|
Re: آخر الزمن 00 شيوعي اتقلب فكي عديل وله مزار ودراويش (Re: ابوحراز)
|
بعد اسبوعين ركب معي واحد من شباب هذه القرية وحكيت له القصة فقال لي : والله إنت خارج الشبكة فقلت له : كيف يعني ؟؟؟ فقال لي القصة ليست بما رويت لك فهناك رواية اخرى وقال لي : لهذا الشيخ أخ شيوعي أحمر زي الدم ولايتراجع عن كل المباديئ التي آمن بها فجأة مات هذا الشيوعي وكان قد أوصى أبناؤه بان يدفنوه في قبة جده والتي فيها أخونا بتاع الكاراتيه وهو شقيق الشيوعي طبعاً من حقه لأنو { القبة } ملك لهم !!! وقاموا بعمل ضريح جديد داخل القبة وعليه غطاء من سندسٍ أخضر واستبرق !!! ورقد أخونا الشيوعي الثرى أتمنى أن لايكونوا قد دفنوا معاه جريدة الميدان أظرف شيء كتبوا عليه الشيخ فلان بن الشيخ فلان بن الشيخ فلان !! ومازال الحديث لمرافقي وقال : الغريب أن اغلب الزوار بدأووا يزورون الشيخ الشيوعي ويتبركون به ويغدغون عليه بالزيارات والأموال والهدايا بينما الشيخ الياباني اصبح موضة قديمة لهذا يقال ان هذا الشيخ غضب ولما سكت عنه الروع جر رأس أخيه اليه وقام بإنزال الصاعقة ونسف { البنية } بكل مافيها من أخضر وأحمر !!!! محققاً المقولة الشهيرة { عليّ وعلى اعدائي } بالله هذا الخرافات تحدث في 2006 بينما المركبات الفضائية تجوب الفضاء بحثاً عن ملعقة غبار من زحل وعطارد !!! السؤال : لماذا مازال بعض السودانيين يؤمنون بمثل هذه الخرافات ؟؟ بعدين ماتقولوا ابوحراز اتقلب أنصاري سنة والله انا اسمع وردي وأحمد المصطفى بمزاج ولا ابارح هيفاء وهبي واليسا رغم أني أكره نانسي عجرم !!!
| |
|
|
|
|
|
|
Re: آخر الزمن 00 شيوعي اتقلب فكي عديل وله مزار ودراويش (Re: Tumadir)
|
سلام كتير لأستاذتنا تماضر أول شيء يوم قالوا حاتجي في تلفزيون الشارقة حرسنا التلفزيون ومسكت الريموت عندي وقلت للعزابة الليلة ماتقولوا الجزيرة او العربية الليلة الشارقة وبس والله انتظرت اليوم كله وماشفناك الا لمن الشيخ القاسمي القى كلمته لك التحية وشكراً على المشاركة القيمة وشكراً لطلتك ولو عارف البوست دا بيخلق مثل هذا الابداع كان من مدة أنزلته طبعا لي أكثر من شهر ماشاركت بموضوع فعالاً التغيير حلو وجميل بحب التغيير في حياتي بصورة عامة الا ست النفر تغييرها حايكون صعب لأنها إمراة يتسلقها الياسمين ولها قلب ليس كقلوب البشر بقينا نسمع الكلام 00 رايك شنو قال ابوحراز قال !!!
| |
|
|
|
|
|
|
Re: آخر الزمن 00 شيوعي اتقلب فكي عديل وله مزار ودراويش (Re: ابوحراز)
|
ده كله من محمد سيد احمد
اعلن عنى فى اليوم الغلط ولما جابونى فى التلفزيون زوووول شافنى مافى..شافونى ناس الشارقة وعرفونى فى الشارع "...كان ما عجبك
المهم الحلقة ياهادى فى ايدى ..
