الشعب الملهم.. لن يصبر من كدا أكثر
إلى شباب ثورة العصيان المدني: الحرية لا تقبل المساومة!
أكتب وأهرب: (أوقاف ) قوقل..و (سبيل ) الفيسبوك ...! بقلم يحيى العوض
العصيان المدني...... تجميع فيديوهات للتوثيق ومزيد من النشر
19 ديسمبر .. إني أرى شعباً يثور !!
مقال للخائفين على السودان من مصير ليبيا و سوريا إن حدث التغيير
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-09-2016, 09:20 PM الصفحة الرئيسية

مكتبة هشام شيخ الدين جبريل(يازولyazoalيازول)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

شوفو العب اللقاها

08-01-2006, 01:43 AM

يازولyazoalيازول
<aيازولyazoalيازول
تاريخ التسجيل: 02-05-2002
مجموع المشاركات: 10218

للتواصل معنا

FaceBook
تويتر Twitter
YouTube

كيف احذف مداخلة من بوستى

شوفو العب اللقاها

    نحن السودانيون بكل ما نملك من صفات وخصال حميدة يحسدنا عليها الكثيرون ، إلا أن ذلك يتبعه الكثير من السلبيات التى تربينا عليها ، ألا وهى العنصرية ، ووصف الآخرين بالعبيد وبالكرور وبأقذع العبارات ، فى دونية لم يسبقنا عليها أحد ، فعندما تكتب أو تقص أو تقرأ أو تحكى أو تشاهد أى سودانى بلغ شأوا عاليا فى أى مجال ، ويكون أصله أو مرجعه جنوب السودان أو دارفور أو جبال النوبة ، فإن الإنطباع الأول للجلابة (وهو الصفة المضادة للعبيد) هو أن يقولون (شوفو العب اللقاها) متناسين أننا جميعاً عبيد لله رب العالمين ، وأنكم لآدم وآدم من تراب ، ومتناسين الأصل الزنجى لكل السودانيين الذى يجعل مننا جميعا عبيد فى نظر العرب والخواجات بل والهنود والاسيويين وحتى اللاتينيين ، فمتى نتخلص من هذه العادة الرذيله ، وأورد لكم هنا مثلاً حياً على ذلك:

    عباس عابدين مرجان

    فمنذ متى إستعبدتم الناس وقد ولدتهم أمهاتهم أحرارا؟؟؟

    فاتقوا الله يا أولى الألباب
                   |Articles |News |مقالات |بيانات

08-01-2006, 02:51 AM

أبوذر بابكر
<aأبوذر بابكر
تاريخ التسجيل: 07-15-2005
مجموع المشاركات: 5509

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: شوفو العب اللقاها (Re: يازولyazoalيازول)

    إزيك يا هشام
    وكيف الأحوال

    والله يا هشام نفس الصيغة البايخة دى أنا سمعتها وبالنص تماما
    وما نسيتها وما حانساها طبعا

    لكين قول لى وين ومتين

    أقول ليك

    الكلام ده يمكن قبل اربعين سنة عديل كده
    وقبل إنقلاب مايو بى سنة

    أنا اتذكر يا داب دخلت سنة أولى فى المدرسة الأولية

    وكنت فى اليوم داك، وكالعادة زى كل يوم خميس، تعرف كنت بايت وين، ما حتصدق والله

    فى القصر الجمهورى

    كدى اقراها تانى، القصر الجمهورى

    كل خميس وجمعة كنت بقضيهم هناك والله يا هشام

    إنت طبعا اكبر مننا وعشت فترة ما قبل مايو وبتكون واعى بيها كلها، عشان كده أكيد بتكون سمعت بالزول العظيم الفريد الطيب ده

    العميد/ عبد الحميد خير السيد

    ده كان الياور الرئيسى بتاع الزعيم إسماعيل الأزهرى
    ولو لقيت أى صورة قديمة للأزهرى بكون هو الزول البكون معاهو وخلفه طوالى فى أى مناسبة رسمية

    طيب أنا علاقتى بيهو شنو؟

    العلاقة يا هشام هى إنه جدنا خير السيد والد عبد الحميد، كان وهو وجدى محمد عوض، أبو الوالد، كانو شركاء فى شياخة "العربجية" فى الخرطوم عموم كلها، طبعا فى بداية القرن الفات لا كان فى عربات ولا لوارى ، والوسيلة الرئيسية لنقل البضائع وحتى الناس كمان كانت عربات الكارو

    جدى محمد العوض وخير السيد والد عبد الحميد كانو هم "البرنجيه" بتاعين العربجية، وبعدين المربط الرئيسى بتاع الخيل والعربات تعرف كان وين، كان فى وسط السوق العربى، فى الميدان غرب عمارة المدرسة الأهلية محل موقف باصات الشجرة القديم

    بيوت خير السيد وجدى محمد عوض كانت بالضبط خلف فندق المريديان ولحدى اليوم موجودة، وجيرانهم كان حسن عطية الفنان وعبد القادر سليمان وأخوهو حسن سليمان "الهاوى" المطرب الجميل

    المهم ما اطول عليك

    العلاقة بين الرجلين بقت علاقة أهل وبيت واحد، وعبد الحميد وأبوى بقو اكتر من اخوان، وواحدة من بنات عمتى اتربت فى بيت خير السيد لحدى ما اتزوجت، وولد اختها عايش مع أولاد عبد الحميد فى البيت لحدى اللحظة دى فى الخرطوم اتنين جوار مدرسة دار النعيم زمان والمبنى بعد الإنتفاضة بقى دار الجبهة الإسلامية

