كتب الكاتب الفاتح جبرا المتوفرة بمعرض الدوحة
|
|
 والدموع الديمة سايلة
|
لي متين قلبك يحن
ولي متين روحك تسامح
وتصفى جواك المحبة
وايدي لي ايديك تصافح
في انتظارك بحسب الايام سنين
فيها طعم الفرقة جارح
وعمري من غيرك فراغ
ما ليه قيمة ولا ملامح
والامل الكنت بحلم
انه يصبح يوم حقيقة
وليه بتغرب واكافح
حاسي انه مصيره قرب
وانى بجري وراء سراب
واضرب الصخرة واناطح
****
انتظرتك
قلت بكرة الدنيا تحلي
وبكرة نرجع لى بعضنا
ونرسم الكون لوحة خالدة
نقضي فيها عقاب عمرنا
ونطرد الخوف من قلوبنا
وباليقين نسند ضهرنا
ونمشي درب المستحيل
والجحيم نبنيه جنة
قلت بكرة الفجر يطلع
وبكرة يسعدوا بيك اهلنا
اصلو دربي براك موحش
وخالي من ريدة وحنة
لكن المكتوب مقدر
وكيف بنهرب من قدرنا
****
لا صلاتنا فيك جابت خبر
لا دعانا حرك فيك مشاعر
لا المسافة البنا قصرت
لا امل فى لقاك ظاهر
والحزن في قلبي ساكن
لا بيرحل لا بيغادر
والدموع الديمة سايلة
تغرق الريف والبنادر
ما اظن حسيتي بيها
وقلتى تفرحي الطير المهاجر.
|
|
 
|
|
|
|
|
|
|
 Re: والدموع الديمة سايلة (Re: المعتمد)
|
Quote: ونطرد الخوف من قلوبنا
وباليقين نسند ضهرنا
ونمشي درب المستحيل
والجحيم نبنيه جنة
قلت بكرة الفجر يطلع
وبكرة يسعدوا بيك اهلنا |
الرائـــع المعتمــــد ..
تحـــياتـي و سلامـــي ..
طــرد الله الخــوف من قلــوبنا جمــيعاً ..
وبعــاد الله ما بينكــــم وبين هـذه الدمــوع ..
قلــت بكـــرة الفجــر يطلع .. ونمشي درب المستحــيل
لك الـــود و أدام الله افراحكـــم ..
ولــــيد
| |
|
|
|
|
|
|
|
|
|
Re: والدموع الديمة سايلة (Re: المعتمد)
|
اها يالمعتمد
الكتبتا ليها الكلام ده ريدتك براك
و لا ريدتنا كلنا
ان بقت حقتك براك الله يلين راسها
و ان بقت حقتنا كللنا دي الله يستر و يلين رأس الجماعة القال فيهم حميد
جني و جن العفن البتلب فوقنا من شرف الفنادق
بعد ده مشاركاتك ما لقت ليها مدمن اصلو شامي فيك ريحة منطقتي
| |
|
|
|
|
|
|
|
|
|
Re: والدموع الديمة سايلة (Re: المعتمد)
|
يا المعتمد
والله شعرك قمة في الروعة والحساسية ....
وبعدين الزولة دي مفروض اول ما تقرا نثرك الجميل ده طوالي تقع من طوله ( اقصد تقع في غرامك حتي لو كانت ما مغرمة بيك )
الله يديك العافية وتبدع كمان وكمان
صفاء
| |
|
|
|
|
|
|
|
|
|
Re: والدموع الديمة سايلة (Re: صفاء ميرغني)
|
الاخت صفاء
سلام.
لك الشكر على مرورك بهذا البوست.
ان شاء ربنا يقدرنا على الكتابة وامتاع انفسنا والاخرين.
بس بى الطريقة حقتك دى الواحد لازم يعمل حسابه وما يكتب كلام زى دا عشان ما يلقى ليه طابور بتاع مكسرات فى الصف.
لك الود
والف باقة ورد
| |
|
|
|
|
|
|
|
|
|
Re: والدموع الديمة سايلة (Re: صفاء ميرغني)
|
الاخ عبد الرحمن
سلام
كل عام وانتم بخير وان شاء السنة الجاية تتحقق الامانى.
انا منتظر تلفونك يوم السبت او الاحد ولحدى الاثنين ما جانى اتصلت على اسامة قال لى انك رجعت. اها المرة الجاية ما تزوغ زى المرة الفاتت.
نحن فى انتظارك الاسبوع القادم ان شاء الله.
ما شفنا حاجة جديدة من كتاباتك .
دمدوم حلاوي لكن ما عرفته من وين؟
ولك الود
والف باقة ورد.
| |
|
|
|
|
|
|
|
|
|
Re: والدموع الديمة سايلة (Re: AlRa7mabi)
|
الاخ عبد الرحمن
سليمان سافر ماليزيا رتب امور الدكتوراه وكمل الفصل الاول منها . اتصلوا عليه ناس الشركة الكان شغال فيها فى السعودية وقالوا ليه محتاجين ليه شديد . عمل اتفاق مع ناس الجامعة انه يواصل بالبحث وعاد الى الدمام وهو الان يواصل عمله ودراسته واحتمال يرجع ماليزيا شهر اربعة لمتابعة بعض الامور والعودة للعمل.
| |
|
|
|
|
|
|
| |
المعتمد
waleedi399
AlRa7mabi
فيس بوك
تويتر
انستقرام
يوتيوب
بنتيريست