|
|
 هل ما يدور في السودان و المنطقة له علاقة بانتهاء العمل في نفق اسرائيل لنقل مياه النيل من مصر
|
حسب تحليلي البسيط انو الشغلانة كالاتي :
1. انتهي بناء النفق
2. يتم النجهيز في غزة لمسار المياه عبر خط انابيب ضخم
3.يتم الضغط علي مصر للوصول لاتفاق نهائي عبر التلويح
بتغير سياسي و تحريك العضوية الشرق افريقية لتغيير
اتفاقية مياه النيل.
4. محاولة التخلص من سلفاكير
5. التخلص من مجموعة علي عثمان
6. أن تكون هنالك دراسة للسير عبر طريق عمر البشير قرنق
أو محاولة ايجاد صيغة تفاوض بين قرنق من جهة
( و الصادق محمد عثمان الميرغي من جهة)
7. تقليم اظافر الشيوعيون في الداخل (لان الادارة الامريكية
تعتبرهم مصدر خطورة ) بعد تحويل النضال الي ثقافة مع
شيوعي المهجر
8.بعد الوصول الي قناعة باستحالة تعديل مسار خطوط نقل البترول
عن طريق ممبسه او عن طريق خطوط انابيب تشاد الكيمرون
الاادارة الامريكية ممكن ان تتماشي مع المشاريع الفرنسية
في دارفور و محاولة ايجاد صيغة مجاملة لانتهاء الحلم الفرنسي
9. هناك طبخة امريكية صينية مع طرف سوداني في الطريق الي التنفيذ
و ممكن ان يكون هذا الطرف قرنق البشير أو قرنق الصادق
المهم المعطيات بتقول ان الامر خطير
و لا شنو يا جماعة الخير
|
|
 
|
|
|
|
|
|
|
|
Re: هل ما يدور في السودان و المنطقة له علاقة بانتهاء العمل في نفق اسرائيل لنقل مياه النيل من م (Re: domdom)
|
الاخ / ناصر
اقول شنو عاد دي المعطيات القدامنا
الاخ ايمن
بالواضح
الرئيس الامريكي السابق جورج بوش في الكويت قال
للجنود الكانو بهللوا لاخراج جيوش صدام من الكويت
the American interest must always be first
العايز اقولو ليك
دارفور و السودان و العالم كلو مشاكلو تتهمش لمن
تنط في السطح المصلحة الامريكية
المصلحة الامريكية و السياسة الامريكية تحت ابط اليهود
الان اسرائيل عايزة موية ( ماء)
الموية من وين بعد ما نضبت مصادر مياه تركيا و لبنان
نهر النيل
طيب لازم تتم تسوية بعض المسائل في مصر و السودان و شرق افريقيا
امريكا عايز بترول تستغله لكي تضمن زيادة الاحتياطي الامريكي
من الخام
طيب الخليج موارد قلت العراق كم سنة و الامريكان يكونوا كملو
سرقتهم للبترول العراقي المجاني
طيب الامريكان يمشوا وين
السودان يا حبيب
طيب في الوقت الحالي الامريكان يا سيد بدوا يرتبو امورهم للسودان
في استقرا سياسي ما في دي ما مشكلتهم
لازم يرتبو امورهم في اتجاهين بعد ما ذكرت استحالة
تصدير البترول عن طريق ممبسا او تشاد
البترول جاي بي بورتسودان جاي
بعد داك هم عايزين ترتيب كيف انا ماعارف
طبعا ده ما بيعني انو المشكلة في دارفور السبب فيها امريكا
العايز اقولو في مشكلة في دارفور
و في مشاكل في السودان امريكا عايزه تنسبج سناريو
للمشاكل وفق مصالحها انا ما عارف انو النسيج ده يكون تعقيد
للمشاكل ام حل ليها
خلاصة
امريكا عايزه بترولنا
اسرائيل عايزه مويه
بعملو في الطبخه البتحقق ليهم الاهداف دي
و جماعتنا بتاعين السياسة
زي ديك المسلمية يعوعي و بصلتو في النار يصوتو فيها
و طبعا دي وجهة نظر ممكن تكون صاح و ممكن تكون بعيدة شوية من الصاح
| |
|
|
|
|
|
|
|
|
|
Re: هل ما يدور في السودان و المنطقة له علاقة بانتهاء العمل في نفق اسرائيل لنقل مياه النيل من م (Re: domdom)
|
اها المرة دي رفعتو خلاص ,ما رفعتو معاي
بنساهو لكن ما بنسي اني سوداني ابدا
و ضد الضد السودان الموحد
و ضد المؤمرات االامبريالية حتي لو جات في
شكل حلول لمشاكل البلد
لانها بتكون زي استقلال 1956 اسم بس
و في المستقبل قنابل موقته
و ادعو يا ابناء السودان الشرفاء شرقا و غربا جنوبا و شمالا وو سطا
توحد في برنامج سياسي مشترك
يا جماعة الدعوة دي للشرفاء فقط
لحل الازمة الحالية
و الا فانكم سوف تتسولون الحلول ممن لا يملكها
و من تتحكم فيه مصالحه قبل مصالحكم
| |
|
|
|
|
|
|
|
|
|
Re: هل ما يدور في السودان و المنطقة له علاقة بانتهاء العمل في نفق اسرائيل لنقل مياه النيل من م (Re: domdom)
|
ممكن تسمحوا لي أضيف معلومات بسيطة عن محاولات اسرائيل للإستفادة من مياه النيل
- فكرة اسرائيل للإستفادة من مياه النيل قديمة , ظهرت مطلع القرن العشرين وتقدم بها ثيودور هرتزل عام 1903 إلى الحكومة البريطانية في عهد الملكة فكتوريا واللورد سالسبوري وجوزيف تشمبرلين وآرثر بلفور , وتقدم بها إلى الحكومة المصرية في عهد الخديوي عباس الثاني , ومصطفى باشا فهمي , وبطرس غالي والمعتمد البريطاني اللورد كرومر ... فقد بذل هرتزل جهداً كبيراً لتحويل مياه النيل إلى سيناء .
- بعثت الفكرة من جديد في أواخر السبعينات من القرن الماضي بقيادة شركة تاحال لتحويل مياه النيل إلى صحراء النقب , حيث وضع المهندس الاسرائيلي اليشع كلي ( مدير التخطيط الطويل المدى في الشركة ) تصوراً اقتصادياً للمشروع بقوله ( إن دولاً كثيرة مستعدة للمتاجرة بالمياه في كمورد طبيعي حتى لدول معادية لها , مثل الصين التي تبيع المياه لعدوتهاهونج كونج ) ويرى أن مصر يمكن أن تمد اسرائيل بالقدر المطلوب من المياه وهو 30 متر فى الثانية بالثمن المناسب .
ولقد حاولت جريدة معاريف التي نشرت هذه الآراء اقناع الرأي العام الاسرائيلي وبالجدوى الاقتصادية لهذه الفكرة بقولها بأن ما ينتجه المزارع الاسرائيل بواسطة متر مكعب من المياه يفوق ستة أضعاف ما ينتجه الفلاح المصري بنفس كمية المياه .
لي عوده
| |
|
|
|
|
|
|
| |
Nasr
aymen
فيس بوك
تويتر
انستقرام
يوتيوب
بنتيريست