|
|
|
 Re: رحـــاب.......حليلك من حقي يوم القيامـــة (Re: سجيمان)
|
السلام عليكم
سجيمان
حمدالله على السلامة
يا زول غتست وين؟
قرّبنا نمشي نعقبك ونفقدك
قلنا يمكن خَتَفوك والا شيء
وانا ظنيت يمكن بكري كَتَّفك اليومين ديل عشان عيد المرأة
يا عدو المرأة
وياكا عدو المرأة ، عدو المرأة
مش لو اتبرعت بحسناتك
ملحوظة:
لما تكتب الرد لازم تكتب (المرأة) مش المرة لازم تنتبه
زي ما اخوك عامل
خوف ساكت وحاتك ، خايف انصار ( المرأة ) يلحقّوني اُمات طه
تحياتي
.............................................................................
وما من كاتب إلا سيبلى ويُبقى الدهر ما كتبت يداه
فلا تكتب بكفك غير شئ يسرك فى القيامة أن تراه
| |
 
|
|
|
|
|
|
|
|
Re: رحـــاب.......حليلك من حقي يوم القيامـــة (Re: سجيمان)
|
سجيمااااااااااااان
الشوق الكتل الورل وارداه قتيلا ... لمن فطس
مسعول من الخير ( ) .. انت الفول دا فوقو دم ولا بجيب فقر الدم ؟
اها رحاب دى سوت ليك البشتنة دى كلها وتدخل النار بدلها كمان ؟
وحات الطاحونة رحاب دى اظنهاالبت دى جمر احمر
| |
|
|
|
|
|
|
|
|
|
Re: رحـــاب.......حليلك من حقي يوم القيامـــة (Re: alfatih)
|
alfatih
Quote: الشوق الكتل الورل وارداه قتيلا ... لمن فطس
مسعول من الخير ( ) .. انت الفول دا فوقو دم ولا بجيب فقر الدم ؟
اها رحاب دى سوت ليك البشتنة دى كلها وتدخل النار بدلها كمان ؟
وحات الطاحونة رحاب دى اظنهاالبت دى جمر احمر |
الفاتح...... الشوق كتل الورل وكتل الصفروية برضو... الصفروية دي انتاية التمساح...."الله يستر ما يطلع واحد عامل بجبها هنا ويجي يشاكلني ويقول لي ما تقولها انتاية....والله النسويهو غلبنا"
*الفول في حالة عدم وجود محفزات الدم.... قاعد يحن علينا ويحفز الدم
* رحاب دي... نار الله الموقدة.... الله يجعلها بردا وسلاما على سجيمان
| |
|
|
|
|
|
|
|
|
|
Re: رحـــاب.......حليلك من حقي يوم القيامـــة (Re: سجيمان)
|
سجومي
تحيات يا مان
تعرف زكرتني واحد ايام الجامعة
عجبتو بنت جات ماره وهو كان برلوم قعد يعاين فيها لحدي ما وقع جوه بلاعه
البنت عاينت فيه وقالت ليه افييييييييييي
من اليوم داك اسمو لي اسي ...... افيييييييييي
والمهم انو البنت طلعت اسمها رحاب
| |
|
|
|
|
|
|
|
|
|
Re: رحـــاب.......حليلك من حقي يوم القيامـــة (Re: سجيمان)
|
Quote:
واصرف عليكي الدم دا كلو؟.... انت قايلة الدم دا انا جايبو بهينة...؟؟..... الله يسعلني لي شهرين برتكانة ساكت ما دخلت خشمي.... دم القط فيهو نقيطة نقيطة من البوش والفول...تجي انتي بي مكاوتك لي بسماحتك تلحسيهو كلو... ..وتمحقيهو عليّ...... |
كضااااااااااااااااااب
دم المديدة قاعد توديه وين ؟؟؟؟؟؟؟
| |
|
|
|
|
|
|
|
|
|
Re: رحـــاب.......حليلك من حقي يوم القيامـــة (Re: قرشـــو)
|
اخي وقريبي سجيمان بعدبن نتفاهم في الحكاية دي
دا اول دخول لي في بوست ليك ومتابع كتاباتك واهدي ليك هذه الابيات
وناس رحاب عشان تهجين قوامن جاي زي البان
شفت النيل وكت في الدلتا حب يميل
ويزيدا حلاوة في الوديان دي بس رحاب سجيمان
والفارق وكت ماتميل تخلي عقولنافي طيشان
اول مرة في التاريخ تزرع فاكهة في انسان
مناخك نجح العناب وقام في وجناتك التفاح
نجح في وشك انتي نجاح يفوق الجاي من لبنان
اول مرة في التاريخ تزرع فاكهة في انسان
مع خالص تحياتي
| |
|
|
|
|
|
|
|
|
|
Re: رحـــاب.......حليلك من حقي يوم القيامـــة (Re: سجيمان)
|
جيتك راجع يادكتور عشان اكمل باقي القصيدة
رحاب الرقة والجبروت مجازر دم في عين جالوت
رحاب الملكة حتشبسوت ورحاب وداعة الغزلان
رحاب لما تسيبنا تمشي تفوت تسيب في قلوبنا رنة صوت
صوت الكلمة والالحان صوت يتواري في الاعماق
يعود بالعائد المشتاق وكت مايرجع السودان
رنة صوتك المكتوم جرة اهة لام كلثوم ونغمة حي في الاذان
نشيل من صوته حبة صوت نبثه اذاعة في امدرمان
| |
|
|
|
|
|
|
| |
سجيمان
Hussein Mallasi
الزوول
طارق جبريل
alfatih
Muna Khugali
abas
Moneim Malik
saif massad ali
قرشـــو
Mutwali Malik
mahmed alhassan
هشام آدم
عبد الحميد البرنس
فيس بوك
تويتر
انستقرام
يوتيوب
بنتيريست