|
|
 من عجائب المنبر - ود قاسم قريب تماضر شيخ الدين
|
الماسنجر الواصل من ود قاسم:
الأخ هشام
لك التحية
تناولت مع الأخت تماضر في أكثر من ماسينجر أمس موضوع حبوبة التاية ، وأعتقد أنها تربطني بقرابة بكم ، وقد تأكدت لدي معلومات كثيرة من تماضر ، مثل انتمائها للقضارف وأن أصلها من منطقتنا وهي عركية ، وأنها كثيرا ما تذكر وتزور أهلها في معتوق والقنابيل في المنطقة الواقعة بيثن الدويم والمناقل ، وقد حدثني أهلي عن قرابتنا بتلك المرأة وهم يعرفونها وأعتقد أن الاسم مطابق والمعلومات الأخرى مطابقة ،
وقد أفادتني الأخت تماضر بما تعرف وأشارت علي أن أخاطبك لأنها ترى أن حرمكم المصون تعرف هذه العلاقة أكثر من أي شخص آخر ،
هلا بحثت معي أخي هشام ، على الأقل عشان نتلصق فيكم . وطبعا نحن موغلين في أهل العوضية .
أخوك محمد قاسم
ردى عليه فى الماسنجر الأول:
يا الله يا ود قاسم ، نفسى آخدك بالأحضان لأنك تنتمى الى أمى التاية ، فهى فعلا أمى فقد ولدت فى القضارف وكنت أكبر أخوانى وعندما ولد شقيقى أبوعبيدة الأصغر منى تم نقل والدنا الى بربر فرفضت حبوبة التاية أن أذهب مع أمى الى بربر وبقيت معها فى القضارف حيث أخذت منها أهم جرعات فى حياتى والتحقت بالأسرة فيما بعد بعد أن نشأت فى كنفها أحسن نشأة ولذلك تربيت تربية حبوبات كما يقولون ، هى اسمها التاية أبو البشر ، طيب الله ثراها ، أبوها من منطقة القنابيل وهو رجل مزواج لديه الكثير من النساء والمال والولد ومن شدة كثرة عياله سموه أبو البشر ، وهو مسلمى (بشد اللام) ، وأمها المتن بت الشيخ الإمام عركية من منطقة كركوج وأبحراز ولذلك هى عركية من ناحية أمها وتربطها قرابة بالشيخ حمد النيل (وقد رأيت بأم عينى) شقيق الشيخ حمد النيل فى معتوق قبل ثلاثين عاماوكذلك تربطها صلة القاربة والدم بالشيخ دفع الله المصوبن والشيخ يوسف ابشرا والشيخ ود يونس وجميع أولياء الله بابحراز وطيبة وكركوج العركيين
يتبع ....
الماسنجر الثانى:
التاية أبو البشر - الجزء الثانى
ذهبت معها فى حياتها الى أهلها فى القنابيل وتعرفت على المنطقة التى ترعرعت فيها وهى قرى مثل كبمبورة والقنابيل وحلة عمر ومعتوق وأختها النخيل أبو البشر ومازال أحفادها وكل عشيرتها يعيشون هناك وهم أهلى وعشيرتى ولدينا معهم صلات ممتدة الى أعماق بعيدة فى الزمن ، كما ذكرت هى مسلمية عركية ، وقد خلفت هى أيضا بنين وبنات وتزوجت من الحاج أحمد همرور أحد تجار قبيلة الكمالاب وعاش مع الهدندوة ردحا من الزمن فى مدينة القضارف ولقبوه بالهمرور - أى الرجل الكريم فى لغتهم وأصبحت اسما له ويعرف جميع أهل والدتى باسم آل همرور ، التاية لديها خالها شقيق أمها يسمى دفع الله ود الشيخ الإمام ، طيب الله ثراه ، وهو أحد الرجال الصالحين ، ونظرا لتعلقى الشديد بأمى التاية فقد تزوجت ببنت دفع الله ود الشيخ الإمام (خال التاية) واسمها دريه وهى زوجتى على سنة الله ورسوله وأم أولادى ورفيقة دربى الطويل وهى عركية أما وأب ،÷ حتى أن أمها هى الحاجة سعاد بت الشيخ قسم الله (شيخ كركوج العركيين) ومازال أبناؤو وأحفاده من بعده يعرفون بود الشيخ
يتبع ....
