كتب الكاتب الفاتح جبرا المتوفرة بمعرض الدوحة
|
|
 طرائف أئمة المساجد
|
صديق عزيز روى لى الطرفة التالية فقد حضر مع صديقه صلاة الجمعة فى أحد مساجد الخرطوم وتحدث الخطيب عن تحريم الخمور وضررها على الناس وضرورة التوبة منها ، ثم قال الإمام أنه نما الى علمه وجود أحد البيوت المجاورة للمسجد تتاجر فى الخمور البلدية وكانت خطبة عصماء ، انصرف بعدها المصلين الى بيوتهم آيبين تايبين ، فما كان من صاحبنا الا أن قال لصديقى هذا ، ياخ الحمد لله ربنا ريحنا ، ليه نمشى نهاجر للعرقى ما قالوا فى بيت قريب ، وفعلا بحثوا عن البيت ووجدوه وصاروا زبائن لذلك البيت المجاور بعد هذا الإعلان المجانى
وفى السعودية حكا لى أحد الأصدقاء الذين يعملون فى تركيب الدش أنه حضر صلاة الجمعة وكان الخطيب يتحدث عن الدش ومضاره والأذى الذى جلبه الدش للأمة الإسلامية وأزبد وأرغى وهو يحذر المصلين من مضاره والمفاسد التى جلبها معه ، والعجيب فى الأمر أن صديقى هذا قد أكد لى أنه هو شخصيا من قام بتركيب دش مركزى من النوع الضخم لنفس ذاك الإمام
|
|
 
|
|
|
|
|
|
|
 Re: طرائف أئمة المساجد (Re: يازولyazoalيازول)
|
الأخ العزيز هشام
أسعد الله نهارك بكل خير..
موضوعك شيق وظريف.. بس لو كان العنوان (طرائف المساجد)
لكان أشمل وأعم .. المساجد أيضاً مرات بتحصل فيها أشياء ظريفة جداً
وسوف أحاول المشاركة في هذا البوست في أوقات متفرقة
كلما سنحت الفرصة إن شاء الله..
كان عندنا إمام مسجد صوفي يكره شيء اسمو الجبهة والترابي.
في مرة من المرات كان عندنا درس قبل صلاة العشاء..
وكان أحد الشباب يقرأ من كتاب والإمام يشرح، وكان الموضوع عن اختلاف الأئمة..
في واحد كوز سأل الإمام (يا عمي الإمام، أنا مالكي المذهب ، هل
ممكن أتبع الإمام الشافعي في بعض المسائل؟)..
فرد عليه الإمام بابتسامة ونشوة انتصار واضحة قائلاً:
يا عبد الوهاب يا ولدي .. إنت متابع لي الترابي ، فيها شنو
لو مرة أو مرتين تابعت لي الإمام الشافعي..
بتواصل معاك..
| |
|
|
|
|
|
|
|
|
|
Re: طرائف أئمة المساجد (Re: يازولyazoalيازول)
|
واحد شحاد جاء لمسجد قريب مننا
وبعد الصلاة طلب المساعدة من الإمام والمصلين
فأعطوه الفي النصيب .. بعدها سأل الإمام الفاتحة
فرفع الإمام والمصلون أيديهم بالفاتحة..
لكنه كرر للمرة التانية : يا جماعة نسألكم الفاتحة
فرد عليه سريعاً أحد أعمامنا الظرفاء:
يا اخي خلي عندك صبر ما هدا شايليناها ليك..
قريبي رجل صعب جداً ، وهو من نوع الجعليين الذين لا يضعون عنهم العصا
أدركه وقت الصلاة فدخل إلى أقرب مسجد لأداء صلاة الظهر
تأخر الإمام عن الحضور ، فقام الحاضرون بإقامة الصلاة ، وأخذوا بعد
ذلك يتعازمون على إمامة الصلاة..
تقدم قريبي دون أن يقدمه أحد ووضع عصاه وصلى بالناس
في أثناء الصلاة حضر الإمام الأصلي فصلى مع الجماعة
وبعد أن أكمل صلاته سأل قريبي بلؤم واضح: يا اخينا إنت القدّمك منو؟
فرد عليه قريبي بحزم ونفاد صبر: قدمتني أمك
فوصلت الرسالة للإمام ولم ينطق بكلمة..
| |
|
|
|
|
|
|
|
|
|
Re: طرائف أئمة المساجد (Re: Nasruddin Al Basheer)
|
الأخ نصر الدين ، قريبك فعلا طلع جعلى برده الشديد على الإمام
عندى أحد الزملاء حكى لى طرفة عجيبة ، فقد ذكر لى أن حبوبته لا تصلى أبدا ، وصار أبناؤها وأحفادها يلحون عليها للصلاة
واستجابت لرضوخهم ، وصلّت ، فحدثت المعجزة ، ففى أول سجده لها قرصتها عقرب ، وهى ساجدة ، فتركت الصلاة الى غير رجعة وهى تسب وتسخط فى الجميع
سبحان الله
| |
|
|
|
|
|
|
|
|
|
Re: طرائف أئمة المساجد (Re: يازولyazoalيازول)
|
الأخ هشام كل سنة وانت طييب
وبركة بالطلة
من طرائف المساجد:
واحد إنتهى من الصلاة وبعد السلام وهو ما زال جالس مدّ يده لمصافحة الجالس على يمينه - كما تعود بعض الناس فى فعل ذلك- قام الزول قال ليه (دى ما من السنة) اخونا إتغاظ شديد وقام قال ليهو (هسّه بالله مساختك دى من السُنة؟)..
