روعة الكلمة في أغاني الشايقية 2
الظروف ك/ جادالله عثمان غ/ عزالدين شكري كيفن ألم عليك واتهنـا مـادام الظـروف حكمانـى والزمن العنيد ماحنّ والدنيـا العبـوس حارمانـى حرب الريد على ما ونىّ واسياف الغرام كاتلانـى والقلب الجريح ومعنىَّ جرحك دموا ينـزف تانـى ماعزرونى فيك اهلنا فيك كـل الخلـوق لايمانـى ما أصلو البحب فى زمنا فى قانونا بصبـح جانـى قيس لو مرة حبّ وجنا برضي أنا ذيوا روح شقيانى بين الآهة بين الأنـه الشقـى والعـذاب عنوانـى كل ما القمرى قوقا وغنـا تتهيـج علـى اشجانـى طمبورنا وتر غنـا احسبـوا جـوه فـى وجدانـى راجى الله البيدى الجنة بيك يجمعنى يـا المازيانـى اكون رابط الحرير والحنة ابشر والخلوق تبعانـى تبسم لى الزهور فى الجنة يتبكى السحاب باكانـى شاركنى الفرح ما ضنىّ رشـى وخـدر الوديـان أفـتـقـدتــك ك / الفاتح ابراهيم بشير غ/ طارق العوض يا حبيبى أنا افتقدتـك لمـا طـال الشـوق علـىَّ انت عارف روحى غيرك لا بتموت لا بتبقى حيـه يا حليلى أنا كنتا قايلـك زى زمـان مهتمـى بيـه فى الحزن تحزن معاى ويوم أغيب تسـأل علـى باختصار انا كنتا قايلك انـت اقـرب منـى ليـه انت اتاريك بى مشاعـرك مستقـر فـوق الثريـا الصباح الفى عيونك باعنـى لـى بحـر الأسيـه سابني بين شطآنوا هايم جارى لـى عنـد العشيـه لانى قادر اقول كفايه ولانى راضى أكون ضحيـه والمصيبه أنا كان جنيـت ولا بكيـت هيـه هيـه كل مصيبتى هويت عيونك فى زمن ظالـم شويـه يكره الحب والتصافـى يعشـق الجفـا والرزيـه الطيـور وكتيـن تغنـى الزهـور تصبـح نديـه إلا عاد كيفن تغنـى وعينهـا فـى عيـن الحديـه افتقدتـك وانـت عـارف زي يعشـق بالسجيـه مستعد ما عندو مانع يهـدي ليـك الـروح هديـه ماب يهـادن مابيسـاوم ومـا ببيـع أبـد قضيـه لو تموت الدنيـا فوقـوا يرتكـب مليـون جنيـه افتقدتـك يـا منايـا يـا سعـد روحـى الشقيـه افتقدتك لما فاضت بى همومى والأمور لاجت عليه افتقدتك يـا صباحـى والظـلام ضامـى العشيـه افتقدتك يا نصيـرى والعـزول عاصـب عينيـه افتقدتك الـف مـره لمـا شمتـو اصحابـى فيـه شفت كيـف أنـا افتقدتـك لحظـة الألـم العتيـه انتا ماك جايب خبيري مـاك مفكـر تبقـى جيـه حتى يوم لاقيـت صحابـك منـك اتوقـع تحيـه إلا وآخيبـة رجـاى واحـلال الحـسـره بــىَّ لغرامك لى شريك عزالدين كنتـا قايـل فـى غـرامـك لــى شـريـك لكـن عرفتـا وتانـى مــا بـرجـع إلـيـك والله كل ما اتذكرك اتذكر إنـو معـاى شريـك زي ما قليبى اشتهـاك تلقاهـو ايضـا يشتهيـك قولى لى ذنبي آيه ما الناس جميع مفتونـه بيـك طماعه يا ست الجمال كيفن تطيرى مـع جريـك ماكل غرام بيظل غرام ماكل بريق سـن إبتسـام ما كُل خطوة إلى الأمام أحيانـا بيتعسـر مشيـك قولى لى كيف قلبك سمح يخدع قليبى الإنشـرح ودرتى زول كايس فرح عيشتيهوا فى دنيا الترح مستنى كان تبقيلوا غيمه تظللى مـن حـراً لفـح لكن بقيتيلو الهجير فى وادى منـو الغيـم نـزح لو قيس سمع ماكان ندم كان يرثى لى حالى ويحن كان يبكى زين