ما قدرت انزلها ولا بعرف انزل اى حاجة ياريتنى لو كنت لؤى او راكوبة كنت فرجتكم على كل المهرجان
آسفة على ريموتك الضاع "حاسى الفاضى" يا عملات بت اهلى..تقصد "حاصل فاضى"
| |
|
|
|
|
|
|
Re: آخر الزمن 00 شيوعي اتقلب فكي عديل وله مزار ودراويش (Re: بدرالدين شنا)
|
Quote: هو دا بوست شنو الفيهو تماضر أول زول دا؟؟؟ |
والله كلامك صاح
الليلة عندى ليكم زهجة كده من النوع النادر لو لميت فى البورد ده اخستكه ظاهر وباطن
انت قايلنى ما بزهج؟
على بالطلاق - ياعملات كاشا- انا زهجى ده لما يدفر كدة ..بس تقول الصاقعه الوقعت فى حلة ناس ابو حراز دى
اعملو حسابكم على بوستاتكم...
ولا دسوا الباسوورد..
انا الصعب انا المتكل بالشعب انا ب قميصا خشب انا الشافوه خلوه
انا ماشة الشغل
| |
|
|
|
|
|
|
Re: آخر الزمن 00 شيوعي اتقلب فكي عديل وله مزار ودراويش (Re: بدرالدين شنا)
|
قرات بوستاً جميلاً قبل قليل يتحدث عن اهتمام بعض الشيوخ بتدريس القرآن واشعال نيران القرآن على مدار اليوم 00 انه شيء رائع جداً وجميل أن تقف مع الضيفان والذين يأتون لحفظ القرآن وتطعمهم يومياً وبمثل هذا العدد الكبير إنه انجاز يفوق التصور والخيال 00وياليت لو يتجه كل الناس لتعليم القرآن وعلومه بدلاً من هذه الدروشة التي لافائدة منها 00 ولكن لدي اقتراح أتمنى ان يكون مقبولاً فقد ذكر أخي الكريم أن { الكسرة } لم تنقطع ولايتم مد المسيد بأي دعم وإنما هي هبة ربانية أو معجزة كما يقول العامة من الناس 00 إذن معنى ذلك فإن الدقيق متوفر بكثرة وهو الشيء الذي يؤدي الى عدم انقطاع الكسرة عن المسيد 00 اذن لماذا لانستفيد من هذه الخاصية وهذه المعجزة الربانية طالما أن مصدر الكسرة متوفر بكثرة لماذا لايتم إطعام الكثير من الجياع في مختلف أنحاء السودان ؟؟ الا يمكن أن نأخذ كل يوم ثلاثين أو اربعين شاحنة دقيق من هذا الدقيق الذي يمطر من طاحونة السماء لتوزيعه على المحتاجين ؟؟؟ 0 زوج أختي يحتفظ بعينة كسرة داخل جراب منذ 15 عاماً لا أدري من اين أتى بها ودائماً يقول لنا : من يأكل قطعة منها فإنه لايجوع أبداً على طريقة من يشرب من نهر الكوثر لايظمأ !!! والله هو بياكل في الفطور خمسة عيشات !!!! قال لايجوع قال !!!!
| |
|
|
|
|
|
|
Re: آخر الزمن 00 شيوعي اتقلب فكي عديل وله مزار ودراويش (Re: بدرالدين شنا)
|
الأخ بدر الدين شكراً ليك كتير وياريت نكون من ناس الكوميديا تقولوا كوميديا هسي لو حبينا الواحد يتلم على فرقة مسرحية تقولوا عاوزين الجنس اللطيف المهم المشكلة ما في حلتنا بتاعت الصواعق المشكلة حلة قريبة من عندنا ديل بيدفنوا موتاهم على بعد خمسين كيلو لأنو قريتهم لحد الآن مافيها شيخ مدفون عندهم واقرب حلة فيها شيخ على بعد خمسين كيلو متر وكلمانقول ليهم أها ابدوا ادفنوا الزول دا هنا يقوم يقولوا ليك 00 لا بتاكلوا الكلاب تصدق لحد قبل سبعة سنوات ماعندهم مسجد !! عليك أمان الله { الجمعة } زي السبت والأحد ماعندها اي فرق عندهم لكن أخيراً تم حل مشكلتهم وذهبوا لأحد الشيوخ وشكوا له من عملية دفن موتاهم وأنهم يعانون الكثير من المشقة في ذلك وقام الشيخ جزاه الله خيراً وأحسن اليه قام باعطائهم { درويش } أحد حيرانه وقال لهم : لو الحوار دا مات أدفنوه في القرية وبعديها تدفنوا موتاكم معاه الحوار ليهو عشرة سنوات معاهم ولحد الآن ما مات !! قال موتاكم قال !!!
