|
واخيرا تعترف حكومة الاقلية بادمية البجـــــا
|
عانى البجا والاقليم الشرقى ككل من تجاهل حكومات المركز مما ادى الى اعاقة التنمية فى الاقليم وانسانه وبعد ان تمكنت الجبهة من الحكم اشترطت للاعتراف بالغير ان يحمل السلاح وقد لبى البجا هذا الشرط ولكن الاعتراف بهم تاخر رغم اكتمال حلقات التفاوض مع الاطراف المهمشة الاخرى ويبدو ان الحكومة كانت تبحث عن تقديم اضاحى بشرية لاشباع قرائزيتها فى سفك الدماء الادمية وقد تمكنت من قتل اكثر من ثلاثين متظاهر فى يوم اسود من تاريخ الجبهة المجرمة وحتما ستلاحقها لعنة هذا القتل الى ابد الدهر وبعدها كونت لجنة تسويف لطمس الجريمة وذلك اعتمادا على الزمن ولكن اللافت للنظر ان الضغط والغليان الجماهيرى ارعب تجار الدين الذين انهكهم ملف دارفور والذى يبدو انه لن يغلق الا بجرجرة هؤلاء القتلة الى غياهب السجون. واليوم اعلنت حكومة الغدر والخيانة الاعتراف الرسمى بمؤتمر البجا كممثل لشرق السودان وابداء الرغبة فى التفاوض معه لحل المشكل وهذا الاعتراف يعنى اعتراف بادمية انسان البجا. ولكن ايضا هذا الاعتراف يلقى على كاهل القيادة المركزية وكل المثقفين البجا مسئولية كبيرة وعلي مؤتمر البجا العمل على الاستفادة من تجارب الحركة الشعبية وحركات دارفور وبناء استراتيجية تفاوضية واشراك الاخوة فى المكاتب الخارجية لان الامر لا يخص مؤتمر البجا وحدة. ولكن هذا لايعنى التنازل عن دماء ضحايا الاجرام الجبهى ولابد من تقديم من اطلقوا الرصاص او امروا باطلاقة لمحاكمات القصاص. عاش نضال شعب البجا.
|
|
|
|
|
|
|
|
Re: واخيرا تعترف حكومة الاقلية بادمية البجـــــا (Re: هاشم نوريت)
|
هاشم نوريت دبايو
Quote: عانى البجا والاقليم الشرقى ككل من تجاهل حكومات المركز مما ادى الى اعاقة |
أخوي هاشم صدقني السودان ككل متجاهل من العالم ككل ناهيك من حكومات المركز. وده السبب الرئيسي في الإعاقة. بعدين لامن تقوموا إنتو في الشرق تتحالفو مع ناس دار فور... ويجيكم قرنق بباقي المناطق المهمشة... والمهمسة... وبعدين ناس مبارك الفاضل ... بتاعين حلول خريطة الطريق.. وناس الحكومة ذاتهم يجو ويقولوا إنهم مهمشين من المجتمع الدولي .... وناس حلفا... العايزين يآكلو حقهم أولاد ببمبى .. وبعدين ناس كوش... تبقي المشكلة إتحلت... لأنو ببساطة بيكون أتلم المهمش على المهمشين... والبقية للناس البيجو عائدين.... في آخر الطريق..!
صدقني يا هاشم نوريت... مشكلة بلدنا أكبر من هيمنة المركز على الأطراف...
المشكلة كيف نقدر نشخص علتنا..... بعداك نوجد الحلول... لأنو يا ود نوريت إذا كان التعليل بمسألة أنو ديل أقلية مهيمنين على الأغلبية... تبقي المشكلة في الحلول.. ذات نفسها... لأنو عدد الوزارات بوكلائها.. إذا قسموهم على عدد قبائل السودان... يبقي 95% من عدد قبائل سكان بلاد السودان مهمشين... ومهمسين... صدقني يا ود نوريت...
كده شوفو الحل شنو...! بجيكم يوم باكر...!
خالص الأمنيات...
| |
|
|
|
|
|
|
Re: واخيرا تعترف حكومة الاقلية بادمية البجـــــا (Re: A.Razek Althalib)
|
الاستاذ عبد الرازق دبايوا.
Quote: أخوي هاشم صدقني السودان ككل متجاهل من العالم ككل ناهيك من حكومات المركز. وده السبب الرئيسي في الإعاقة.
|
اخى نحن نتحدث عن ظلم السودانى لاخية السودانى وطالما اننا وفرنا ذلك العدل واحترام ادمية السودانى يمكننا ان نتوحد ونقف ضد اى معتدى خارجى ومحاولة البعض الاشارة الى البعد الخارجى وغض النظر عن القهر والظلم الذى يتعرض له الشعب من قلة متجبرة هو الداء كله.
| |
|
|
|
|
|
|
Re: واخيرا تعترف حكومة الاقلية بادمية البجـــــا (Re: Kobista)
|
Kobista تحية. الإسترينجات جاية بس شيل الصبر..! أخي كوبيستا...! مالك محتار كده... ما كلو مظلوم... وكلو داير حقو... يعني شنو في واحد شاطر من التاني ولا كيف... دي..! الناس هنا في البلد الكبيرة ديل كلهم أولاد تسعة... يعني لو واحد شبك ليك في رقبتك إلا يحلك الحلال...
الناس بتقول عايزة دولة مؤسسة.. يعني منظمة... والناس ذاتها دايرة تنظيم... ولا شنو...؟ خالص الأمنيات لغاية يوم السبت... عشان يوم الجمعة إنت عارف أنو عندنا ملمت ناس بورداب الرياض... وبالبلدي كدي فترت... من الصباح قاعد مصاغر الشاشة العجيبة وما لقيت إلا كم موضوع كده بشدو...
خالص الأمنيات...
| |
|
|
|
|
|
|
Re: واخيرا تعترف حكومة الاقلية بادمية البجـــــا (Re: Sawsan Ahmed)
|
الاخ هاشم تحيه ليك وللاشاوس والابطال بثغرنا الحبيب مليون تحيه مزيد من التركيع لهذه الزمره ومن يعاونهم والطبالين عديمي الزمه والضمير والساكتين عن الحق والمتلولوين لعنهم الله الي يوم القيامه ودم ابناءنا اغلي ولن نتهاون في القصاص فوق وفووووووووق ياود نورين
| |
|
|
|
|
|
|
|