|
لماذا قال مذيع التلفزيون خسر الهلال نقطة ولم يقل خسرت جزيرة الفيل نقطتين في التعادل السلبي "؟؟
|
تفأجات وانا استمع لنشرة الرياضية عبر الفضائية السودانية بالمذيع محمد فضل يبتدر بقوله خسر الهلال نقطة بتعادله مع جزيرة الفيل (حاجة تضحك) والله وكنت اتوقع تلك النتيجة بل كنت اتوقع الهزيمة لكن مامشكلة لقدام سوف تكون الجزيرة بعبع للهلال في ودمدني رغم الهيصة التي تعم الهلال هذه الأيام
ليس هناك فرق بين الهلال وجزيرة الفيل
الهلال فريق من فرق الدوري الممتاز السوداني= جزيرة الفيل فريق من فرق الدوري الممتاز السوداني الهلال به محترفين من خارج الجسودان + جزيرة الفيل بها محترفين من داخل السودان الهلال رئيسة مليونير = جزيرة الفيل رئيسه مليونير وسرق موبايله في احدى المباريات الهلال فريق لم يحرز كاس خارجي = جزيرة الفيل فريق لم يحرز كاس خارجي الهلال به الطوربيد(هيثم طمبل جزيرة الفيل به القدال (مجاهد) نسيتو. الهلال به البرنس (هيثم مصطفى) = جزيرة الفيل به المايسترو نجم الدين ابوحشيش
وبرضو نقول تاني الهلال فريق لم يحرز كاس محمول جواً= كذلك جزيرة الفيل فريق لم يحرز كاس محمول جواً
بعد دا كلو المذيع اجحف في حق جزيرة الفيل العريق وكانه فريق من فرق الليق عجباً فمعذرة لكم جمهور جزيرة الفيل ولكم العتبى حتى ترضوا
|
|
|
|
|
|
|
|
Re: لماذا قال مذيع التلفزيون خسر الهلال نقطة ولم يقل خسرت جزيرة الفيل نقطتين في التعادل السلبي (Re: abas)
|
الاخ عثمان اشكرك على المرور والله فعلاً تستحق الشكوى الدولية
الاخ عباس مريخ امدرمان دا هو الرفع راس السودان عالياً ومريخ امدرمان دا الجاب ليكم الكاسات الخارجية المحمولة جوا ممكن تكونوا انتظرتوه في المطار لكن من بعيد ساكت ساكت الخجل من فريقكم الهلكان منعكم من الظهور في الصورة مريخ امدرمان دا هو محقق الإنجازات السودانية مما يدل على ان ليس هناك اعلى منو في المليون ميل مربع وام درمان الإصالة وامدرمان التاريخ وام درمان المريخ والمريخ ام درمان
مشكلتكم فصاحتكم دي المغتصه حجركم فصيحين لسان ساكت وجزيرة الفيل دا حتكون وصيف الدوري الممتاز قريبا بعد المريخ طبعا باذن الله خليكم انتو مع مشاكلم مع شداد لم تحلوها بتلقوا نفسكم في الليق
وهاك جزيرة الفيل دي
| |
|
|
|
|
|
|
Re: لماذا قال مذيع التلفزيون خسر الهلال نقطة ولم يقل خسرت جزيرة الفيل نقطتين في التعادل السلبي (Re: othman mohmmadien)
|
الاخوان عباس وعثمان محمدين
ربنا ماجاب القبح والمشاكل فالنقد مرات بعطي نتائج إيجابية نحن بنتقد في الهلال من أجل أن يرفع لينا رأسنا الذي طأطاه طول عمره الكروي وجلب لينا الهزائم الثقيلة خاصة من فرق المغرب العربي التونسية والمغربية والمصرية كمان فنتمنى أن يزيل الهلال تلك الفضائح بكاس وخاصة وانه يكون قد ناله بعد أن صرع فريقين من المغرب لكن لو جيتو بدون الكاس ياويلكم منا
بس الفصاحة خلوها شويه لحدي ماتشيلو الكاس ماتقعدو تحلمو حلم اليقظة زي حلمكم بالمتوالية الثمانية