| |
|
|
|
|
|
|
Re: آخر الزمن 00 شيوعي اتقلب فكي عديل وله مزار ودراويش (Re: ابوحراز)
|
اولا انا انا جاى اشوف "الزميل" الفكى ده قصتو شنو , احتمال يكون حل "القصة" كلها فى يدو , بعد الحالة الوصلنا ليها دى دايرة فكي عديل , وحكاية ازرق طيبة طلعت مكنة mscاوية ساكت. ابوحراز شفت الناس حالتا بقت صعبة كيف, المهم يكون فى فكى حاصل صينى , شيوعى ,تايوانى , مولف كلو ما مهم. تتخيل الفكى ده انت جبت ليهو و لى روحك الهوا, بعد شوية ممكن يجوك ناس يبلعوك كلامك ده , كيف تقول عن الزميل انو خرافات , انت ما قريت وثيقة الحزب عن "الاشتراكية و التحول الفكووى"!!! يا زول احسن تتخارج من بوستك ده سريع , بيعو لى خدر ...
عاين الممثلة دى كمان
Quote: شيوعى فكى؟؟
ده فكى شنو ده؟ فكى شيوعى؟؟ ده شيوعى شنو ده؟؟ |
انت لا شيوعية لا فكية ... الحشرك هنا شنو.. واحد قال للتانى: داك شيوعى , قال لى عرفتو كيف, قال لى : شفتو واحد تانى قال للتانى التانى: عباس عندو فلجة, التانى التانى قال لى: وين?
هسة شنا دفعة الوالدة فى الحج غلطان عليك
Quote: هو دا بوست شنو الفيهو تماضر أول زول دا |
بوستات اخر زمن...
نعتزل يعنى انحنا يا البدرى حتى تماضر بقت تجى ناطة توووووووش دايفون
| |
|
|
|
|
|
|
Re: آخر الزمن 00 شيوعي اتقلب فكي عديل وله مزار ودراويش (Re: فيصل محمد خليل)
|
اها يافيصل محمد خليل عندنا واحد محاسب وكان عاوز ينقل كفالة من الكفيل لمؤسسة ستمنحه راتب مغري جداً أها حاول كل المحاولات وباءت بالفشل وسمع عني وأتى يشكو مشكلته وكانت لي علاقات جيدة مع المسئولين المهم اقنعت الكفيل بالتنازل وذهبت معه للجوازات وأكملت له كل أوراقه واجراءاته واستلم عمله الجديد خلال ثلاثة ايام قومي يازوجته امشي للشيخ عندنا هناك طوالي أعطته مائة الف عليك أمان الله قالت شنو : عشان سهلت لي زوجي العمل الجديد والشيخ النصيح طوالي لهف القروش بالله عليك الله لو في شوية عدالة المائة الف دي تمشي لشيخ الأغبش وللا تمشي لشيخ { ابوحراز }
| |
|
|
|
|
|
|
Re: آخر الزمن 00 شيوعي اتقلب فكي عديل وله مزار ودراويش (Re: peace builder)
|
peace builder سلامي اليك والى الرجل الذي جاء يحمل السلام واتمنى من كل قلبي أن يحافظ الوطن على هذه الهبة من السماء السلام للرجال والنساء والأطفال والأرامل والأمهات الثكلى اتمنى أن يظل وطني بلا حروب وبلا جروح نازفة يكفي ما بنا نريد ان نعيش كما كنا أخوة متحابين نريد ان يكون هذا التنوع الذي يحظى به السودان في الثقافة واللغة واللون نريد أن يكون شيئاً يميزنا عن بقية كل العالم نريد أن نحترم أديان بعضنا وأن نعيش في هدوء ورسالة للحركة الشعبية ولكل من يريد أن يقف السودان على قدميه لقد تفاءل الناس خيراً بهذا السلام ولابد ان نعض عليه جميعاً بالنواجز وأن نحافظ على الوطن نحافظ عليه من التمزق والتشتت والاختلافات نريده وطناً عالياً بعلو كما النخلات الشامخات في بلادي نريده وطناً لاينحني نريد أن ننحني نحن لقامة الوطن ونقف من خلفه ونحن حفاة الأقدام نريد أن يؤمنا الوطن ونصلي من خلفه جميعاً صلاة السلام والحب
| |
|
|
|
|
|
|
Re: آخر الزمن 00 شيوعي اتقلب فكي عديل وله مزار ودراويش (Re: esam gabralla)
|
