شيرى وعين الله ترعاكى وخلى الباندويدث شبعان يقبل فاكى ماكان اتملأ لولا الكلام لولاكى انتى تعبى فيه ونحن يوت نلفاكى نقرا ونشحد الله يجمعنا يوم نلقاكى فى حوش بيت كبير فيه الجداد بيكاكى او رقشة فى زلط سواقها لابس كاكى او فى باب شريف وسط البنات بتحاكى او حفلة عرس فنانا ضاحك باكى وأساسى يكون معانا مقنطر التمباكى روبنسون بيعرض فى الرقصة يتحداكى والباندوث فضى لى شيرى بابو متاكى هترشى فيه ساااااكت ونحن نستناكى
loooooooooooooooooooooooooooool
08-30-2003, 10:31 AM
Elhadi
Elhadi
تاريخ التسجيل: 01-06-2003
مجموع المشاركات: 9617
المبدع هو المبدع يكون خاطره بين الناس وريح تتخبأ شفتى كيف يا شيرى تشكلتى فى الخاطر بذلك الالق الابداعى شمس لا تغيب دعواتى لك بان يحفظك الله ويرعاك ومذيدا من الابداع وشكرا يا رائع
مشكور يا الظريف الاسمو ايه بى ايه صحيح اليوم مروق زى مصرى عامل بيه او طفلا صغير امو تدعو عليه او شيرى بتهترش وتطبز البورد كيه زى سنتى وأساسى قاعدين يهظروا فيه وزى شنتير زعل وخلى الكتابة عليه ايه رأيك تجرب تكون سى آى ايه تجيب خبر البنية الشنكلت كرعيه
loooooooooooooooooooooooooooooooooooool
08-30-2003, 05:48 PM
aba
aba
تاريخ التسجيل: 03-06-2002
مجموع المشاركات: 1993
اسماعين حسن يومداك جاب لينا الكلام تانى وكت ماحن للريدة يجيب من وين عمر تانى نظل نعشق جدى الريل حت لو فضلوا ثوانى فى زول بيعيش بدون ما بيحب ما أصلو العمر فانى وده البيميز الباقين ويعرفوا أنى سودانى قلب عامر بحب الناس وكل الدنيا أخوانى
يا أبا خلاص كفاية الحكاية قلبت جد
08-31-2003, 11:41 AM
aba
aba
تاريخ التسجيل: 03-06-2002
مجموع المشاركات: 1993
الحب صعيب يا أبّا نارو محرقة تحرق فؤاد زولن بيحب شاف الشقا وتحرق معاها الأمنيات السابقة ولهيبا يلفح كل عاشق وعاشقة وما بيطفى نار البين ومشوار الشقا غير اللقاء وما احلى ساعات اللقا يوم الحبيب يلقى الحبيبة يعانقا ويهديها كل الأمنيات اللائقة ويعيشوا قصة حب ملهلبة دافقة فى الساعة ديك نيرانو تطفى بكل ثقة وتحيل حياتو لجنتين جنةحنان وجنة لقا
ولاّ أنا غلطان يا أبّا؟؟؟؟؟
09-04-2003, 08:09 AM
shiry
shiry
تاريخ التسجيل: 07-05-2002
مجموع المشاركات: 3511
تسلم كتير كتير واوي اوي كمان يازوق ليتني كنت من الذين يقرضون الكلام الماخمج لاحتجت لالف الف وكمان الف تاني بيت شعر لا عبر لك عن امتناني وسعادتي بهذه النصوص الاحتفائية التي تفيض منها الف مليون نكهة لتاطير اواصر العلائق الانسانية الراقية تجدني مهما حاولت ان اكون منصفة مع هذه الاحاسيس الراقية عبثا اعود اليكم بايادي مقصره لا تعرف حتى ماذا تقول في يوم جميل مثل هذا ليس لانها عاجزة تماما فقط لان احاسيس القبطه فاضت بها واغرقتها في بحار من دموع بالكاد تري على الشاشة حروف خرجت من كي بورد جبان يعاندها سلمتم كلكم كلكم الذين كتبوا هنا والذين كان بودهم الكتابه هنا والذين قرأوكم كلهكم كلهم اعلنكم احبابي ودخري وكل شيء جميل في حياتي هلا تقبلتم اعتذاري عن الغياب اذ انني تركتم تقلقون لغيابي لكل الحليون ابعث احلى الامنيات
