|
Re: الدكتورة الباحثـة هـدى المبارك - فخــر لكل الســودانيين (Re: Abureesh)
|
سلامات يا أبا الريش ومشكور،
أهنئ الأستاذة الدكتورة هدى على إنجازها.
تعرف سنين ودنين لما أسمع كلمة سيمي كوندكترز دي شعرة جلدي تكلِّب نَعَمِنَّها ما شيتاً يتطلَّع ليهو انسان عالمثالثي. أها قامو الجماعة ترجموها لي أشباه الموصِّلات...شعرة جلدي كلَّبَت زيادة. كمان لما واحد يقوم يحرق شعرة جلدك كلو كلو وينطقها أشباه المواصلات ما تقدر غير تقول: ركشات يعني!
الله يجزيها خير أختنا الأستاذة الدكتورة هدى...أثبتت لي نظريتي إنو نحنا (كعالمثالثيين) لا ينقصنا الذكاء ولا تنقصنا المعرفة وإنَّما ينقصنا التطلع لمدافرة العالمأوليين الذين لا يعرف بعضهم العامل المشترك البسيط ورغماً عن ذلك يتطلَّع لأن يحصل على إجازة (وربَّما إجازات) عليا.
تحياتي.
| |
|
|
|
|
|
|
Re: الدكتورة الباحثـة هـدى المبارك - فخــر لكل الســودانيين (Re: Adil Al Badawi)
|
Quote: الله يجزيها خير أختنا الأستاذة الدكتورة هدى...أثبتت لي نظريتي إنو نحنا (كعالمثالثيين) لا ينقصنا الذكاء ولا تنقصنا المعرفة وإنَّما ينقصنا التطلع لمدافرة العالمأوليين الذين لا يعرف بعضهم العامل المشترك البسيط ورغماً عن ذلك يتطلَّع لأن يحصل على إجازة (وربَّما إجازات) عليا. |
شكـرا يا عادل، وكلامك صـاح 100% أمانـة ما شفنـا بلاوى هنا.. لو عندك مشـروع وداير تسـأل عن شئ فيـه، لازم تمشى لخمسـة بروفســورات.. كل واحـد يديك جملـة مفيـدة واحـدة، ويحولك للتانى! التخصص الشـديـد فقدهـم المنطق
بعدين انت فى أشباه الموصلات، واللا فى فيزياء الحالـة الصلبـة المتقـدمـة (حماك الله)
| |
|
|
|
|
|
|
Re: الدكتورة الباحثـة هـدى المبارك - فخــر لكل الســودانيين (Re: Abureesh)
|
سلامات يا أبا الريش...لقد هيَّجت الأشجان فلنحتفي بالأستاذة الدكتورة هدى على طريقتنا.
يا أخوي فيزياء الحالـة الصلبـة المتقـدمـة دي مالها بِقَت لي زي حُمَّى الوادي المتصدِّع (حمانا الله وإيَّاك)، يا ربي يكون بسبب الزلزلة الضمنية في الاتنين وألا شنو.
تعرف، التداخل بين البيزنيس والعلم عند العالمأوليين خلانا نحنا العمنأوليين ديل زي الطُرُش في الزفة. يعني التنافس الحاد على الأسواق خلاهم يركِّزوا على تجويد منتجاتهم وخلَّى عبارة زي R&D تصبح سيدة الموقف بالنسبة لرجال الأعمال وفي نفس الوقت فتحاً للعلماء وقد اندهشت قبل أيام عندما علمت أنَّ المراحل التي يمر بها دواء ما، حتى يحصل على موافقة إدارة الأغذية والأدوية الأمريكية، تكلِّف صانعيه قرابة البليون "بِلْ...يووون" دولار في حين أنَّنا نوصف لرقبتنا ونبلع سااااكت وكثير منَّا يعيش حياته، إذا عفى عنه سياسي فاسد أو دواء فاسد أو إجراء عملية فاسدة ظروفها أو صفقة فاسدة، ويموت دون أن يسمع عن عبارة مثل R&D
نأمل معك أن تبعث فينا أخبار انجاز الأستاذة الدكتورة هدى شعاع الأمل والثقة بالنفس كما نأمل أن يكون لعلمائنا، يوماً ما، موطئ قدم في أرضٍ يبقى انسانها، إلى حين اشعار آخر، الأذل رغماً عمَّا حباه الله به من عزة نفس.
تحيَّاتي
| |
|
|
|
|
|
|
Re: الدكتورة الباحثـة هـدى المبارك - فخــر لكل الســودانيين (Re: Adil Al Badawi)
|
Quote: وإنَّما ينقصنا التطلع لمدافرة العالمأوليين الذين لا يعرف بعضهم العامل المشترك البسيط |
معليش يا عادل سـؤال بسيـط: انت شيــوعى واللا شنـو؟ طبعـا مافيهـا حاجـة!!