    عبد الحميد خير السيد عنده أخت واحدة السودان كله بكون بعرفها، وخاصة كل نساء الخرطوم الدرسن فى مدرسة الخرطوم الثانوية بنات العتيقة، ونعيمة كانت مديرة المدرسة، وأول سيدة اشوفها سايقه عربية، هى وزوجة يعقوب نيشان، جارنا اليهودى فى الخرطوم شرق

    طولت عليك مش

    طيب بعد السرد التاريخى الممل ده، ارجع بيك للموضوع

    جدنا خير السيد والد عبد الحميد، اصوله ترجع لقبايل الجنوب تقريبا، ما متأكد بالتحديد

    بعدين فى اليوم الأنا سمعت العبارة البايخة دى، اتذكر جيت الصباح "قهوة الواثق" فى السوق العربى، وعمنا الواثق هو والد الفنان الجيلانى الواثق وأخوهو عثمان الواثق، جيت عشان الاقى ابن عمتى الكان شغال فى القهوة وبعد داك امشى البيت

    اها كنت بحكى لجماعة من اهلنا كانو قاعدين فى القهوة، وهم ناس كبار طبعا، بحكى ليهم عن بيت عبد الحميد داخل القصر الجمهورى، وتحديدا بين الكنيسة وحوض السباحة شرق مبانى القصر الرئيسية، بحكى ليهم عن الفخامة والأناقة والذوق الإنجليزى

    قام واحد عوير طوالى نطا وقال لى

    بالله شوف اللقاها العب ده

    وكان خليتنى تانى بواصل واحكى ليك عن عمنا عبد الحميد خير السيد

    حاجات تحير ومآثر فريدة وأعمال عظيمة

    ياخى معليش زحمتك الليلة

    بس ساى والله مزعلانى "عدم عِرفة" الناس وعوارتهم
                   |Articles |News |مقالات |بيانات

08-01-2006, 03:11 AM

تولوس
<aتولوس
تاريخ التسجيل: 06-06-2004
مجموع المشاركات: 4128

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: شوفو العب اللقاها (Re: أبوذر بابكر)

    واصل يا ابوزر
    ... كلنا لادم وادم من تراب ... السودان كله مخاليط
    وفي الاسرة الواحدة تجد جميع تدرجات اللون الاخضر المخلوط بالاحمر والبنفسجي كمان
    واصلوا احبتي برحمكم الله
                   |Articles |News |مقالات |بيانات

08-01-2006, 03:13 AM

يازولyazoalيازول
<aيازولyazoalيازول
تاريخ التسجيل: 02-05-2002
مجموع المشاركات: 10218

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: شوفو العب اللقاها (Re: أبوذر بابكر)

    أصيل يا أبوذر ، أصيل كعهدنا بك ، فأنا مثلك تماماً تضايقنى كلمات مثل (فرخ) و (عب) لتقلل من قيمة الناس وتضعهم فى دونية لا داعى لها ، رغم أن هذا (الفرخ) أو هذا (العب) ، وبمسلكه الجميل وحسن خلقه يمكن أن يكون أفضل بمئات المرات من (ود عرب حر) كما يدعون ، فأى حرية بالله التى تسلب الآخرين حرياتهم ، فالعب هو من يسلب الآخرين هذه الحرية التى منحتها السماء لجميع بنى آدم

    أحكى يا ابوذر ، أحكى ولا تبالى ، أحكى لأولادنا ولبناتنا ، أحكى للناس وللمجتمع ، أحكى وقص عليهم عن شرف العبيد وعن نقائهم وطهرهم وطيبتهم وحسن أخلاقهم ، وعلى سبيل المثال ، لم أرى فى حياتى أن سمعت ولو من باب الإشاعة أن (دينكاوى) سرق ، فالدينكاوى فى نظرى هو أنسب إبن آدم يمكن أن يؤتمن على مال أو حلال ، لطهره وعفته وشرفه النقى الخالى من اللصوصية والخباثة والتى هى سلعة رائجة بمقاييس اليوم بين الشماليين الأحرار

    يا ابوذر ، نحن ظلمنا (العبيد) فأصبحنا نحن العبيد وهم الأسياد ، أصبحنا نحن اللصوص وهم الشرفاء ، أصبحنا نخون الأمانة ونهتك العروض ، وهم من يؤتمنون عليها ويحافظون على الشرف ، فما الداعى بتسميتهم بهكذا ألفاظ لا تجوز أبداً فى حقهم

    أحكى يا ابوذر ، وعرى كل من تسول له نفسه أن يضع قدميه فوق رؤوس الآخرين ، أحكى يا أبوذر فحكاويك هى البلسم وهى الصفعة التى يمكن أن تعيد بعض الأدب لكل (قليل أدب) عنجهى ، ومفترى ليئم

    ألف ألف تحية وفى إنتظار مزيد من حكاويك التى تفشى الغليل
                   |Articles |News |مقالات |بيانات

08-01-2006, 03:43 AM

أبوذر بابكر
<aأبوذر بابكر
تاريخ التسجيل: 07-15-2005
مجموع المشاركات: 5509

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: شوفو العب اللقاها (Re: يازولyazoalيازول)

    سلام يا هشام

    سلام يا تولوس

    وسلام يا سودان

    كدى النواصل ليك شويه فى حكاية الناس السمحين

    عبد الحميد خير السيد كان زول طويل القامة وطويل البال
    زول وسيم وسمح ورزين وصارم ومهذب وحنين

    طبعا جدنا خير السيد والده أنا ما شفتو لأنو توفى بدرى قبل جدى، لكين بحكو عنو إنه كان واحد من الناس البقعد معاهم السكرتير الإدارى الإنجليزى بتاع الخرطوم كلها ويسمع منهم، يعنى لاحظ راجل "عربجى" يقعد مع أتخن انجليزى فى البلد

