|
انا نجحت ...باركو لى
|
بحمد الله اكملت دراسة علم الاجتماع من احد الجامعات الهولنديه.يوم الاربعاء الماضى كانت المحادثه النهائيه والله الهولنديات عصرونى عصر السنين, لكن انا بنتك يا زينب سناده(الله يرحمها) اجتزت الامتحان بجداره وتم تخريجى واستلمت شهادتى وارتاح بالى الدراسه فى حد زاتها ما صعبه لانوانا درست فى السودان, لكن اللغه هى المشكله.والله اللغه الهولنديه دى ابيخ لغه فى العالم, كمان كانت المساله تحدى بالنسبه لى , لانو انا الوحيده كنت الاجنبيه والسوداء وسط 22 هولنىدى وهولنديه فى المجموعه المهم نجحت والشكر اولا واخيرا لزوجى وصديقى الفاتح,ابو مهند..لمساعدته وصبره لى طول تلك الفتره وتشجيعه لى بالاستمرار , والله كتير كنت بحس باننى ظالماه وما قايمه بواجباتى كزوجى , لكنه اصلا ما اشتكى وكان معى دائما وابدا يارب
بعد كده حاتفرغ ليكم وابريكم واى زول عند مشكله اجتماعيه نفسيه يسجل فى دفتر العياده .
تحياتى
حليمه الناجحه وفرحانه
|
|
|
|
|
|
|
|
Re: انا نجحت ...باركو لى (Re: Halema2)
|
الأخت حليمة أثنين
كل مباركات الوجود ليك هدية من أخوك عزيز ومزيدا من النجاحات..
أما أخوى الصابر فله الحب والتقدير ووراء كل إمراءة عظيمة رجل وسيد الرجال كمال..
أنا أول المسجلين مشكلتى الأجتماعية عايزه ليها كونسولتيوم من الخريجين الخبراء,,
مودتى مباركاتى
عبدالعزيز خطاب
| |
|
|
|
|
|
|
Re: انا نجحت ...باركو لى (Re: Halema2)
|
الاعزاء الاخوان محمد الامين وصديقنا ابو العيال الحلوين عزيز شكرا ليكم ويباركوليكم السمح ان اشاءالله عزيز ..جاهزين للاستشاره وفر يق المتخصصيين يبدا من عندكم لهم التحاياوالحب
| |
|
|
|
|
|
|
Re: انا نجحت ...باركو لى (Re: سفيان بشير نابرى)
|
الف مبروك النجاح
Quote: الدراسه فى حد زاتها ما صعبه لانوانا درست فى السودان, لكن اللغه هى المشكله.والله اللغه الهولنديه دى ابيخ لغه فى العالم |
منو القال ليك اللغة الهولندية الماني سكران والالمانية انجليزي ساطل
| |
|
|
|
|
|
|
Re: انا نجحت ...باركو لى (Re: Halema2)
|
الاخ سفيان شكرا لك وللامنيات الحلوه وربنا يحقق لك انت كمان امنياتك
الاخ سيف شكررا والله دى بالغت فيها اللغه الهولنديه المانيه سكرانه عديل كده..ههههههه
تحياتى لكم حليمه الفرحانه
| |
|
|
|
|
|
|
Re: انا نجحت ...باركو لى (Re: Halema2)
|
ألف مبروك... وعقبال تحقيق كل النجاحات
Quote: والشكر اولا واخيرا لزوجى وصديقى الفاتح,ابو مهند..لمساعدته وصبره لى طول تلك الفتره وتشجيعه لى بالاستمرار , والله كتير كنت بحس باننى ظالماه وما قايمه بواجباتى كزوجى , لكنه اصلا ما اشتكى وكان معى دائما وابدا يارب
|
دا أصل الرجل السوداني الأصيل ربنا يوفقكم ويديم عليكم نعمة التفاهم
| |
|
|
|
|
|
|
Re: انا نجحت ...باركو لى (Re: Halema2)
|
الف مبروك بالهولندى والسودانى .. علم الاجتماع بحر وسيع، لا شك انك سوف تسبحين فيه بمهارة وسعة افق ومعرفة بحقائق ودقائق الواقع السودانى المتشعب!
| |
|
|
|
|
|
|
Re: انا نجحت ...باركو لى (Re: Halema2)
|
الاعزاء زول وحيد بدر الدين شنا سامى عبد الوهاب عادل عثمان Al Garadabi العزيزه تماضر شكرا لكم جميعا وربنا يدوم الافراح الزغروده وصلتنى ياتماضر معزتى حليمه many thanks from ابو مهند
| |
|
|
|
|
|
|
Re: انا نجحت ...باركو لى (Re: Halema2)
|
حلوم !
ألف ألف ألف ألف ألف ألف ألف ألف ألف مبروك !
املي المساحة التحت دي بكميات من الزغاريد ودموع الفرح والأحضان!
وان شاء الله ايامك كلها نجاحات...
تهاينا لأبو مهند وكل اللي بيحبوك
| |
|
|
|
|
|
|
Re: انا نجحت ...باركو لى (Re: Halema2)
|
علم الاجتماع من أجمل وأوسع العلوم على وجه الأرض هنيئا لك يا حليمه ومن انجاز لى انجاز ان شاءالله أقترح أول زبون للعياده السيد أبو مهند...بعد العصره المسؤوله الأخدها دى
| |
|
|
|
|
|
|
Re: انا نجحت ...باركو لى (Re: Halema2)
|
حليمه الناجحه وفرحانه لف مبروك ومن نجاح لي نجاح إن شاء الله دايما ، لكين ما قلتي لينا الحفله متين - حفلة النجاح - والنجحك يا حليمه ينجح بت بدر الدين شنا وندهتك يا صايم ديمه
| |
|
|
|
|
|
|
Re: انا نجحت ...باركو لى (Re: الجندرية)
|
الف مبروك النجاح فهو فى الغربة عزيمة واصرار وله طعم مختلف تنزل من كتفى روحك كل اتعاب الدنيا وتمتص كل ساعات الحزن والغضب ويبقى فقط وهج النجاح
ان تنجحى بلغة ليست لغتك الام فهو فى حد ذاته انجاز وان يساندك ابومهند فهو انجاز اعظم للانسانية، له التحية والتجلة
ولتواصلى الدرب ياصباحات المنى فدرب العلم لاينتهى
وما اؤتينا من العلم الا قليلا
لك تمنياتى بحياة علمية وعلمية موفقة وانكربى للمرحلة القادمة فنجاحك تحفيز لنا جميعا ولنا ان نفخر بك
اشراقه
| |
|
|
|
|
|
|
Re: انا نجحت ...باركو لى (Re: Halema2)
|
الاعزاء almulaomar الولد الطيب ود المايقوما ناظم
وعزيزاتى جندريه اشراقه تراجى
شكرا كتير لفرحكم معى والامانى الجميله
عزيزتى اشراقه : كلماتك افرحتنى وزادتنى صلابه
لكم جميعا الحب والامتنان تحياتى حليمه
| |
|
|
|
|
|
|
Re: انا نجحت ...باركو لى (Re: Halema2)
|
ألف مبروك يا حليمة تو، ومرحبا بعودتك.. وألفين مبروك ليك يا أبو مهند..
ربنا يخليكم لبعض ويحفظكم..
دائما يعجبني قول الأستاذ محمود:
"إن قضية المرأة ليست ضد الرجل، وأنما هي ضد الجهل، والتخلف، والظلم الموروث وهي من ثمّ، قضية الرجل والمرأة معا"
| |
|
|
|
|
|
|
|