|
Re: يا عين بتخافى مالك؟؟؟ أبوداوود شغل نضيف بالعود ... أرعوا ساااااااى (Re: nazar hussien)
|
يا هشام تصدق امس القريييييبه دي...زارني صديق وابنه وعمره تمنطاشر سنه او تزيد لما ونستنا ما نفعت معاه ...خت السماعة في اضانو ...واتاريه بسمع في الغنية دي...لأني كنت منقشا للسمع...اها سمع في امانة الله وجانا قال في غنية سودانية جميله سمعتها الحين...معناها شنو؟
قلت ليه الغنية شنو قال:-
يا عين
بت خالي مالك
قلت ليه خالك مالك دا ما عندو بت غير العين....قال لي لا هي اسمها العينة...وجااااادي ابوه ّّّّّّ....ولاحظ انو صاحبي طوالي مشي الحمام...ما عارف احتمال يكون طرش غايتو لاهسي ما سعلتو
| |
|
|
|
|
|
|
Re: يا عين بتخافى مالك؟؟؟ أبوداوود شغل نضيف بالعود ... أرعوا ساااااااى (Re: محمد الأمين موسى)
|
سلامات يا زول يا زول،
الجزيمة الأولى خليها، علي الجزيمة التانية إنت زول متلقي حجج.
بالله شفت أبو داؤود دا كيف؟ تقول بِعَرَق في الغنية دي عَرَق. شفت العَرَق اللذيذ داك البِتَعْرَقو لما...أوكي لما تكون بِتَكْوي في هدومك في جمعة من جُمَع شهر تلاتة في السودان؟! أها، بَسْ.
بعدين مسعولين من الخير، البِغَرْغِر في العود دا دحين برعي؟ مالو بِقَى لي زي بشير عباس؟!
عاش أبو داؤود عاش وعِشْتَ وعشعشت يا زول.
| |
|
|
|
|
|
|
Re: يا عين بتخافى مالك؟؟؟ أبوداوود شغل نضيف بالعود ... أرعوا ساااااااى (Re: يازولyazoalيازول)
|
خدر العزيز تحيات ملانات...كدى نصلح ليك البتين ديل
كنت اقول فى يوم ذلك كيف شمسين فى صباح يبينو؟؟؟ سؤال مشروع ومقنن والبيت الثانى : هل ومال البدر دونو خدر بالله شوف جنس سماحة النضم ده وبعدين اسمع صوت على المك فى اول التسجيل لما فى واحد قال ليه ما بتسلم ليه؟قام على المك قال ليه ابدا لانى جيت اثناء التلاوة. اه يازمان النزوح يا خدر...تسلم انت وهشام وكل من اجهد عيونا بالسهر الجميل،،،
| |
|
|
|
|
|
|
Re: يا عين بتخافى مالك؟؟؟ أبوداوود شغل نضيف بالعود ... أرعوا ساااااااى (Re: صديق الموج)
|
قاتل الله شيطانكم .. لعنته يا موج على من يستلذ بإيلامنا .. إنت و هشام و خدر .. و كل الدراويش الكفرة أمثالكم ..
و أقسم أنني تجنبت هذا البوست منذ حسرت رأسي و دخلته أول مرة .. متوكلا على : رحمة مولاي و هأنا ( سلكت سقر ) ثانية حين رأيت اسمك متداخلاً .. قلت يمكن تكون عاقل و رحيم .. وتطلب من هشام يودي البوست ده إلى ( خور السما ) .. ( جيتك يا عبد المعين تعين , لقيتك يا عبد المعين ............. )
Quote: وبعدين اسمع صوت على المك فى اول التسجيل لما فى واحد قال ليه ما بتسلم ليه؟قام على المك قال ليه ابدا لانى جيت اثناء التلاوة.
|
لا إله إلا الله .. مدد .. مدد علي المك في مرة و أنا و هو في جريدة الأيام , كنت بقوم باخراج صفحة آداب و فنون و منهمك في التصميم , قعد يدندن يا صديق : غالية يا ثورة غالية علينا .. و منك كل خير جايينا . رفعت رأسي مندهشا لعلي المك يدندن نشيدا لمايو . قال قبل أن أفتح فمي : أبو داود لو غنى لهتلر ح يعبقر الرايخ التالت .. و ح أشيل معاهو .
| |
|
|
|
|
|
|
Re: يا عين بتخافى مالك؟؟؟ أبوداوود شغل نضيف بالعود ... أرعوا ساااااااى (Re: saif basheer)
|
الاستاذ الرائع والمبدع زول يازول
عوافي
ماتتخيل قدر شنو انا سعيدة بسماع صوت عبقرى زمانو ومكانو الراحل المقيم
المبدع الفنان العظيم الماولدت حوه متلو اتنين ابو داؤد
وباستمرار كنت ابحث عن عودة قلب بالعود
ولم اجدها
فهل من معين يا عبد المعين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وانا واحده من المدمنين لسماع ابوداؤد
فهل تسمحوا لي بالانضمام لهذا العقد الفريد
الذي تتوسطه الجندريه العبقريه
ويتصدر قائمته اخي خدر الذي يجمعني به حب ابو داؤد
وقضايا اخري كثيرة.
الف شكر يازول يارائع.
| |
|
|
|
|
|
|
Re: يا عين بتخافى مالك؟؟؟ أبوداوود شغل نضيف بالعود ... أرعوا ساااااااى (Re: يازولyazoalيازول)
|
دا بوست شنو دا يا هشام؟!
علي المك وابو داوود ونزار حسين وصديق الموج والجندرية وعماد عبد الله وود شنتير ومحمد الامين وو....
الواحد يقرا ولّا يسمع..!!
ياناس.. حرام عليكم..؟!
ابو داوود يغني وعلي المك يشيل.. وناس عماد وصديق يسوو في شيتا يجنن يخلي الواحد ماسك المنديل ويقرا ويدمِّع اي واللهِ..
كنت أقول في يوم ذلك كيف شمسين في صباح يبينو؟؟ هسي ديل كم شمِس..
عيني باردة ولكم التحية ولأبي داوود
| |
|
|
|
|
|
|
|