esam gabralla قبل فترة سمعت ان هناك شيخاً كانت زوجته { تمسح } ليهو في كرعيه بزيت سمسم فجأة بقدرة قادر فتشت عن الرجل اليسرى فلم تجد لها أثراً فسألته : وين كراعك التانية فذكر لها أن هناك باخرة في البحر الأحمر أوشكت على الغرق وأن سبب الغرق ثقب بجسم الباخرة وأن سعادته ارسل رجله اليسرى ليسد بها الثقب حيث أن أحد مريديه بالباخرة المنكوبة ياليت لو أن أحداً من ركاب العبارة السلام 98 سمع بهذه القصة حينها كان آلاف الركاب سيتم انقاذهم قال سد الثقب قال !!! الله يسد نيتك !!! ************ ايضاً حدثني قريبي وكان يتحدث بثقة عالية جداً وقال لي أن أحد زملائه سقط من الباخرة اثناء ذهابه للحج وفجأة ايضاً وبقدرة قادر قذفه أحد الأشخاص الى سطح الباخرة يعني صاحبنا هزم سيدنا يونس 10/صفر وعندما سألوه قال : وجدت جماعتنا يمدحون في قاع البحر وكمان قالوا ليهو الجابك هنا شنو ؟؟؟ شيء عجيب اشياء تذكرني بأفلام الخيال العلمي قال تايتانك قال !!!!
| |
|
|
|
|
|
|
Re: آخر الزمن 00 شيوعي اتقلب فكي عديل وله مزار ودراويش (Re: نادية عثمان)
|
استاذة نادية التحية لك ولزوجك وللأمورة الصغيرة الذي يحيرني في بعض الشيوخ أن نساؤهم جميلات جداً يعني يختارون بعناية فائقة والمشكلة لو جابوا ليهم واحدة جميلة ومجنونة اها عليك امان الله دي نهائي مابتمشي من المسيد كل ما أهلها يقولوا ياخدوها تلقى الدروايش يقولوا ليهم خلوها شوية لسه فيها باقي { جن } والحكاية انها لسه فيها باقي مسحة من الجمال قالوا الشيخ فرح ود تكتوك جاء ماشي مع حيرانه فجأة شاف واحدة جميلة جداً والراجل يحب الله كثيراً ويحب مخلوقاته فتعجب من روعة الخلقة وقام بالسلام على المراة الحيران ماصدقوا كلهم سلموا عليها بعد شوية مشوا خمسة كيلو وجدوا واحدة زي الغوريلا وتعجب الشيخ في حكمة الخالق وقام بالسلام على المراة الشينة الحيران طوالي انفزروا 00 ولا واحد ماجاء سلم عليها قال دراويش قال !!!! شفتي آخرتا كيييييييييييييف ؟؟؟؟ قال آخرتا قال !!!
| |
|
|
|
|
|
|
Re: آخر الزمن 00 شيوعي اتقلب فكي عديل وله مزار ودراويش (Re: الجيلى أحمد)
|
الجيلي أحمد لك التحية اسمك يذكرني بقرية اسمها { أم قرقور } تقع في غرب الجزيرة بجوار الرضي والحلة كلها اي واحد اسمه { الجيلي } طبعاً عندهم شيخ كارب اسمه شيخ الجيلي بالمناسبة هذا الشيخ له صلة قرابة قوية مع والدي وكثيراص ما كان يقول لي : ياولدي الغربة دي خلاص تعالوا السودان صاحبك الشيخ طبعاً معاه جيب لاندكروزر والبيوت ماشاء الله ونحن لسه ماعملنا اي شيء وبرضو يقول ليك غربة ان كنت من أهل أم قرقور فالتحية اليهم كثيراً وان لم تكن منهم فالتحية اليك بقدر مساحة الوطن
| |
|
|
|
|
|
|
Re: آخر الزمن 00 شيوعي اتقلب فكي عديل وله مزار ودراويش (Re: sumah)
|
sumah
Quote: دة معناه انك انصاري سنه هديل كدة بكسر السين |
تعرف جونا ناس عرس { سيرة } معاهم انصاري سنة ظريف جدا جهزنا طبعاً للحفلة ومامفتكرين ان العريس عنده قريبه انصاري متشدد بالله الراجل أول ما بدينا الحفلة اتعكلت عكلتة بطالة جداً وقال نهائي الحفلة دي ما تتعمل بس العريس ياخذ عروسه ويرجع نص الليل دا المهم دخلوا الجماعة وقاموا بتهدأته وأخذوه لديوان بعيد وأدوه كباية ليمون لزوم الأعصاب وكدا تاريها الكباية خلطوا ليهو معاها حاجة عجيبة جداً من باقي الفنانين بالله صاحبك بعد شوية كان جاء يرقص في الحفلة وبقينا في الطريقة البنطلع بيها الزول اب جلابية قصيرة دا قال بكسر السين قال !!!!