09-04-2003, 08:16 AM
shiry
shiry
تاريخ التسجيل: 07-05-2002
مجموع المشاركات: 3511
هشام يازول استاذي الكريم : حمزة سليمان سينتمنتال ابا
شوفوا ياجماعة انا عندي ليكم نكته حلوة من امبارح بضحك فيها ، عشان كده ح اهديها ليكم مع اطلالة هذا الصباح الربيعي
مصطول بتاع تاكسي ، متمخمخ اخر التمامين ، والدنيا جميله في وشه .. اثنين حناكيش كوركو ليهو تااااااااااكسي . وقف ، الحناكيش قالوا ليهو : عمو نحن ماشين اركويــت قال ليهم : امشوا لكن ما تتاخــروا هاههاهاههااههاهااه ربك لما يريد
09-04-2003, 09:03 AM
يازولyazoalيازول
يازولyazoalيازول
تاريخ التسجيل: 02-05-2002
مجموع المشاركات: 10210
يا زول يا زول ماك غلطان عداك اللوم بي ثقة أسأل الله ........تمشي الحبشة ناسها حلوين....حنان ومؤانسة بي قهوة بي بن......بي ونسة تنسي ناس شيري.......وهبة
طبعا هبة دي لزوم القافية
شيري حمدا لله علي السلامة
09-04-2003, 11:02 AM
shiry
shiry
تاريخ التسجيل: 07-05-2002
مجموع المشاركات: 3511
البن نشربو فى الأمهرا الحبشية نشفط جغمتين فى كل صباح وعشية تكون المطرة صابة والليالى هنية معانا الجكس ألوان زاهية حلوة بهية ونرطن للحبش رطانة ما محرية يشهقوا لينا مرات ومرة شوف عينى بتخاطبك عيون وتفهم كلام عينى ما احلى الجلوس مع واحدة بس حبشية
مالك علي يا ابا؟؟؟؟
09-04-2003, 12:28 PM
aba
aba
تاريخ التسجيل: 03-06-2002
مجموع المشاركات: 1993
يا زول يازول بدل ناس شيري وابا تلقي ترحاس وتنوم قفا..كفاك خوتة ووجع راس لا نقة لا شكلة لا ضيقة خلق ولا حناس بس يا زول أوعك هناك تمشي تكب الكاس تسكر تفنجط يدقوك الحبش بالمداس ترجع لي ناس أبا وشيري يانا نحن الساس
أبّا وشيرى ما ديل الأساس والراس لكن الحبش أهل الجمال الخاص من تبينا قمنا عرفنا معنى الحب والإحساس عشقنا أديس بحيرة تانا جابت ناس غرقوا كسلا والخرتوم ولى كدباس جمالهم حير الفرجونى وكمال ترباس محمد وردى يشهد وكل زول حساس لحدى الليلة مما اشوف ظراف الناس اتذكر جمال حبشى مزين بى عقد الماس واقول اصلو المحبة قسم موزعة لى جميع الناس
09-06-2003, 12:40 PM
aba
aba
تاريخ التسجيل: 03-06-2002
مجموع المشاركات: 1993
قلت كلام سمح يا خالد ما بناباهو كان جيت للكبر ياريت نعيش فى جاهو ومهما تفوت سنين وتمشى تتعداهو تزيد ضربات قلوبناونتيه قبال التاهو بنعشق للجمال ونفوسنا تتلقاهو وما بنقفل قلوبنا يوم الحبيب يرجاهو وطول ما العين تشوف ظل الحبيب تبراهو نظل نعشق نحب نطوف كمان فى حماهو نسبح ربى فى محراب جمالو براهو ونصلى على الحبيب الربنا اختصاهو بحديث المحبة الحلقت فى سماهو وكان الحب قعد يانا القعدنا معاهو