الماسنجر الثالث :
أرجو تصحيح اسم زوجها جدى لأمى عثمان أحمد همرور ، لم أرى فى الأصالة من هو أكثر منها أصالة فهى شريفية أما وأب ونحتفظ فى الدار بشجرة عائلتها متصلة النسب بفاطمة الزهراء بنت سيد الوجود وخير الأنام محمد بن عبدالله عليه أفضل الصلاة والسلام ، لقد كانت التاية بنت أبو البشر شديدة الجمال وتمتلك شخصية نفاذة وقوية وكانت محبوبة من جميع من تلتقيه ، وكانت شجاعة وكريمة كثيرة الصلاة والصيام والقيام وكثية الذكر والتسبيح ، وعند وفاتها لم يكن يجرى على لسانها ولمدة طويلة شىء غير كلمة التوحيد لا اله الا الله ، وكثيرا ما تأتينى فى المنام عندما تشتد بى المحن فترينى سواء السبيل وتجالسنى وتطبطب على رأسى وتشير الى بفعل كذا وكذا ، ودائما ما أمشى وفق ارشاداتها ويجعل الله لى التوفيق فيما هدتنى اليه ، وبالفعل فان علاقتى معها أزلية سرمدية وعجيبة
أخى ود قاسم لى أكيد الرغبة فى أن أنزل هذا الموضوع فى بوست خاص بها نظرا لعمتها فى قلبى وحسن سيرتها فاسمح لى بفعل ذلك وراجع المنبر حتى قبل وصول ردك لى
أخوك وقريبك هشام شيخ الدين ود بت التاية ابوالبشر الدرة المصونة فى الزمن الخرب
|
|
 
|
|
|
|
|
|
|
 Re: من عجائب المنبر - ود قاسم قريب تماضر شيخ الدين (Re: يازولyazoalيازول)
|
الرد الواصل للتو من ود قاسم:
أخي هشام
لن تصدق ، أنا أكتب ودموعي تنزل غزارا كالمطر وأكاد أجعر لأنني وجدت حبوبة المتن وأولادها ،
كانت لي عمة وفي نفس الوقت خالة وهي مسلمية \ عركية واسمها التاية بت عجبنا ونلقبها ( بأم الحي ) وهي زوجة عمي الحاج محمد ادريس المنا وهم من القنابيل ، وليس لعمي محمد هذا أولاد لكن له عدد من البنات ، وإحداهن اسمها المتن ، وقد توفيت عمتي التاية قبل سنين وتوفي عمي محمد بعدها ، وله أخوين وأخت وهم أبناء خالة والدي ، يعني حبوبتي خالتهم أخت أمهم ، وعلاقة أهلي بهم قوية جدا ،
وقد حدثني أهلي كثيرا عن حبوبة المتن وتمنيت أن أجد من يمت لها بصلة وأنا أتذكر صورة عمتي التاية ( أم الحي ) وهي تزورنا وتبقى عندنا يوما أو يومين تغمرنا بحنيتها وبوسامتها أيضا ، وتدس في يدي فريني ( أبوقرشين ) وتأتينا بالسمن البلدي الما خمج .
ما زلت أواصل أهلي في القنابيل وأعزهم ويعزونني كثيرا ، ولو عدت إليهم ستجد اسما مكررا عندهم وهو اسم قسم الخالق وهي حبوبتي أم أبوي وهي خالة أعمامي بالقنابيل
الشيخ الذي زرته أنت هو الشيخ دفع الله بن الشيخ حمدالنيل ، وقريتي هي عجوبة
محمد عبد الباقي قاسم
| |
|
|
|
|
|
|
|
|
|
Re: من عجائب المنبر - ود قاسم قريب تماضر شيخ الدين (Re: tariq)
|
يا هشام
أنت عارف ود قاسم ده رجل عفريت
أول مرة أقابله في ليلة محمد عبد الحي
جلسنا نتونس
أول حاجة طلعنا جيران
شوية شوية
جاب لي سيرة أبو روف
وأحمد سعد عمر
بعدها قلت ليه عندي ناس جدي من زمن المهدي عايشين في أبوروف
قال لي ديل ناس منو
قلت ليه ناس قرشي ود الحاج طه
الزول طوالي
قال أمس كنت في بيت أسامة مهدي
وأسامة هذا إبن عمي لزم وحفيد الفكي قرشي
شوية شوية
مسكنا الحكاية
طلعنا قرايب
يا جماعة عوووووووووووووووووك
الزول ده عفريت عديل كده
| |
|
|
|
|
|
|
|
|
|
Re: من عجائب المنبر - ود قاسم قريب تماضر شيخ الدين (Re: يازولyazoalيازول)
|
يازول يا زول
قريبي القريب خالص
تعرف أنا بعد ما أرسلت لك الماسينجر الثاني خرجت وتركت المنبر ، واتصل علي الأخ البعيو في الموبايل يفيدني بنزول هذا البوست ، ويا قريبي من هسة اختلفنا ، لأني أنا اتفقت مع تماضر أن أنزل البوست بعد أن نتوثق من المعلومات ،
بس بسيطة ما دام طلعنا أهل فلا بأس ، ونحن بالمناسبة بيننا أطيان مشتركة وحقكم ممكن سكون موجود ومسجل ، أهلنا عندهم خير كثير ، وهم ناس عزاز وأهل البلد هناك ، ووين ما تمشي في أي حلة من الحلّال تقول أنا ودقاسم أو ود المنا أو ود إدريس فأنت مرحب بك والناس كلهم أهلك ، والعركيين أهلي لزم والشيخ دفعاالله ود الشيخ حمدالنيل جدي عم أبوي ، وابنه الشيخ حمداليل خليفةالعركيين في معتوق هو أيضا عمي ، ويجالسني ويحبني وأحبه ، وكل أخوانه ويعزونني ويعزون أهلي ويوادونهم ، أما أهلي في القنابيل فهم نعم الأهل ، وقد زرتهم مرة في إجازة من إجازاتي ودائما أزورهم ، فرجعت منهم بعد أن أكلت خروفا وحملت خروفين في سيارتي عائدا بهم إلى أهلي ،
نحن أقرب مما يتصور الناس قرب القرابة ، وأهلنا يحملون الود لبعضهم وحنييييين بشكل غير عادي ،
ولا أدري لماذا كان الحديث معك في التلفون له طعم خاص وكذلك تحدثت مع تماضر وكان له طعم خاص وهذا كله قبل التعارف
وقد تحدثت تماضر مع زوجتي في ذلك اليوم ، وسمعت زوجتي ترد عليها وتقول :
أكيد
سألتها ما هو الأكيد هذا
قالت تماضر قالت لي لازم نتلاقى في السودان ، فقلت لها أكيد
زالآن أنا أقول أكييييييييييييد
أنا سعيد جدا بهذا التلاقي وسأبلغ أهلي بما تم وسيسعدون كثيرا ، لكن يا هشام شيلوا شيلتكم مع أهل العوض،
ومنطقتنا منطقة للمسلمية والعركيين وتم التزاوج بينهم وأصبحوا كوما واحدا ،
وصحيح أن الأخ مسد ، والأخ عباس والأخ اسماعيل وراق والأخ حيدر بدوي أيضا أقربائي
التحية لكم أهل السودان ، والتحية لكل من يرى السودان وطنا واحدا يتسع لنا جميعا ، نحن أم لها جد واحد ، لماذا نختلف ولماذا نقتتل ، ولماذا نظن ببعضنا الظنون
التحية لك أخي هشام
والتحية لتماضر ابنة السودان كله
والتحية لأسرتكم فردا فردا
وسالقاك في اول زيارة لي لجدة إن شاء الله
والدعوة مفتوحة لك لزيارتنا في الرياض
وسنلتقي في معتوق وفي عجوبة وفي القنابيل وفي كممبورة ، وعند عمي الشيخ حمدالنيل ابن الشيخ دفع الله وأمام قبة أبوي الشيخ حمد النيل الكبير ، وأمتلك منزلا في العودة قريييب جدا من القبة وقد قصدت هذا القرب ، فأهلا بكم وسهلا أهلي وأحبتي .