    عبد الحميد تزوج سيدة مصرية فاضلة ما لاقيت أطيب وأحن منها والله يا هشام لحدى اليوم، وعندو ولده الوحيد، لدكتور محمد عبد الحليم خير السيد، وهو طبيب، وتلاتة بنات، من أجمل ما خلق الله من بشر، جمال فى الخلقه والأخلاق

    شوف الناس ديل فى الوقت داك كانوا فى مرتبة ابناء الوزراء والقيادات العليا زى ما بقولو هسه، ولو وصفت ليك كيف كان التعامل بيناتنا ومعاهم نحن أولاد الناس المساكين العامة، والله يا هشام ما حتصدق

    أطرف حاجة فى الموضوع ده تعرف شنو يا هشام

    الأستاذة الجليلة تعيمة خير السيد، طيبة برضو ورزينة وفاهمة زى أخوها، والدنيا دى كلها بتريدا إلا زول واحد بس

    تعرف منو؟

    الوالدة، الله يديها الصحة والعافية ويطراها بالخير

    كانت اصلو ما بتطيقها لأنها كانت بتفتكر إنو أبوى عايز يعرسها
    ابوى كان بقول ليها

    إنتى ما بتفهمى، نعيمة دى أختى، ونحن رضعنا سوا واتربينا سوا

    شفت سماحة الناس كيف يا هشام لما الفهم يكون كامل والعرفة تامة

    اتذكر فى واحدة من زياراتى لبيت عمنا عبد الحميد
    وفى واحدة من غرف الإستقبال كان فى طربوش عسكرى معلق فى الجدار بطريقة جميلة وتحت منو طوالى كان فى صورة لعمنا عبد الحميد أيام كان طالب فى الكلية الحربية

    انا قمت اتشالق وكان عندى حب استطلاع شديد عشان اهبش الطربوش ده واشوفو من قريب
    قمت طلعت فى تربيزة وقعدت اتناطا عشان انزل الطربوش، الطربوش والصورة وانا كلنا وقعنا والبرواز اتكسر وعمل صوت مزعج جدا

    الدنيا كان يوم جمعة وابوى برضو كان موجود عشان يسوقنى ونرجع سوا، واتذكر والله يا هشام زى كأنه الحدث ده قبل ساعات، العمة نعيمة وزوجة عبد الحميد وواحدة تانية ما تذكرها كويس، كانو قاعدين فى الضل فى الحديقة بعملو فى "كعك"
    اها الناس كلهم جو جارين عشان يشوفو الحصل شنو، لقونى أنا مظلوط فى يدى والبرواز مكسر والطربوش مجدوع فى الواطا

    طوالى ابوى وقع ليم فينى جلد، ودى أول مرة وآخرة مرة الوالد يدقنى فيها، تصدق

    عمنا عبد الحميد حمر ليك فيهو وجاط جوطة شديدة وقال لى أبوى

    ده شنو يا بابكر

    الأولاد ما بعلموهم بالضرب والجلد، لأنو الحاجات دى بتخلى جواهم آثار مش كويسه
    لازم يتعلمو ويفهمو عشان تانى يتذكرو كيف يتصرفو، كده ما ينفعش

    نفس الكلمات والله يا هشام لحدى اللحظة ترن فى اضانى زى كأنها قبل ثوانى

    شفت العرفة والفهم والذوق كيف

    وزولنا قال لى

    بالله شوف اللقاها العب ده

    الله يرحمك فى أعاليك السامقة يا عبد الحميد خير السيد

    كنت نموذج متفرد للإنسان ومعنى الإنسان

    وكيف يكون الإنسان
                   |Articles |News |مقالات |بيانات

08-01-2006, 03:54 AM

حيدر حسن ميرغني
<aحيدر حسن ميرغني
تاريخ التسجيل: 04-19-2005
مجموع المشاركات: 18402

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: شوفو العب اللقاها (Re: أبوذر بابكر)

    أخي الحبيب هشام

    مخاليق تعيسة


    وما أحزنني جداً هو حزف المداخلة السيئة المقصودة

    وإن كان القصد خيرا،ً فان تعرية امثال هؤلا المهوسين من الاهمية بمكان

    هداهم الله
                   |Articles |News |مقالات |بيانات

08-01-2006, 05:26 AM

يازولyazoalيازول
<aيازولyazoalيازول
تاريخ التسجيل: 02-05-2002
مجموع المشاركات: 10218

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: شوفو العب اللقاها (Re: حيدر حسن ميرغني)

    حيدر حسن ميرغنى

    أشكر تفضلكم الحضور والمشاركة معنا، ولا بد من إحقاق الحق لدحض العنصرية البغيضة التى عشعت فى أذهان الكثير من اهلى بالسودان الحبيب
                   |Articles |News |مقالات |بيانات

08-01-2006, 04:29 AM

يازولyazoalيازول
<aيازولyazoalيازول
تاريخ التسجيل: 02-05-2002
مجموع المشاركات: 10218

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: شوفو العب اللقاها (Re: أبوذر بابكر)

    وأنت أنت يا أبوذر ، أنت والله الإنسان بكل معنى الكلمة عندما قدرت الرجل وأوفيته حقه كاملاً وحكيت لنا حتى عن (شلاقتك) اللزيزة فى قفزك محاولا لم الطربوش والصورة والطربيزة الواقعة ومنظرك مخلوع وحس القزاز المكسر ، فهى صورة صادقة وبديعة والله ، والأصدق منها رد الرجل الحكيم لأبوك ، بعكس (الأحرار) الذين يجنحون لعقوبة الأطفال ، وضربهم بالكف حتى يسببون لهم الطرش والعاهات المستديمة باسم التربية ، وهم هم من يحتاجون لهذه التربية ، نظراً لعنصريتهم البغيضة