ولاّ شنو؟؟؟؟
09-06-2003, 01:48 PM
aba
aba
تاريخ التسجيل: 03-06-2002
مجموع المشاركات: 1993
ما الحلوين بيخلوا الزول يتوق للبيرة تقعد تنبسط هيمان تشم لى عبيرا وما تسمر براك كل زول بيكوس فى سميرا شاحد الله الكريم زى عابد سجد فى ديرا ينبض قلبى دوما فى حب جميلة وأميرة
09-06-2003, 02:59 PM
aba
aba
تاريخ التسجيل: 03-06-2002
مجموع المشاركات: 1993
أخوك يا تماضر زولن كلس بالحيل يقوم الهجعة يتنفل نصايص الليل ويستغفر صباح ومساء فى ضو قنديل يحرم يطوف ويسعى يخم فى الأجر بالكيل يزور حرم الرسول سيدى الكريم ونبيل يقيف عند سيد الشهداء ويبكى عديل ويتصدق بكل ما عندو ما هو بخيل يصوم رمضان وعاشوراء وقيام الليل وما بيدخل فى بيتو حرام وعندو دليل أبوى أغرى السلام منى ده ود جبريل ده زولن مابجود متلو الزمن بالحيل كريم سمح الخصال أجواد وماهو بخيل اما حكاية الأنيشا وكلام بنهار محاه الليل مع حبشية فنانة ووشيشا يضوى زى قنديل دى كانت حاجة زى لوحة وشالها السيل برسم فيها بالوجدان وحاجة كده كفن تشكيل أوعى تكلمى أبوى ويهيج فينى وأضوق الويل ده كفو بيرمى أتخن زول شرب من نيل ونهرتو ترعب الفرسان قفا ما تشيل وحدرتو الله لا وراكى من نوع ديل حليلو الفارس الأبلج حليل ناظرنا ود جبريل كبير العائلة دخرينا الكلامو جميل يمين ما شفت زى خلقو وماجاب فى زمانو مثيل بلغى منى السلام زفرات تجيه عديل تلاقيه فى أحسن حال وسط كتبو ولجام الخيل اروى وفيحاء بالخدمة يساهروا الليل عشان ارجل رجال ام در ولاد النيل ابوى الفارس المغوار وماهو الديل ابوى مقنع بنات ام در فى نص الليل ابوك يا تماضر العاشق كلام الله ورسولو عديل ابوك ما بجيب زمانو شبه وحتى بديل ابوك ركازة للعاطل ابوك بيصلى طول الليل ابوك بيربى فى الأيتام ابوك صنديد وجمل الشيل ابوك الشاف رجال كررى وكواسر الليل تماضر ابوك يجف قلمى الكلامو هطيل ومهما قلت فى وصفو بعجز فى ثناه عديل نسيتى القالو لينا زمان نسيتى كلامو لينا قبيل ربنا يحفظو يخليهو شيخ الدين ود جبريل
ولا ما كده يا تماضر؟؟؟؟؟
09-07-2003, 10:02 AM
يازولyazoalيازول
يازولyazoalيازول
تاريخ التسجيل: 02-05-2002
مجموع المشاركات: 10210
أخوك يا تماضر زولن كلس بالحيل يقوم الهجعة يتنفل نصايص الليل ويستغفر صباح ومساء فى ضو قنديل يحرم يطوف ويسعى يخم فى الأجر بالكيل يزور حرم الرسول سيدى الكريم ونبيل يقيف عند سيد الشهداء ويبكى عديل ويتصدق بكل ما عندو ما هو بخيل يصوم رمضان وعاشوراء وقيام الليل وما بيدخل فى بيتو حرام وعندو دليل أبوى أغرى السلام منى ده ود جبريل ده زولن مابجود متلو الزمن بالحيل كريم سمح الخصال أجواد وماهو بخيل اما حكاية