| |
|
|
|
|
|
|
|
|
|
Re: من عجائب المنبر - ود قاسم قريب تماضر شيخ الدين (Re: ودقاسم)
|
لا أملك الا أن أقول سبحان الله الواحد الأحد الذى خلقنا لغاية يعلمها هو ، فهذا لعمرى أمر عجيب ، وهو يشبه من يجد ضالته بعد أن أنهكه التعب ، وهو يؤكد أن الدم فعلا يحن ، فالذين ذكرتهم هم أهلى وعشيرتى ، وكم من مرة أذكر الحاجة والدتنا عليها شآبيب الرحمة تأخذنا الى زيارة الشيخ حمد النيل ، وتصر على أن نذهب معها الى شيخ اسحق لتصل رحمها وتؤكد أواصر القرب والمحنة ، فيستقبلنا الرجل استقبال الوالد لأبنائه ، ويطبطب على ر}سنا ولسانه يلهج بالدعاء لنا والدعاء لوادتنا ويسألها عن الحاجة التاية وعن أبنائها وبناتها فردا فردا
ود قاسم سوف نعض عليك بالنواجذ فأنت واحد منا وسنضمك لسربنا ولن ندعك وحيدا وبعيدا عن السرب حتى لا تأكلك الذئاب
| |
|
|
|
|
|
|
|
|
|
Re: من عجائب المنبر - ود قاسم قريب تماضر شيخ الدين (Re: abas)
|
وايه رايك يا زول فى انا
اولا شوف الاسم
ثانيا انا من ابو حراز
ثالثا ناس كركوج اهلنا
يعنى باختصار كده انا شيخكم كلكم
وتماضر اكتشفت هذه العلاقة منذ الايام الاولى
لدخولى هذا الحوش وقاعدة تقول لى يا ود خالى
عموما راية اهلنا العركيين الخضراء
مرفوعة بالبورد.
ودمتم ايها الاعراك
| |
|
|
|
|
|
|
|
|
|
Re: من عجائب المنبر - ود قاسم قريب تماضر شيخ الدين (Re: abas)
|
الاخوة الاعزاء
عندما يتكدر الانسان يتكي علي رصيده الاسري بالجد انا سعيد بكم، واشعر بنوع خاص من الود، للاسف نحن نعيش في بلاد متفرقة ولكني سعيد جداً بوجود هذا الرابط، بالمناسبة العركيين قوم عرفوا بالورع والعلم والتقوي والمشاركة الايجابية في نشر العلم والمعرفة والحب في السودان، الاخ ود قاسم لماذا لا تقوم بعمل بوست منفصل للعركيين للتعارف والنقاش في دور العركيين في السودان، فلعل هذا يفتح باباً في اثراء التنوع العرقي والثقافي في السودان، حقيقي اشعر بتشاوم كبير وخوف من المستقبل، ولكني عندما اري كتابتكم احس بنوع ما من الالفة، ربما يكون هذا نوع من البحث عن الامان في وسط الجماعة.
| |
|
|
|
|
|
|
|
|
|
Re: من عجائب المنبر - ود قاسم قريب تماضر شيخ الدين (Re: abas)
|
لا أدري لماذا "سرحت" مع هذا البوست الذي لا يعنيني!!!!! قرات كل مداخلاته بالحرف كأني هشام شيخ الدين أو الزميل ود قاسم .. أو كأني عركي أو مسلّمي .. وأنا أبعد خلق الله عن العركيين والمسلمية (نسباً فقط ايها الأخوة).
الزميل ود قاسم .. طلعت رجل حبّوب بالجد وهشام شيخ الدين ده أصلو حبّوب .. عشان كده أنا سرحت مع كلام الحبوبين لأني تربية حبوبات برضو.
الزميل ود قاسم .. احتمال المرا العركية جدّة أولاد أب سن استخدمت "سرّها الصوفي" وخلّت مُجاور أولادها يبحلق ويدحّش في البوست العركي ده. الكلام ده مفهوم يا ربي؟.
السودان ده حقيقة أصغر دولة في العالم .. حتى لو انبرش لحد بوركينا فاسو.
| |
|
|
|
|
|
|
|
|
|
Re: من عجائب المنبر - ود قاسم قريب تماضر شيخ الدين (Re: يازولyazoalيازول)
|
وددت هنا أن أسجل شكري للمنبر وأمينه العام أخي بكري أبوبكر ، فكم من علاقة توطدت عبر المنبر وكم منعلاقة تكشفت عبر المنبر وكم من زمالة عادت بعد غيبة عبر هذا المنبر ،
وأذكر أن ما تيسر لنا هو إحدي كرامات أهلي العركيين ، لأن البوست الذي بدأت تتضح من خلاله خيوط هذه العلاقة هو البوست الذي أنزلته قبل يومين بعنوان ( كرامات أم مجرد حكايات ) وكان مداخلة تماضر هي المفتاح ، فلقطت الاسم كما تلقتط الحدأة قطعة اللحم من يد حاملها بسرعة البرق ،
أليست هذه كرامة ؟ أعتقد ذلك .
