|
|
 اشراقه حيموره عيد ميلاد سعيد
|
لفتت انتباهي مشاركتك في بوست الديوم الشرقيه
فدلفت للبروفايل
وعلمت ان عيد ميلادك اليوم 19-2
كل عام وانتي بخير و عقبال مية شمعة
|
|
 
|
|
|
|
|
|
|
|
Re: اشراقه حيموره عيد ميلاد سعيد (Re: Ibrahim Adlan)
|
يا إشراقة ..
كل عام وأنت بألف خير وخير
( ما عندنا أعياد ميلاد و مكنات زي دي في الديم .. دي حركات حنكشة ساكت .. و أحمد ناجي قال : الفاره عدو نفسو )
ههههههه ..
طبعا ذهلت لمن إبتديتي تدخلي في اللعب جوه بيت اللعب .. في بوست الديم
يا ربي الزولة دي منو ؟؟..
قدر ما الله أداني لفيت على الجكس بتاع الديم أفتش لإسمك ده
ما لقيتو .. أكون دقست يا فرده ؟؟
دكان قرني و آدم طلقة و شامية وعوض الدقاق .. و .. و .. و ..
طوالي كبيت خوفو .. قلت يا معلم الزولة دي تقوم تخش كرباوي قديم عني ..
شكلك كده ناقشه بلاوي ..
بس أعملي لأخوك عبد الستار و كده
يعني البحتري في الرندوق القديم ما أصلي .. هههههههه
قلت أضايرك سريع قبل ما تبهلي اللعب
وبطلي حركات عيد الميلاد و الخستكة بتاعت التراطيب دي .
| |
|
|
|
|
|
|
|
|
|
Re: اشراقه حيموره عيد ميلاد سعيد (Re: Ibrahim Adlan)
|
الأستاذإبراهيم عدلان
عاجزة عن شكرك يا أصيل
والله خجلتني عديل كدا
الصديق عاطف عبد الله
ولك مئات الأمنيات الطيبة
تسلم يا ملك
عماد عبد الله
Quote: شكلك كده ناقشه بلاوي ..
بس أعملي لأخوك عبد الستار و كده
يعني البحتري في الرندوق القديم ما أصلي .. هههههههه
قلت أضايرك سريع قبل ما تبهلي اللعب |
والله جنس بحترة؟؟؟؟ بحتري أصلي
وين تضايرني؟؟؟ بس استعد لبهل اللعب
"وبطلي حركات عيد الميلاد و الخستكة بتاعت التراطيب دي"
دي والله ما خستكةولا حركات تراطيب
سنة كاملة من عمرك عدت وسنة جاية كلها آمال وأحلام ومفاجآت وأفراح وأحزان و.....
الاحتفال بعيد الميلاد عندي إعلان لحالة وقفة مع النفس وعمل جرد للفات واستعداد للجاي
ولا شنو يا فردة؟؟؟؟
ابن عمي العزيز الشايقي
تسلم يا غالي
| |
|
|
|
|
|
|
|
|
|
Re: اشراقه حيموره عيد ميلاد سعيد (Re: Ishraga Haimoura)
|
يا فردة ..
صباحك سعيد .. ( ود ناس بت أم ردوم )..
لووووووووووول
و صباحات كتيرة .. فرطنا فيها من ( خمالة ) فينا ..
و ستأتي صباحات كُثر .. والمرواحة لصيقةٌ بنا .. ( رِجِل ورا و رِجِل .. برضو ورا )
لا فكاك إلا ( قيامةٌ ) فينا كُبرى ..
وصباحاتٌ ديمومة .. لا تتركنا طرفة عين للمنامات الطوال ..
و ( حرِت ) لحواشة دمنا ( البور ) ..
و إسماد للروح بأنسنة همنا ..
هم البلد السمحة دي .. ( سمحة المقدرة )
كان تلقي ليها وجيع
.........
و صباحك صباح
| |
|
|
|
|
|
|
|
|
|
Re: اشراقه حيموره عيد ميلاد سعيد (Re: Ibrahim Adlan)
|
إخوتي الأعزاء
أولاً كل عام وإشراقة بألف خير وعقبال الشمعة المائة
ثانياً علمت أن الأخت إشراقة كان لها القدح المعلى
في دعم علاج الأخت نازك أحمد بمتابعتها وحثها للجميع
في المساهمة وقد علمت أيضاً أن إبنتها قامت بحملة
تبرعات في مدرستها بمساعدة الأستاذ نادر السماني
وقد كونوا جمعية كأصدقاء لمرضى السرطان والحقيقة
هذه اللفتة البارعة والموقف الإنساني العظيم يدلل
ويؤكد على عظمة وروعة إشراقة حيمورة وقد غرست ذات
الصفات النبيلة في إبنتها.
وقد أحببت أن أحتفل معكم من خلال هذا البوست بعكس
هذا الموقف النبيل وفي تقديري لا يكفي للتعبير عن
مدى إنسانية إشراقة .
مع ودي للجميع
ياسر فريد
| |
|
|
|
|
|
|
|
|
|
Re: اشراقه حيموره عيد ميلاد سعيد (Re: Ibrahim Adlan)
|
دي الكم ياشروق
وقفة التأمل مطلوبة
ومؤكد النتيجة ، الرضا العام
فمواقفك دائمآ كانت مشرفة وبالتأكيد حا تظل
ولك رصيد ثمين وسمين لدى كل من إقترب
وعرف
الإنسان الكامن فيك ومتمكن
عماد عبدالله
ياطارة لو باريت الشمس من عند بيتكم في مسيرتها المعهودة
حا تصل لبيت ناس شروق وهناك تتوارى الشمس خجلآ وتحتمي بشفق الغروب
وتسطع إشراقة حيمورة
وماتنسى تطالع أي شاهد مازال صامدآ في { بلاع }التي إنمحت وإندرست بفعل أقدامنا
في طرق المساسقة اليومي للديم مرورآ بالسجانة
قد تجد خط أنيق
ينعي صريع هوى شليق
| |
|
|
|
|
|
|
|
|
|
Re: اشراقه حيموره عيد ميلاد سعيد (Re: Ibrahim Adlan)
|
العزيزه الصديقه/
اشراقه حيموره ،،
كل سنة وانت طيبة ،،
كل سنة وانت كما اقراء لك ،،
يا اشراقه شنو من يوم داك لا حس لاخبر لا شوفه؟؟؟
الــــــلـــــه!!!
وانا من اليوم داك بكلم اى زول بقوليهو:- تعرف يا جميل الليلة انا لاقيت منو؟؟؟
انا الليلة لاقيت اشراقه حيموره ، الزول البقوليهو كده انا متاكد انو مابعرف اشراقه دى منو لكن اصلاً كنت مبسوط انو اتلاقيت معاك .
تقومى يجى عيد ميلادك وما تقولى لينا ؟؟؟!!!
| |
|
|
|
|
|
|
| |
عاطف عبدالله
Emad Abdulla
أحمد الشايقي
Ishraga Haimoura
saif massad ali
انعام عبد الحفيظ
أبو ساندرا
Muna Khugali
سفيان بشير نابرى
خضر حسين خليل
فيصل محمد خليل
فيس بوك
تويتر
انستقرام
يوتيوب
بنتيريست