|
راس سنة .............يخلع !
|
كان اليوم الاخير من العام الماضى يوم عمل شاق تشتت جهدى فيه بين المطار والمكتب والمنزل وارصفة المواصلات وطرقات نهار الجمعه الخرطومى والذى تحول فجاة الى نهار ساخن ، وكان من المقرر ان ينتقل عدد من الصحافيين السودانيين الى (كينيا ) لحضور مراسم توقيع البرتكولات التكميلية ولكن – وكعادة السودانيين – تعثرت المسالة وتم الاعتذار للصحافيين بان السفر (قد ) يكون فى العيد الكبير ...يوم التوقيع النهائى ... المهم ... عدت واضطررت لمتابعة (الحدث ) عبر النقل التلفزيونى وطبعا فى مثل هذه الاجواء .........طلعت البيانات .........والتبريكات ............ وناس دسك الاخبار ...........عيونهم طششت وناس الالتقاط .......... تعبوا ........ وانا ........غلباااااااااااااان ............ ولمن وصلت الساعة (10 ونص ) مساء كنت وباخر رمق ونفس قد حصلت على مقعد فى حافلة من موقف (العربى ) لتقلنى الى (الحلة ) ........ طبعا اخوكم لا يشرب او يمس حاجة تمس (ايمانات المسلمين ) زى (العمده ) الصعيدى لمن جابو ليهو (فخفخينا ) فى قصر (الباشا ) ...عشان كدا كنت اصلا ...... (مجلى ) راس السنة ......... وشاطبو ........وعامل ليهو فك تسجيل .. ولو مضرب عليهو بس عشان يوم (واحد واحد ) عيد استقلال وبخلاف معنى اليوم دا لاى سودانى على الصعيد الوطنى فهو (عطلة ) وبنسمع فيهو نشيد (وردى ) اليوم نرفع راية استقلالنا ويسطر التاريخ مولد شعبنا ........يا اخوتى غنوا لنا ................... ويمشى لمن يصل مقطع (كررى تحدث عن رجال كالاسود الضارية ) بذلوا النفوس وشتتوا كتل الغزاة الباغية .......والنهر يطفح بالضحايا وبالدماء القانية ........... ما هان فرسان لنا بل فر جمع الطاغية ........ النشيد رهيب ....وقوى ومؤثر وبخليك ...........تفر جنحاتك ...ودل تدق راسك فى (اتخن تخين ) ......... ووردى اقتطع فيهو ......... عشان كدا قلت امشى انوم طوالى خاصة اننى كنت متعبا مرهقا .... واجر النوم لغاية نص يوم العطلة ............ولفت نظرى فى العودة مساء 30 /12 ان الشوارع (مليانة ) بوجوه شابة وحسنة وان ثمة ترتيبات فى الحدائق للاحتفال براس السنة (صباحى ) ... وزى ما بينا ..........كان هذا الموضوع (بره شبكة ) اخوكم ... ووصلت البيت ...وبعد المرور على الاسرة و(خشم خشمين ) مع جدى وبعض ضيوفنا اتخذت (مرقدى ) بعد تصفحت بعض الكتب وانا (راقد ) وهى طريقة (فنانة ) للنوم وبالفعل وفى لحظة (الأرجحة ) اللذيذة تلك بين الصحو والنوم والنعاس و(التعسيلة ) تناهى إلى سمعي صوت (صفير ) فلم انتبه ومررت نحو (نومتى ) .........ونمت ......ويا ريت لو ما نمت ...ففجأة اسمع ليك .........صوووووووووووووووووووووووووو دوووووووووووم شوووووووووووووو والسماء فى نيران مدفعية وصفير طيران ..........صحوت مذعورا لدرجة اننى لربع ساعة ابحث عن فردة (سفنجة ) وكنت اتمتم .........واقول فى شنو يا جماعة .... فى شنو .......... وقد نسيت تماما ان الساعة الاخيرة بتاعة السنة .......خلاص اتلحست .............. نسيت كلو كلو ........... والشغلة كل شوية تزيد بووووووووووووووم طااااااااااااااااااااش ...............