وبما أن الأخ هشام أنزل لنا الماسينجرات التي دارت بيني وبينه سأورد لكم تباعا بدايات التواصل بيني وبين تماضر في هذا الموضوع .
وهذه البداية :
تماضر
سلام عليك
لو عملتي لي تريسنق tracing لحبوبتك التاية بت أبو البشر ، هي من وين أصلا ، ووين عاشت ، وما علاقتها بأبوشرا ، على فكرة الشيخ يوسف أبو شرا يكنى بأبو التاية ، وهي بنته ، وهي والدة أبناء أبوسن زعماء الشكرية .
وقد راق لي اسم حبوبتك وأظنها قريبتي ، وشيلي شيلتك لو طلعنا قرايب .
محمد قاسم
وهذا رد تماضر
7abobti eltaya shukriya, ahala min ab7raz, wu kabambora,wu aih kida. ismiaha eltaya bit bitelmina bit fatna, jiddaha el shaiekh el tiraifi, misamminnaha 3lai bit abshara,
dafa3a allah elmasobin, alli ho dafa3alla wad el shaikh el imam, khala akho ummaha bit el mina,
ana ma ba3rif akter min kida, lakin law itarraina nadrab tlephone, nadrab telephone
akhrata dair tabga lai?? wallahi da sharaf
وهذا ردي تماضر
لك التحية
تعرفي زي ما قدرت أجمّع كده ، لكن يبدو أن حبوبتك ما دام من أبوحراز واسمها التاية ، وفي اسماء أهلها يتردد اسم الطريفي واسم دفع الله والمصوبن وأبوشرا واسم بت المنى ، فأتوقع أنها تكون عركية وليست شكرية ،
تأكدي من المسألة دي كويس . وإذا كانت البلد التي كتبتي اسمها هي ( كممبورة بدلا عن كببمبورة ) فهي من منطقتنا ، ولكن هل سمعتي منها مثلا أسماء مثل معتوق ، القنابيل ، عجوبة ، المناقل ، الدويم
أهلي بيقولوا عندنا حبوبتنا عاشت في القضارف ، وأن أبناءها هناك وقد ذكروا لي اسمها ، لكنني نسيته ، وعندما قرأت اسم حبوبتك فلت كأنه الأسم الذي سمعته من أهلي ، وأعتقد كأنني سمعت أن لك علاقة بالقضارف
المهم هي فرصة نتشربك فيك ، وخلاص طلعتي قريبتي ما في كلام ، وحا أطلع بوست بهذا المعنى بس بعد ما يفتحوا المنبر بعد قفلة نهاية السنة ، ويمكن أخطب البنية اللي كنتي خاته صورتها لولدي طلال أو زياد ، أيهما تناسبه ، وأهو كلو حكي .
لك تحياتي وجميل الود
(عدل بواسطة ودقاسم on 12-16-2003, 01:14 PM)
(عدل بواسطة ودقاسم on 12-16-2003, 01:20 PM)
| |
|
|
|
|
|
|
|
|
|
Re: من عجائب المنبر - ود قاسم قريب تماضر شيخ الدين (Re: ودقاسم)
|
Quote: وأذكر أن ما تيسر لنا هو إحدي كرامات أهلي العركيين ، لأن البوست الذي بدأت تتضح من خلاله خيوط هذه العلاقة هو البوست الذي أنزلته قبل يومين بعنوان ( كرامات أم مجرد حكايات ) وكان مداخلة تماضر هي المفتاح ، فلقطت الاسم كما تلقتط الحدأة قطعة اللحم من يد حاملها بسرعة البرق ،
أليست هذه كرامة ؟ أعتقد ذلك . |
نعم يا ود قاسم..
كرامة يقبلها العقل..
أدعوكم مرة أخرى إلى سماع موسى العشق وتأملوا معي أبياتها..
http://www.alfikra.org/forum/viewtopic.php?t=150
والسلام موصول لأخي هشام وأسرته والأخت تماضر وعموم العركيين وأحباب العركيين وأنا منهم..
ياسر
| |
|
|
|
|
|
|
|
|
 Re: من عجائب المنبر - ود قاسم قريب تماضر شيخ الدين (Re: Tumadir)
|
الأخ هشام شيخ الدين
لك عاطر التحية وصادق الود والتقدير
معليش خليني أقول لأختنا تماضر حاجه..بعد إذنك يعني بس ما تزعل مني لأنو بطني ملاااااانه وكان هبشتني بطرشق.....
