|
جميلين\ات من الزمن الجميل (كسره بي تماضر و ميم الزكمه واخر)
|
اقدم هذا البوست محاوله مني للهروب من واقع البورد الحالي الى ماضيه الجميل وتذكر بعض من جمال من تركونا ومن ما زالو معنا ومختفين او مقلين 1)
Quote: أناأفهم في اللغة ولا التجويد يقول ليك لو جاء حرف علة ماشي بي جاي ولقى ليهو ميم ونون قاعدين مع بعض يمسك ليك النون دي يمرغها بالتراب لمن تقول الرووووووب وتدخل جوة بطن الميم وممكن يقول ليك إذا التقى ساكنين في (نيفاشا) ما عارف يحصل إيه لكن المحيرني لمن الزول يكون عندو زكام تلقى الميم عندو غتست وبقت باء وتحلف ما ترجع إلاّ بعد إستعمال أدوية وعلاجات يعني تسألوا تقول ليه كيف حالك يقول ليك والله الليلة عندي (زكبة) فتلقى الميم غلبت باء وأذكر مرة كنت واقف مع صديق إسمو معاوية وجات أختو عندها زكمة وا########## ليل قالت ليهو بعاوية البعاك دا بنو؟؟؟ يعني دي لو كانت معانا في البورد دا وعايزة تعلق على بوست بتاع تماضر الببدعة تباضر أو تقول والله فعلاً يا الرحبابي حسين بلاسي دا جبيل جبال شديد
فياريت أي واحد عنده زكام خاصة وأن الجو اليومين دي بارد يدخل ويخاطبنا في هذا البوست بي (جبلة كابلة بفيدة) ولكب تحياتي |
الجميل بدر الدين مختفى منذ فتره نرجو ان يكون المانع خيرا كل ما اشوف كسره بتزكرو وبتذكر بوست كسره بي تماضر واضحك بيني وبين نفسي واتذكر الزمن الجميل بنا يديهو العافيه
|
|
|
|
|
|