وللنساء في قلبي اكثر من بطينين و هن عندي قيمة تعلو علي مقدمات الجماع و مايخرج من السبيلين و في هذا انا لا آبه عادة بإعلان المبادي او حقوق الانسان .. استمسكـ فقط بحبل المحَنه المُبين فأنا من لحم و دم ,, وهن قيمة تتنفس و تحب و مابتخاف الله فينا.
هذا البوست ليس فيه من امر (حقوق المرأة) من شي .. لذا وجب التنويه.
يبدو ان فايروس حب محمد علي (الامي) قد اصابني , فـ للمرات الكثيرات اجد نفسي نائحا به , منقبا عن الشجن المخفي بمهارة خلف ذاكـ التجهم .. لماذا اخفي (الامي) كل تلكـ الرقه خلف قناعه الاصم وكيف خرجت من تحت قفاطينه النديات تلكـ الحمائم و الاقمار .. طب عليكـ الرحمه مني حياَ و ميتاَ في الخالدين .
تحذير رسمي .. هذا البوست برعاية قلبي .. فترفقو
____________ اسمعني نشيدكـ نشيد محمد علي عبدالله (الامي) صوت طارق ابوعبيدة
04-05-2008, 10:57 AM
هاشم أحمد خلف الله هاشم أحمد خلف الله
تاريخ التسجيل: 01-16-2007
مجموع المشاركات: 6449
Quote: وللنساء في قلبي اكثر من بطينين و هن عندي قيمة تعلو علي مقدمات الجماع و مايخرج من السبيلين و في هذا انا لا آبه عادة بإعلان المبادي او حقوق الانسان .. استمسكـ فقط بحبل المحَنه المُبين فأنا من لحم و دم ,, وهن قيمة تتنفس و تحب و مابتخاف الله فينا.
الله عليك يا خدر ده ما الجن الكلكي ظاتووووووووووووووووو
04-05-2008, 11:21 AM
سلمى الشيخ سلامة سلمى الشيخ سلامة
تاريخ التسجيل: 12-14-2003
مجموع المشاركات: 10754
لو الايام لديارنا تعيدك ليتها يا طارق او خدر لا تلعب الاسماء دورا الان فقط هذا اللحن المشحون هذا الصوت الذى نبهنى له ابن خالى لاول مرة تخفى عنى الايام صوتا ما كنت التقط الاصوات من اول شرودها فى الاثير لكنى ما التقطتك وحزينة ربما لانى كنت خارج تغريد الاثير هذه المرة لكنى سعيدة انى التقط الان لحنك وصوتك وانسانيتك فعذبنا بنشيد الامى وصوتك الممتد فى كل خلية الان
04-05-2008, 12:11 PM
دينا خالد دينا خالد
تاريخ التسجيل: 06-26-2006
مجموع المشاركات: 8736
Quote: وكيف خرجت من تحت قفاطينه النديات تلكـ الحمائم و الاقمار
و كيف بيبتق صوتك حنين يا ود الذين .. كيفن الغنا يفرهد أزمنة و نساء بوارج و جدعات يد و قدلات قدلات و روايح غميسة .. و قيامات رابطة ؟؟ غتيت الغنا المدوعل سماحة زي ده يا مولانا .. و بيعوق .
الله يكسبك إنت و شيخنا الرئيس الأمي .. رجيت الله عليكم .
04-05-2008, 11:03 PM
خدر خدر
تاريخ التسجيل: 02-07-2005
مجموع المشاركات: 13188
عماد يا صديقنا في الحياة و نبينا في الكتابة بأي غصن تكتب !! او كما قالت (تمادر) تعال لنكتب لها لتعود اختنا في ادم و الفنون تمادر شيخ الدين جبرين اظن البورد يحتاج بعضا من قصصها المتوسطة و تعليقاتها الما بتشبه اكتب لها لتعود و ابق هنا و لكـ من (الامي ) السلام
04-05-2008, 01:20 PM
خدر خدر
تاريخ التسجيل: 02-07-2005
مجموع المشاركات: 13188
بالله !!! وغد و الاوغاد قلائل خدر ياخ اختا البحر ده .. صدقني موجو عااااااااالي و قيفتو هشة .. سهر الليالي ما هو هوين !! بعدين الكهرباء بتجي من وين من البحر صاح !! بتطقكـ .. بتطقكـ يا وغد
_ أشهد ان لا اله الا الله و أن محمد رسول الله .