تماضر....أحسن...عجبني ليك..أن شاء الله أهل العوض يقعدوك في آآآآآآخر التكل ويعوسوك الكسره ويفركوكي ملاح الورق..لا وكمان يخلوكي تطحني العيش في المرحاكه.....مش الحلق دا....أنا ما دايرو كلو كلو...الله يسامحك إضنينا بقت غربال ..والسلام ختام
| |
|
|
|
|
|
|
|
|
|
Re: من عجائب المنبر - ود قاسم قريب تماضر شيخ الدين (Re: يازولyazoalيازول)
|
شفتي يا تماضر ودقاسم بحت لمن جابها ،
والله حبوبتك التاية دي بركة ،
وعمتي التاية بت عجبنا ( أم الحي ) مسمية عليها ، وأعتقد أنها عمتها أو خالتها وهي يا هشام من أجمل مارأيت من النساء من جيلها ، ومن أكرم ما رأيت ، وبناتها ( بنات عمي ) هن أيضا بوسامتها وبكرمها ، وبمحنتها ، ولو فعلا إنت رحت القنابيل لابد أنك تمت استضافتك في بيتها ، وأكيد شربت اللبن الغزير الوفير ، وأكلت اللحم المحمر بالسمن ، على كل حال أنا سآتيكم بتفاصيل التفاصيل ، والمسألة أسهل مما تتصورون ،
وبالمناسبة يا شباب والعركيين بالذات ، هل تعرفون أن جدة العركيين هي في الأصل جعلية ، فقد تزوج الشيخ عبدالله العركي وأخوه أبوادريس من بنات الشيخ المجذوب من الدامر ، وهاتين الجعليتين هما حبوبات العركيين ، والعركيون قوم نبذوا العنصرية منذ زمن بعيد فاختلطوا وتزاوجوا مع العديد من القبائل في منطقة الجزيرة وفي كردفان وفي جنوب النيل الأزرق وسنار ، وأبن ما وجد العركيون فهم قوم يقيمون الليل ذكرا وشايلين نوبتهم وطارهم ، وأسماؤهم تقودك إليهم مباشرة ، دفع الله ، حمد النيل ، يوسف ، عبد الباقي ، الريح ، العليش ، أبوعاقلة ، الجيلي ،
هذه الأسماء تتكرر كثيرا ،
وقد قابلت رجلا من جنوب النيل الزرق ولما تعرفت عليه قال لي أن اسمه يوسف عبدالباقي ، فشددت على يده وقلت له من أين أتيت بهاذين الاسمين ، قال لي أنه عركي ، وأن هذه أسماء العركيين ،
وفي المسلمية أيضا تجد هذه الأسماء بنسبة أقل ، لارتباطهم بالعركيين ، كما اشتهرت هذه الأسماء بين سكان الجزيرة المروية .
تماضر
لما يجوا ناس القنابيل نكون شكل ، يعني النسوان يعوسن والرجال في الديوان
ولما يمشوا نبقى شكل تاني ، والله يا تماضر حبوباتنا يجن في الديوان ويعزمن الضيف ويحلفن عليهو ، وحبوتي يا تماضر كانت محل شورة بين أهلها ، وقد قالت لي حين سألتها هل رأت بعاتي في حياتها ،
قالت :
والله يا ولدي من قمت وتبيت شقيت الليل وشقيت البلود وركبت الناقة ومشيت للرواعية في الخلاء وسقت البقر والغنم ، لا لاقاني إنس ولا جنس .
الشكر للاخوة عباس ومسد وياسر الشريف وودشاموق قريب قرايبي ، والعركي الكبير قوي ، ويا قوي بتعرف يوسف الطيب شمام ؟إنه صديقي ورفيقي .
| |
|
|
|
|
|
|
|
|
|
Re: من عجائب المنبر - ود قاسم قريب تماضر شيخ الدين (Re: Tumadir)
|
| Quote: وبالمناسبة يا شباب والعركيين بالذات ، هل تعرفون أن جدة العركيين هي في الأصل جعلية |
الزميل ود قاسم .. انا مفروض اقتنع بكلام الأخ وراق وأقول انك انت عفريت .. لأني أنا لابد ليك عشان أقول الكلام الانت قلتو ده .. لكن سبقتني. بس برضو لا بقرب ليك ولا بقرب ليك. خليها جعلية مغتّية كدي
| |
|
|
|
|
|
|
|
|
|
Re: من عجائب المنبر - ود قاسم قريب تماضر شيخ الدين (Re: Tumadir)
|
تحلفيلي أصدقك...أعاين لي إضني في المرايه استغرب
أنا صحيح تربال على نياتي..لكن برضو مؤمن و..لا يلدغ المؤمن من جحر مرتين......أنا عاوز ضامن.....عندك ضامن وللا يفتح الله؟؟؟
عموما ضرر أخف من ضرر والجات في الإضنين تعتبر مسامحه...في ناس هنا باعوا لي الترماى..وناس باعوا لى كبري المسلميه..وواحدين عملوا لي البحر شربوت مش طحينه..هم عارفين نفسهم..لكن أنا وراههم وراكم والزمن طويل..عشان نقدها محل رهيفه...يللا هاتي الضامن....
| |
|
|
|
|
|
|
|
|
|
Re: من عجائب المنبر - ود قاسم قريب تماضر شيخ الدين (Re: يازولyazoalيازول)
|
شنتير وأبا
من الواضح إنو في حاجات كثيرة بتربطنا مع بعض ، وبيجي اليوم اللي نكتشف فيهو حبوبتنا المشتركة ،
والمنبر ده فعلا فيهو عجايب ، وكل واحد أحسن يدور على أهلو ، أكيد أي واحد فينا عندو أهل ،
بعدين الأسماء الحقيقية تكشف الانتماء ، يعني مثلا أنا كنت واضع احتمال كبير أنو قوي يكون عركي ، وفعلا تأكد ذلك
وين ناس طيبة ، وين ناس أبوحراز وين ناس الطلحة ومهلة ود الضو المناقل كشكوش الكريمت دار نايل الفقراء الكشامر ودحسين المدينة عرب عبود ودربيعة وغيرها من قرى الجزيرة ، بل وين ناس مدني
| |
|
|
|
|
|
|
|
|
|
Re: من عجائب المنبر - ود قاسم قريب تماضر شيخ الدين (Re: ودقاسم)
|
انت عارف يا زميل .. أنا خايف ود قوي ده يكون أبوه استاذي .. لان استاذ قوي درسني في ابو حراز. العبد الفقير درس في أبو حراز "الوراني" حلّة الشيخ يوسف أب شرا .. الواحد ده .. وجدي جاه الرسول ود حمد الله يرحمه كان بيته فيها تالا السافل. ود قوي ده أكيد بيعرفو. وناس قوي في أب حراز أنا بعرفهم يا زميلز أسألني من أب حراز والبنايا .. وأنا أجيب
| |
|
|
|
|
|
|
|
|
|
Re: من عجائب المنبر - ود قاسم قريب تماضر شيخ الدين (Re: Ahlalawad)
|
أهل العوض
آزول سلام عليك
شوف يا أهل العوض أنا ممكن أكون أهل عوض أكثر منك ، لكن مشكلتك انت كتبتها في جواز سفرك ونحن دسيناها ، لكن قرايبي ناس تماضر وهشام ديل ، أهل عوض تايوان .