الأنيشا وكلام بنهار محاه الليل مع حبشية فنانة ووشيشا يضوى زى قنديل دى كانت حاجة زى لوحة وشالها السيل برسم فيها بالوجدان وحاجة كده كفن تشكيل أوعى تكلمى أبوى ويهيج فينى وأضوق الويل ده كفو بيرمى أتخن زول شرب من نيل ونهرتو ترعب الفرسان قفا ما تشيل وحدرتو الله لا وراكى من نوع ديل حليلو الفارس الأبلج حليل ناظرنا ود جبريل كبير العائلة دخرينا الكلامو جميل يمين ما شفت زى خلقو وماجاب فى زمانو مثيل بلغى منى السلام زفرات تجيه عديل تلاقيه فى أحسن حال وسط كتبو ولجام الخيل اروى وفيحاء بالخدمة يساهروا الليل عشان ارجل رجال ام در ولاد النيل ابوى الفارس المغوار وماهو الديل ابوى مقنع بنات ام در فى نص الليل ابوك يا تماضر العاشق كلام الله ورسولو عديل ابوك ما بجيب زمانو شبه وحتى بديل ابوك ركازة للعاطل ابوك بيصلى طول الليل ابوك بيربى فى الأيتام ابوك صنديد وجمل الشيل ابوك الشاف رجال كررى وكواسر الليل تماضر ابوك يجف قلمى الكلامو هطيل ومهما قلت فى وصفو بعجز فى ثناه عديل نسيتى القالو لينا زمان نسيتى كلامو لينا قبيل ربنا يحفظو يخليهو شيخ الدين ود جبريل
ولا ما كده يا تماضر؟؟؟؟؟
09-07-2003, 10:24 AM
aba
aba
تاريخ التسجيل: 03-06-2002
مجموع المشاركات: 1993
لوالدكم القومة والإحترام والتبجيل رباي اليتامة مقنع الكاشفات ما بيدي قليل الصوام وما نوام قيام الليل صلي وتنفيل يمد ايامه خير يشم النسمة طيبة وهواها عليل
الله يديه الصحة والعافية يا هشام ويجمعكم كلكم في ساعات خير
09-09-2003, 01:42 PM
Abdel Aati
Abdel Aati
تاريخ التسجيل: 06-13-2002
مجموع المشاركات: 33072
عبدالعاطى جانا وجاب الكلام موزون وقال الأمهرية سابت القليب محزون وشايفو الليلة حن وسوى ليه فنون ووقع فى حب مهترشة ملكة جمال الكون بقى تسبيحنا زى درويش صبح مجنون سبحان من براها وأداها أحلى عيون سبحان من خلق وقال ليهو كن فيكون بى بركة تبارك والتين والزيتون والشيخ ود بدر وسيدى ود حيسون وكل الصالحين الماتوا والحيين فى وقت السحر وقت الدعاء المضمون تجعل حبى خالص لله وين مايكون ما بتشوبو شايبة وينفى كل ظنون وتحفظ كل عاشق وكل قلب حنون هو الدينمو المحرك غيرو بنخش الزون هو البجعل حياتنا مليانة خير وفنون هو الداير حنانّا ومحتاج معانا يكون عشان تفرح عيونّا من سحر ذاك النون بسمتا والضفيرة والبرق بين سنون وتبرّد حشانا بالفرشة والمعجون
يا زول البكا خليهو والتشبيب البندوث الذكرتو ولاهي امرو عجيب ما لقيت غير طريقو ترجع لدرب صعيب القلب الرهيف كم حبا الف حبيب والشيب انتشر ؛ ما خلا اي سبيب "التور ان وقع كترة البتابت عيب"
09-07-2003, 11:00 AM
cola
cola
تاريخ التسجيل: 02-04-2002
مجموع المشاركات: 1423