    تحياتى لتولوس على المتابعة الدقيقة والمشاركة الجميلة فى أى بوست خطه بنانى

    والتحية لمعشر القراء الشرفاء الذين ينادون بدحض العنصرية فى بلاد السودان ،

    والتحية لكل (عب) كانت هذه صفاته وأخلاقه ، فيا ليتنا نبلغ عشر معشار ما بلغوا من النقاء والطهر والشرف ، ونتشرف فى هذه الحالة أن ينعتنا الناس بصفة العبيد ، فكلنا عبيد لله ، ولا فرق بين عربى على اعجمى إلا بالتقوى ، والتقوى ها هنا ، داخل سويداء القلوب لذوى البشرة السوداء والقلوب البيضاء فهنئيا لكل (عب) كانت هذه صفاته وخصاله ونهج حياته ، وبئس كل إعرابى جلف ذميم لص محتال ومجرم يدعى الحرية وسموه فوق بقية البشر ، فكيف بالله يتأتى هذا السمو والروح مغموسة فى الوحل

    بئس الرفد المرفود
                   |Articles |News |مقالات |بيانات

08-01-2006, 05:07 AM

بكري الصايغ

تاريخ التسجيل: 11-16-2005
مجموع المشاركات: 19331

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: شوفو العب اللقاها (Re: يازولyazoalيازول)

    ....فـي الفـيلـم السـسينمـائي الامـيـريكـي الـمعـروف " خـمن من جـاء عـلي العـشـاء?" والـذي عرض بالعـديد فـي دور الـعـرض بالسـودان فـي سـنوات السـتيـنيـات، تـطـرق الفـيلـم صـراحـة وبلا مواربـةاو دس وجـهة نـظـر كـثيـر من الاســـرالامـيـريكية(البيـــضـاء) فـي موضـوع حـب وغـرام بنـاتهـن والشــباب الـمختـلف معـهـم فـي اللـون(اســـود افـريقـى، اسـمر من امـيريـكا اللأتيـنيـة، اصــفـر من اســيا)، وهـي نـظرة مـازالـت مـوجودة بشـدة فـي العـالـم،وتشـتد الازمـات العـنصـرية فـي الـمناطق الـريفيـةبصـــورة خـاصة. اخـتلـف مـع الكـاتب فـي حـكاية (شـوف الـعب لقـاها) ، فـكثـيرآ مـانقـول وعـندما نـجد شـخص ابـيض قـد حـصـل عـلي شـيئ كـبــير...( شــوف الـحــلــبـي لـقـاها!!!!) واقـصد بـكـلامـي ، ان صـاحـب كـل لـون مـعيــن يـعـايـر الاخـريـن الـمختلفـين معـة فـي اللـون والـسـحنة.
                   |Articles |News |مقالات |بيانات

08-01-2006, 05:31 AM

يازولyazoalيازول
<aيازولyazoalيازول
تاريخ التسجيل: 02-05-2002
مجموع المشاركات: 10218

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: شوفو العب اللقاها (Re: بكري الصايغ)

    بكرى الصايغ

    أحسنت بهذه المداخلة الثرة ، وأوافقك الرأى تماما

    تحياتى
                   |Articles |News |مقالات |بيانات

08-01-2006, 08:16 AM

رأفت ميلاد
<aرأفت ميلاد
تاريخ التسجيل: 04-03-2006
مجموع المشاركات: 7655

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: شوفو العب اللقاها (Re: يازولyazoalيازول)

    تعرف يا زول
    وأنا عب كبير
    إيه رأيك

    وصديق منزول العب شوات
    وقدا الشبكات

    العب طلع فى الكفر

    وحلب مدنى فاتوا عبيد الخرتوم

    بالله العب عرس ستو

    عب خطير

    تعرف يا هشام اللفظ أحيانآ فقط بحكم العادة
    وأحيانآ زم . ودائمآ السالبة تكون من الحسد
    أو سؤ التربية .


    لكن العنصرية هى (إستضعاف)
    جنس الى جنس
    فئه الى فئه
    دين الى دين
    حزب الى حزب
    شعب الى شعب


    ولا رأيك شنو ياعب

    تنظيرات عب جنجوم

    رأفت
                   |Articles |News |مقالات |بيانات

08-01-2006, 09:50 AM

عبد الله عقيد
<aعبد الله عقيد
تاريخ التسجيل: 09-20-2005
مجموع المشاركات: 3728

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: شوفو العب اللقاها (Re: يازولyazoalيازول)

    عليك الله شوف جنا ود عقيد اللقاها؟
    يازول علي الطلاق ود عقيد دا كان عندو حمارة بينقل بيها التراب.. وعلي الأيمان
    كان بيجي المدرسا ورداهو مخيت بي خيت دبارة من ورا..!!

    عليك الله شوف جنا شيخ الدين اللقاها؟
    ياخي ناس شيخ الدين ديل كانوا جيراننا، ديل ياخي ناس عادين خالص بس اولادم طلعو
    الكَفَر هسي دي..!!

    عليك الله شوف ابوذر بابكر اللقاها؟
    ياخي دا جدو كان عربجي، أي علي اليمين عربجي في السوق العربي، سديريتو مشرّطة..؟

    شوف العب دا بللاي، شوف ود أرب دا، شوف الحلبي دا، شوف الكيشة دا.........

    ألفاظ وعبارات، نسمعها كثيرا، وقد نتعايش معها، بل قد نرددها..
    مواقف لا تخلو منها أي مجموعة من البشر في أي موقع على الأرض
    تقال (سفاهة)، وتقال (فكاهة)، وتقال (بلادة)، وتقال (جهلا)، وتقال (عمدا) أيضا..