| |
|
|
|
|
|
|
Re: آخر الزمن 00 شيوعي اتقلب فكي عديل وله مزار ودراويش (Re: لؤى)
|
أبو حراز
عندنا في عطبرة إمام يصلي بالناس طيلة فترة نميري، وكان مثال وقدوة طيبة للجميع ولما طار
نميري وجات فترة الانتخابات الديمقراطية إتضح للناس ان الإمام شيوعي كبير فأحبوه اكثر
عاوز اقول ليك هنا .. الشيوعي اللي إتقلب فكي عندكم وصارت ليهو قبة هل كان يدعو لاقامة مزارا
له بعد موته؟ يعني اين تكمن المشكلة هنا.. في جماعتكم أم في الشيوعي؟ وهل تريد فضح جهالتهم
أم حرمان الشيوعي من (اللقب)؟
| |
|
|
|
|
|
|
Re: آخر الزمن 00 شيوعي اتقلب فكي عديل وله مزار ودراويش (Re: حيدر حسن ميرغني)
|
حيدر حسن ميرغني
Quote: وجات فترة الانتخابات الديمقراطية إتضح للناس ان الإمام شيوعي كبير فأحبوه اكثر |
ذكرتني بقصة الشيوعي صاحب اللحية الطويلة طبعاً عامل اللحية لزوم النصب على رجال الأمن ابن اللذين دا قالوا كان بيلعب قمار { وبيخرت } الجماعة ويعدمهم التعريفة الحظ ضارب معاه وكل يوم الجماعة بيمشوا بيوتهم مخروتين وهم بيبكوا قوم يا امام الجامع موووووووووت يوم الخميس اها ناس الحلة مفتكرين القبة فيها فكي قالوا للشيوعي دا لازم تصلي بينا الجمعة اها صاحبنا استعد والشيوعية يعجبوك في الخطب الرنانة والله قالوا أثناء الخطبة المسجد كله كان بيبكي صوت جميل والقاء ممتاز وآيات الجنة والنار وهلمجرا وتهتدون وترجعون طبعاً ناسنا بسطاء جدا 00 اذا كان الواحد في طلع البدرو علينا بنفقع بالبكاء فكيف هي آيات النار والأودية السحيقة والعذاب ؟؟؟ !!! المهم واحد من الجماعة المخروتين كان بيصلي في الصف الأخير ومستغرب جداً بس متين تنتهي الصلاة قام طوالي سأل الراجل الامام الوقور وقال ليهو برضو في الجامع بتبكيهم ؟؟؟ قال ليهو : والله انا برة ابكيكم وجوة ابكيكم ؟؟ قال شعوب العالم المضطهدة قال !!!!
