|
|
 مناورة الصمت
|
الفصول المريبة تتحرك على الأفق بحيوية,
والفضاء المهيب ستملأه الشمس بأغنامهاوالسنى
... ... ...
... ... ...
..على السوق نسوة
يربطن الى الظهر أطفالهن
ويرفعن أيدي الفنادك..
من شاهق
يهبط المطر مثل المظلات فوقي أنا
صوت الفنادك يشعرني
أن لغزا جميلا
تراكم شأن الغيوم..دنا
بعد قليل
أتعتع خطوي لأبروف
حيث صديقي يمازحني:
بيننا النهر..لكنه ضدنا
والعجوز التي حينما
ستراني
تتمتم نافضة بيديها:
جهنم خويت..
وكل الشياطين جاءت هنا
مهرة أفلتت من لجام الهوى
رائحتها تهدم في جدارا
وترتفع-عكس نيوتن-
تفاحة نحو غصن أراه أنحنى
..
..
قل هو النعت يتراوح
بين السجين وبين دوافعه الجازفه
قل أننا افتقدنا ملامحنا
صدفة في حوادث أيامنا الناسفه
قل فيا حزن عودا حميدا
وياسكنة السر في الأنفس الكاشفه
... ...
ملكة القول تقف على حجرة القيف
قائلة:
سيدي النهر ..
أنت الذي خنتني أولا..آسفه!
مرفعين يجوب الأذقة
شأن النبي الخضر
يتأبط مرض العزيمة في الكائنات
يبشر بالعاصفه
أمة في التضخم
ترقب شفق الصباح
الذي دغدغ اجفانه بتأهب
من لن يرى اللحظة الآزفه
هي تسألني بمكر أليف عن الشعر..
وكيف أراقب ارواح تتجسد
مازجة في المرايا
مخاوف من عيشة خاطفه؟
ماهو الشعر
ان لم تبيض الدجاجات في القلب
.. يشتعل حقل من العاطفه !
|
|
 
|
|
|
|
|
|
|
 Re: مناورة الصمت (Re: محمد بهنس)
|
هي تسألني بمكر أليف عن الشعر..
وكيف أراقب ارواح تتجسد
مازجة في المرايا
مخاوف من عيشة خاطفه؟
ماهو الشعر؟!!!!!
؟؟؟؟؟؟؟؟؟؟؟
؟؟؟؟؟؟؟
؟؟؟؟
؟؟؟
؟؟
؟
| |
|
|
|
|
|
|
|
|
|
Re: مناورة الصمت (Re: محمد بهنس)
|
بهنس
هانذا ادخل البيت من جليدالحارج المستدفئ رغم انفي وانفه بعثمان حسين
سألت عليهو ما تكلم
لا رد علي لا سلم
ظلمني وجاني يظلم
سلاني وقال انا السالي
شفت كيف يا بهنس ?
هذه الايام نادرا ما ادخل النت ولكني صادفتك في هذه المنطقة التي اشعلتها بهذه الخصوبةالشعرية التي خارجتني من سؤال مربك جدا وهو ما العلاقة بين دخول عبد المحمود الكرني الي البورد و بين الخروج المعلن الجميل للاستاذة نجاة محمد علي
وبن وهذا وذاك اختفاء تماضر شيخ الدين من البورد
معليش يا بهنس فانا اهذئ وقد عدت لتوي من الخارج الكندي الابيض و ما من مناص الاان استدفئ بهذا الدفق الجميل
واشهد انني قد مسني طرب شفيف
بالمناسبة يا بهنس انا اهاتي كي احصل لي نسخة من راحيل
شفتا كيف انا بعيد ???????????????
| |
|
|
|
|
|
|
|
|
|
Re: مناورة الصمت (Re: محمد بهنس)
|
Quote: ..على السوق نسوة
يربطن الى الظهر أطفالهن
ويرفعن أيدي الفنادك..
من شاهق
يهبط المطر مثل المظلات فوقي أنا |
لطالما أسرني هذا المشهد!
مشهد لنساء"الفلاتة" المكافحات و هن يقف في منتصف أشعة الشمس ذات الحرارة الإستوائية و يربطن أطفالهن الى ظهورهن
حبات العرق الطاهرة تتصبب من جبينهن و هن
"يدققن" البهارات
بنغمات الفنادك ذات الوقع الموسيقي.
شكراً محمد بهنس على النص الوضاء التعبير!
| |
|
|
|
|
|
|
|
|
|
Re: مناورة الصمت (Re: Nada Amin)
|
يحي فضل الله مره واحده!!
سلام عليك البوست طرب لهذا الاسم.
كيفك عليك الله؟..كيف تصف الابتعاد؟ كيف تجد الصدى لصوت عثمان حسين؟
نشتاقك ونفتقدك.كل شيء.
اللهم لا شعر ولا يحزنون,اني أشتاق الى أجوائك القصصية.