04-05-2008, 12:20 PM
خدر خدر
تاريخ التسجيل: 02-07-2005
مجموع المشاركات: 13188
سلمي يا اختنا في الحَنان لا عليكـ يا (ستنا) فأنا حظي مصنوع من غار لم اتسرب الي اذنيكـ لانشغالي بقضايا اظن انها مصيرية و ليس من بينها الغناء غبي موش كده ؟ انا سعيد انكـ هنا يا سلوم و فرحان بي ودخالتكـ برضو
04-05-2008, 12:23 PM
سلمى الشيخ سلامة سلمى الشيخ سلامة
تاريخ التسجيل: 12-14-2003
مجموع المشاركات: 10754
هجرت الكتابه يا خدر و عندما انهكتني الحياه عدت لسودانيزأونلاين و اكتفيت بالقراءه فقط أجبرني متوكل توم للتداخل و ها أنت تجبرني لمرة أخرى يا شين. . . . خدر مجرد سؤال يجول بخاطرى "إنته بتعمل كده لييه ياخ؟؟؟"
Quote: وللنساء في قلبي اكثر من بطينين و هن عندي قيمة تعلو علي مقدمات الجماع و مايخرج من السبيلين و في هذا انا لا آبه عادة بإعلان المبادي او حقوق الانسان .. استمسكـ فقط بحبل المحَنه المُبين فأنا من لحم و دم ,, وهن قيمة تتنفس و تحب و مابتخاف الله فينا.
من زمان و أنا عاوز أقول الجمله دى لكن صدقني فشلت في التعبير عنها ووجدت ضالتي عندك . . . أسمح لي بالبوح في محرابك هذا فقد ضاقت بي الأرض بما رحبت و لم يبقي سوي الأسافير سأعود .
04-05-2008, 01:01 PM
saif massad ali saif massad ali
تاريخ التسجيل: 08-10-2004
مجموع المشاركات: 19127
اسمعنى نشيدك (متفق عليه ) اخرجها طارق ابوعبيدة لزمانات تاتى اسمعنى نشيدك ورينى كمان فى الفن تجديدك يا حمام الدوح اسالنى افيدك عن حالى البى واحسبنى شهيدك يا حمام الدوح لو ايدى فى ايدك البس روحى ياحمام فى وريدك اسمعنى نشيدك اترك تهديدك يا ساجع الدوح خلينى اريدك سارح فى هجيدك لو لى جناح انا كنت وازيدك رحماك فى صعيدك اندب حظى وادينى بعيدك يوم عيدى وعيدك لو الايام لديارنا تعيدك اسمعنى نشيدك ورينى كمان فى الفن تجديدك يا حمام الدوح
عليكن الله عاينو الزول دا قال شنو ؟ البس روحى يا حمام فى وريدك على راى عماد انى امنت بالله
04-06-2008, 11:10 AM
خدر خدر
تاريخ التسجيل: 02-07-2005
مجموع المشاركات: 13188
عبدالرحمن والله يا ود عمي ما طالبني حليفه الاغنيه قاعدة بس الله ينعل الكسل لكن وعدي قائم .. بعدين كيف انت والاهل بي هناكـ
سلمي والله انا مبسوط جدا انو الحياة و الناس عاندوا عمنا (الامي) عشان هم يشوفوا زعلو منهم و من تصاريف الاقدار و نحنا نستمتع بكل هذه الاريحية و الحب (الامي) فنان يا سلوم ياخي
04-06-2008, 05:07 PM
خدر خدر
تاريخ التسجيل: 02-07-2005
مجموع المشاركات: 13188
يا انعام ما مشفر ولا حاجة دا مافى زاتو حركة من خدر عشان قلنا ليهو معجبين شفتى كيف ؟ وحلات قال كاتبا بالبنط الكبير ياخ امشى ياخ وبطل حركات الفنانين ورسل لينا اللنك
04-05-2008, 09:14 PM
انعام عبد الحفيظ انعام عبد الحفيظ
تاريخ التسجيل: 12-07-2005
مجموع المشاركات: 8738
Quote: يا انعام ما مشفر ولا حاجة دا مافى زاتو حركة من خدر عشان قلنا ليهو معجبين شفتى كيف ؟ وحلات قال كاتبا بالبنط الكبير ياخ امشى ياخ وبطل حركات الفنانين ورسل لينا اللنك
سلومة ما تزعلي قدر دا ياخ وتفكي آخرك ليهو
خدر بجي يخت لينا لنك الحفظ وبعد ما يختو قولي كلامك سمح
خلينا هسه في الشكر وكدا وبعدين نقول ليهو (أمشي صوتك ولا سمح ولا حاجة)
04-06-2008, 11:22 AM
خدر خدر
تاريخ التسجيل: 02-07-2005
مجموع المشاركات: 13188
ود الجيران قبضتكـ لمن شفت صورتكـ الاسابيع الفاتت ويين انت و الدنيا عملت فيكـ شنو !!