نرجع للفرق بيننا وبينهـم: فى الغرب لو جبت مشروع جديد proposal، المنسق فى الجامعـة يوصلك بجهتين على طول (بعد التحريات الأوليـة) الجهـة الأولى (كفيل) فى الجامعـة، دا لو ما طلبوا منك تبنى التيم بتاعك براك.. والجهـة التانيـة شـركـة كاتلاهـا الشـلاقـة وعينهـا طايرهـا فى كل زول شايل كيس ورق وماشى فى اتجاه قسـم ال R&D. بعـد نضمى كتيـر، وانت متشخصن قـدام البورد تشــرح، وأعتى العلمـاء يستمـع لك مثل التلميـذ!! بعـدهـا يقرروا أن يقعـدوا معك جـد.. والحسـاب ولـد.. فى حتـة تانيـة.. المـرة دى الكلام عن القروش و(حقوق الإنسـان) يجيبـو معاهـم محامى ال Intellectual Property (IP)!1.. يعلم الله المحامى دا قرا وين ما تعرف.. يعرف أى حاجـة من تركيبـة ملاح الكول لغايـة الحاجـة بتاعـة هـدى دى!! .. بعدين نقاش ميزانيـة الزمن والمراحل... وهلمجـرا.
الشـركـة تدفـع، والكفيل يراقب ويوجـه.. والحسـاب ولـد.
أما عندنـا فالأمـر بسيـط.. يدفعوا ليك شـويـة من قروش الجامعـة أو المجلس القومى للبحوث.. من مال دافع الضرائب وليس الشـركات.. بعـد داك يشيلوا تقارير شغلك يضيفوهـا لما عندهـم فى الأدراج (ويفكوك عكس الهـوا)
| |
|
|
|
|
|
|
Re: الدكتورة الباحثـة هـدى المبارك - فخــر لكل الســودانيين (Re: Abureesh)
|
لاخ الفاضل
محمد عثمان (ابوريش)
السلام عليكم ورحمة الله
شكرا للخبر اسعد وافتخر بحواء السودان الدكتورة هدى واتمنى ان نرى
كل صباح سودانية تحمل لواء العلم عاليا فى زمن اصبح مجال البحث والعلم
فى السودان اشبه بالمستحيل.
اخى انت من زمن
Quote: أما عندنـا فالأمـر بسيـط.. يدفعوا ليك شـويـة من قروش الجامعـة أو المجلس القومى للبحوث.. من مال دافع الضرائب وليس الشـركات.. بعـد داك يشيلوا تقارير شغلك يضيفوهـا لما عندهـم فى الأدراج (ويفكوك عكس الهـوا) |
قروش شنو يا ابوريش انا شخصيا حفيت اقادمى لاكمال اجراءات الدراسات العليا
خارج السودان وعلى نفقتى الخاصة.
الجامعات الان تفرض رسوم باهظة مقابل لا شئ. الطالب ملزم بتوفير كافة مستلزماته
حتى المحاليل التى تستخدم داخل المعامل مسكين الطالب يحاول توفيرها من اجل بحوثة
والمعامل عفى عليها الزمن , اخى موضوع البحوث والدراسات العليا فى السودان
ضياع عقول شابة تحمل كثير من الطموح بين اهمال الجامعات ولا مبالاة وعدم كفاءة
الكوادر التى تعمل بالجامعات .
شكرا اخى لهذا الخبر المفرح
انتصار
| |
|
|
|
|
|
|
Re: الدكتورة الباحثـة هـدى المبارك - فخــر لكل الســودانيين (Re: Abureesh)
|
Congratulations
For more details go to the following links
http://www.ecs.soton.ac.uk/news/757 http://www.innos.co.uk/news19.asp http://www.electronicstalk.com/news/iod/iod114.html http://www.eetuk.com/tech/news/rn/showArticle.jhtml?articleID=165701865
ECS researcher awarded prestigious Research Fellowship Huda El Mubarek Copyright: Steve Shrimpton An ECS researcher whose PhD results have already been patented by the University has been awarded a prestigious five-year research fellowship. Dr Huda Abdel Wahab Abdel Rahim El Mubarek of the School of Electronics and Computer Science (ECS) at the University of Southampton has been awarded a prestigious five-year research fellowship by the Royal Academy of Engineering (RAEng) jointly with the Engineering and Physical Sciences Research Council (EPSRC). Quote: This is the first time that this award has been made to a female member of the University |
. During her fellowship Dr El Mubarek will be researching novel methods of dopant diffusion suppression in semiconductors. This is a further development of the doctoral research which she completed in Southampton in 2004 with Professor Peter Ashburn, in which she has shown that a properly optimised fluorine implant is able to completely suppress boron transient enhanced diffusion in silicon and silicon-germanium and significantly reduce boron thermal diffusion. These important results have been patented by the University of Southampton and will now be commercially exploited by Innos Limited. Dr El Mubarek came to Southampton from Sudan in 1996 as an undergraduate student, drawn by the reputation of the School of Electronics and Computer Science. In 1999 she graduated top of the first class honours category in her degree cohort in Electronic Engineering and won numerous prizes for her achievements, including the Dean's Award for Best Performance throughout her degree. 'I'm delighted to have received the RAEng/EPSRC Fellowship,' she said, 'and I am looking forward to the exciting opportunity which it will give me to continue with my research here for the next five years.' 'Southampton is simply the best place for me to undertake this research,' she added, 'because of the facilities in the University and the Innos cleanroom and the team. It's a very friendly environment and I am very happy to be here.'
