|
|
 حبوب هلوسة التجمع والتمنع !
|
اها يا جماعه معليش ... كترنا .. عليكم وقالو كتره الطله تمسخ خلق الله ... لكن كنت خلاص (بقيت مارق ) بس استوقفتنى بوستات جماعه كدا من ثوار دارفور طوالى شابكننا ليك بنقه من خرافات زى بتاعه ما عارف تقرير سرى للغاية ومحظور ومافى ود لذين يشوفو واحمر وخترى وكدا اها قالو شنو دى وثائق ... ورق مكتوب اول شى بلغة ركيكة وما فيهو علامة رسمية يعنى لا ختم لا توقيع ولا التكتح ويعنى بصورة ادق كدا اى زول من طرف ممكن يجيب ورقة A4 ويجى يكتب اى حاجة ويقول دى وثيقة !!! نحن ما فى راسنا قنابير وشايلين قفه الغباء فى المنبر دا ، فى دارفور مشكلة ... اى ,,, (واى ) فى دارفور معاناة مافى كلام فى دارفور فى ناس اتضررت صآآآآآآآآآآآآآآآآآآح لكن يا جماعه ويا اخوة يا ثوار قولو بسم الله لمن الزول عاوز (يبلف ) ويفبرك يا يعمل دا بطريقة (فنانه ) وحرفنه فى الشيطنة يا يمرق ويحل من سمانا وما يحمل لينا (الباندوث ) مش اسمو كدا فوق طاقتو ونحن ما ناقصين كلام فارغ ..
وعشان نكون موضوعين ناخذ مثال
تقرير استخباري رقم (310) - مقابر جماعية بولايات دار فور
لمن تخش الصفحة وتمشى للرابط
http://darfur.free.fr/digging
تلقى نسخه مجوبكه واول شى مكتوبة بخط اليد - سنة الفين واربعه والجيش مكاتباته بخط اليد - والخطاب فيهو ترويسة واضح انها (مضروبة ) وتحمل تاريخ بشهر ديسمبر لمكاتبه تحمل توقيع وختم (شين ) بتاريخ اغسطس !!!!!!!!!!!!؟؟؟؟؟؟؟؟؟
بعدين و(شكر الله الصانع ) الورقة دى بشكلها دا ما ممكن تكون خاصة بجيش وعسكرية الا تكون وحدة (كديت ) ولا شنو الراى يا جماعة بالله دا مستوى بتاع فبركة فعشان كدا خلونا بالله من حبوب الهلوسة البتنشروها لينا هنا دى وعلى الاخوة الكرام من انصار حركات التمرد فى دارفور لو عندهم قضية يقدموا عرض مقنع فيهو فهم واحترام ، بعدين شنو قصة التجمع العربى ولو سلمنا انو فى تجمع عربى فى دارفور دا بيكون فى جنوبها حيث قبائل البقارة العربية لكن الجاب التجمع دا شمال دارفور شنو ؟؟؟ عرفنا التلفيق كان ضعيف ومفضوح الجغرافية البسيطة دى ما بتعرفوها وبارك الله فيكم العرفتو محافظة وادى صالح دى فى غرب دارفور .
المهم ... ولعناية القراء ... معليش لو اثقلنا عليكم وكنا عاوزين نشارك فى المفيد لكن نعمل شنو مع الناس الجنها بس تقدم لينا مسلسلات جبانه وبايخه .... وفضيحة وبالمناسبة واضح انو دا ما راى براى بدليل انو البوستات المماثلة لتلك التى اشرنا اليها مافى زول شغال بيها لكن انا قاااااااااااااااعد تقولو جنجويد تقولو بعاتى تقولو جن احمر ... قاعد ... والفوره ...شنو ... الف .....تاااااااخ خمسين !
|
|
 
|
|
|
|
محمد حامد جمعه
فيس بوك
تويتر
انستقرام
يوتيوب
بنتيريست