    واقع عشناه، ويفترض أن نعالجه بقدر ما استطعنا
    ولكن هل من الواجب علينا إدانته؟؟
    ماذا ندين.. وماذا نترك؟

    قاتل الله مفاهيم الخواجات التي جعلتنا نتمسك بقشرة الإدانة والترفع وإبداء المواقف
    للتهرب من أي تبعات.. وكأننا منبتين لا ننتمي لهذا العالم، وكأننا جئنا من كوكب آخر..
    وكأن الوعي الذي ساهم أهلنا في إكسابنا له جزاءه أن نلعنهم جهرة ونتبرأ منهم ومن
    أفعالهم حتى نبدو أمام الناس (فاهمين)..

    Quote: ومتناسين الأصل الزنجى لكل السودانيين الذى يجعل مننا جميعا عبيد فى نظر العرب والخواجات بل والهنود والاسيويين وحتى اللاتينيين

    ولكنك تناسيت يا هشام أننا (فعلا) ننظر للخواجات وغيرهم باعتبارهم أسياد
    ونبرر لهم ما ندين به أهلنا، وندين به أنفسنا..
    متناسين أن بين هؤلاء من هم عبيد وحلب وعرب ومتخلفين وكيش وسجم ورماد (حسب منظورهم).
    ألم تعايش العرب يا هشام.. فما هي نظرة بعضهم لبعض؟
    ألم تعايش الهنود يا هشام.. فما هي نظرتهم للكيرلا (كيرالا)؟
    وما هي نظرة الباكستاني للبنقالي؟ وما هي نظرة البنقالي للسيرلانكي؟
    ما هي نظرة التكارين في جدة للسودانيين يها هشام شيخ الدين؟
    ما هي نظرة سعوديي جدة، لسعوديي جيزان يا هشام؟ ألم تسمع عبارة (صفر سبعة)؟

    مع كل ذلك، قد أتفهم إدانتك للجلابة
    لأننا نتعرض لحالة هجوم تجعل كل شرور الدنيا متجسدة في هؤلاء الجلابة
    مما يجعلنا (بنلع) أي إساءة توجه للجلابة ولاد الحرام ديل
    ونسارع للتبرء منهم والاستغفار من ذنب ارتباطنا بهم
    لنكسب (شكرة) الأجناس الأخرى، التي لا تدري ما يدار باسمها وتحت رايتها

    وحسبنا الله ونعم الوكيل
                   |Articles |News |مقالات |بيانات

08-01-2006, 10:55 AM

أحمد أمين

تاريخ التسجيل: 07-27-2002
مجموع المشاركات: 3366

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: شوفو العب اللقاها (Re: عبد الله عقيد)

    شكرا يا هشام

    على فتح هذا الموضوع

    الذى يجب تناوله مرة ومرتين بل عشرة والف ومليون حتى يفهم القاصى والدانى خطورة هذه الافكار

    ولسبب بسيط لأن هناك شخص أو اشخاص كالاخ ود عقيد وماأكثرهم هنا فى السودان يبررون عنصرية السودان ب
    Quote: ما هي نظرة سعوديي جدة، لسعوديي جيزان يا هشام؟


    المفارقة فى المقارنة وأننا لم نسمع عن دم سائل حتى الركب فى السعودية ولم نسمع بعشرات القرارت من مجلس الامن لتنقذ سعوديى جدة من عنصرية سعوديى جيزان أو العكس

    الذى حدث عندنامهول فهى عنصرية فى اللفظ والقول ( وفى هذه نتشابه مع كل الذين ذكرهم) لكننا كسودانيين لم نقف عند ذلك بل أستخدمنا الة قمع الدولة من جيش وبوليس وجنجويد لتكريس هذه المفاهيم العنصرية وهنا يكمن الفرق (والمشروع الحضارى الذى بشرت به الحركة الاسلامية فى السودان هو قمة ماوصلت اليه العنصرية فى السودان" ونتائجه حروب فى كل الاتجاهات لكن هذه لا يهم عند بعض الذين يفضلون الايدلوجية على البشر حتى لو فنوا جميعا.
    لذلك المانيا بعد الحرب العالمية الثانية كانت من أكثر الدول تشددا تجاه العنصرية لأنها تعرف ويلاتها ومافعله نظام هنلر، نحن نعلم ويلات العنصرية السودانية وما أقترفته فى حق هذا الوطن بتالى محاربتها بكل أشكالها هى واجب كل من يحرص على السودان كوطن.

    (عدل بواسطة أحمد أمين on 08-01-2006, 11:09 AM)

                   |Articles |News |مقالات |بيانات

08-02-2006, 02:06 AM

يازولyazoalيازول
<aيازولyazoalيازول
تاريخ التسجيل: 02-05-2002
مجموع المشاركات: 10218

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: شوفو العب اللقاها (Re: أحمد أمين)

    رأفت ميلاد
    عبدالله عقيد
    أحمد أمين

    قام ثلاثتكم بعرض رايه وطرحه بشجاعة ، ولكل طريقته التى تستحقون عليها بجدارة ماجستير الأدب العالى

    سأعود لكم الثلاثة ، فقط أريد إعطاء المزيد من الزمن للسادة القراء والعضوية لمزيد من المشاركات

    تحياتى على الطرح الجميل
                   |Articles |News |مقالات |بيانات

08-02-2006, 02:08 AM

bob
<abob
تاريخ التسجيل: 03-03-2002
مجموع المشاركات: 3353

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: شوفو العب اللقاها (Re: يازولyazoalيازول)

    عشان كدا لازم تكــون هنا
                   |Articles |News |مقالات |بيانات

08-02-2006, 02:14 AM

يازولyazoalيازول
<aيازولyazoalيازول
تاريخ التسجيل: 02-05-2002
مجموع المشاركات: 10218

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: شوفو العب اللقاها (Re: bob)

    شكرا يا بوب

    تحياتى

                   |Articles |News |مقالات |بيانات

08-02-2006, 02:27 AM

الصادق صديق سلمان
<aالصادق صديق سلمان
تاريخ التسجيل: 07-11-2006
مجموع المشاركات: 4000

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: شوفو العب اللقاها (Re: يازولyazoalيازول)

    عمي هشام

    انشاء الله ربنا يجعل كل صباحاتك بيض وطيب
    وكل شيء طيب بطيب حبيبنا محمد رسول الله صلى الله عليه وسلم.