(منقولة)
التحية لك هشام
| |
|
|
|
|
|
|
|
|
|
Re: طرائف أئمة المساجد (Re: walid taha)
|
حكى لي واحد صديقي أنه كان معزوم غداء في
أم درمان ، بالتحديد في واحدة من الثورات الكم وعشرين..
الراجل وصل مع صلاة الجمعة ودخل إلى أول مسجد قريب منه
لاحظ منذ البداية أن عدد المصلين كان قليل خالص..
الإمام في أثناء الخطبة كان بيقول معلومات ليس لها سند
سواء في القرآن أو في السنة..
وصديقي هذا كان قاضي وراجل متفقه في الدين ، فرفع يده للإمام عدة مرات معترضاً
على المعلومات التي يذكرها.. ولما الإمام زهج منو
قال ليهو: يا ولد كان عندك مسألة خليها بعد الصلاة
بالقرآن بقنعك ، بالسنة بقنعك وكان ما اقتنعت بالقرجة بتاعتي دي بقنعك..
فصمت صاحبنا ولم يعترض حتى نهاية الخطبة..
عندنا واحد مسطول مشهور..
وكان يومياً بنوم مسطول ، لكن آذان الصبح بفك ليهو السطلة بتاعتو..
فمرة سمع المؤذن في صلاة الصبح وهو يردد:
اللهم اجعل في قلبي نورا وفي بصري نورا
وفي يميني نورا وفي شمالي نورا
وفي أمامي نورا وفي خلفي نورا.. الخ..
فقال ليهو ساخراً: طيب يا اخي العداد يربطوهوا ليك وين؟
| |
|
|
|
|
|
|
|
|
|
Re: طرائف أئمة المساجد (Re: walid taha)
|
يا زول
التحيات لله
موضعك خطرررررررر عديل كده ... علي الأقل ضحكة في الزمن الردئ
وعبر لمن يعتبر ...
شكرا لك كتير .. وانا بشاركك كتير بحكم أنني جاورة الحلفاويين
فهم نسابتي اكن لهم كل حب ..فهم شعب لا يعجبه العجب لا الصيام في رجب..
ابدأ مشاركتي :
جارنا حلفاوي من القري المجاورة لخشم القربة فأتي يوما إلي المسجد
متأخرا وكبرتكبيرة الإحرام وكانت قد فاتته ركعة ولم يدركها ..
فعندما سلم الإمام سلًم معه ... فإلتفت إليه أحد المصلين فقال له
ياشيخ علان صلاتك دي غلط قبل إن يمكل له (إنت فاتتك ركعة)
رده له علان : يوالله يا ولدي السمعنا في الصلاة دي كتير وطبق مركوبو وشتت
ولي عودات وعودات
ود زبيدة
| |
|
|
|
|
|
|
|
|
|
Re: طرائف أئمة المساجد (Re: يازولyazoalيازول)
|
دى احيكيها ليكم كيف ياربى
حصلت امام عينى فى احدى مساجد الرياض
فليبينى اسلم جديد وبتعلم فى الدين وحركات الصلاة بقلد كل شىء يراه فى المسجد
يوم بعد ما الامام سلم وهو فى الصفوف الامامية جاء طالع ..ختم ليه رجل بصلى من قدام قام الرجل مدا ايده عشان يحجزه من قطع الصلاة الفليبيى قبض يد الرجل وقعد يسلم عليه
ههههههههههههههههههههههههه
| |
|
|
|
|
|
|
|
|
|
Re: طرائف أئمة المساجد (Re: يازولyazoalيازول)
|
يا زول العزيز ..
التحايا العطرة .. وكل عام وانتم بخير .. التهنئة لكل المناسبات بتاعة السنة دى ويتاعى شهر السنة القبلها ..
جينا سلم ونعيد عليك ونشارك وكمان متابعين البوست الرائع ده ..
قالوا فى واحد جبهجى (دى طبعا منقولة) ..
وداسيها انو جبهجى ولكن اصدقاءه عارفنو انو جبهجى .. فى مرة من المرات زنقوه شديد ..( انت جبهجى ..والله انت جبهجى .. واحد قال ليهو بقطع يدى دى من هنا لو انت ما جبهحى ) الراجل قام بعد الزهج داك قال ليهم يا اخوانا انا ما جبهجى . . ما جبهجى وشدة ما بكره الجبهة والجبهجية ديل حتى الوضوء ( ممسكا من تحت جبهته ) بتوضأ من هنا وتحت من هنا وتحت ..
كمان دى عشان حبايبنا الحلفاويين واخونا ( ابو ساره) والشاب الظريف داك
قالوا فى اتنين من الحلفاويين سمعوا الامام بقول للمصليين انو الناس البتصلى دى ليها جوائز كتيرة خلاص .. فقامو مشو اليوم التانى وكانوا اول المصلين وصلو مع الامام وبعد الصلاة قالوا ليهو وين الجوائز ؟ قام قال ليهمالامام جوائزكم الكتيرة دى بتلقوها عند الله يوم الغيامة .. فبزعل كده قالوا ليهو عشان حركاتكم دى احنا جينا الصلاة بدون وضوء .. والمعذرة وشكرا .. خالص التحايا
| |
|
|
|
|
|
|
| |
يازولyazoalيازول
Nasruddin Al Basheer
garjah
walid taha
abuguta
فيس بوك
تويتر
انستقرام
يوتيوب
بنتيريست