|
كتب الكاتب الفاتح جبرا المتوفرة بمعرض الدوحة
|
|
 Re: لو كـــنـــت نـــاكـــر لــــلــــهــــوى! (Re: saadeldin abdelrahman)
|
Quote: ما كنتا قايل أنا يوم بلاقى الحب ولا بكشف دروبو
ولا قلبى من شدة إباهو تقدر بتقدر الأشواق تذيبو
لكن غرامك حبه حبه صالاهو بنارو ولهيبو
وسرقت قلبى يا حبيبى تانى كيف منك اجيبو
انت يا ناكر غرامو قلبى ما بتسمع كلامو
وبدون سبب يرضيك خصامو لوعة العشاق تصيبو
تنسانى يا ظالم وقلبى معاك مفتكرك حبيبو |
اها بعد ده كلو ما اظن تاني في كلام ولا شنو؟؟؟؟؟
كلمات جميلة وابداع حقيقي
| |
 
|
|
|
|
|
|
|
|
Re: لو كـــنـــت نـــاكـــر لــــلــــهــــوى! (Re: طرقوش)
|
Quote:
Quote: ابوعركي عشان اغنية لو كنت ناكر
الطيب عبدالله عشان ارض الحبيب
الهادي حامد عشان اغنية المدينة
ابراهيم حسين عشان اغنية شجون( خلاص يا قلبي كان خاصم
ذوق عالي يا ابو الخل....
..وبالذات لوكنت ناكر دي....
تفتتني علي الرمل..وتحملني...بعيدا.....(..ويا زول مافي سهر بعد ده...عشان اي زول...
النكران قاسي يا خليل) |
تاني يا ابو السعود ...واحبك ياخي
| |
|
|
|
|
|
|
|
|
|
Re: لو كـــنـــت نـــاكـــر لــــلــــهــــوى! (Re: saadeldin abdelrahman)
|
يا سعد يا راقى
عركى مكان ما يبقى نحنا بنجى
فى الاهلية نمشى وندق الكدارى بعد الحفلة لغاية الزلط البعد المقابر
وفى القصر برضو نمشى ونقطع الكبرى كدارى
والنشوة ماليانا وكلنا ندندن
سمار عينيك
البعد الصعب
بستنشقك
وغيرها كتير وجميل,,
| Quote: ياتو واحد في النصين -ده و واحشني - ابتدأته الاستاذة عفاف |
انا بصراحة ما عندى فكرة
لكن لو اتحت لي فرصة للتخمين
من دون شك ح اقول : واحشنى
مع كل التقدير طبعا لكاتب النص كاملاً,,
لكن لو جا صلاح شعيب من هنا مار اظنو بكون عارف,,
مودتى الوافرة
| |
|
|
|
|
|
|
|
|
|
Re: لو كـــنـــت نـــاكـــر لــــلــــهــــوى! (Re: saadeldin abdelrahman)
|
ذات نهار و انا عائد من السوق العربي للقبة..
نزلت من البص في لفة الكلاكلة و بما ان الدنيا كانت
صيف توجهت مباشرة لأحد محلات المرطبات عابرا الشارع..
وكانت هذه الاغنية هي الخلفية الموسيقية و انا اتجرع
كوب الليمون المثلج و المنعش فما كان مني الا ان قعدت
في المصطبة امام المحل..
يا اخوانا الوقفة مرات بتغلب الزول!
| |
|
|
|
|
|
|
|
|
 Re: لو كـــنـــت نـــاكـــر لــــلــــهــــوى! (Re: Naji A.Moniem)
|
يا ناجي اخوي
اخوانا راكوبة و عمك تنقو ديل ما قصروا معانا هنا خااالص
| Quote: حبيبى الليلة جانا وشرب الشاي معانا(عود) |
الغنية دي نزلها عمـك تنقو على ما اذكر اواخر السنة الفاتت
حفظتها في الجهاز لكني ضيعتها مع التغييرات
كان جا عمك تنقو ده بي جاي بنزل الرابـط..حاولت ما لميت فوقو
لكن كدي نجرب تاني...
انتا ذوقك خطير يا الحبيب
| |
|
|
|
|
|
|
|
|
|
Re: لو كـــنـــت نـــاكـــر لــــلــــهــــوى! (Re: نادية عثمان)
|
Quote: ذات نهار و انا عائد من السوق العربي للقبة..
نزلت من البص في لفة الكلاكلة و بما ان الدنيا كانت
صيف توجهت مباشرة لأحد محلات المرطبات عابرا الشارع..
وكانت هذه الاغنية هي الخلفية الموسيقية و انا اتجرع
كوب الليمون المثلج و المنعش فما كان مني الا ان قعدت
في المصطبة امام المحل..
يا اخوانا الوقفة مرات بتغلب الزول! |
الوقفة الصعبة ديك ...
يا سعد انا القعدة غالباني احمد ربك القدرت قعدت...