    يا عمي نحن نعمل شنو عشان نزيل هذه المفاهيم من عقول أجمل
    بشر على الكرة الأرضية (السودانيين) ومادام انت يا عمي سوداني
    فهذا يعني أنهم أجمل بشر وأطيب بشر.

    ماذا نفعل لنزيل هذا الفهم الخاطيء من عقول أهلنا

    أبوفتحية
                   |Articles |News |مقالات |بيانات

08-02-2006, 02:32 AM

يازولyazoalيازول
<aيازولyazoalيازول
تاريخ التسجيل: 02-05-2002
مجموع المشاركات: 10218

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: شوفو العب اللقاها (Re: الصادق صديق سلمان)

    إبنى الصادق

    هنالك الكثير الذى يمكن عمله ، شوف بالله مداخلات الشباب الفوق ديل عقيد ورأفت وأمين ، والله من شدة الدهشة ما قادر أرد عليهم

    تحياتى
                   |Articles |News |مقالات |بيانات

08-02-2006, 02:58 AM

Haytham Abdulaziz
<aHaytham Abdulaziz
تاريخ التسجيل: 05-28-2006
مجموع المشاركات: 2854

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: شوفو العب اللقاها (Re: يازولyazoalيازول)


    الأخ العزيز هشام .. عاطــر التحــايــا،،

    لك التحية و أنت تتطرق لهذا الموضوع الحيوي و الذي يعتبر من غذاؤنـا اليومي من تصبح لي تمسي في القشران (السودان) و طبعا معظم من يطلق هذه العبارات ليس الشماليين فقط بل تجدها عند بقية أهل القشران لبعضهم البعض و على العكس نجد النبزة المضادة لتلك و هي:

    شوف العربي العفن دة ... شوف العربي اب سروال مقدود كما قال أخونا أبوحراز في بوست ظاهرة الموبايل ... عمومـا مثل تلك الألقاب أعتقد انها نابعة منذ القدم و توارثنها من أجدادنـا و أسلافنا في العصور السابقة لكــن، كيف يمكن لنا الخلاص من هذه النعرات الضيقة و التي لا تقدم بل تؤخر تطورنا للوراء ...

    و كما ذكر الأخ عبدالله عقيد هذه العادة ليست منتشرة في القشران فحسب بل في معظم بقاع العالم و مثالاً لذلك اللاعب الكاميروني إيتو عندما غضب من انصار فريق ريال سرقسطة و شبهوه بالقرد اها النقول ليك حاجة (القرد دي رقصة طالعة موضة في القشران و الشعب السوداني كلو برقصا ... جب جب جب) و ماتنسى منتخب قارة أفريقيا الدولي (فرنسـا) و نجد هذه من حكمة الله كما قال تعالى في هذه الآية:

    (يايها الذين آمنوا إن خلقناكم شعوباً و قبائل لتعارفوا إن أكرمكم عند الله أتقاكم ... صدق الله العظيم) و كذلك الآية:

    (يا أيها الذين آمنوا لايسخر قومٌ من قومٍ عسى أن يكونوا خيراً منهم ولانساءٌ من نسآءٍ عسى أن يكن خيراً منهن ولاتلمزوا أنفسكم ولاتنابزوا بالألقاب بئس الإسم الفُسُوق بعد الإيمان ومن لم يتب فأُؤلئك هم الظالمون) الحجرات -الآية (11)

    كذلك لا ننسى مقولة سيدنا عمر بن الخطاب على ما اعتقد متى إستعبدتم الناس و قد ولدتهم امهم احرارا عندما كانت تجارة الرق متفشية في ذلك العهـــد ... يعني المسألة قديمة قدم التاريخ..
    و نسأل الله ان يتوب علينا و ان يغفر لنا خطايانا ... ربنا تب علينا إنك ان التواب الرحيم...

    كل الشكـــر و مقيـال عـافيــة،،،،

    هيثـــم،،،،،
                   |Articles |News |مقالات |بيانات

08-02-2006, 03:29 AM

امير عوض الجمري
<aامير عوض الجمري
تاريخ التسجيل: 04-25-2006
مجموع المشاركات: 2560

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: شوفو العب اللقاها (Re: يازولyazoalيازول)

    هشام ازيك وكيف اخبارك

    تعرف يا هشام في ناس حتى (عب) و (فرخ) شايفنها كتيرة الواحد يقول ليك شوف (الفريخ) ده وللا شوف (العبيب او العبيد) ده ..

    ووالله يا هشام عندنا قريبنا شدييييييد بدون ذكر أسماء عشان ما نسير النعرة العنصرية السخيفة دي .. المهم قريبنا ده لو في واحد عمل ليهو حاجة كويسة يقول ليك : يا سلاااااااام ياخ والله لكن ده (عب جيّد) خلاص .

    لكن بيني بينك نحن كلنا ( الأحمر والبني والأسود) كلنا عبيد ونتمنى ان نكون (عباداً صالحين) ..