الانحناء لهذا الدفق الشاعري المنساب القا وبهاء معطرا البورد باريج النفس السوداني الاصيل الجميل الدواخل الذى طالما تمنينا ان نستريح من وعثاء البورد فى ظله الوريف وهاهي الصدف الجميلة تهدى لنا هذه التحف والدرر من اناس نادري الموهبة وزو حضور نتمنى ان يستمر على الدوام لهذه الطلة الوسيمة ولهذا الثالوث الذهبي . للرائع هشام الذى ابتدرة هذا العقد المنضوم ولى ابا المتفرد الذى ابا الا ان يزكرنا بمربوع الحردلو العبقري والذى لاتقل ابياته عنه جمالا فيما ارى والمبدعات شيرى وتماضر حفيدات مهيرة وربات الصون وملكات البورد المتوجات ومزيدا من
الالق
والاخت تماضر عرفت كيف تمسك هشام من وكما نقول نحن السودانيين يده البتوجعه الذى كان نتيجته هذا الصفاء الروحى المتسامي الخلوق لى ابن بار لابيه واى اب هو ؟ اتمنى المذيد ثم المذيد نحن عطشى لنهر ابداعكم
09-07-2003, 03:13 PM
aba
aba
تاريخ التسجيل: 03-06-2002
مجموع المشاركات: 1993
بنحلم بالرجوع يا خالد أخوى يوماتى أشوف جارتنا عشة وأشوف كمان أماتى وأشم ريحة البلد واتفقد جميع اخواتى وامش كل المحلات من يوم نشأت بتاتى حليل قضروف سعد ببنوا المحنة قطاطى يجيك زمن الخريف وزمن المحبة الآتى تصير الدنيا جنة ما بتوصفها حكاياتى نور بلور مطر عصفور معطونة فى صلواتى تنظر جمال الكون فى ضرع تلك الشاتى أو قهوة هدندوية تحت السحاب العاتى تعادل الدنيا مافيها وكل دولاراتى
09-08-2003, 12:17 PM
shiry
shiry
تاريخ التسجيل: 07-05-2002
مجموع المشاركات: 3511
عشان شوق الشوق ...النوم جافاني ودي قصة قديمة وفيها فصول ومعاني وكت يا زول أطرا الزولة تقيد نيراني وأقول يا الله تتم المنية واشوفهاعياني لكن يازول العندك انت ده شيتا تاني في ناس شيري مكسر وتقول وتعيد الزوق سوداني الله يعينك في الجاتك وربي كريم في الجاياني
خالد اخوى اشواقنا بحر للزول الضوى سنينو سحر ان جاهو الديش بالفلجة دحر النونة تخلى نار حبو أحر سبايب شعرو امواج فى بحر عينيه تحاكى غزال البر ده العذبنى وخلانى شهر ما ضقت النوم فى أرق وسهر
09-09-2003, 11:10 AM
garjah
garjah
تاريخ التسجيل: 05-04-2002
مجموع المشاركات: 4702
قرجة حبيبنا الليلة ظهر جاب ليه كلام محفوف بدرر يجارى حديثنا بشكل خطر وختى القرجة الشالا دهر قال عيان فى الغربة فتر يومو يدافر وليلو سهر تعال بى هنا فى حب وسمر وانسى الغربة سنينا جمر تلاقى حبايبك فى المنبر ناس شيرى تماضر وبت ام در يازول بهديك حروفو درر ترد الروح بنهار وسحر تونس فيك لو حتى شهر تخلى كفيلك محتار فى الأمر زى زول عيان او ماسكو سعر
09-09-2003, 01:50 PM
shiry
shiry
تاريخ التسجيل: 07-05-2002
مجموع المشاركات: 3511
هشام يا ود الملوك يا الاهلك مابشحدوا الزوق وحنهم للبعيد والقريب باين يفرزوا؟ ابدا دا شيء ماعندهم عايزني اقول شنو فوق كلامك الماخمج واحساسك الجميل الاحلي من الشهد ربنا يحفظك ويحفظ كل اخوانك كلو ما اتزاورو واتذكروا البلد ويحفظ ليكم الوالد امين يارب