وارجو ان تدوم المؤدة والنقاش الحلو في حدود الاخلاق بين الجميع وفي الاخير كلنا سودانين بعدين ياعباس انت عارف جزيرة الفيل ديل ماناس صباحي وابوحشيش وهيثم الرشيد مشاطيب المريخ يعني ديل المشاطيب ناس ايداهو يعمل ليكم شنو العمالقة الجدد بلو رأسكم ساكت
وفووووووووووووق فووووووووووق جزيرة الفيل فوووووووووووووووووق ودائما فوووووووووووووووووووق
| |
|
|
|
|
|
|
Re: لماذا قال مذيع التلفزيون خسر الهلال نقطة ولم يقل خسرت جزيرة الفيل نقطتين في التعادل السلبي (Re: abas)
|
رغم مريخيتي الصريحة أحبكم يا أهل الهلال يكفي أنكم اهلي وعشيرتي ما زعلان يا عباس ومسامح كمان ولكنني أحتفظ بحبي لجزيرة الفيل والمريخ مع إعترافي بتدهور الكرة السودانية ----------------------------------- ولكي نكون أكثر جدية معكم اعتقد اننا نحتاج لرفع درجات الوعي لدى اللاعبين والأجهزة الفنية والجماهير عن طريق الندوات والمحاضرات وتنظيم كورسات التدريب والتحكيم المتقدمة والدورات والسمنارات الخاصة بالإعلام الرياضي وتطويره والاهتمام بالنواحي الأكاديمية والتعليمية والثقافية للاعبين وغير ذلك من عوامل القضاء على ظاهرة شغب الملاعب وضرب الحكام وتوعية اللاعبين والبعد عن تسيس الكرة وإحتكار نخب بعينها لإدارة الأندية ونحتاج أيضاً لتفريغ اللاعب حيث تكون مهنته الكرة فقط مع منحه كامل حقوقه المادية التي تمكنه من الإعتماد عليها كمهنة كما يمكننا إستغلال هذاالمنبر أيضاً في التوعية الكروية لاعبنا ما بعرف يواجه الإعلام هل تتفقون معي ولا فكرة لديه غير أنه لاعب ممارس فقط اما ثقافته فدون المطلوب هل تتفقون معي ، حتى الطرد للاعبينا يأتي بسبب جهلهم - وسوء التصرف نتاج جهل وإنفعال لا مبرر واذكر حينما توجه مذيع الإم بي سس للاعب ....... بالسعودية حينما تمَّ طرده من الملعب بقرار حكم قد يبدو ظالم فلم يزيد على عبارة حكم كعب --- حكم كعب ---- حكم كعب تعجبت حينها رغم إستخدامه كلمة كعب والتي تعني سافل بالعربية إلا أنني مدرك أنه لن يفهمه أحد
=========================== املنا أن لا نكون أستخدمناعبارات لا تليق وتزجنا في ما لا يرضي إن حدث فأعلموا أن ذلك من باب الغفلة والنسيان ولكم العتبى شكراًُ
| |
|
|
|
|
|
|
Re: لماذا قال مذيع التلفزيون خسر الهلال نقطة ولم يقل خسرت جزيرة الفيل نقطتين في التعادل السلبي (Re: keiga2000)
|
ايوه كده ياعباس وعثمان او عثمان وعباس
فعلاً الشغلانة ما مستاهله حرق دم.
وان شاء الله المريخ يجيب الكاس العشرمية من بره والهلال يجيب الكاس الخارجي الاول عشان نقول ليكم جبناه زمااااااااااان.
برضو ياعباس ماحنخليكم.
تحية لكم ومودتي.
ياعثمان تعرف قدر التشجيع البسيط البنشجعو للهلال مرة مرة ده عشان عباس وامثاله ممن يمارسون التشجيع الراقي.
بعدين ماتبوظ لينا خططتنا عباس ده كان ماشي كويس و قرب يقلب (هسي زي مابقولو ناس السياسة رجعتنا مربع واحد)
معليش نبدأ تاني.