شووووووووووووووووو والانوار تلمع شى احمر وشى اصفر وشى اخضر فتسورت بحذر الحيطة لانظر فصيلة (الخمير الحمر ) التى هاجمت بقيادة بول بوت (الحلة ) فوجدت ان الشارع خال من المارة ولا يوجد فيه (صريخ ابن يومين ) وقبل ان اكمل بعيونى (المسح ) اضطررت للنزول ودس راسى لتحت شوية لان سربا من النيران والاضواء لمع فجاة – من اين لست ادرى – وكان تراجعى مفاجئا فاصطدمت بحافة الحائط ثم ارتبك الكرسى الذى استند عليه وسقط وجيت انا .......لب ........ داقى الدلجة ....... فبلغ بى الحنق والغيظ مبلغا زاده صراخ الاطفال من هنا وهناك فى بيوت الجيران وبعد ان وصلت عبر الباب الى منتصف الشارع وجدت ان هناك بعض (العقلاء ) كان قد ازعجهم هذا الضجيج فخرجوا ...وبعد نقاش سريع عرفنا ان مجموعة من صبيان وصبيات الحى يحتفلون بالعام الجديد واطلالته (مروسين ) ...........اها .......لكن ما ترويسة ...... مبروك السنة الميلادية ... الجديدة ......... طااااااااااااخ بووووووووم ! يعنى مش ممكن يا جماعة كان نحتفل بطريقة (حلوة ) وناعمة ...بدل ما تطيرو النوم من عينا ... ونحن شباب عجايز ... وقلوبنا ما بتقدر على ( هباباى ) الاجيال الجديدة والنشطة ............والمودرن خالص دى
|
|
|
|
|
|
|
|
Re: راس سنة .............يخلع ! (Re: محمد حامد جمعه)
|
قاعد يا أستاذ
إنت قايلن فصلوني ولا شنو ؟؟؟؟
أنا حي أفرفر عاين للبورد كويس حتماً حتلقاني بس إنت المسجل غيبة سيادتك
والله قبل أيام شفت حلم غريب شفت ود خالتي إسمو وليد متابع حوارات البورد "في الحلم ما الحقيقة" جاني قال لي شوف عيني محمد حامد جمعة لابس البدلة الميري و عقيد كمان ما عميد قلت يا زول بكرة أجي بدري قبل الجماعة كلهم و أفك ليك الخبطة الصحفية الما خمج. صحيت لقيتو ليك حلم والله كنت ناوي ليك نية يا سيادتو
ما بحب أحكي الأحلام بس دي حاجة خاصة ليك يا غالي
| |
|
|
|
|
|
|
Re: راس سنة .............يخلع ! (Re: علاء الدين يوسف علي محمد)
|
الأخ/ محمد حامد جمعة
Quote: وكان تراجعى مفاجئا فاصطدمت بحافة الحائط ثم ارتبك الكرسى الذى استند عليه وسقط وجيت انا |
بركة الجيت
وحبابك عشرة بلا كشرة.... والعافية التبراك....... الفي أغاني وردي.. والدماء القانية...
ألف ألف حمد الله على السلامة....
ومبروك ليك ولناس تيجة.... وشلة اللستك... والزيرو إستيشن......... وشلة السيل.............
------------------------ عبدالرازق عيسى الطالب
| |
|
|
|
|
|
|
Re: راس سنة .............يخلع ! (Re: A.Razek Althalib)
|
Quote: .........ونمت ......ويا ريت لو ما نمت ...ففجأة اسمع ليك .........صوووووووووووووووووووووووووو دوووووووووووم شوووووووووووووو والسماء فى نيران مدفعية وصفير طيران ..........صحوت مذعورا لدرجة اننى لربع ساعة ابحث عن فردة (سفنجة ) وكنت اتمتم .........واقول فى شنو يا جماعة .... فى شنو .......... وقد نسيت تماما ان الساعة الاخيرة بتاعة السنة .......خلاص اتلحست .............. نسيت كلو كلو ........... والشغلة كل شوية تزيد بووووووووووووووم طااااااااااااااااااااش ...............شووووووووووووووووو |
الاخ جمعة سلامات,
ظنيتك يا اللخو اكان ماني خايف الكضب، بتهلوس بإنقلاب الترابي.
