|
الفرح يملئ المدينة اهلآ بخاتم بشرى الفاضل
|
الفرح عم المدينة والبيوتات الحزينة, اليوم غمرنا الفرح بعد حزن عم وطاف الارجاء زمانآ ابتسمت جدة وفرح معنا الجو وإعتدل وروق لما جاب ليهو برد خلى العجائز يهربوا بدري بدري, وتحولت الاجواء الي فرح عارم هناك اطفال يلعبون الكرة بين صياح الاباء من حين لاخر هوي يا ولد العربيات , اوع الشارع يا ولد, وهناك الشباب يتطارحون الفكرة والمعنى مع الشيوخ ويدور الحوار سياسة في سياسة سمعتوا بى محاكمة ود الجبهة محمدطه صدقوا متهم بالكفر!! محمد طه محمد احمد ؟ بتاع الوفاق ؟أيوة والله بي شحموا ولحموا متهم من جماعتوا ؟ هي هي كان كدي الدنيا دي ما عندها امان ها زول والله الدنيا أمانه ما مظلومة كل زول يرمي مصيبتوا عليها هسع الدنيا مالا ؟ قول الكيزان ديل ما ليهم امان نقولك صح! قول بياعيين نقول اي بلحيل ديل اكلوا ود لادن وباعوه ما يبيعوا بتاع الجريدي ده ها عليك الله سيبنا من السياسي دي كلمنا عن اي حاجة تانية... الجانب الاخر وقوف يتجاذبون اطراف الحديث مع ابو العريس الدكتور الانسان بشرى وجماعة تتحدث عن البلد وعودة موسم الهجرة الى ....... الشمال و.....و...... وما اجتمع سودانيان الا والسياسة ثالثهما ( ضيف ) والالق يتواصل والحميمية والفرح يكسو الوجوه السمراء ... كان مسك ختام الاسبوع في ضيافة السوداني الاصيل الزول السمح الرائع بشرى الفاضل والمناسبة معلومة للجميع سماية الفارس خاتم بشرى الفاضل حفظه المولى وجعله من المنافحين ابدا والمكافحين ضد ظلم الانسان لأخيه الانسان ... ارفع اسمى ايات التهاني وشكرآ لك خاتم على اشاعة السرور فينا ... ولترقد يا ود عدلان في امان الله حفتك شآبيب الرحمات ابدأ ... وغنوا معانا غنوة العيد والفرح الليلة يوم ميلاد فرحنا.وشكرا للدكتور واسرته الكريمة ... والسلام
|
|
|
|
|
|