار الفيهن الدهب بطريقة مختصرة وسريعة..
| |
|
|
|
|
|
|
|
|
|
Re: صـور من المناصـــير (Re: منصوري)
|
الله يديك العافية يا أخي منصوري
والله ذكرتنا البلد النيل والجروف والنخيل والجزر ..
نسأل الله أن يفك أزمة أهلنا المناصير ونتمنى ألا يرحلوا بعيداً عن النيل فهو مصدر حياتهم ومصدر إلهامهم الفني.
الشايقي
______________
فاوضني بلا زعل
| |
|
|
|
|
|
|
|
|
|
Re: صـور من المناصـــير (Re: منصوري)
|
تاجر دهب بالقرب من موقع من مواقع الناس البي يفتشوا في الذهب..
............
على طول تغربل بي جاي من ضفاف النيل أو الجبال.. تغربل بي جاي وجنبك التاجر يوزن ليك ويديك قروشك.. يعني دهب حر ما محتاج لصهر..
الشيخ فرح ود تكتوك قال
( البيع الحر دا يصر... ودا يجر)... يعني دا يصر قروشو.. ودا يجر خروفو
| |
|
|
|
|
|
|
|
|
|
Re: صـور من المناصـــير (Re: منصوري)
|
المنطقة المقترحة لتهجير ثلث سكان المناصير بالقرب من الدامر منطقة المكابراب.. والثلث الاخر في مشروع الفداء نهاية حدود المناصير مع الرباطاب.. والثلث الآخر بالقرب من الخزان
| |
|
|
|
|
|
|
|
|
|
Re: صـور من المناصـــير (Re: منصوري)
|
دي مفابر ومدافن ( ودي شري) أو مقابر ( خور حنون).. مقابر حلتنا وحلة ناس نهال كرار.زيعنب الكمرة دي لو لفت يمين درجتين..كان شفتو سرابا جد نهال شامخة زي الطود..
.......
هذه المقابر فيها مجموعة من الأولياء الكبار.. ونحن أطفال كنا نشوف بروق خاطفة بالمغرب وبالليل فوق هذه المقابر.. في البداية كنا نخاف وفي النهاية إعتدنا عليها.. عمتي كانت تطمنا وتهدي روعنا بكورية لبن صافي ودافي يعافي.. وتقل لينا.. دي مغارات.. أولياء الفريعاب ضد اولياء الدقيساب.. هسه بعد كبرنا أظن تكدرنا بقينا ما بنشوف حاجة
.......
هذه المدافن والمقابر والجبانة تحوي ثلث رفاة المناصير من قديم الأزل واكبر جبانة في المناصير كلها..تلاحظون أنها قريبة من النيل من منظر الولد الراكب.. هذه الرفاة سوف تطمس في ترعة خزان المناصير..(مروي)
| |
|
|
|
|
|
|
|
|
|
Re: صـور من المناصـــير (Re: منصوري)
|
شوف التمر دا غزير كيف.. والدومة ( الدومي) ديك سماحتا.. والأرض دي سمحة كيف ارض الجزر دي.. دي جزيرة شرري.. ناس شرري ما قصروا... كل السماحة( السماحي دي) بعد شوية راح تكون ( عرقا يلوي) تحت بحيرة الخزان.. الحقيقة الماشاف المناصير في جزرا يتغشا.زخاصة إذا جاء بالطريق الفوقاني ويشوف الحجار والجبال يقول البلد دي شنو؟
عشان كدا قلنا لاينصفها إلا من عاش فيها، زول غريب ما يقدر يعطيها حقها في الإنصاف..لأنو أصلاً ماشافا.. ومدسوس جمالها بين الجزر وسماحة أرضا وطينا.. زي الجوهرة داخل الصدفة أو القوقعة..
........
هل تصدقوا الناس ديل طوال تاريخهم الطويل ماجاعوا..ماطلبوا إغاثة.. ماحصل جاتهم إغاثات عالمية.. لاعيش ريغان.. ولافيتريتة القضارف.. هل تصدقوا إنو المناصير من عزة نفسهم ما بياكلوا الفيتريتة.. ويدوها عليقة للغنم والحمير والضان.. كدي اسألوا أي منصوري من الكلام دا..قولوا ليهو صاح والله ماصاح؟
| |
|
|
|
|
|
|
|
|
|
Re: صـور من المناصـــير (Re: منصوري)
|
غنم المناصير لحما طاعم شديد لما يضبحوها يوم السوق..عشان بترعى في مراعي طبيعية زي دي.. بعدين شوف لون التربة كيف.. ارض زي العسل.. وشوف لون الأرض اللي راح يرحلونا ليها ديك لونا كيف في المكابراب جنب اللافتة الحديدية.. شوف الخواجة دا مهتم كيف سافر للمكابراب صور الافتة دي وجاء.. قالوا تعلق قلبو بالمناصير أثناء بحثو.. الحكاية بقت معاهو مابحث آثار وبس..إتقلبت لى حب.. كما إتقلبت لى حب قبل كدة مع الباحث الكبير الدكتور عبدالرحيم محمد صالح بجامعة الخرطوم....شوف الأرض جنب اللافتة( فغناغة)( درجة من درجات التراب الرملي).. يعني من غير كشف وتحليل الزول بيعرف فايدتا من عدمو..مزارعنا عينو نجيضي..