| |
|
|
|
|
|
|
Re: آخر الزمن 00 شيوعي اتقلب فكي عديل وله مزار ودراويش (Re: لؤى)
|
الأخ لؤي الظاهر صاحبك ابو حراز حا يغلب الفنان { البعيو } 10/صفر طبعاً تاب من الغناء بعد شوية الفلس ظهر ولا تعريفة ماعنده قام رجع تاني للغناء وطلع شريط اسمو { البعيو بعد الشريعة } والله بيني وبينك الواحد لو كان معاهم ماكان اتغرب معاكم في السعودية كان اقل شيء يكون عندي لكزس ولاندكروزر وعمارة في 61 دا غير ست النفر حاتكون حاجة جميلة جدا واحتمال كبير تكون { نفرين }
| |
|
|
|
|
|
|
Re: آخر الزمن 00 شيوعي اتقلب فكي عديل وله مزار ودراويش (Re: ابوحراز)
|
الاخ ابو حراز عودا حميدا مستطاب
قلت لقت كراع الشيخ التانية ما في ومشت تسند الباخرة الغرقانة؟؟ لا دي واسعة شديد لوووووول
لكن سؤال كدا ، القبة لمن اتنسفت ياتو قبر اللقوه ما في قبر الشيوعي ولا اخو الشيوعي؟؟ ولا الاتنين في قبر واحد ؟؟ بعدين دي صاعقة دي ولا صاروخ باتريوت ؟؟
| |
|
|
|
|
|
|
Re: آخر الزمن 00 شيوعي اتقلب فكي عديل وله مزار ودراويش (Re: maia)
|
مايا أكيد المقصود من الفرقعة دي صاحبنا الشيوعي عليه رحمة الله خاصة بعد أن زاد دخله واصبح يجلب الكثير من زوار قبة الشيخ الياباني ويبدو لي أن الشيخ الأصلي قد رأى أنه لامجال للتقليد فقام بنسف { البنية } بكل ما فيها كل ما اكتب هنا عن جدي الذي ترك الفتيحاب واراضي كثيرة وجاء ليموت مع أحد الشيوخ كل ما أكتب عنه اصاب بآلام حادة جداً في الجهاز التنفسي فقد ترك كل شيء وياريت لو تم مكافاته ودفنوه داخل { القبة } فقد زرته قبل عام ووجدته عليك أمان الله مجدوع في آخر المقابر بينما { البنية } من الداخل بها أماكن شاغرة كثيرة جداً واتفقت مع صديقي بان نأتي ليلاً لننقل جدنا وندفنه بالداخل قلنا ساعة ما استفدنا منه وهو حي أخير نستفيد منه وهو ميت تعرفي دخل الشيخ المتوفي والمدفون في البنية كم ؟؟ والله يمكن اليوم الواحد أقل شيء دخل الواحد منهم 300 الف جنيه والله لدرجة أنني قلت لأحد الشيوخ أنا مستعد أقوم بتأجير قبر داخل البنية ان شاء الله لمدة سنة واحدة وبالتالي اعتبر هذا من أنجح الاستثمارات يعني تشغل ليك واحد وتديه في اليوم 30 الف مقابل أن يستلم بركة الزوار وعطاياهم للمرحوم
| |
|
|
|
|
|
|
Re: آخر الزمن 00 شيوعي اتقلب فكي عديل وله مزار ودراويش (Re: ابوحراز)
|
أتيت فقط لأقدم شكري لكل القراء وغير القراء الذين اتصلوا كانت كلماتهم جميلة جداً وهم يبادلونني بعض المشاعر تعرفت على بعضهم وكأننا نتعارف منذ فترة طويلة وجميل جدا أن تجد من القراء ما يحييك ويشد من أزرك خاصة مع هموم الحياة ومشاكلها وكذلك جفاف الجيب في منتصف الشهر يخلق حالة من عدم التوازن وإن كنت أشكر هؤلاء وأولئك ولكن للأسف كان كل المتصلين رجال!!! ولا أدري لما حظي عاثر بهذه الطريقة كما انه لم تصلني أي رسالة من قراء سودانيز أون لاين { غير الأعضاء } وفي كل مرة أتلهلف لفتح بريدي اليوم وجدت بحمد الله عشرة رسائل ولكن كلها تعريف بالشركات الدنماركية وكمان قال شنو : تخفيض تذاكر من الخطوط الجوية البريطانية وأحدهم ارسل لي رسالة كلها وعظ وويل ووعيد لابد ان تتوضأ حتى تقراها وكمان قال شنو اذا ما ارسلت هذه الرسالة لصديق سيحدث ويحدث وضعت الايميل للتعرف على بعض القارئات الجميلات من غير الأعضاء لأن العضوات عرفنا الفيهن ولكن للأسف أخرجت شباكي وهي خاوية على عروشها قال غير الأعضاء قال !!!
| |
|
|
|
|
|
|
|