يا اخي من امس وجاي انا سمعتها مية مرة...وحا اسمعها لسه
مليون مرة...
وين موصلي ليش ما جاء سمع هنا...
وبعدين مش الزول عندو جملة اماني يراها رهابا رهابا
فمن ضمن اماني ان اسمع هذا العركي في صالون بي عود
وما يكون في صوت هواء ولا بابا ينقفل وينسد ويكون سامعيه
معي جملة من المرهفين...ما عايزين صوت نمله غير عود وصوت عركي...ولا بتاع ايقاع زاتو
| |
|
|
|
|
|
|
|
|
|
Re: لو كـــنـــت نـــاكـــر لــــلــــهــــوى! (Re: nazar hussien)
|
Quote: وبعدين مش الزول عندو جملة اماني يراها رهابا رهابا
فمن ضمن اماني ان اسمع هذا العركي في صالون بي عود
وما يكون في صوت هواء ولا بابا ينقفل وينسد ويكون سامعيه
معي جملة من المرهفين...ما عايزين صوت نمله غير عود وصوت عركي...ولا بتاع ايقاع زاتو |
لووووول
لكن يا نزار اخوي لقيتك طماع في الطرب ده كيف!
و لا بتاع بنقز!
دنب كيف ? ههههه
تسلم و حلمك جميل مثلك...بس كان بقى جد ما تنسانا 
| |
|
|
|
|
|
|
|
|
 Re: لو كـــنـــت نـــاكـــر لــــلــــهــــوى! (Re: saadeldin abdelrahman)
|
الشكر لاستاذ ابوعركي مع اجمل امنياتنا له و (عشمنا)
بمزيد من الجمال منك يا زول يا سمح..
اخوانا سادة البوست و زملائي في ورود مناهل الرحيق لكم
المحبة تخوم و روابي و اعذروني ان لم اتمكن الرد عليكم
فردا فرد وذلك لاعتقادي ان الاستاذ غنى وقال الكلام القبيل
في القلب و (من زمان)..فلم اعد استطيع غير ان ادعو بالمزيد من
المحبة و الجمال فأنتم و أنا و شعبنا أهل لذاك..اجدد الشكر لأخي
الحبيب راكوبة..صاحب الحس المرهف و الذي تجاوب مع رغبة مستمع تمنى
غنية (فقط من عنوان بوست) و لاتكفي الكلمات لشكرك يا راكوبة
على الاحساس الجميل الذي زودتنا به جميعا اخي و دمت للجمال.
| |
|
|
|
|
|
|
|
|
|
Re: لو كـــنـــت نـــاكـــر لــــلــــهــــوى! (Re: nazar hussien)
|
ابو السعود يارائع اولا شكرا ليك مني شكر خاص جدا لانوا ما تتخيل الغنية معانيها جواي وما حتصدق انوا بفتش ليها ما يقارب الخمسة سنين . ودار الاسبوع الفات نقاش مع صديق حول الفن السوداني ودا ما الاول وكالعادة اصريت علي راي القديم ( لو كنتا ناكر وشجن والاماني العزبة اجمل الحان اتوضعت لي اغاني سودانية).
طبعا اول مرة اسمع لو كنتا ناكر بالتوزيع الموسيقي دا ويا ريت يا ابو السعود ترجع وتسمع الغنية دي بالتسجيل الفديم وتشوف الابداع الموسيقي داخل الاغنية دي , وتركز ما انامل حامد عازف الساكس الشهير ويا ريت لو عندك التسجيل دا وتلحق بيهوا اخوك .
التحية ليك ولكل مبدع سوداني
وبصر انوا دا اجمل الالحان السودانية
ولي عودة
| |
|
|
|
|
|
|
|
|
 Re: لو كـــنـــت نـــاكـــر لــــلــــهــــوى! (Re: Farahat Sayed)
|
Quote: مده طوبله جدا ما حسيت الاحساس اللذبذ ده
قررت الاقامه هنا ثلاثه ايام متتالبه |
ثلاثة أيام بس يا فرحات 
ياخي البيت بيتك ههههه
ما تخاف يا عزيز أخوك بسمع معاك هنا رغم اني حفظت الاغنية عندي
بيني بينك لا ائتمن السيرفا ( على قول سيد الحوش) على مثل هذه الدرر
بكرة نلقاها مافي و نقعد في ياراكوبة الفانا هههه
تسلم يا حبيب.
| |
|
|
|
|
|
|
| |
saadeldin abdelrahman
انعام عبد الحفيظ
Rakoba
Naji A.Moniem
khaleel
nazar hussien
عبد الله عقيد
Giwey
عبدالكريم الامين احمد
Sahar Abdelrahman
Adam D.El-Asha
لؤى
Dr. Moiz Bakhiet
فارس موسى
Farahat Sayed
محمود ريحان
Elmosley
جمال ادريس
فيس بوك
تويتر
انستقرام
يوتيوب
بنتيريست