ممكونة الممكون شكلو مسافر ربنا يعيد كا الناس لحبانها
ودعدلان صاحبي خليها تندلع ياخي .. إنشاء الله ما تتلتق قدر ما بزرني الحنين في الركن شيلوا شيلتكم و شكلي حا نديها نيويوركـ في الصيف تلفوني في البروفايل .. خليننا نتضارب
انعام و سلمي خلاص دايرين تشاكلوني ؟
04-05-2008, 05:33 PM
هند محمد هند محمد
تاريخ التسجيل: 05-30-2007
مجموع المشاركات: 4300
واحد صاحبنا قال لى الليلة سمعت اغنية طارق دى زى تمانية مرات كدا ..قال لى الزول دا غناى ليه مايرجع السودان؟!..قاليك(حقوق الملكيةمحفوظه لودالبشرى) لو رجع حايقبض الجو من الفنانين الهناك كلهم..
اسمع ماتصدق كلام زى دا .. الزول دا عايز يورطك ورطه لاليها اول لاآخر ..انت غنى ونحن بنسمع ليك ..ولو عملت كاسيت بتلقانا زبائن دائمين ..غير كدا اوعك ..
Quote: فاتني أن أهدي هذا (النحيب) إلى الهيئة القومية للكهرباء وخسوساً كبير مهندسي الكهرباء
تيسير .. من امس و انا كايس التخارجني من الضحكـ كيفكـ انت !!
Quote: لما تغني (بس)
الفيكـ اتعرفت و كتاب الله قطع شكـ ما بناباهو
Quote: واحد صاحبنا قال لى الليلة سمعت اغنية طارق دى زى تمانية مرات كدا ..قال لى الزول دا غناى ليه مايرجع السودان؟!..قاليك(حقوق الملكيةمحفوظه لودالبشرى) لو رجع حايقبض الجو من الفنانين الهناك كلهم..
ود عبدالرحمن قول لي صاحبك_ ومنو العتدو قلب لي المناهدة دي تاكسي ماشي و تاكسي راجع خليني هنا معاكم احسن لي و احسن ليكم و سلم لي عليهو و اشكرو ياخي
04-05-2008, 06:06 PM
emad altaib emad altaib
تاريخ التسجيل: 12-27-2007
مجموع المشاركات: 5300
Quote: وللنساء في قلبي اكثر من بطينين و هن عندي قيمة تعلو علي مقدمات الجماع و مايخرج من السبيلين و في هذا انا لا آبه عادة بإعلان المبادي او حقوق الانسان .. استمسكـ فقط بحبل المحَنه المُبين فأنا من لحم و دم ,, وهن قيمة تتنفس و تحب و مابتخاف الله فينا.
هذا البوست ليس فيه من امر (حقوق المرأة) من شي .. لذا وجب التنويه.
خدر التافه.. والله قدر ما ناس طارق عبد اللطيف وصديق الجيو كلمونى عنك وقالوا لى ده زول عوير ساكت ما اتخيلتك بالشكل ده.. ياخى ترفق نحن برضو من لحم ودم...
04-05-2008, 09:03 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
محمد المرتضي والله شيتاَ تجي من تالاي ما ظنيتها مناطق آمنة انا الجواي ده لمن يمرق بمرقني معاهو و نصفنا الآخر ده ما بخاف الله فينا ما بخاف ما بخاف ما بخاف يا ود المرتضي
ودالجمام اشرب ساي و ماتنسي تسلملي علي حيطان معهد المزيكة في زيارتكـ و علي قلوبنا الخليناها هناكـ فيهو
04-06-2008, 06:57 PM
خدر خدر
تاريخ التسجيل: 02-07-2005
مجموع المشاركات: 13188
أترك تهديدك يا ساجع الدوح خلينى أريدك لو ليّا جناح أنا كنت أذيدك يا حمام الدوح أسمعنى نشيدك..
رحماك فى صعيدك اندب حظى ودينى بعيدك
يا حمام الدوح يوم عيدى و عيدك لو الايام لديارنا تعيدك
الروب ... الروب
خدر ياخ بتبالغ عديل.. انا مع سيف مساعد مصــــدر سعادتك دا ح نقعد ليك منتظرنك فى البوست دا لمن تجيب لنك الحفظ المـــظبوط بالمناسبة انا كان جيت مره أُوتركت... لكن ما بعرف زول هناك انتا فيها؟.
شكرا ليك يا سيد و الشكر موصول لعمنا الامى الناس ديل برضهم كان رهاف خالص.