يلا ياعباس قول نا نجمة.
| |
|
|
|
|
|
|
Re: لماذا قال مذيع التلفزيون خسر الهلال نقطة ولم يقل خسرت جزيرة الفيل نقطتين في التعادل السلبي (Re: othman mohmmadien)
|
Quote: تسلم يا سيدي وتعرف انا من مدني وبيتنا في شارع الجزيرة ولينا فيها اصدقاء كثر لعبوا في جيفارا لو بتزكرو هذا التيم |
والله لو قلت ليك يا عباس أنا مدني دي ما جلست فيهاأكثر من ساعتين أو قديما حينما كنا نمر بقطار الأبيض عبرها ونحن مسافرون للبلد لكن حببني لها الأخ الأستاذ الشايقي محمد عثمان علي عبد الرحمن - أستاذ لغة عربية - من أظرف ما قابلت وكان ما برضى فيها أي كلام وخاصة فرقها الرياضية من خلال مناقشتي له كان يزعل أنا اشجع جزيرة الفيل وهو يشجع الأهلي ----------- كذلك من زملاء الدراسة: أيمن محمد صديق ابو بكر خضر زيادة مدثر حسب الرسول منال مدني اميرة عبد العاطي على مااذكر لكم ولهم التقدير والإحترام والسلام
| |
|
|
|
|
|
|
Re: لماذا قال مذيع التلفزيون خسر الهلال نقطة ولم يقل خسرت جزيرة الفيل نقطتين في التعادل السلبي (Re: keiga2000)
|
عباس يا اخوي: المقعدك مع ناس المسطبة الجنوبية ديل شنو ؟؟؟؟ ومالك ومال المحليين ؟؟؟ الناس ديل ليهم سنة ماااااااااااملة ما ركبو الطيارة !!!!!!!! يعني ناس سفاري وكناري وعشاري السجلوهم قبل كم موسم ديل ما حصل شافو طيارة ونحن عندنا ناس علاء الدين كل سنة زايغين من الطيارة .. الهلال في الموسم القبل الفات شال الدوري من الإسبوع العاشر ويجوا يقولوا ليك التنافس وال وال وا ل.. تعرف لو ما مصدق زميلنا في البورد هنا من جزيرة الفيل ولعب فيها امانة ما كان يا كيجا وريتك الفرق شنو بي جزيرة الفيل والهلال.. لكن مبدئياً كده هاك الفرق بين الهلال والمريخ .. الهلال ليهو تلااااااتة سنة بيشيل الدوري سنتين منها دون هزيمة .. الهلال ليهو اكتر من تلاتة سنة بيفوز علي المريخ في الدوري الممتاز دون أن يفوز المريخ ولاااااااااااااا مرة .. الهلال ليهو تلاتة سنة بيلعب بطولة الأندية ومعاها حالياً بطولة العرب والمريخ بيطلع من دور ال32 والشمس حييييييييييييييية .. الهلال عندو اكتر من مئة الف عضو والمريخ ما عندو اكتر من خمسين عضو بي سامي وكيجا .. اخر هدف للمريخ في الدوري للمتاز ضد الهلال كان هدف هيثم السعودي الدخل عليهم بالساحق والماحق بينما الهلال طوااااااااااااالي ببصر فيهم .. الهلال عندو أكتر من شعار والمريخ لبستو العبد الواحد دي ما عندو غيرا .. الهلال ليهو أكتر من 50 مباراة في الدوري الممتاز ماف فريق فاز عليهو بينما المريخ ليهو اكتر من 50 مباراة بيتغلب في الدوري الممتاز .. الهلال حالياً في دور الأربعة في بطولة العرب والمريخ حالياً يلاعب الأمل عطبرة والنيل الحصاحيصا .. الهلال ليهو أكتر من ثلاثة أشهر مأجر ليهو طيارة عديييييل وحايم بيها في أدغال افريقيا والمريخ الله يخلي ليهو جمال الوالي بيركبهم ترحيلات افراس وبي المجان ..