دمعاتوا تهطل فوق عيونا ويغسلـن ما بيرضى كان الغـرام يصبـح سلـع ونتبادلـن رغم الحصل قلبى الأمين لا راضى لنفسو الخداع لا راضـــى لـــى غـيــروا الأنـيــن واحسـاسـوا بـيـك يــا ســت الجـمـال مــا بيـرضـى غـيـروا يعـيـش حـزيـن انــا اصـلـى مـــن ريـــدك قنـعـتـا وآخـــر وصـيــه بـقـولــه لــيــك ابـقــى عـشــرة عـلــى الـبـريــدك لا تخـيـبـى ابـــداً ظــنــوا فــيــك ابقـى زى ليلـه وبثينـه الغـرور لا يعتريـك قالوا للريد عداوه مـن عداوتـو بخـاف عليـك عبدالقيوم الشريف قولى أنا آيه كيف اقول للناس لو سألونى إسمك مين اقول نوّار عبير ازهار ولا اقـول شـذى ياسميـن اسمـك فـى القليـب تذكـار بشيـلـو سنـيـن مكتـوب بـي حـروف رويانـه شـوق وحنيـن منقـوش بـى دلال نظـرات عـيـون حلـويـن انتى هناى وكل مناى وزاد عمرى اللبيهو ضنيـن اسمـك فرحـة لمـا الفـرحـة تعـلـو جبـيـن وفرحة يوم لقاء احباب وحين يصحى الصباح ويبين وقارب فى بحور الشوق ورحلة حب مشوها اتنيـن ضمة ريد وبهجة عيد وبسمه فى يوم لقاهـا حنيـن اسمك اغنية ساقيتنا وكـت الليـل يزيدهـا حنيـن ونغمة حنينة من طنبـور تخفـف دمعـة الباكيـن امواج من بحور الطيبة فى عيون أهلنـا الطيبيـن كل الكان طواهو زمان وراح اسمك مـع الباقيـن اسمك يا صباح العيد على البلد الصباحهـا يزيـن وجوه ناساً صباحن خير سمت روحهم محنة وزين هواهو من هواك منساب مترجم فى غناء وتلحيـن قدر أهواك واموت فى هواك واتحمل عذاب البيـن نظرة عميقة من محياك وكت تسرح معاهو العيـن وهمسة رقيقة تحكى ليك شوقاً فـى نفوسنـا دفيـن أقول ليك اتهمونى عديل انا الحبـك عليهـو اميـن امان احساس يفرح ناس ويصبح جوه حزنوا سجين عبدالقيوم الشريف كلمة احبك ما بتكفـى آيـه منزلـة الحـب مـن ذاتـك والبستاهـل طيبـه قلبـك مـا مخلـوق ابـداً وحياتـك انتى قليب الأم لأطفالـه انشـر فوقـن ويرشـح حنـو وانتى صباح العيـد اشراقـو وفرحـة شفعنـا الراجنـو زانى غنيـوة الشـوق الراحـل للعشـاق الفيهـا يغنـو يغسل حزن الدنيا الفينا وولـدا يضحـك مـن بسماتـك متل العافـى دخلتـى مسامـى شويـة وقـف لا حيلـى كل الزمن الفات متغيـب دبـى فرزتـا نهـارى وليلـى فى عينيـك صالحتـا الدنيـا إتصافينـا وقلتـا عديلـى مابين ليلى أدتنى قفاها وحسـدت تانـى علـى كلماتـك يا الشكلتى حياتى فى لوحة بـى ألـوان مستقبـل رائـع فيها ظلال وتلاقى خطوطها ويبقى رجوع العمر الضائـع يرحل برج النحس ويرحل يظهر برج الريده وسعد الطالع وغبتى وغابت اجمل صورة قبل ما تختى أصل لمساتـك أنا لازال بتخيل رسمك وصورتك ماليه مساحـة فكـرى الشلتى خطوات الماضى وزمن الذكرى البشبـع صـدرى بعد الريده البينى وبينك صدق وفـاى والحـب العـذرى احلى ايام العمر زمانك واحلـى زمـان اللقيـا اوقاتـك ماكان فى الحسبان نتفارق ياها اقدارنـا وحـال الدنيـا ايد القسمه ان وقعت صعبت ما تشفع فـى ردهـا منيـه إلا الحلم البيك اكبر من إحسـاس ينصـب فـى الغنيـه والغرقان فى الريشة اتعلم