    ده غير عبوديتنا الأخرى !!!!!!!!!!!!!!!

    مودتي يا جميل ومواضيعك شيّقة وحساسة وتمس ضمائرنا اجمع
                   |Articles |News |مقالات |بيانات

08-03-2006, 10:19 AM

بكري الصايغ

تاريخ التسجيل: 11-16-2005
مجموع المشاركات: 19331

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: شوفو العب اللقاها (Re: يازولyazoalيازول)

    الاخ الـعزيــز

    يـــازول

    اســمح لــي أن ارجـــع الــي مـوضــعك الشــيـق مـرة أخـري خـصــوصـآ وبـعد إطــلاعــي عـلي مقــالة بـثت من الـموقـع الالـكتـرونـي الـمعـروف ( إيـــلاف ) بتـاريـخ اليــوم 3 اغـسـطس 2006، تحـت عـنـوان ( البشـــرة الســوودانيــة أجــمـل ولــكن الـثـمن بـاهـظ )، وســأورد نـص الـخـبـر تـمـامآ كـما جـاء فـي الـموقـع،وقــد تتـســاءل وتقــول مـاعلاقـة خــبـر الـمـوقــع بـمـوضــوعــي!!!!، ويــكـون ردي:

    1ـ اصــبح هــناك هــوس عـند الالـمان والـذيـن اعـيـش بيـنهـم لاكـثـر مـن عـشــريـن عـامآ،وان يـتزوجــوا مـن جنســيات غـيـر اوروبـية، واصـبحــوا يفـضـلـون بصــورة خـاصـة ســـمراوات أمـيريـكااللأتيـنيــة والاثــيوبيــات ومـن جنـسـيات اخـري يـحمـل آهـلهـااللــون الـداكــن، واصــبحـت الـصـحف وتكـتب دومـآ عـن آخــبار الـمشـاهـيـر الالـمان الـذيـن تـزوجــوا مـن اجنـبيــات كلاعــب التـنس الـتنـس الـمعـروف بـوريـس بيــكـر، ولاعــبـة التنـس الـمعـروفة آيـضـآ اشــتيـفي غـراف، ووزيــر الخـارجـيـة الســابق الذي تــزوج إيــرانيـــة، ولاننـسـي ان ابـن هـلمـوت كــول الـمستشـــار الالــمانـي الســابق قـد تـزوج بـتـركـية،والـقـائـمة طـويـلة تشـــمل أســماء بعـض الســـودانيـات والائـى حـصـلن عـلـي ازواج لـهـم مكـانة رفيـعة فـي الـمجـتمـع الالـمانـي ولـم يعـائـرهـم احــد بـأن زوجــاتهـم يحــملـن اللـون الـداكـن او الاســـمـر، وفـي الـمقـابل هـناك عشــرات آلآلآف مـن حـالات الـزواج بيــن الاجــانب الـمقـيـميـن فـي الـمانيـا والفتيـات الالـمانيـات ،ولااحـــدآ يعــبأ بالاخــريـن ولاتســمع شـوف الخـــواجـة او الـعـب لقــاها،( تسـمعـهـا فقــط من الـعرب والاجــانب الـوافديـن حـديثآ ولـعبت الغـيـرة والحـسـد فـي قـلوبهـم)!!!!!!.

    2ـ مـوضـوع( الـعب لـقاها )،وبـعد إسـتفسـاري مـن دكــتور عـلـم نفـس بجـامعـة بـرليــن، إنهـا مـوجــودة آيـضآ عـنـد الـحيـوانات والـطيـور، ومـن هــنا جــاءت الـمـقولـة الـمعـروفـة عـالـمـيآ ( الـطيـور عـلـي أشـكـالهـا تقـع!!!!.

    3ـ يـأخـذ هــذا المـوضـوع،( الـعب لـقـاها) احيـانآ طـابـع العـنـف واـحـروب الـقبليـة فـي ادغـال الامـازون واواســط جـنـوب آفـريقيـا،و...(كيــف الاجنبـي الـملـون ويــأخـذ بنتــنا???!!!!.




    البشرة السودانية الفاتحة أجمل لكن الثمن باهظ
    GMT 17:00:00 2006 الأربعاء 2 أغسطس
    محمد عباس



    --------------------------------------------------------------------------------


    محمد عباس من الخرطوم: في صالون تجميل ملكة الجمال بالعاصمة السودانية الخرطوم تقول خبيرة التجميل سلمى اوا انها لا تستطيع أن تفهم لم يرغب الكثير من زبوناتها في تفتيح لون بشرتهن. وقالت "مئة في المئة من النساء اللاتي يأتين الى هنا يفعلنها... الناس يعتقدون أن البشرة البيضاء أجمل. في رأيي البشرة السمراء أجمل. لا أدري من التي يردن أن يبدين مثلها."

    في دول كثيرة في افريقيا والشرق الاوسط واسيا تعتبر البشرة الفاتحة أجمل ويعتقد أن النساء ذوات البشرات الافتح أغنى واكثر تعلما واكثر جاذبية.

    هذا الموقف أدى الى زيادة كبيرة في استخدام منتجات تفتيح البشرة في السودان تلك الدولة الشاسعة التي تمزقها الحرب حيث للون البشرة دلالات سياسية.

    رشا موسى التي تعمل خادمة تخرج كريما لتفتيح البشرة من حقيبة يدها وتقول "أضعه على وجهي حتى يضيء. السودانيون يرون اللون الفاتح أفضل من الداكن. أعتقد أنها عقدة نعاني منها."