عاين يا طارق هوي انا من ما نزل البوست ده جيت تاوقت و الغنية ابت تشتغل لي قلت استنى لنك الsave اها جا اللنك و برضو ابا لي اها يا طارق قدر ما قلت مافي داعي داعي اشيل حال لابتوبي المسيكين ده لكن غايتو بعد الكلام البيقولو في الناس ديل تشوف ليك صرفة تسمعني ليهو أكان تجيب لي تذكرة توديني ليييي هولندا
خدر ....انت عارف فى كلام كده لو ما معانا اخوات عزيزات ووليدات بمروا على البورد ده.. ولو ما بكرى برفد الزول البقول نوع كلامى الكنت عايز اقولو ده كان قلتو ليك... لكن اقول ليك: : لو لى هـ....انا كنت ا...... عديل كده وده اقل شىء يا خدورى تصدق؟؟؟
04-06-2008, 03:43 AM
Balla Musa Balla Musa
تاريخ التسجيل: 12-30-2004
مجموع المشاركات: 15238
Quote: كما قالت (تمادر) تعال لنكتب لها لتعود اختنا في ادم و الفنون تمادر شيخ الدين جبرين اظن البورد يحتاج بعضا من قصصها المتوسطة و تعليقاتها الما بتشبه
لو الايام لي ديارنا تعديها
Quote: اكتب لها لتعود
اطلق حمام الغناوي يا خدر ستعود يحفها رفيف العطر ومحبتنا
04-06-2008, 04:17 AM
Elmosley Elmosley
تاريخ التسجيل: 03-14-2002
مجموع المشاركات: 34683
بالله دا كلام دا بالله يا خدر الصباح كنت بداوي في نص اجبِّر فيهو ويتشدش بس تعرف لمن تكون عرقان بي المحبة وديشك طالع النص بتلولو كلو كلو مرات يطلع ومرات ينزل ما تعرف تجيهو من وين
فيما يتفتق من النزق اسميته وبدأته أن باسم الحب
لامرأتي مدارُ النورِ، والعرشُ الذي ما اهتزّ، من صلفٍ، ولي في غارِها عُشبٍ
وتقطعت بي السُبل لإنشغالي حينها ربما
لأني لم اقدر عليّ ربما
لكني حتماً إليه عودة
وللطعامة الطالعة من هنا عودة وعودة
04-06-2008, 01:14 PM
Halema2 Halema2
تاريخ التسجيل: 03-10-2002
مجموع المشاركات: 1492
.. . طبعا ما بتقدر تطلب ليك .. يد أغنيه ساكت . أو على الأقل ودها ما لم تلقى ليك سرسار ..شعاع قول .. تطلع بيهو , تتشعلقو لي فوق . أها .!! . فوق تلقى الشنطه .. الكان بشيله عمك المبارك ابراهيم وهو ماشى او جاى من دار الاذاعه . عشان اقدم البرنامج .. اتواطؤا الناس الشاهدين للرحله .. المباركيه .. علي تسمية البرنامج . بالشنطه ديك .. برنامج الحقيبه .. . اها بعد الشعلقه ديك للشعاع .! كان ما عندك مفتاح حبيبى زيما بقول .. سلوم . ياك َالجيت نازل بى صمة خشمك . ياخى دى قصه تقوم النفس .. .بس . .
04-07-2008, 11:13 AM
خدر خدر
تاريخ التسجيل: 02-07-2005
مجموع المشاركات: 13188
تتزكر غرفتنا الفي البيت ديكـ يا خطاب !! زمان و انا صغير .. تلفزيون السودان اتحفنا بي حلقة مع عمكـ البنا تسجيل حي .. ابيض و اسود اظنو و البنا يحكي و يغني .. لم يخذله صوته
جننني نغمات القمري و خلني مُحتار في امري
انا اظني كنت كان 6 كان 8 سنوات .. المنظر لي الليله ما راح من خيالي الاغاني طلب يدها صعب ياخي و مروقا اصعب و السودانيين فنانين في إطلاق الاسماء ايضا كيفما اتفق
ياخي بمناسبه كيفما دي .. قرمانيين والله ونسه حيه موش علي الهواء و اصدقاء ولمه و زكريات شكرا كتير يا فنان
04-07-2008, 10:54 AM
خدر خدر
تاريخ التسجيل: 02-07-2005
مجموع المشاركات: 13188
صورتك الفوق دي أعادتني لأيام خوالي جميلة ، وأكمّلت السَمَع .. نفس الصوت ( الغيم ) .. أتاريك ممكون وصابر .. الغريبة أنو الناس دي كلها زيّك كده ( ممكونة) وجوا طوالي جري على ( النشيد ) بس مُكنَتهم غير ،، والله باين عليهم ،، ده ما ياهو الـ(Home sickness ) زااااااااتو .. كيّفتني والله ، وأنا زول ( كيفي ) قاااااسي ..
