|
يا بورداب الدوحة ، رحبوا بمحمد ميرغني
|
محمد ميرغني رقم يصعب تجاوزه وقامة سامقة تتشابى لها الأعناق ،، رجل نذر نفسه لخدمة الآخرين بنكران للذات وتجرد في حيادية واستقلالية ، تعرفه الجالية السودانية بدولة قطر الصغير قبل الكبير ،، دائم الحضور في كل المحافل ، اجتماعي هميم خدوم منبسط الاسارير صافي النفس طيب الخواطر ،، نرحب به عضواً فاعلاً لاثراء الساحة وننتظر مساهماته ..
|
|
|
|
|
|
|
|
Re: يا بورداب الدوحة ، رحبوا بمحمد ميرغني (Re: عبدالرحمن عبدالله أبوشيبة)
|
و أكتر حاجة بنلقاهو في السفارة ودايمآ قاطر ظلامي مع إنو ودناس تعزمو واللا ماتعزمو بيجي نادي الغزال وبرضو قاطر ترلة مع إنو ماكوز أصلو عندو رأي و سعي حثيث لتوحيد الناس كل الناس وماشغال بالفروقات الجوهرية شايف كل الناس كويسين
طبعآ انا متفق معاهو في شوفو ده ولا أستثني أحد
إلا
من خطط ومن أمر ومن نفذ ومن سكت عما جرى في بيوت الأشباح
| |
|
|
|
|
|
|
Re: يا بورداب الدوحة ، رحبوا بمحمد ميرغني (Re: أبو ساندرا)
|
والله يا أبوساندرا لعلك أكثر من يعرفني "من الدواخل" ، وما حسبت أن دخولي السفارة بزعلك ، وما عاش من يزعلك ،وأتمنى أن تكون معاي في حكاية ( عدم الاشتغال بالفروقات الجوهرية ) لأنها والله يا أبوساندرا ضيعت السودان وفرتقت الصفوف وقطعت الأوصال حتى صار الأمر لا يحتمل !!! عموما خلونا نبتهج ونعيد الحياة لمجتمعاتناالتي أصابها القحط والجفاف ، ويلا يا أبوساندرا يدك معاي عشان نوحد الصفوف ونبدا من هنا ، أيه رايك ؟؟؟ لك شكري على ترحيبك بي ولك محبتي
| |
|
|
|
|
|
|
Re: يا بورداب الدوحة ، رحبوا بمحمد ميرغني (Re: عبدالرحمن عبدالله أبوشيبة)
|
كتب ابوشيبة : { الشك والتطريز } فتذكرت لمن ست النفر كانت عندها مكنة خياطة تعلم فيها البنات الشك والتطريز وكان في حلتنا في بت لجناء تنطق الراء ياء ذهبت لست النفر قالت ليها : { أمي قالت ليك علميني الشك والتط...يز* } ست النفر قالت ليها: سمح يابتي الشك بعلمك ليهو لكن التاني ده والله مابعرفو
أها يا أبوشيبة وحة الله انا الإتنين مابعرفهم
وكلامي قلتو عديييييل
* طبعآ الكلمة القالتها لم أكتبها كاملة عشان مايجي واحد ناطي هنا صائحآ: { ألم أقل لكم الزول ده بذيء؟ } كما تركت الأمر لفطنتكم
| |
|
|
|
|
|
|
Re: يا بورداب الدوحة ، رحبوا بمحمد ميرغني (Re: أبو ساندرا)
|
الكلمات من نص للشاعر حميد واعتقد غير جازم ان مصطفى وضع له فكرة لحن
الحجر الاسود ماهو البروة
وماها مكاوى الكعبة تجيها حين
يتكرفس توب التقوة
والمشروع الدينى الخالص ما محتاج لدراسة جدوى
كل من قال ياب من قلبه رد الخالق دايما أيوه
اهلا بحمد مرغنى صديق المختلفين
وبصحتك نرفع الكؤس وكل واحد عاجبو الكابيه فى كاسو
| |
|
|
|
|
|
|
Re: يا بورداب الدوحة ، رحبوا بمحمد ميرغني (Re: بدر الدين الأمير)
|
شكراً أخي العزيز والإعلامي الرقم أبوشيبة ،شكراً على استهلال الترحيب بي ، فلقد شعرت بدفء المشاعر فور ولوجي لليوم التاني على التوالي في المنتدى كعضو ، ولم أشعر " بالغربة " ،لك الشكر مجددا أخي أبوشيبة ، وأتمنى أن تحملوا معي الهم الشاغلني ومكسر راسي ومجنني ،،، هم الوطن الكبير ،،، الوطن الواحد الما فيهو ضغائن ، الما فيهو فكرة استقصاء الآخرين ،،، لعلك ولعلكم جميعا تتفقون معي على ذلك ،،، ودمتم
| |
|
|
|
|
|
|
Re: يا بورداب الدوحة ، رحبوا بمحمد ميرغني (Re: بدر الدين الأمير)
|
أخي بدرالدين ، أشكرك جزيلاً إذ نعتني بصديق المختلفين ، لكنني لن أكون سعيدا طالما كنت فقط اسعى بين المختلفين ودون أن تظهر بصماتي عليهم صلاتاً طيبة وتسامحاً وإخاءاً ومودة ، ويكفي أن مشاكوس قد جمعت الفرقاء ، منهم من رفعوا الكؤوس أو رفعوا القبعات أو رفعواأيديهم بالدعاء ،،، كلهم كان يحتفل بلحظات نجاح ، فمتى نحتفل بذلك بين المختصمين هنا في الدوحة لتكون لنا جالية سودانية مية المية ،،،
| |
|
|
|
|
|
|
Re: يا بورداب الدوحة ، رحبوا بمحمد ميرغني (Re: عامر تيتاوى)
|
Quote: شكراً أخي العزيز والإعلامي الرقم أبوشيبة ،شكراً على استهلال الترحيب بي ، فلقد شعرت بدفء المشاعر فور ولوجي لليوم التاني على التوالي في المنتدى كعضو ، ولم أشعر " بالغربة " ،لك الشكر مجددا أخي أبوشيبة ،
محمد ميرغني
ياوسيم الطلعه أوعه حاذر أوعه والقلوب الصافية مابتعرف اللوعه
Quote: وأتمنى أن تحملوا معي الهم الشاغلني ومكسر راسي ومجنني ،،، هم الوطن الكبير ،،، الوطن الواحد الما فيهو ضغائن ، الما فيهو فكرة استقصاء الآخرين ،،، لعلك ولعلكم جميعا تتفقون معي على ذلك ،،، ودمتم |
ياهو رجانا فيك المن أجلو غنيناك كأحلى نشيد يجمعنا على حب الوطن وكسر قيود الجفاء لا حزبية لا جهوية لا عقائدية لا لونية سودانية 100 %
| |
|
|
|
|
|
|
Re: يا بورداب الدوحة ، رحبوا بمحمد ميرغني (Re: عبدالرحمن عبدالله أبوشيبة)
|
هم الوطن الواحد هم كبير الوطن الواحد المافيهو ضغائن الامي كل الناس بالحنية نحن في السودان قوتنا في طيبتنا ايه البحصل لمن نكون في الغربة ايدا واحدة ونشيل الهم بالجملة ونضلل على الجوة والبرة مش ده الفهم الصاح للحرية واحترام الاخر مهما كانت الحدرة والصرة ام عينا حمرة دعوة للحب والسلام ولنبدأ من هنا
| |
|
|
|
|
|
|
| |