وريشى بتبقى صـدى كلماتـك امشى وخلى الفكرة الترزح ما بين صمتى وحدة شوقـى او مستقبلى وابقى دواخلى وارشح رشح الدم فى عروقـى وابقي المركب وانت صباحى وزحى ظلام الهم من فوقى فى كل الاحوال برجاك وبترجـاك ورجـاى مـا فاتـك عبدالقيوم الشريف معقول تريدلك زول يوم ما سـأل عنـك يا قلبى يا مجروح كـل الحصـل منـك أوعـه تقولـى الريـد اشواقـو غلابـه لازم تكسر القيد كان ترضى كـان تابـا لـو فاكـر الأفـراح تفتحلـك ابـوابـه صدقنى يا المسكين يادوب خـاب ظنـك ماليـك ثلاثـة سنيـن انتـى البتمشيلـو لو غـاب عليـك لحظـه تقعـد تغنيلـو لامن صبح مغرور شاف نفسوا فوق جيلو قول لى متين حيّاك قالـى ليـك كيفنـك ضايع مع الأحـلام مـن متـا وحدانـى لا طلتا للنجمـات لا عدتـا مـن تانـى خايف تقول للناس يغـدر بـك الجانـى ما إنتى زول غلبان ما ليك غيـر فنـك اختـى الغـرام مافيهـو ليـك صالـح انسى النساك يا زول واطويهو فى البارح الدنيا مـا بتـدى لـو تشـرب المالـح والنجمة ما بتنوم لو تبقى فـى حضنـك الدنـيـا ياقلـبـى شيـالـه ختـاتـه قبال تدوم فـى حالـة سايقاهـا نياتهـا مرات تكون حزنـان رنانـه ضحكاتهـا مرات تكون فى حال ياقلبى فـى حنـك ياقلبـى انسـى واسلاهـو مـريـودك صدقنى مهما كان ما بتلقـى مقصـودك خلـى الهمـوم لـه البـارى معبـودك بكره الفرح بيجيك تضحك تبيض سنـك عبدالقيوم الشريف يا ريح الصبا هبـى امشـى إليـه وجيبى لى ردها لو تـدور قربـى قولى ليها أنـا الحبيتـا مـا ذنبـى الحب ما قصدتو هو القصد دربـى يعلم الله فـى دافـع خفـى اثربـى وبلا شعور لقيت رويحتى منسلبـى من اليومو داك باقى الدموع شربـى وباقى فراشى جمر فوقـو منكبـى وآ تعبي وآ شقاى وحسرتى وآ غلبى مالى أنا زى يتيم بالعبـره متربـى مع عينيها شـن سويتـا يـا ربـى كل ما تشوفنى تتفلـت بـلا سبـى وتهبلبى عشان عرفت ضعيف قلبى والله دليل حنانـك وفيهـا بتخبـى الله مـن صديـراً ديمـه متعـبـى ويا ساتر على لو كان قصد حربـى طلبتك بى إله الكـون وكلـو نبـى امسكى عليك لا ينفكـا يغـدر بـى ما أنا زولك البهواك يا حبى درتـى أعداى عشانك وليك طريق صحبى فى عطفك سعادتى ومن قساك حظى يا فرحى وبكاى يا ازمتـى وطبـى قلبى زمن يلا هيبك دحين خاطبـى لو خليتى من غيرك بيـدرى البيـه عنادك خلى وريهو إنتـى بتحبـى وزيدى قليل حنانك بالكتي طالبـى عبدالقيوم الشريف اتغيرتـا انـا محـال يــا روحــى اتغـيـر وحاتك إنى لا حبيت ولا يوم فـى سـواك فكـر خطاباتك تعاتبني أتوه فـى سطورهـا واتحسـر على الأمل البنيتو عليك وعمرى الخايفـوا يتـودر اكتب ليك عشان أرضيك اقبـل لومـى واتعـذر والوم قلبى ليه ينساك عارفوا قليبـي مـا بيقـدر كيفن هان على انساك وانسـى العشـرة واتنكـر كيف يشفى قليبـاً لـى بعـد فـى حبـك اتوكـر أصبح كل مناى القاك افرح خاطرى بيـك ينسـر درباً فى العمر سرناه نحن وياك نحوشـو زهـر اريت ليلاً يشيلنى معاك لـى بلـداً بعيـد وسفـر بلداً لا فى زول يغشاهـا لا زولاً يجيبلـو خبـر وكت الليل يعم الكون وفـوق لرضاهـو يتحكـر يسدل لى ضفايرو السود ويتوسد ضفايرو أزهـر اجمع من نجومو الشارده انظم ليـك عقـود ودرر واهديك من رياض اشواقى باقات من ورود وزهر اقولك شوفى يا محبوبة روضنا بعد يباس أخضـر نسمات الصبـاح طلـت تعانـق زهـرة تتعطـر تخاف الليل حكاوينا ونضمها فى عنـاق وسمـر وننسج توب أماسينا ونطرزوا من غنانـا صـور أعاين فى البعيد نجمات واشيل فوقن قليبـى وتـر واعزف من ربابو نغيم زمان كان بيهـو إتحسـر بسيماتـك تطمنـى يزيـد بيهـا الأمـل يكـبـر وعيونك تلهب الأشـواق وداخـل قلبـى تتفجـر أتوه أنا فى ضلام ليلـن تهبـوا النسمـه يتبعثـر ويتماوج أمام عينى ويظهـر مـن خلالـو قمـر أودع همـى بـى رؤيـاك لا احـزن ولا اتكـدر واعاهدك إنى اصون حباً نمى وبين الضلوع خضر احس إنو الزمـن صافانـى قربـك لـىّ اتأخـر واشعر إنى نلتـا سعـادة قبلـى مـا نـالا بشـر عبدالقيوم الشريف بتـسـألـوا عــــن حـبـيـبـى أنــــا حـبـيـبــى أنـــــا سـعـادة عـمـرى فــى الـدنـيـا الـــوراهــــا فـــنــــاء دى آمـالـى العـريـضـة البـيـهـا اشـوف دنـيـاى ســرور وهـنـاء صبـاحـى الــزار بـعـد لـيــلاً ســهــرتـــو ضـــنــــاء حبـيـبـى عـمــرى آمــالــى وأعـــــــز مــــنــــى شـــعـــورى الـفـايــضــه فــى جــواى هـنــاك وهـنــا حــروفــاً ديــمــه افــخــر بـيـهــا وســــط الــنــاس فــى الــدارات اشيلـهـا غـنـاء دى حـبــى الـبـيـن ضـلـوعـى اشـــراق ونــــور وســنــاء أسـألــوا عـنـهـا بتـقـولـوهـا فـى كلـمـة ســلام مــا إتـقـال ومــا قـالـوا الحبـيـب لحبـيـب أبــداً مـــا خـطــر بـالـبـال فــى رنـــة نـغـيـم سلـكـايـه فــى سـيـرة العـديـل والـفــال فــى زغـروتـه فــى الـــداره وإيـديــن مـرفـوعـة للـشـبـال بتظـهـر فــى جـــلال لـقــاء وتبـيـن فــى بــراءة الأطـفـال حبيبـتـى أنــا يـــوم حـنـيـن يـنـسـاب مـعـاهــو مــــوال مــن عـالـم بـعـيـد جـــواى يـــمــــوت بـالـبـهــجــة ينـسـيـك إنـــو لـيـنــا زوال فيـهـو احـلـم واشــوف واحــات وخضـره كـسـت تــلال وجـبـال عـالـم فــى تـرابــو الغـالـيـه مـاحـطـت رحـــال كــحــال ومــا عـبـرت زهــور احــزان ولا هـجـرت رحـابــو آمـــال اعـلـن عـنـدى اشـوفـوا حقيـقـة إلا الـنــاس تـشـوفـوا خـيــال حبيبـي أنـا مــن عـهـود الـريـد عـهــداً بالـيـمـيـن أوفــيــه وحتـى إن كـان شقيـت فـى دابــه قلـبـى تـكـون سـعـاده عـلـيـه شــان لولالـهـا مـاكـان ينـسـى أيــام مـــره مـــن مـاضـيـه شـان لولالـهـا ماكـانـت تــزور الـبـسـمـه يــــوم شـفـتـيـه شـان لولالهـا ماحـس بـى وجـوده ولا الـوجــود حـــاس بــيــه شان لولاها ما اتحقـق منـى الراجيـه شان لولاها ما اتحقـق منـى الراجيـه شان لولاها ما دنياه باسمه والحزن ناسيه شان لولاهـا مـا عاشـت فـى نعيـم والـنــاس تـحـسـدوا عـلـيــه

[رد على الموضوع]

صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]