بالله كل مرة جيب ليك حاجة زي دي ، وتعال أكتلنا زاتو أصلو نحن صرنا بقايا وأشلاء..
04-06-2008, 05:57 PM
Ahmed al Qurashi Ahmed al Qurashi
تاريخ التسجيل: 08-27-2006
مجموع المشاركات: 4263
حقيقة انك صاحب صوت جميل ودافئ وملئ بالتطريب والشجن ... فكأنى استمع لهذه الاغنية لاول مرة لانك اضفت لها الكثير من التطريب ولقد أسرني صوتك واطربنى وتربع في دواخلي ..... وأيضا اختيارك للأغنية كان موفقا ... لك الشكر عزيزي خدر على هذا الإبداع ... تعرف يا خدر الشاعر عمر البنا وابوصلاح دائما ما يذكرون النسيم كثيرا في أشعارهم ويجعلونه مرسالا للشوق والغرام أما شاعرنا الكبير محمد على عبدالله الامى مغرم بالطيور والحمام ودائما ما يستدعيها في أشعاره فمثلا يقول اسمعني واشجيني وبذكرة الأحباب بلاهي ناجيني وغرد يا الحمام
وله أغنية أيضا صدح بها شيخ طه يقول فيها.. حمام الأيك ناجيني بذكرى ليلى اشجيني
وحتى في أغنية هواي وهواك بى جاروا لم ينس أن يستدعى الحمام ... حمام الأيك حن مره تعال اسمعني نبراتك
وله أيضا ... يا حمامه ذكريها خبريها في علاها
وأيضا له أغنية يقول فيها ...
اشجيني نوح ياحمام علمني الحان الغرام
ولا ننسى رسالة شوق .... يا حمامه هاك أعذب غناي اهديه لي كعبة مناي
ولك الود عزيزي الرائع خدر
04-07-2008, 11:47 AM
خدر خدر
تاريخ التسجيل: 02-07-2005
مجموع المشاركات: 13188
يازول والله الهوم سكنس هين القاسي حنانكم ده انا ممكون من زمان و زي ما قال ابونا العبادي ببكي و بنوح و بصيح .. لي الشوفتن بتريح و لي اسه وحات خوتكـ .. لا نحن ارتحنا ولا هن. عجبني عجبكـ وسلامتكـ من الاشلاء يا فنان
والله يا ود القرشي و ما طالبني حليفه .. البشوفكـ في الجامعة بتناقش و تخاطب .. اصلو ما بقول جواكـ الفنان ده متابعكـ في المنبر من جيتكـ و ماعرفتكـ و صورتكـ كلتني اخيرا و قالت شُفناهو شُفناهو يازول جبت الفن ده كلو من ويين ؟ انت مكانكـ هنا والله (قالها و اشار الي قلبه)
الود بيني و بين عمنا الامي موصول من زمن .. علني اشبهه او اتشبه به فما عاناه من ظلم حفي ان يجعل منه صديقا للكائنات و يفضلهن علينا لم يجد كتفاَ ليبكي عليه ولا صدراَ ليحتمل نشيجه فأودع الحمام اسراره و طار بها الحمام الينا اللهم ارحم عمنا الامي قدرما جمل ايامنا و اصابنا بالشجن
04-07-2008, 11:25 AM
خدر خدر
تاريخ التسجيل: 02-07-2005
مجموع المشاركات: 13188
Quote: عماد الطيب كتر خيركـ كتير ياخي والمدحة فوق .. اخر ما تم إنجازة من مديح
خدر سلامات شكرا علي المدحه .. انا كنت بتكلم ليك علي صوتك مع الاغنية.. وانغماس الروح في الوريد ..بعد عتقت .. روحي من خرطوم البعوض ..الي اكثر افقا.. وهو الوريد .. وتعرف انت جيّد روح لمن تتنقل من مرحله الي اخري ماذا يحدث لها..؟ تحياتي
04-06-2008, 08:58 PM
حمد فتح الرحمن حمد فتح الرحمن
تاريخ التسجيل: 06-01-2005
مجموع المشاركات: 1996
يتملكني إحساس العاجز و الخجلان من حبكم و حنانكم لم اكن اتخيل ان يصيبكم من (النشيد) ما حدث. ليس لي من الامر شئ .. فأنا هنا مجرد ناقل (امين مخلص) كما ورد في كتب التاريخ الصفراء ,, ليس لي من الفضل سوي ذاكـ .. تلقيت عدد من الاتصالات الحميمه من بعضكم و اطنان من (الحَنان) من الصعب ان يحتملها قلبي
انا هنا الان لاسألكم الدعاء لـ ابونا (الامي) مسلمين و نصاري و اهل كتاب و فنانيين .. دعونا نرتكب حماقة أننا (حَمام) و نترحم علي عاشق لاقي ربه مطمئناَ .. جزلاَ
صابحني ماسيني يا جالب الافراح .. لا تبقي ناسيني سجعكـ بواسيني و رجاي فيكـ يا حمام .. كان مت ترثيني
اظنها كانت كما إكتمال الـ حِس لديه و ربما كانت أضغاث احلام صَبيه لكنه و في كُل .. حَملها وصيته و ذهب لملاقاة وجه رب كريم و نحن الآن عجين (الحَمام) الحائر أمره بين وشم أقدامه وحرص (الامي) و سلاسل العَبسي والعفيف و صكوكـ القبيلة
ارحموني من شجنكم يرحمكم من في السماء فأنا لا اقوي علي حَمل الهوي وحدي .. او كما قال .
