|
|
 Re: الانقاذ والفكي اب عكاز (Re: Zoal Wahid)
|
- بتعرف الرئيس الامريكي؟
- ايوه. اكيد ناس الكنغارس ديل زي بتاعين مصر المش عايزين جمال يكون ولي العهد. بالمناسبة انا ساعدت ناس المغرب انو محمد يكون ولى عهد ويبقى ملك، وفي سوريا كمان ساعدت بشار ولما مريت بالاردن لقيت الامير عبدالله عندو مشاكل مع عمو حليتها وساعدتو يكون الملك، ونادوني في قطر والبحرين والامارات وديل كلهم انا خدمتهم عشان يكونوا رؤساء وملوك. لو انت ما مصدقني اسال الاميرة تفاحة والشيخة جرادة. اكيد ناس الكناغرس ديل مش عايزين ولد بوش يكون ولى عهد. الموضوع بسيط انت اديني اسم ولد بوش واسم امه ولازم نتفق على حقي لان الخدام ما بيقبلوا انا اشتغل مجان. الموضوع بسيط جدا. يومين تلاتة وحتشوف انو بوش عين ولدو ولى عهد.
- الحقيقة انا جاي في موضوع تاني، ناس امريكا ديل عاملين دارفور زي حقتهم كل ما طياراتنا ولا عساكرنا يضربو ناس دارفور، يقوم الكونغرس يهددنا.
- وهم الدخلهم شنو بين البصلة وقشرتها؟
- اصلا هم شافوا بالاقمار الصناعية خيرات بلادنا ولقوا انو بترولنا اصفى بترول في العالم، يعني ممكن من البير تكب طوالى في عربيتك والذهب اللي عندنا مافي زيو في العالم كلو وانتاجنا ممكن يكون اعلى انتاج في العالم، وشافوا موية نهر النيل وقالوا عمرهم ما شافوا اصفى واحلى من الموية دي، طبعا نهر النيل من انهار الجنة زي ما انت عارف يا مولانا
- ايوه ايوه
- الناس الخواجات الكفار ديل، ما عندهم حاجة يسووها، بس طمعانين في خيراتنا، هم عارفين لو العالم شاف الاسلام بتاعنا بدون شك العالم كلو حيبقى مسلم ، وكمان خليك من البترول والذهب حتى العقول بتاعتنا حيرتهم، زمان قبل ما الدكتور يختلف مع البشير مشى ليهم زيارة، الملاعين قاموا كشفوا على مخه بدون ما الدكتور ولا الوفد يعرف، وبعد داك قالوا انهم وجدوا انو مخ الدكتور اصفى مخ يشوفوه في حياتهم، حتى دكتور المخ والاعصاب الكندي العالج الدكتور الترابي اسلم لانه قال ليهو 36 سنة شغال ما صادف في حياتو مخ نضيف زي مخ دكتورنا. تعرف الضربة بتاعت هاشم للدكتور الترابي في كندا لو صادفت اي زول زيي او زيك كان ودتو في داهية.
- بمناسبة الضرب دي، مرة من المرات جاتني ولية وقالت راجلها بيضربها بسبب وبدون سبب وطبعا انا ما قصرت معاها،، خليت ليك الراجل كل ما الولية تعمل ليهو حاجة تزعلو على طول يرقد في الارض ويبوس رجليها.
- يا شيخنا بس بس دا العايزنو منك، احنا عايزين امريكا تشوف البنسويهو في دارفور وما تقدر تقول تلت التلاتة كم وتجي تبوس ايدينا و رجلينا ونديها بالشلوت.
| |
 
|
|
|
|
فيس بوك
تويتر
انستقرام
يوتيوب
بنتيريست