فى صباح الجمعه والناس كانت مجتمعه .. اتت زينب والعرش .. وخلت عيون ابوها ماتنامش !!

(عدل بواسطة على محمد على بشير on 04-15-2006, 02:05 AM)

Quote: طالما قلت البت زينوبة دي عسل معناها قطع شك ما بتشبه الزول الفي الصورة ده

دا اكيييييد

Quote: يا زول الف الف الف مبروك وتتربى في عز ابوها وامها إن شاء الله ..

اللهم امييييييييييين

Quote: رسل لينا كوم اللحمة في بيت العزابة ..

اللحمه للناس الفى اللسته الفوق دى وبس
انتوا بنعرض ليكم صورة الخروف هنا وبس

Quote: ألف حمد لله على سلامة المدام وألف مبروك البنية تتربى فى عزكم يا سيدى وربنا يجعلها من بنات المستقبل المستورات والعاملات لخير وطنهن ودينهن واسأل الله ان ترى بناتها وبنات بناتها كمان وربنا يديكم طولة العمر والصحة والعافية وتسعدوا بيها وبى اخوانها يلا فى انتظار الحلاوة ..... ولا اقول ليك المرارة عدييييييل كده ..

قرشو

جزاك الله الف خير ياراجل يازوق
واشكرك كتير على الوصيه فى البوست السابق
بس انتا عارف ياقرشو لما قالوا لى المولود بنت
ضربت لخمه قلت قرشو قال اذن فى الاذن اليمين واقيم
الصلاه فى الاذن الشمال للمولود والا العكس , ودا كله من
الكبكبه

Quote: أنا ما لقيت البنت إلا بعد ما تعبت أربع أولاد صر ربنا يبارك لنا فيهم

siddieg derar

ربنا يخليهم ليك ويسلمن من كل شر

Quote: غايته قدر ما حبينا فى الجهل وفى عز الشباب ما حصل شعور غريب زى دا

يعنى البنوته العسل دى بقت حبيبه ابوها
واكلت الجو من الاولاد ,, موش

Quote: ربنا يحفظها ليكم

اميييين يارب
ويحفظ ليك العندك

Quote: ابو علوة عزيزى.. يخليها ليك كده وتشوفها زى ما انت عايز تملا بيها عين الشمس واكتر.. ونفرح بيها كده عالية المقام.. ويخلى ليك الاسره ويخليكم لينا.. يارب...

اميييين ياود اخوى
وعقبال عندك

Quote: بس موضوعنا القديم داك شكلى حانط... انا داير احضر اسى يعنى مشوارى طويل خليها تشوف ود حلال غيرى.. انا ذاتى اسى لوقلت عايزها بت كان جاء ولد ..شفت كيف يامان انا عوارضى كتيره ومنحوس بتك دى تقوم تدفنها بالحياة ساى معاى.. فخليها تجلى المنظر.

يعنى شنو يامتز ود اخوى
نفهم من كلامك دا انك نطيت وكدا

بس ياعيب الشوم عليك
تخلى قدحك مكشوف وتمشى تغطى قداحة الناس

Quote: يامان انا عوارضى كتيره ومنحوس بتك دى تقوم تدفنها بالحياة ساى معاى..

.

Quote: يعنى لو عايزين ليها الشقا ماعندى مشكله؛ بس الننتهى من التحضير والدكتوراه

معتز

شوف .. انا شغل اللوع واللوز واللف والدوران حق اولاد الزمن دا مابينفع معاى
لو داير ( ذينوبه ) من اسع خليك واضح وتعال فى وضح النهار وعلى رؤوس الاشهاد
فى المنبر دا واطلبا من ابوها عديل كدا .
ماذا والا فالبنت متقدمين ليها خطاب كتير جدا غيرك , وامبارح مكلمانى تماضر
بت شيخ الدين وطلبتا لى ولدا الكبير وعمك قرشو برضو قال دايرا وكتير ناس فى
المنبر دا طالبنها للعرس .
فحدد موقفك وماتوقف سوق البنت

Quote: يعنى لو عايزين ليها الشقا ماعندى مشكله؛ بس الننتهى من التحضير والدكتوراه

.

Quote: مبروك الأمورة زينب والحمد لله على سلامة أمها

الله يبارك فيك اخى محمد هارون

Quote: وما تنسى ترسل لينا نصيبنا من السماية بالـ D.H.L

حاضر ياسيدى
ح ارسل ليك صورة الخروف بال D.H.L

Quote: الف حمدلله علي السلامة ومبروك البنية ان شاء من رفعة لواء الوطن

Quote: الأخ أبو زينب ألف حمد لله على السلامة والبنت مبروكة جعلها الله من الصالحات وحفظها الله وإياكم

Quote: الله يا على الف مليون حمدا لله على سلامة المدام ومبروك زنوبة وربنا يديها ويديك الصحة والعافية إنشاء الله

عمران حسن صالح

الله يبارك فيك
واهو جبمالكم عروسه لولدكم
وشكرا ليك يا ابو محمد

Quote: اقترح عمر الفاروق أرسال كوم اللحمة للعزابة!!! ماعليك أرسلها لي وأنا بعزم ليك المقاطيع ديل تمبس ومعتصم وعمر وحميدة ... الخ

الشباب ديل خلينى ارسل ليك ليهم صورة الخروف

Quote: الاسم : زينب المعنى : شجرحَسَن المظهر طيِّب الرائحة ، المرأة السَّمينة القصيرة ، والجبان . لا ادري لماذا احب هذا الاسم كثيرا ؟ ليس لانه اسم (جدتي) فقط لكن شايف انه اسم جميل تخيل زينب وسط لما ولنا ورنا والله في شوفي اجمل منها كلها ما قولكم دام فضلكم ؟