| |
|
|
|
|
|
|
|
|
|
Re: صـور من المناصـــير (Re: منصوري)
|
ديل كمان مناصير شري أكبر جزر المناصير..بها المجلس والمستشفى الكبير
والمدارس الثانوية..وعقبال جامعة..نشأت فيها أول مدرسة إبتدائية في عام 1950
....
شايف هنا واحد يشرح ليكم خارطة المناصير وجزرها والطرق منها الى كريمة وابوحمد وعطبرة
| |
|
|
|
|
|
|
|
|
|
Re: صـور من المناصـــير (Re: منصوري)
|
صبري صبر الحجر اللصم
عمرو لازح ولانضم
...........
كلمات علي الشاعر الكبير غناها رائد الطمبور صديق أحمد..
وهذه كلمات ابنه إبراهيم على الشاعر
حليل دار المناصير الشكر هوله
ديل أهلي العزاز الباشي لو في برتي يمشوله
وزغاريد الفرح شق الجبال مخلوت مع حس الربنطوله
وتنقط خوستن بالدم تملي تشوفه مبلوله
ديل أهل الخلاوي الديمة مأهوله
طريت قراصة ماها رغيفي بي فوله
من قمح البلد معيوسة فوق الدوكة مدبولة
ملاحك يا نعيميتاً مشططه يا جبركوله
وكمان فوقك بصل للنفسو مقفوله
حليلكم ويا حليل ونستكم التحت التمر دائما تقعدوله
| |
|
|
|
|
|
|
|
|
|
Re: صـور من المناصـــير (Re: منصوري)
|
الخواجة محول الصوفت ويير بتاعة الصور دي على لغة الهوط ميل..ولغة الهوط ميل كعادتها لاتقبل خاصيةال..paste ولا خاصية الcopy ولذلك حولناها على لغة الصوفتيويرjpg لكي تستجيب..
..................
شوف نحنا ما عندنا زول عاطل عن العمل.. ولاعندنا زول بيكلف أهلو أبداً.. البلد خيراتا وافرة.. شوف زي ديل أعمارهم خمسة سنين وسبعة وعشرة.ز ربنا جعل ليهم ثروة على الشواطي الذهب.ز بالإضافة لى شغلوا بعد المدرسة مع أبوهو وشغل البيت اليومي العادي في وقت راحتو يجي ينقب عن الذهب.. اقل حاجة في اليوم يطلع بي ألفين ثلاثة خمسة الف جنيه في اليوم يوفر مصاريف المدرسة بي رواج.. حتي الطلبة والطالبات في الجامعات يشتغلوا من حصاد الذهب من حصاد التمر يوفر قروش الجامعة وقروش السكن بزيادة كمان.. العايزوا كلوا يشتريهو.ملك...
عشان كدة ماظهرت عندنا من طالبات الجامعات في المدن حكاية الزواج العرفي الزفت دي.. ولا منصورية واحدة.. مع إنو عندنا كالايقل عن عشرة آلاف طالب وطالبة في الجامعات.. زكاء شديد زكاء نوع الفظيع داك.. ذكاء وأدب.. والبلد بي خيراتا ما محوجانا لى اي شي.. الناس المن بره ما بيشوفوا الكلام دا.. نشوفوا نحنا الفي الداخل( حمدو في بطنو)
| |
|
|
|
|
|
|
|
|
|
Re: صـور من المناصـــير (Re: منصوري)
|
قرية كربكان.. وقصادها جبل كربكان( جبل موسي)
المعركة الشهيرة في تاريخ السودان..كانت في ارض المناصير. اثبت فيها عمدة المناصير جدارة فائقة. والتي استشهد فيها عمدة الجعليين موسى ود اب حجل ابو سن.. ويغنن له بنات الجعليين في بربر الأغنية المشهورة
حليل موسي يا حليل موسي
وهذا الجبل سميت باسمه باخرة الخطوط السودانية البحرية
في البحر الأحمر ( كربكان) وكذلك سميت باسمة باخرة اخري
في خط كريمة النهري ( كربكان)
وفي هذه المعركة صمد المناصير صموداُ رائعاً وابتلوا بلاءاً حسناً في وجه المعتدي
مما سطره لهم تأريخ السودان
.....