يا أخي هو السودان ده كلو ما أهل عوض
هسة أمدرمان ، والخرطوم وبحري كلهم ما أهل عوض ؟
ومال العواسة اللي بتعرفها تماضر دي شنو ؟
| |
|
|
|
|
|
|
|
|
|
Re: من عجائب المنبر - ود قاسم قريب تماضر شيخ الدين (Re: Ahlalawad)
|
الاخ هشام
البوست ده فتحته لبيان مفارقات البورد لكنه تحول الى (تقابة) عامرة لاهلى العركيين وانا بالمناسبة فكرت انه افتح بوست للعركيين وتاريخهم لكن نسبة لحساسية اهلنا تجاه موضوع التاريخ وحرصهم على الدقة فيه وانا قطعا لست عارفا به بشكل جيد اثرت الا ادخل فى هذه الورطة حتى اعود الى السودان واجمع بعض المصادر المكتوبة والشفاهية وهى كثيرة ثم انفحكم بها لكن هذا البوست بوست خواطر جميلة والتحية للاخ ود قاسم فمعلوماته جيدة عن اهله وعشيرته.
الاخ شنتير استاذ قوى او ( محمد احمد قوى) عمى وهو ايضا معروف للذين درسوا بحنتوب الثانوية فى الثمانينات وقد اشتهر بقفشاته ودمه الخفيف وجراته التى كانت تعجب الطلاب وهو الان متقاعد.
والتحية للعركيين على امتداد السودان فى ابى حراز وطيبة الشيخ عبد الباقى وكركوج ومساعد وحلة دفع الله ومهلة والطلحة والمناقل وود نفيع والكريمت ومعتوق وحلة عمر وروينا العركيين بالشرق وسنار وسنجة والرصيرص وغيرها ..اما الشيخ حمد النيل صاحب القبة الشهيرة بامدرمان فهو اصلا من ابى حراز ايضا وقد عاصر الثورة المهدية وقد اراد الخليفة عبد الله نزع اراضى العركيين فاعترض المشايخ باعتبارهم الرموز المعتبرة فاستدعاهم الخليفة عبد الله الى امدرمان واحتجزهم بها اى وضعهم قيد الاقامة الجبرية وتوفى منهم الشيخ حمد النيل ودفن اولا بابى سعد ثم نقلت رفاته لاحقا الى الموقع الحالى وتوفى ايضا جدنا الشيخ احمد ود الناجى ودفن بالصبابى ومقامه فيها معروف خاصة للعركيين وادرك الشيخ محمد يونس نهاية المهدية وعاد الى ابى حراز ودفن فيها ومزاره فيها تحفة اسسها نميرى بجانب ضريح الشيخ دفع الله المصوبن والشيخ يوسف ابوشراء وعلى فكرة نميرى كان محبا لهؤلاء المشايخ وكثيرا ما التقاه الناس ليلا فى زيارة لقباب ابى حراز.
والتحية ايضا لمشايخ العركيين الذين مازلنا نعيش على خيرهم وعطر سيرتهم التحية للشيخ عبد الله العركى والمصوبن وود الطريفى وابو عاقلة الكشيف وابومسك والزنادى وابوشراء وابوعائشة وازرق طيبة
وغيرهم وغيرهم .
ولكم الود ولى عودة ان شاء الله
| |
|
|
|
|
|
|
|
|
|
Re: من عجائب المنبر - ود قاسم قريب تماضر شيخ الدين (Re: Nasr)
|
nasr
أنا ما فتحت ليك يا نصر ، لكن لو كنت فعلا هوس ميت ، لإانت من المؤكد أنك تعرفني وتعرف الكثير عني ، لكنك لم تتجاوب معي كما أنك خاطبتني في الموقع العام ولم تخاطبني عبر الماسينجر ، وحتى بعد أن خاطبتك أنا في الماسينجر أنت رفضت أن تعلن عن هويتك ، وحتى الآن أنا لا أعرف من أنت ، واعتبرتك غير راغب في التعارف ،
لكن كل المعلومات الخاصة بي حاليا معلنة ، فأين معلوماتك يا نصر يازميل ، حنتوب أو كلية الاقتصاد ،
عليك أمان الله ، أظهر وبان عليك الأمان
| |
|
|
|
|
|
|
|
|
|
Re: من عجائب المنبر - ود قاسم قريب تماضر شيخ الدين (Re: يازولyazoalيازول)
|
يا ود قاسم وتماضر وجملة العركيين وغيرهم
بالطريقه دى أنا نسيبكم لأن السيده زوجتى الجميله عركيه فهى نجوى بنت دفع الله بن محمدين بن دفع الله بن شرف الدين ألخ من أسمائكم الشهيره . أمّا انا فاعتز إعتزاز لآحد له بأهلى الجوامعة من كردفان ( أمروابه) يعنى غرّابى على السكين . ولكن إعتزازى الأكبر بأهلى من صلة الرحم خارج دم القبيله من ود البر (0بشرى)أم دكة الجعليين,( خاتم)رفاعه ومسمار ( عشه وبيرق) بدين و غيرها بشرى سليمان الكوه كتم ووجوبا( بيتر بتيا) وتنقاسى والباوقه
مع خالص مودتى يا ود قاسم وأنت ترفد البورد بدفق عارم من الحب الأصيل المبرأ من الغرض .