    وأضافت "الناس يحكمون عليك هنا من لونك... اذا رأوني ورأوا واحدة غيري ذات بشرة فاتحة مرتدية نفس الملابس فسيقولون انها تعيش حياة مريحة وانني امرأة فقيرة."

    وتستخدم ملايين النساء في أنحاء افريقيا الكريمات والصابون التي تحتوي على مواد كيميائية مثل الكينون المائي لتفتيح لون البشرة. لكن استخدام هذه الكريمات يمكن أن يؤدي الى أضرار على المدى الطويل.

    ويقول اختصاصيو الامراض الجلدية ان الاستخدام المطول للكينون المائي والمنتجات ذات القاعدة الزئبقية التي توجد ايضا في بعض الكريمات تدمر الطبقة الخارجية التي تحمي البشرة. وفي نهاية المطاف تصاب البشرة بحرق أو حكة أو بثور وتصبح شديدة الحساسية لضوء الشمس ثم تصبح أغمق من قبل.

    الاستخدام المطول قد يضر بالاعصاب بل وربما يؤدي الى فشل كلوي او سرطان في الجلد مما يسبب الوفاة.

    وقال طبيب في الخرطوم "هذه مشكلة سيئة للغاية. أحيانا تقتل المريض... هذه أنباء سيئة للغاية."

    وأضاف الطبيب أن عدد النساء اللاتي يترددن على قسم الامراض الجلدية ممن يعانين من مشاكل بسبب مستحضرات تفتيح البشرة وصل الى واحدة من كل أربع مريضات يترددن على القسم.

    وفي الخرطوم تعرض كريمات تفتيح البشرة في أماكن بارزة بالمتاجر وفي اعلانات على جوانب الطرق. وتعد المنتجات التي تعرض على القنوات التلفزيونية العربية بأن هذه الكريمات ستجعل المرأة اكثر ثقة وتألقا.

    وفي أحد الاعلانات تقدم مذيعة تلفزيونية لم تكن ملحوظة من قبل تقريرا مذهلا عقب استخدام كريم التفتيح فيقول زميلها الوسيم الذي كان يتجاهلها فيما سبق "رائع... شو عندك الساعة أربعة."

    وفي اعلان اخر تغادر مغنية المسرح بعد أن أصيبت برهاب مواجهة الجمهور لكنها تعود بعد تفتيح بشرتها وتؤدي أداء رائعا.

    وفي متجر (مودرن ستايل) للعرائس يزين عدد كبير من كريمات تفتيح البشرة مكتب استقبال الزبائن. الى جواره استديو للتصوير الفوتوغرافي يعرض صور زفاف لنساء بشراتهن فاتحة للغاية.

    سميرة مجر مالكة (مودرن ستايل) وهي مصرية ربطت بين التفضيل المتزايد لفستان الزفاف الابيض وهو ليس تقليديا في السودان والرغبة في بشرة أفتح.

    وأضافت "مزيد من السودانيات يردن فساتين زفاف بيضاء لهذا يردن أن يبدين مثل المصريات والاوروبيات.

    "أعتقد أنها عقدة نقص. يعتقدن أنهن اذا كانت بشراتهن بيضاء فسيصبحن أجمل."

    وتقول مجر ان بعض النساء لجأن للزئبق والكريمات القوية التي تصرف بوصفات طبية والتي لا تستخدم في أغراض تجميلية مما يشوه وجوههن في يوم الزفاف.

    وأضافت مجر أن الطرق الطبيعية لتفتيح البشرة تستخدم منذ قرون لكن في السودان بدأ استخدام المنتجات التي تحتوي على مواد كيميائية في الثمانينات وازدهر منذ ذلك الحين.

    وقال الطبيب بمستشفى الخرطوم الذي طلب عدم نشر اسمه ان الكريمات التي تستخدم الان يمكن أن تسبب تهيجا واصابات وبقعا واكزيما وان معظم هذه الكريمات تحتوي على مركبات عضوية.

    وقال الطبيب انه بدلا من طرح سؤال لماذا تستخدم النساء الكريمات يجب أن نسأل الرجال لماذا يفضلون البشرة الفاتحة.

    وأضاف "هنا يريد كل الرجال مجالسة او الزواج من نساء فاتحات البشرة. اذا أراد أي رجل أن يتزوج يقول ان اختياره الاول للمرأة ذات البشرة الفاتحة... لماذا؟"

    وفي الوقت الذي ينظر فيه الى السمرة التي تكتسب من التعرض للشمس على أنها رمز للمنزلة الرفيعة في الغرب فان البشرة الداكنة تميز المرأة في افريقيا والشرق الاوسط واسيا على أنها تنتمي الى طبقة الفقراء الذين ليس امامهم خيار سوى الكد تحت الشمس الحارقة.

    وفي السودان اكبر دولة افريقية منح اكثر من عقدين من الحرب الاهلية بين سكان الشمال الافتح بشرة وسكان الجنوب أصحاب البشرة الاغمق للون البشرة دلالات مشؤومة بحيث يصبح لأدق الاختلافات في درجات لون البشرة معنى.

    ويتولى سكان شمال السودان ومعظمهم من المسلمين من أصول عربية زمام السلطة تقليديا. وتقتسم حكومة ائتلافية من الشمال والجنوب السلطة حاليا بعد ابرام اتفاق للسلام العام الماضي.

    وخلال الحرب الاهلية كانت درجة لون البشرة تعني عادة الفرق بين الموت والحياة. سكان الجنوب وهم تقليديا من غير المسلمين يشكون من التحامل ضدهم خلال أنشطة الحياة اليومية وبعض سكان الشمال يزعمون سرا التفوق على مواطنيهم أصحاب البشرة الاغمق من ذوي الاصول الافريقية.

    رويترز





                   |Articles |News |مقالات |بيانات

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de