هلا جدت لنا في البورد بقصة؟
أسعدني اطلالك.
عليك الله أشرب لي معاك بيرة بااااردة.وأتررع ذي كأنك شارب
جردل بوده,جردل دقه يمشي فيو السوسيو.
أشواقي
| |
|
|
|
|
|
|
|
|
|
Re: مناورة الصمت (Re: محمد بهنس)
|
ويين يا فرح..أسمع..الليله لقيت صاحبك عاطف في الشهدا سايق ليو فلكسواجن خضراء
قلت ليو والله يا هو ده الضفدع الألماني ولا بلاش.
وين انت؟..آآآ أنا عارف.
| |
|
|
|
|
|
|
|
|
|
Re: مناورة الصمت (Re: محمد بهنس)
|
ندى أمين...
الصورة الهبشتك هبشتني وأنا لسه صغير ماسك توب أمي في زحمة
سوق التشاشه أمدرمان.ايقاعات الفنادك بتجيب الشعر طوالي يا ندى.
يا سلام ريحة تنباك الجلود الغامضه لأنو الواحد كان لسه ما بثف.ياسلام.
| |
|
|
|
|
|
|
|
|
|
Re: مناورة الصمت (Re: محمد بهنس)
|
بهنس انت الزهايمر لسا ما راح منك ولا شنو انت نسيت ولا شنوووووووووو
بعدين الزول المنغولى الاسمو عاطف دا كلمو قول ليهو بتكتل ليك زول بطريقتك دى وبى عربيتك دى
وتحياتى للود الصافى
| |
|
|
|
|
|
|
|
|
|
Re: مناورة الصمت (Re: Hafiz Bashir)
|
يامسافر..
دي مناسبه أنو أنا أبوح بمحبتي لك.
في أيام مسدار الخرطوم دائما ما أبتسم حينما أقرا مداخلاتك.
وحينما رأيت صورتك في لقاء بورداب الأمارات ترتدي ديباجتك.أبتسمت أيضا.
حبابك دائما يا مسافر.لك مزاج عفوي جميل. مودتي
| |
|
|
|
|
|
|
|
|
|
Re: مناورة الصمت (Re: محمد بهنس)
|
انت فى صوت الفنادك
ولا فى تقاطع خط عمود الفندق مع خط الافق...
دراما العواميد ..ما ان ينزل واحد لاسفل يظهر واحد فى الاعلى وتتناوب الاعمدة برؤوسها البيضاوية فى العلا بينما خط نظر عازفتها فى الاسفل ..عند قاع البهار...ورائحة العشق والسيمفونية ...مهرجانا على سفينة من حطب....
وعندما ينتهى الكرنفال...نكفى الفندك وبالصريف نعاين
نعاين جيهة العشاق...وسربان الخصوبة...
ويصير الفندك بديلا لنصف العالم..
ياسلام عليك
"بالمناسبة انت كنت وين؟؟ ولا انا الكنت مافى؟ رحنا من بعض ليه؟"
| |
|
|
|
|
|
|
|
|
|
Re: مناورة الصمت (Re: Tumadir)
|
والله يا تماضر دوشتي الفنادك..أحييك
لكتابتك صوت..على فكرة لمن اقراك بسمع صوت..ده شنو ياتماضر؟
انتي كنتي زهجانه من البورد..أنا كنت مرات أبين ومرات اخش السينما.
هسي ياتماضر مع السحانات الحديثه دي..مافي فنادك.
الفنادك كلها بتتجيه وتستعد لدخول المتاحف.
ملحوظه:
( أنا ما حاأخش أصلو متحف).
| |
|
|
|
|
|
|
|
|
|
Re: مناورة الصمت (Re: محمد بهنس)
|
محمد بهنس
جاء بنا الحب إليك
هكذا وجدناك مقامه
تهامسنا ومعيتنا فيما بين يديك
إن تدفق تسربنا في مسامه
ونبتنا فروعا تشتبك
وتميل مع حديثك وأنغامه
يسعدني حبك
وأحواله المحرية فيك
حبيباً بات يطربنا كلامه
| |
|
|
|
|
|
|
|
|
|
Re: مناورة الصمت (Re: المسافر)
|
الاخ محمد بهنس
الحقيقة لم يدخلني هنا الا اني معجب باسمك
له وقع جميل ودفعني للقراءة بعدها وتاكدت ان الجمال يحوم حولكم
هل لديك اخ اسمه طارق بهنس؟
| |
|
|
|
|
|
|
| |
الجندرية
وليد محمد المبارك
Yahya Fadlalla
فرح
Agab Alfaya
fadlabi
إيمان أحمد
Mohammed Elhaj
ايهاب
المسافر
Hafiz Bashir
Tumadir
حبيب نورة
فتحي البحيري
اساسي
فيس بوك
تويتر
انستقرام
يوتيوب
بنتيريست