غايتو نوم عين واحدة مفتحة، الظروف ما معروفة!
ثروت
| |
|
|
|
|
|
|
Re: راس سنة .............يخلع ! (Re: محمد حامد جمعه)
|
Quote: يا زول خلها ساكت ........... بالطريقة دى راس السنة بعد كم سنة حيكون فيهو ناس تروس بانها تنزل الساعة (12 ) بمظلات من السماء |
يا اللخو، اكان كلام دا حصل اليوم داك اياكا البايت في غوانتانمو. دحين كلم جماعتك ديل ما يلفو ويدورو كتير مع بوش. اصلو هو زولا بليد ومتعافي، وعندو نايب اجارك الله، مو متل نيابكم البهرشو دا. اما وزير دفاعه، فاكه منو رسمي، يضحك بدون سبب، و قاعدين تاني اربعة سنين ومين عارف امكن اكتر!
اها اللخو ادي جماعتك ديل راسم.
نوم خفيف.
| |
|
|
|
|
|
|
Re: راس سنة .............يخلع ! (Re: ثروت سوار الدهب)
|
يا سوار الدهب ......شنو يا مان جارى البوست نحو السياسة ، عموما التجى امريكا ولتاخذ من تشاء وليمت عمر وعلى وابراهيم فهم ليسوا ( اكرم ) من عشرات الذين مضوا الى ربهم فى الجنوب والشرق والغرب . الذى يظن ان الاسلاميين يخافون ويجبنون لا يعلم هؤلاء الرجال ... والايام تورينا يا سوار الدهب
| |
|
|
|
|
|
|
Re: راس سنة .............يخلع ! (Re: محمد حامد جمعه)
|
الاخ جمعة سلامات، قولت لي جاري البوست لسياسة.
لا، انا ما جيتك في السياسة لسه. بس شايف اب كابس ماسكك قولت اهديك شوية.
واب كباس دا اكان بقى رامسفيلد يا اخوي الله معاك. و الله غونتانمو اخبارها ذي الزفت. بعدين الجخ دا سمعانهو قبل كدا. اسه بقي التوقيع مع قرنق اسمو إكتمال الاستقلال.
المصيبة لمن المرينز ينزلو عندكم في الحلة شلة اللستك المساكين ديك بيروحو فوقا ساكت. دحين خلني من شجاعة ناسك ديل، الفوقم اتعرفت.
اها اللخو ما تزعل بشويش الونسة.. سمح؟
بنواصل وبحدثك بجماعة البي هنا ديل الظاهر انت ما بتعرفم كويس. سلام ثروت
| |
|
|
|
|
|
|
Re: راس سنة .............يخلع ! (Re: محمد حامد جمعه)
|
محمد حامد جمعه
Quote: ولفت نظرى فى العودة مساء 30 /12 ان الشوارع (مليانة ) بوجوه شابة وحسنة وان ثمة ترتيبات فى الحدائق للاحتفال براس السنة (صباحى ) ... وزى ما بينا ..........كان هذا الموضوع (بره شبكة ) اخوكم |
وهذه هى ثمرات السلام القادم فليحتفل الشباب وليعبر الجميع عن سعادتهم بالعام الجديد . ولك عام سعيد 2005 وحقيق ما فى الخاطر تحياتى
| |
|
|
|
|
|
|
Re: راس سنة .............يخلع ! (Re: بلدى يا حبوب)
|
بلدى يا حبوب جمعا وربنا يحقق الامانى ثروت ........عديلة يا ابو الدهب بالمناسبة شلة اللستك (تجه وشركائه ) فى زول منهم خش حفلة ايهاب توفيق (مسكتو ام برد ) من الشافو هناك فى بنت قالو غمرت لانها (باست ) ايهاب توفيق !
| |
|
|
|
|
|
|
|