مصطفى آدم
| |
|
|
|
|
|
|
|
|
|
Re: من عجائب المنبر - ود قاسم قريب تماضر شيخ الدين (Re: mustadam)
|
العزيز مصطفى
يربط بيننا بشرى الفاض من ود البر ، وحنتوب وجامعة الخرطوم ، وكذلك أم دكت ( الخاتم ) فهم جيراننا وبيننا وبينهم النسب ايضا ،وعمنا محمد أحمد عطا كان رابطا متينا بين معتوق وأم دكت ، ومن الباوقة قد نشترك في معرفة محمد عبد المنعم ( فوكس )
وعلى العين والراس نسبك ، ويشرفنا أن نكون خيلان الأولاد ، نحن لاقين نكون خيلان الجوامعة ؟
ومن أم روابة يربطنا عمر فضل الله وعبد القادر حامد مصطفى
وين ماتمشي تلقانا يا مصطفى ، مش نحن عركيين وأصحاب كرامات ،
السراي السراي
الجافو النوم وعقدوا الراي
الليم متين يا مولاي
ساكن بغداد
في كل بلد سوالو أولاد
الليم متين يامولاي
واحدين عباد وواحدين زهاد
واحدين صايمين تاركين الزاد
الليم متين يا مولاي
اخطف رجلك وزور أبوحراز ، وسلم لي على أبوشرا والساكنين البنايا
ودعتك أنت ووليداتك وأمهم لصاحب الوداعة
| |
|
|
|
|
|
|
|
|
|
Re: من عجائب المنبر - ود قاسم قريب تماضر شيخ الدين (Re: ودقاسم)
|
الاخ شنتير
سلام وتحية
والله معرفتك بابى حراز قوية خاصة بذكرك لهذه الشخصيات الفريدة
رحم الله الاموات منهم ومد فى عمر الاحياء ..وبالمناسبة اول مرة اعرف انه عمى (بنخنخ) وهو على فكرة استاذى ايضا بحنتوب الثانوية.
الاخ ود قاسم
الاحياء من مشايخ ابى حراز الان رائعيين قم بزيارة الخليفة عبد الرحمن الشيخ دفع الله ود الناجى والشيخ يوسف الشيخ محمد ود يونس لترى البساطة والزهد والكرم رغم ضيق ذات اليد كل ذلك باصل المنبت
والنفس القنوعة لهما ولغيرهم من مشايخنا التحية.
ولكم الود من قبل ومن بعد
| |
|
|
|
|
|
|
|
|
|
Re: من عجائب المنبر - ود قاسم قريب تماضر شيخ الدين (Re: يازولyazoalيازول)
|
قوي ابن عمي ،
مسألة التسجيل والتوثيق مسألة هامة ، وقد تحدثت مع العم الشيخ حمد النيل بن الشيخ دفع الله بن الشيخ حمدالنيل ( الكبير ) في معتوق عن أهمية هذا الموضوع ، وهو رجل مثقف ومطلع ، وأبناؤه كذلك ، وقال لي البركة فيكم يا أولادنا ، وفكرت في الموضوع بجدية لكن الأمر كبير ولابد من توفر عنصر الوقت ، وربما التفرغ ، ونحن نلهث وراء لقمة العيش لا نستطيع أن نفعل شيئا ذو بال ، ولكن لماذا لا نبدأ كل في ما يمكن أن يقدمه ، فلربما خرجنا بسفر قيم لأهل السودان .