طارق ابوعبيدة
04-07-2008, 00:33 AM
صديق الموج صديق الموج
تاريخ التسجيل: 03-17-2004
مجموع المشاركات: 19433
خدر ... الله يرحم أبونا محمد على الامى بقدر ما حمل فى قلبه من حب، محنّه و طاقة اٍبداعية لا قِبل لنا بها ياخ... و الله الراجل دا حِنين شديد لمن فايت الحد زاتو. أسالنى افيدك عن حـــــــالى البيّا و أحسبنى شهيدك يا حمام الدوح خدر تعرف غناء الناس القدام ديل بخرّب على نظريات مقتنع بها بانو الجنس البشرى بمشى لى قدام فى حال من التطور و التقدم فى السلوك. يعنى انا قصدى ان الناس بيعلو عندهم الحس الانسانى و بتسمو عندهم القيم و المشاعر تجاه بعضهم البعض بمرور الزمن و الاجيال... لكن يجى زول زى عمنا محمد على الامى لم تسمعوا يقلب عليك نظريتك و يخرمجا ليك راسا على عقب. خدر اخوى عمنا محمد على الامى راجل مرهف شديد و شعورو حى بدرجه ما معقولة و قل ان تجد مثل هذه الحميميه والموده للحبيب مصوره بهذا الشكل فى ايام ديل. اها يا اخوى عاجبك الحال دا الناس ديل يخربوا على ركائزى النظرية فى الشوف بالطريقة دى. يوم عيدى و عيدك... لو الايام لديارنا تعيدك
خدر عطّلتا على قرايتى علطه شديده بالاغنية دى، أنا مصقار المنبر و البوست من يومين، خدر الله يجازى محنك، و يديك الفى مراك و أنا كان جيت تانى هولندا بجيك فى البيت و بسمع عندك غناء بالعود الله يرفع القدم و يسهل الطرق و يرزقنا بى حَجّه.
04-07-2008, 12:04 PM
خدر خدر
تاريخ التسجيل: 02-07-2005
مجموع المشاركات: 13188
عماد الطيب انا كنت فاهمكـ لكن والله بس اختشيت من كلامكـ السمح و شفت روحي اقل منو نضمكـ عن الروح سمح عجبني وصف دقيق و جميل شكراَ علي الاطراء و الاتصال يا صديقي الجديد
والله فعلا صاحب دكين يعني البوست ده كلو يا حمد ما عجبتكـ فيهو إلا الصورة _ شفت الكواليتي دي كيف يا حمد؟ والله انا بفاخر بيهم ناسي ديل .. وانت معاهم بالمناسبه شكرا يا صاحب
Quote: طارق الله يقدرك على (الحمل) زى ما حملت الناس
يا اخونا امسكوا مني الموج ده
04-07-2008, 05:44 AM
الملك الملك
تاريخ التسجيل: 01-02-2005
مجموع المشاركات: 5756
كلما الملم فيها تتشنتل حتة حتة في حتات غميسة..كان بي جوة كان بي برة بس بتروح وين.. مرة بشوف لي شي زي شوفاتك دي يا القلييص من جنب الجنابيب من أصلو ما بتوصف في داك الوقت بس شيتاتك بتجي طايرة زي كأني نجار في آخر عمرو أدواتو المبعثرة ديك كأنو مربطة بخيوط لكن خيوطك ما كتيرة وطويلة وحريرية في أنامل.. بترسلها ولا بتمدد تلقاها راكبة افكارك تطير معاها هو في سنو!!