تخريمة : يا كيجا إنت ما بتوب من المغرب دي ؟؟؟؟؟؟؟؟؟؟؟؟؟؟؟؟؟؟؟؟؟؟؟ ما زماااااااااااااااااااان شبكتونا وداد حلبية وسمحة ووداد لسانا طويل ووداد ووداد ووداد .. نحن إن شاء الله كان ما عرسنا الأختين وداد ورجاء طبعاً بعد ما ماتت وداد وبما إنو لا يحق الجمع بين الأختين إلا ما قد سلف أو لو عوضونا بي التانية .. أها إن شاء الله رجاء زاااااااااتا بنشوف ليها حل.. جايكم لي موضوع الإعفاء من الضرائب
| |
|
|
|
|
|
|
Re: لماذا قال مذيع التلفزيون خسر الهلال نقطة ولم يقل خسرت جزيرة الفيل نقطتين في التعادل السلبي (Re: عمر الفاروق)
|
زماااااااااااااااااااااااااااااااااان زي ماقال سامي عبدالوهاب حققنا الإنجازات دي يادوب
جميع هذه الإنجازات مسجلة بأسم المريخ
Quote: الهلال ليهو تلااااااتة سنة بيشيل الدوري سنتين منها دون هزيمة .. الهلال ليهو اكتر من تلاتة سنة بيفوز علي المريخ في الدوري الممتاز دون أن يفوز المريخ ولاااااااااااااا مرة .. الهلال ليهو تلاتة سنة بيلعب بطولة الأندية ومعاها حالياً بطولة العرب والمريخ بيطلع من دور ال32 والشمس حييييييييييييييية .. الهلال عندو اكتر من مئة الف عضو والمريخ ما عندو اكتر من خمسين عضو بي سامي وكيجا .. اخر هدف للمريخ في الدوري للمتاز ضد الهلال كان هدف هيثم السعودي الدخل عليهم بالساحق والماحق بينما الهلال طوااااااااااااالي ببصر فيهم .. الهلال عندو أكتر من شعار والمريخ لبستو العبد الواحد دي ما عندو غيرا .. الهلال ليهو أكتر من 50 مباراة في الدوري الممتاز ماف فريق فاز عليهو بينما المريخ ليهو اكتر من 50 مباراة بيتغلب في الدوري الممتاز .. الهلال حالياً في دور الأربعة في بطولة العرب والمريخ حالياً يلاعب الأمل عطبرة والنيل الحصاحيصا .. الهلال ليهو أكتر من ثلاثة أشهر مأجر ليهو طيارة عديييييل وحايم بيها في أدغال افريقيا والمريخ الله يخلي ليهو جمال الوالي بيركبهم ترحيلات افراس وبي المجان .. |
كدي وريني بتقدر تقول كدا على الهلال::ــ
المريخ اول فريق سوداني شال الكاس بدون هزيمة ولاتعادل المريخ اول فريق سوداني شال الكاس بدون هزيمة وبتعادل واحد المريخ اول فريق سوداني اخذ كاس السودان ثلاثة مرات متتالية المريخ اول فريق سوداني شال كاس الدوري الممتاز ثلاثة مرات متتالية المريخ اول فريق سوداني ينتصر على وصيفه الهلال ثماني مرات متتالية المريخ اول فريق سوداني يحرز كاس أفريقي المريخ أول وأخر فريق سوداني يحرز كاس محمول جوا
وريني بتقدر تقول شنو من الفات وريني انجاز حققو الهلال قبل المريخ
ياخي الإنجازات في السودان كلها مسجلة بأسم مريخ السودان وليس بأسم هلال العرضة شمال
واخجلوا وباقي لينا ثمانية ساعات الست رجاء بترد عليكم
| |
|
|
|
|
|
|
Re: لماذا قال مذيع التلفزيون خسر الهلال نقطة ولم يقل خسرت جزيرة الفيل نقطتين في التعادل السلبي (Re: keiga2000)
|
وريني فريق واحد بس في العالم كلو خليك من المريخ فاز بالدوري الممتاز سنتين ورا بعض بدون ما يخسر ولا مباراة ..؟؟ وريني فريق واحد بس في العالم كلو لعب اكتر من خمسين مباراة في الدوري وما خسر ولا كورة .. وريني فريق واحد في العالم كلو ما خسر اي مباراة دورية افريقية او محلية او عربية في إستادو لي مدة 3 سنوات ؟؟؟؟؟
وريني فريق واحد هداف الدوري الممتاز بتاعو بيكون من فريقو لي مدة 5 سنوات متتالية .. وريني فريق واحد محلي غلب الهلال 3-صفر طيلة الأربعين سنة الماضية ؟؟
| |
|
|
|
|
|
|
|