الأخ نصر
يا أخي والله حيرتني ، أنا لا يمكن أن أنسى يوسف شمام ، وقد سألت الأخ قوى في إحدى المداخلات عنه ، لكن قوي لم يرد على سؤالي وربما أنه لم ينتبه له ، ويوسف حسب آخر معلوماتي انه موجود في سلطنة عمان ، وهو يمارس استاذيته المعهودة بالرغم من أن جتته اتسعت بعض الشئ فأخرج كرشا ، وقد تحدثت معه مرة بالتلفون ، وأكلم وديوسف في البحرين باستمرار وهو من الذين يسألون بإلحاح عن يوسف شمام ،
مبارك سعد نسيبي وخال زوجتي ، وهو من أحبهم إلي ، لكن من أنت يا نصر ،
لياقتك تشبه لياقة محمد عباس ، لكن كتاباتك لا تشبه كتابات محمد عباس ، هل يمكن أن تكون الامبريالية سختت ودعباس وأحالته إلى نصر فأصبح كما أنت ،
أنا يا أخي ودقاسم بلحمه وشحمه ، وأنا محمد عبد الباقي ، وأنا من معتوق وقريت في حنتوب والاقتصاد وسكنت في حلة حمد وانتقلت إلى امتداد ناصر ومنها إلى المنفى ومازلت ، إذا كنت أنت محمد عباس ، فحرام عليك أن لا تسألني عن صديقتك فوزية ، وإن لم تكن محمد عباس فقل لي من أنت وفكنا من شرك .( خليجية )
| |
|
|
|
|
|
|
|
|
|
Re: من عجائب المنبر - ود قاسم قريب تماضر شيخ الدين (Re: ودقاسم)
|
That is very nice and how is she. I have been looking for Mustafa Nasr for a long time, and I am using his name here. I am looking for Wad Yousif al Sagiar too. I should have called in ur hour of sorrow, but I was very very sad. I will call Fawzia anyhow. Peace
| |
|
|
|
|
|
|
|
|
|
Re: من عجائب المنبر - ود قاسم قريب تماضر شيخ الدين (Re: Nasr)
|
Nasr
ود عباس يا سيد الناس
والله مشتاق ليك شديد ، وبعد ما عرفت كلمت فوزية ، فقالت :
والله يا هو محمد عباس ، لا بتغير ولا بيتبدل ، قلت قصدت أنه ( عولاق ) و( لايوق )
ولابس بنطلون جينز وشايل خلالو معاه وماشي في الطريق يسرح في شعرو
وينك يا سجم الرماد ، ومن أول مالك ما قلت ، والله حا أنبذك نبذ وفي المنبر وعلني كمان ،
يا أخي نحن ما باقي لينا إلا نسوي ليك إعلانات في كل الصحف الأمريكية ، وحتى مبارك سعد ما بيتصل ، من زمن ما سمعنا صوتو ،
أبونصير يعرفه أبوساندرا ، وهو طبعا لا يزال في السودان ، يقرف الكيزان ويقرفوه ، وود يوسف الكبير في البحريين وقبل شوية اتكلمت معه بالتلفون ، وخالد عبدالباقي معاي هنا ، وهو عضو في المنبر ، لكنه متكاسل من الكتابة ، وسألتقيه اليوم ، ووديوسف الصغير بقى من كبار الزراعيين في مشروع الجزيرة
وابراهيم السر يمكن يكون مات وللا حاجة ،
وين الفاضل ، أظن كان في الامارات
أخوي ادريس يدير كافتيريا في سنار اسمها كافتيريا الباحة ، وهو مبسوط هناك ومن 4 سنوات .
سويت ليك قراية وللا لسة قاعد تقرأ ديوان الخليل والسير في الليالي المطيرة لابراهيم اسحاق
أنا بطلت أقرأ خالص وبقيت بتاع حكي وبس ، جني كلام ، كلامي كثير ، وفوزية وأولادها زهجانين زهج شديد من كثرة كلامي
عرست وللا لسة ؟
| |
|
|
|
|
|
|
|
|
|
Re: من عجائب المنبر - ود قاسم قريب تماضر شيخ الدين (Re: يازولyazoalيازول)
|
أولا هشام سلام وتانيا عليك الله اعفى لينا مع الحاج ودقاسم ود عباس , ود يوسف , ود شمام( الشى اسامى محطات) وعجايز خرطوم السبعينات يختطفوا البوست !
محمد عباس ياهو فى سجمو ورمادوما زال يضحك بصفاء و يقرأ أيضا بصفاء ويحب الأخرين دون كلل! وإتكلمت معاهو قبل شهر. ودشمام مشيت للبرق( بيرق) وعشه كمين مره فى مسقط ولم أحظى بملاقاته و رجع السودان و حسع دى فى ابوظبى . الفوكس بدون انياب واعتقد ما زال فى الخرطوم والتومات مفروض يكونن اتخرجن . وبالمناسبه يا ود قاسم الفوكس طلع قريبىمن جهة خبوبتى لامى ( الحاجه نفيسه بت عبدالماجدمن الباوقه رحمة الله على روحها, كانت وحتى وفاتها تركب القطر لام روابه شتاء و القطر لحوليه الشيخ الجعلى السنويه و لم تتعاطى أى من ادوية القرن العشرين حتى ألمّت بها مرراية الإهمال العام ففاضت روحها الطاهرة فى بيتها فى ابروف ,بالقرب من ترب ابّو حبيب) أمّا عمر فضل الله فهو ابن عمى لزم . ودمتم جميعا فى عافيه
مصطفى آدم
| |
|
|
|
|
|
|
|
|
|
Re: من عجائب المنبر - ود قاسم قريب تماضر شيخ الدين (Re: mustadam)
|
ود قاسم مبروك القرابة مع اولاد شيخ الدين
وبعدين قلت لى عركييييييين وش العركييييييييين ديل
عــــــــرب ولا افارقة كدى ادينى نسبهم كان عــــرب
تبقى قريب الساحر وكان افارقة ياكم ناس الوحدة ساكت
ولكم ودى
بس انا عندى جدى اسمه عرمان من ناس سيجيمان , لكن ياترى طلع
ياسر عرمان قريبى حاكون انا الفائز فى حاكومة السلام
ولقدام
| |
|
|
|
|
|
|
|
|
|
Re: من عجائب المنبر - ود قاسم قريب تماضر شيخ الدين (Re: Nasr)
|
نصر
ود اللازم موجود في الخرطوم وأصبح من قيادات سودانير ، وقد أسماه ودالريح بتاع القيادة الثورية ( الفلاح الموشّم ) وتزوج حفيدة الشيخ حمد النيل ، يعني أولاده سيصبحون شيوخا لا محالة .
ما جاوبت سؤالي عن عرسك ، وللا زيك وزي ناس أمريكا معرسين وداسين العرس ؟
| |
|
|
|
|
|
|
| |
يازولyazoalيازول
ود شاموق
tariq
إسماعيل وراق
abas
ودقاسم
Giwey
Shinteer
Yasir Elsharif
aba
Tumadir
nile1
Ahlalawad
Nasr
mustadam
abuguta
بدرالدين شنا
فيس بوك
تويتر
انستقرام
يوتيوب
بنتيريست