04-07-2008, 08:36 AM
منصور الطيب على منصور الطيب على
تاريخ التسجيل: 04-09-2007
مجموع المشاركات: 121
انت ياخوى زول بتحب الحفر,, يوم بلقوك ميت ليك فى اكسير دهب او بئير بترول,, وتقوم تجى امريكا تقول هى اكتشفتك لكن بنحلف طلاق انك مننا صحى زولك دا امى ولا متخفى فى ثوب الامم
متابعين زى زمان ابقوتة فى لحظة صلاة
04-07-2008, 12:44 PM
خدر خدر
تاريخ التسجيل: 02-07-2005
مجموع المشاركات: 13188
المسافر هو انت فضلت شي اقولو ؟ ياخي حنانيكـ والله ده وصف عجيب تحت تحت مشتاقين طلاتكـ
منصور الطيب جبرالله خاطركـ ياخي طارق ابوعبيدة .. موسيقي مقيم في هولندا فنان و ملحن كسلان درس علي يد يوسف الموصلي مزيكه في معهد المزيكة و المسرح و خرج للعلن ايضا من تحت يديه و درس علي يد اخرين لم يكن الامي اخرهم لكنو قطعا كان اولهم الاسم الحركي مولانا خدر الباسوورد yr40bs
اوووووو قنبلة الحب شخصياَ يا زول انا منكم تب و اسأل عم يوسف ده ناس البلاد البعيده ديل كان كسرو رقبتم ما بقدرو يقول غير Wonderfull ده كان سِخو و جبروا خاتركـ
_ الامي .. كان مجود للقرآن اها باقيلكـ ده زول امي ؟
... .. . طارق ..! صاحب الصوت الشديد الدفء .. والحميميه مّررت فى الجسد رعشه وفى الاصابع ثقل على الكتابه وأنا اقرأك من قبل ينتابنى شعور أنك لست ببعيد ياطارق .. قريب شىء ما من الدم الأن بعد ماهّزنى صوتك وأخترق مسام جلدى حد نخاع العظم.. ثم طالعت ملامحك بشىء من حميميه بت أوقن أن بيننا عمر ياطارق .. وزمن أكثر من بهى ..! ياه ياطارق ..؟ ست سنوات وأكثر من المتوسط ثم المقرن ومابينهما ياصديقى .. وقتها لم تكن تنادم العود والغناء .. دوما كنت الأجمل والأكثر شفافيه .. وصدق دمت دوما ذات الرجل النخله ياطارق ..! ما أسعدنى بك اليوم ..
04-07-2008, 12:29 PM
خدر خدر
تاريخ التسجيل: 02-07-2005
مجموع المشاركات: 13188
ابوبكر .. والله عمكـ (الامي) يحميكـ القراية و ينسف ليكـ نطرياتكـ كلها الزول ده فنان ياخي سمعت زول قال البس روحي ياحمام في وريكـ !! نحن والله مع ثورة الاتصال و سوق الله ده مشاعرنا بقت في السهله و ودر مننا راس الخيت مابنقدر نقول زي ده تاني
الملكــ فضل فيها مولانا مع (مولانا الامي ) شكراَ كتير علي الخريطة المصاحبه (مصاحبه منو!! )
هبيتو ما هباني
Quote: تراااك رابط ليك (كوز) في حنجرتك ووحلان في قيزان لاهااااي ونحن تب مو عاااارفين ومو خابرين!
غايتو ما بتفتش ليهو اصلكـ وانا برضي والله بحبكـ في الله ده
العزيز طارق يا حلو النغمات .. يا مناهل (؟) وينك انت ... أديك في حنانك؟
أنا مفتون بمديح أولاد حاج الماحي (جدنا طبعا، ولو كره الشايقية)، فعندما كنت في حضرة القوم هناك في أرض الكاسنجر حول قبة الشيخ، إطمأن القلب وطفرت الدموع ( الدم ما بحن يابن العم)
وإنت عارف ، أخوك من المناصير ( والمعنى من المناصرين لقضايا المرأة ) وإمعانا في ذلك الحنان كنت كلما تسربل القلب من فرط المشاوير في مشهادهن ، وجدتني أقول: ويح قلبي ولو قد من صوان، إن كيدهن جميل!
أهلنا بيقولو: فلانة ترمي في الشوك، عارف زمان كانت تحدثني النفس الأمارة بالحب (وقيل الزواج كمان) أن لا أقطع كباري الخرطوم طلبا ليد حسناء ، ولأن الجزاء من جنس العمل طلعت المدام من بحري، فقطعنا الكبري، وعند مراجعة مكان الميلاد طلعت المدام من مواليد مدينة عطبرة فأسقط في يدي، فقلت : عطبرة عاصمة الحبيب والنار!