09-09-2003, 02:08 PM
يازولyazoalيازول
يازولyazoalيازول
تاريخ التسجيل: 02-05-2002
مجموع المشاركات: 10210
في رجاك............. مليت قساوة الإنتظار وشربت من موية الغسيل لمن يبس فيني الخدار وبقيت أعاين في الدروب ما لقيت غير العتار لمتين تعود لي حوشنا..... نتلم كعب الودار يا زول ملان حنية..... زيك منو؟ ما هم كتار هرشوك وشالوا حسك.... وفي الفريق دقوه طار
09-16-2003, 12:35 PM
aba
aba
تاريخ التسجيل: 03-06-2002
مجموع المشاركات: 1993
منعول أبو الفرح ** البقي يضارا لما يشوفنا منعول أبو الفرح ** الخلي الحزن معشعش فوقنا منعول أبو الفرح ** القادر وما راضي يسوقنا منعول أبو الفرح ** اللملم فارق وخلف شوقنا
09-16-2003, 01:11 PM
يازولyazoalيازول
يازولyazoalيازول
تاريخ التسجيل: 02-05-2002
مجموع المشاركات: 10210
أغدا ألقاك يا خوف فؤادى من غدى يا لشوقى واحتراقى بانتظار الموعدى آخ كم أخشى غدى هذا وأرجوه اقترابا كنت أستثنيه لكن هبته لما أهابا وأهلت فرحت القرب به حين استجابا هكذا احتمل العمر نعيما وعذابا موجة حرى وقلب مسه الشوق فذابا أنت يا جنة حبى واشتياقى وجنونى أنت يا قبلة روحى وانطلاقى وشجونى أغدا تشرق أضواءك فى ليل عيونى آه من فرحة أحلامى ومن خوفى ظنونى كم أناديك وفى لحنى حنين ودعاء يا رجائى أنا كم عذبنى طول الرجاء أنت لولا أنت لم أحفل بمن راح وجاء أنا أحيا لغد آل بأحلام اللقاء فأت أو لا تأت أو فافعل بقلبى ما تشاء هذه الدنيا كتاب أنت فيه الفكر هذه الدنيا سماء أنت فيه القمر هذه الدنياليال أنت فيها العمر هذه الدنيا عيون أنت فيها البصر فارحم القلب الذى يصبو اليك فغدا تملكه بين يديك وغدا تأتلف الجنة أنهارا وظلا وغدا ننسى فلا نأسى على ماض تولى وغدا نسهو ولا تعرف للغيب محلا وغدا نحيا للحاضر الزاهى ليس الا قد يكون الغيب حلوا انما الحاضر احلى
الهادى آدم
09-18-2003, 09:42 AM
aba
aba
تاريخ التسجيل: 03-06-2002
مجموع المشاركات: 1993
صراحه البوست دا غايه في الروعه وما داير ادخل فيهو عشان ما اخربو يلا واصلو ابداعكم يا مبدعين حقيقي قمه قمه في الابداع يديكم الف عافيه وفي انتظار ردك يا ابا بعد (القعده) لوووول اها
09-18-2003, 01:25 PM
aba
aba
تاريخ التسجيل: 03-06-2002
مجموع المشاركات: 1993
الحب جميل يا أخونا***فجر قلوبنا محبة خلي الحمل في أمان***بين الأسود يتربة لا جعلي لا شايقي***ما بيفرزهم بالحبة كفت الخلق خلاها***في ود تعيش في صحبة نسجو القصيد***ختو النزور في القبة واللحن ذاع وانساب***خلي الحروف تتكبة بي قدرتو المعبود***بي جاهو فالق الحبة والفيروس خطير وعجيب***خلاها ربت ربة ولو جانا يوم شاكوش***ساعدونا بس بي جكة
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة