|
Re: شرك كمال قسم اللة قبض (Re: Sabri Elshareef)
|
الاخ كمال قسم الله نجم السعود تدلى التهانى مستمره باقات انيقه ملونه ولك المعزة والعز
حكاية ان تنصب شراكك قادتنى الصدفة مع اصدقاء لصيد السمك فى امدرمان وكنت اول مرة اذهب معهم وامسكونى سنارة وقالوا لى اذا اهتزت فاسحبها بقوة وبسرعة وانابين بين هزتها الرياح فقمت باللازم وتجمعوا حولى وسالونى وين السمكة فقلت لهم (جلّت)فقالوا جلّت انت بتلعب (بلّى).دى هدية بمناسبة ان شركك قبض!!!!!
باقات ورود زاهره جمع الشباب بينا ماصابنا الا الشوق سهامه جات فينا
مليار مبروك ياكمال والفرحة عمت الديار.
| |
|
|
|
|
|
|
Re: شرك كمال قسم اللة قبض (Re: عادل فيصل راسخ)
|
عادل فيصل،،
كيفك يا جميل ؟؟؟
اها هو شركو قبض انحنا وانتو كيف؟؟؟
تعرف ياعادل هسى دى قاعد معاى منو؟؟؟ قاعد معاى :- عاطف ادريس وعاطف ده كمال قسم الله المشرك ده عمو (طق طرق) وهو هسى بيقوليك ياخى الزول ده يشرك ويقبض ويعمل اى حاجه وما يكلمنا؟؟؟
على العموم عاطف قال هم جايين السيره لى سدنى وقول لى صاحبك ده اها قالو ليك ((السيره مرقت عصُر)).
| |
|
|
|
|
|
|
Re: شرك كمال قسم اللة قبض (Re: سفيان بشير نابرى)
|
تحياتي احمد حنين وينك يا راجل – تفرقت بنا السبل وحرمنا من قضاء أجمل سنين عطائنا المفترض بالسودان. عملت فلم توثيقي صغير لبربر قبل سنتين ، اهتميت بتصوير جانب من المدينة ومنازل الأسرة التي ستتحول إلى ارث تاريخي ، وبعض الشخصيات ، محمد العجلات ن رحمة الله ، ومكتبة بربر والسر بريمة ، وعلى جعفر (على ماسورة ) ، والتقيت بالسيد / شمس الدين ابوعمار ومازال هم المد ينه شغله الشاغل ، وذهبت لأصور مشروع الرابطة لتجميل محطة السكة حديد الذي بذل فيه إسماعيل القوصى جهد ا خارقا ، فوجت الصحراء وكادت محطة السكة حديد تختفي . رجاء منى ياحنين تتابعوا مشروع توثيقي ذ ى دة لبربر . أما عن شرك كما ل فحس أولائك رفيقا
صبري ابن الشريف أين أنت. كون من المشركين فحسن أولائك رفيقا . إذا توفر لدى الزمن سأصلك في بوست ابوهريرة . خالد العبيد ورقية العبيد، إذا انتظرنا شركم سنلتحق بالرفيق الأعلى.دون ابنا صالح يدعوا لنا.
تحياتي سفيان متابع مداخلاتك ، أقوليك ياسفيان نابرى التحق بنا فحسن أولائك رفيقا ، ولا تدع هذه الفانية تغريك ، فإذا انقلبت على أعقابك فلن تجد منا نصيرا ، وإذا انقلبنا على أعقابنا ، فنقلب على عقابيك ، فإنها خير العاقبة . أين عاطف بالسودان أو بمصر تحياتي للكل.
| |
|
|
|
|
|
|
Re: شرك كمال قسم اللة قبض (Re: عادل فيصل راسخ)
|
Quote: أقوليك ياسفيان نابرى التحق بنا فحسن أولائك رفيقا ، ولا تدع هذه الفانية تغريك ، فإذا انقلبت على أعقابك فلن تجد منا نصيرا ، وإذا انقلبنا على أعقابنا ، فنقلب على عقابيك ، فإنها خير العاقبة .
عادل فيصل ،،
ياخوى انت جادى التحق بكم ؟؟؟؟ باللــــــــهى ،، شفته كيف !!! انت براك قلته حسن اولئك رفقيا ، يعنى انتو التحقتو وبقيتو تفتشوا فى الرفق !!! اها انا شايف جنس ده البخلينى التحق بيكم شنو؟؟؟ جنيت انا والا جنيت ؟؟!! الحاجه التانية الما بتخلينى التحق بيكم هو ((مغالتطك التاريخية دى))Quote: ولا تدع هذه الفانية تغريك |
ياخــــــــى بالغته اها كان هو مجرد عرس ليه تسمى الدنيا الســــــــــمــــحه دى كلها () انت قايلنى هين ليك وبتغشى سريع؟؟؟!!!
ياخوى كلامك ده بتاع تنقلبته على عاقبيك وانقلبنا وخير العاقبة يخوف عــــديـــل كده
يا عادل زى ماقالت ماجده الرومى ((قاتل قتالك لامفرُ))، اما انا لحدود هسى المفر قدامى.
ايوة يا عادل عاطف ادريس الان معانا فى السودان ، خلاص شكلو استقره نهائى وما حيرجع بالمناسبة استقراء بتاعتى دى لا تعنى الزواج .
اما بعد ،، لك حبى وسلامى واشواقى
| |
|
|
|
|
|
|
Re: شرك كمال قسم اللة قبض (Re: سفيان بشير نابرى)
|
إن صـح ماتقـولون يعني الموضـوع ماهـذار بس .....أنـا كمـان أبارك لأخـي كمـال .. وان كـان الموضـوع هـذار.... يبقي اتمني ليه معاكـم مباركـة قريبة...
تحـياتي لك أخ عادل فيصل وله ولكـم جميعا...
مـني
| |
|
|
|
|
|
|
Re: شرك كمال قسم اللة قبض (Re: ahmed haneen)
|
إبن أخي عادل فيصل تحياتي لك وسلامي للاهل باستراليا وارجو أن تبلغ التهاني للاخ كمال قسم الله بمناسبة مشروع زواجه واتمني له بيت مال وعيال. وبالله عايز أعرف سعيدة الحظ دي منو.
عمـــر عبد العزيز قاســم راســخ
| |
|
|
|
|
|
|
Re: شرك كمال قسم اللة قبض (Re: عادل فيصل راسخ)
|
عادل ؟؟؟؟؟؟؟؟؟؟؟؟؟؟؟؟؟؟؟؟؟
كمال !!!!!!!!!
ها انتم تسقطون فى الجهاد الاصغر ................
تبقى الجهاد الاكبر ..........
كمال .......... شفت عادل داير يعملو لينا لعب !!!
ارى ان تعاود نصب الشراك ... بشرك (ببوست) اخر ............
وامكن شركنا يفلب شركهم ذى ما شركهم غلب ...................
..............................................................
| |
|
|
|
|
|
|
Re: شرك كمال قسم اللة قبض (Re: هميمة)
|
تحياتى لكل الذين طلوا وباركوا ، وللذين زودوا الشرك (بالطعم) . ولكن اتضح لى ان كمال مشرك فى قلة مش زير ، تحياتى واعزرونى اذا لم اتدخل لاحقا للرد ،لظروف ضاغطة ، وهذه بمثابة ردللسابقين والاحقين .
وساجمع ابناء الخالات تحياتى ابن الخالةزياد وعاصم ويازياد (تسع عن كمال كل الخير واللة تشوف كل الخير الراجل معاك وخاصة الايام دى (فارته الجديدة طوت المسافات ). عاصم تحياتى ولهاجر الف سلامة ،( كمال شرك وللة طعم ) . العم عمر تحياتى وانا حاكبرك وادى انطباع انك بلغت الخمسين وكيف حال الاولاد . سفيان تحياتى انت ماهين لكن شنو قصة قاتل بتاعتك دى قاتلك اللة يارجل . تحياتى لجعفر عوض ( وقوليهو واحد يمسكوة الامانة يقوم يشرب الامانة ). تحياتى منى خوجلى اهو الراجل طلع مشرك فى قلة . اما هميمتنا فلها التحية خلاص وضعتين فى مرحلة جهاد النفس ،والمداخلة الجاية دعوة لحج مبرور . شكرا والعاقبة عندكم فى المسرات
| |
|
|
|
|
|
|
Re: شرك كمال قسم اللة قبض (Re: عادل فيصل راسخ)
|
الاخ الحبيب عادل فيصل
تحياتي و اشواقي لكم
اخيرا وسقط ابو الهول العزابه كمال قسم الله في الشرك ( اعتقد هو الوقع في الشرك)
حقيقي لازم نسميه المناضل ذو الجبهتين العريضتين
تحياتي
اخوكم
الصادق محمد البوصيري
| |
|
|
|
|
|
|
| |