وما بين (عذبني وتفنن في الوان عذابي) و ( أغالط نفسي في إصرار أقول إمكن أنا الماجيت) يقوم أكثر من بطينين في قلوب شعراء الحنان المساكين، وربك ما يقطع عشم اهل المشاعر.
http://www.sudaneseonline.com/v1/7mamPsJsDoTmp3 لحفظ الأغنية أضغط بيمين الماوس .. وإختار save target as ... بعد الحفظ سيظهر الملف على شكل Text Document ... تضغط مرة آخرى بيمين الماوس على فتح الملف open with وتختار windows media وتفتح الملف ...
04-07-2008, 11:10 AM
saif basheer saif basheer
تاريخ التسجيل: 11-29-2004
مجموع المشاركات: 1426
كونكا نخب للاصدقاء القدامي نخب للجباة و نخب لوجودكـ هنا
هيرو مالكـ عاوز تعمل لي سمعة ياخي انا قريت مدارس اجنبية و لسه ما دخلت الجامعة اظنكـ ملخبطـ بيني و بين دكين هيرو جهجهتني والله اظهر و بان عليكـ الامان و ذكرني الايام الحلوة و شكري طبعا بلا حدود علي الاطراء يا صديقي القديم
سيف بشير كنت متيقن من مروركـ علي حدائق الامي القليب والله فتر اظنو انت قلبكـ كيف !!
04-07-2008, 01:47 PM
خضر حسين خليل خضر حسين خليل
تاريخ التسجيل: 12-18-2003
مجموع المشاركات: 15087
عماد براكة و قلبي تألم معاكـ وييييييييييييييين يا شطة غناء البنات يا صديقي اضحي وبالنظر للحركات المصاحبه للاغاني (تحرش) عديل ( كيتاَ في الجندرية ) تقدر تقول معاي البغله في الابريق ؟
Quote: اسالنى افيدك عن حالى البى واحسبنى شهيدك يا حمام الدوح لو ايدى فى ايدك البس روحى ياحمام فى وريدك اسمعنى نشيدك اترك تهديدك يا ساجع الدوح خلينى اريدك
شكرا لصديقتي التي نبهتني لهذا الشجن
وانا في خلوتي واصابعي ودواخلي التى تجافي الكيبورد احيانا
لقاء كل ما ازوغ منها و اجي اتابع البوست و الكلام السمح الفيهو تجي تتلصق و تقول لي وينو عمو ؟ نقوم نجيب صورتكـ تاني تقول لي وين عمو ابلاوش (كيكي) البنيه عاجبا شعرك و تصفيق كيكي و اريتو ابصلعة طاير
ود عم عبدالرحمن والله اصبحنا و امسينا مستمسكين بحبل المحنة المتين انت كيفنكـ ؟
04-09-2008, 04:50 PM
خدر خدر
تاريخ التسجيل: 02-07-2005
مجموع المشاركات: 13188
اسامة عبدالجليل تاني والله تجي بلدنا و ما تصلني إلآ اضاربكـ خلاص الشكلة انتهت كيفكـ ياخي .. مشتاقين
مني الحسن في الاول تعظيم سلام لي صاحبتكـ و شكر خاص و شديد عشان سمعتنا و عشان جابتكـ لينا راجعه يا مني يا اُخيه و الله فعلا الروح خنقت و الاكسجين بقينا نباصرو مباصرة القصه دي آخرها وين ؟ ربكـ يهونها بس و عاجز عن الشكر انا بكل تأكيد علي كلماتكـ و صديقتكـ الانيقات
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
خدر
هاشم أحمد خلف الله
سلمى الشيخ سلامة
دينا خالد
Emad Abdulla
فيصل نوبي
ناصر البطل
saif massad ali
محمد عبدالرحمن
عبدالرحمن عبدالله
mamkouna
ابراهيم عدلان
انعام عبد الحفيظ
هند محمد
تيسير عووضة
عبدالكريم الامين احمد
emad altaib
الجندرية
صديق الموج
محمد المرتضى حامد
معتصم ود الجمام
abubakr salih
مزن ابوعبيدة النيل
Elmosley
Tagelsir Elmelik
بله محمد الفاضل
Halema2
khatab
إيمان أحمد
aml gadora
Ahmed al Qurashi
حمد فتح الرحمن
الملك
هشام هباني
المسافر
منصور الطيب على
abuguta
خضر حسين خليل
Dr. Moiz Bakhiet
محمد عبد الماجد الصايم
Abomihyar
فيس بوك
تويتر
انستقرام
يوتيوب
بنتيريست