لاتزال آثار الرصاص وفوارغ الرصاص والكتابات في هذا الجبل
| |
|
|
|
|
|
|
|
|
|
Re: صـور من المناصـــير (Re: منصوري)
|
مركب ريدي بي شرقك
وين ياربي ترسابك
..........
المراكب والطنابير الترن تحكي الحكايات
...........
دي مراكب ناس جزيرة سور..صورتهم الخواجية... يقال أن هذه الخواجية إتبسطتت من المناصير جنس بسط..قالت الناس يا ديل يا بلاش..ناس عايشة حياة حلوة بلا هموم
........
قالت ليهم حتى كان رحلوكم بجيكم تاني في محلكم الجديد.. وكان الله هون
وما رحلوكم بجيكم هنا..لكن ما بتقطع منكم
يقال لقت ليها بنات بتاعن جامعات رافقوها في رحلتا دي ترجمن ليها
وبناتنا فالحات في الإنجليزي
الإنجليزي عندهن زي شراب الموية
في الزمن دا الذي تدنى فيهو الإنجليزي
في الجامعات شادات حيلن ويقرن مكتبة بي طريقتن
الواحدة تقول جاية من لندن والله امريكا هسه دي
| |
|
|
|
|
|
|
|
|
|
Re: صـور من المناصـــير (Re: منصوري)
|
الأخ منصورى
تحياتى
صور بديعة
حُبلى بالمعانى العميقة ، والذكريات الحميمة
و الايحاءات البعيدة والقريبة ..
الخراطيش فى صورة صاحب الدكان (رقم 2 من أعلى )
غالباً ما تُستخدَم لـــ تبريد الوابورات (تُعيد الماء الساخن
من طلمبة المياه الى البحر )
ومن الأخطاء التى تستوجب (علقة ) بالعرجون (للشافع) عندما (يوقِّف )
البابور وينسى التبريد فاتح (غير ما يعكص الخرطوش ويربطو بالحبل )
..
وجركانة الجاز جوار الخراطيش (ربما ) للاستهلاك اليومى لــ(للمبات )
بنوعيها (اللمبة ) أم قزازة ----ام ضنيب ..
وانت بتذاكر ..عندما تنعس ..اللمبة أم ضنيب
تدِّى راسك هبشه ..هبشه لا مِن ريحة شعرك تطق ..!
| |
|
|
|
|
|
|
|
|
 Re: صـور من المناصـــير (Re: منصوري)
|
اخوي المنصوري
يا حليلكم يااهلنا
الصور رائعة وحنينة
بس ملحوظة صغيرونة
صغر السطر في الكتابة مايكون طويل جدا لأنو بشتن البوست الرائع
ارحجو التعديل .. حتي تكتمل المتعة
| |
|
|
|
|
|
|
|
|
|
Re: صـور من المناصـــير (Re: منصوري)
|
شوف مناصيرنا عندهم بعد نظر كيف
دا منصوري من جزيرة شرري لايزال محتفظ
بعملة محمد علي باشا عشان عارف يوم
الحاجات دي بي تكون عندها قيمة كبيرة
| |
|
|
|
|
|
|
|
|
|
Re: صـور من المناصـــير (Re: منصوري)
|
تربية الأبقار في جزيرة شري.بلد العلم
والتعليم.بلد اللواءات والعقداء والعمداء والمقدمين
وجزيرة المائة خريج من جامعة الخرطوم
وحوالي الألف من الجامعات الأخري
وبلد الفقره والمعلمين والمعلمات
| |
|
|
|
|
|
|
|
|
|
Re: صـور من المناصـــير (Re: منصوري)
|
تربية الأبقار في جزيرة شري.بلد العلم
والتعليم.بلد اللواءات والعقداء والعمداء والمقدمين
وجزيرة المائة خريج من جامعة الخرطوم
وحوالي الألف من الجامعات الأخري
وبلد الفقره والمعلمين والمعلمات
| |
|
|
|
|
|
|
|
|
|
Re: صـور من المناصـــير (Re: منصوري)
|
المزارع المنصوري يحمل طوريته على عاتقه
حتي في هذه السن.. لأنها جرت في دمه
المزارع المنصوري خبير زراعي ومزارع بالتجربة
أرضه تعطيه كل شي فاحبها وأحبته جرت في عروقه
لايحب أن يتحمل غيره نفقته ولاتكلفته حتى الممات
حتى ولو إبنه.لأنه قادر على الإنتاج فلماذا يتقاعد
وينزل المعاش.يظل يعمل....مزارع من جزيرة شرري
| |
|
|
|
|
|
|
| |
منصوري
عشة بت فاطنة
Munir
yasiko
المسافر
Al-Shaygi
shazaly gafar
ahmed haneen
فيس بوك
تويتر
انستقرام
يوتيوب
بنتيريست