Posted by Joyce Lewis on 07 Jul 2005.
| |
|
|
|
|
|
|
Re: الدكتورة الباحثـة هـدى المبارك - فخــر لكل الســودانيين (Re: Abureesh)
|
أستاذ أبو الريش
والله ده خبر مفرح للغاية، أُثلجت به صدورنا في زمن عزت فيه الفرحة
التحية لك حامل البشارة
وكل التقدير وخالص التهاني للدكتورة هدى
فخر لنا وللنساء أجمعين
عقبالنا يارب
أميرة
خارج السياق: جاء في عبارتك:
Quote: فى الغرب لو جبت مشروع جديد proposal، المنسق فى الجامعـة يوصلك بجهتين على طول (بعد التحريات الأوليـة) الجهـة الأولى (كفيل) فى الجامعـة، |
بصراحة كلمة كفيل كادت (ترميني) من الضحك عديل كدة ... فقد مرت على أو قل مررت أنا بها عدة مرات اليوم في المنبر العام وطبعاً أول ما قرأتها هنا استدعت ذاكرتي الكفيل (الواحد داك) لذا بدا سياق الكلام غريبا ومضحكاً بالنسبة لي للوهلة الأولي -- أرجو المعذرة -- الظاهر انو الواحدة راسها بقت تتحرك في اتجاه واحد unidirectional
مودتي العميقة لشخصك البديع وكامل احترامي
| |
|
|
|
|
|
|
Re: الدكتورة الباحثـة هـدى المبارك - فخــر لكل الســودانيين (Re: Amira Ahmed)
|
سلام يا اميــرة وان شاء الله ربنا يكرمك
الف عقبالك انت برضـو و براكى شايفة هدى رفعت السقف كيف قريت بروفايلك وعرفت انك برضو مدينك غنيمات تسـرحى بيهم..
ما يشبكوكى هاى تك هاى تك.. قولى ليهم نحن المصطلحات دى نطـرد بيها الغنم ســاى.. بعدين هم ما يغشونا ساكت.. اصلو فى جبل فى تكساس فيه حجارة معينة يقطعوها صغار صغار ويعملوا ليها كرعين بعدين يقولوا دى ترانزسستـورات ويبيعوها لينا!!
| |
|
|
|
|
|
|
Re: الدكتورة الباحثـة هـدى المبارك - فخــر لكل الســودانيين (Re: Abureesh)
|
سلامات يا أبا الريش،
نرجع لموضوع جهل العالمأوليين بالعامل المشترك البسيط لأهديك هذا التحقيق الصحفي:
Quote: "Stupid in America" is a nasty title for a program about public education, but some nasty things are going on in America's public schools and it's about time we face up to it. |
http://abcnews.go.com/2020/Stossel/story?id=1500338 وللتحقيق علاقة، أيضاً، بما تفاكرنا حوله عن أثر المنافسة على تجويد المنتجات والأمر المدهش هنا أنَّ هذا التحقيق يتحدَّث عن تجويد منتج أعتبره "أبو المنتجات ذاتا" ألا وهو تقديم خدمة التعليم العام.
أود أن أسمع رأيك، وربَّما أراء ضيوفك، حول مقارنة النظام التعليمي الأمريكي مع البريطاني (لا أقول الأوروبي لأنَّنا كسودانيين، أو بالأحرى بصفتي متعلم على نظام ما قبل الانقاذ، نهلنا معظم علومنا على النظام البريطاني).
أود أيضاً أن أنتهز هذه الفرصة لأشد على يد القابضين على جمر التعليم بالسودان (عامه وعاليه) ولأحي أولئك الذين يكافحون لكي يصنعوا من فسيخ النظام التعليمي الإنقاذي شربوتاً سائغاً للشاربين.
أرجو أن تسمح لي أن أبدي أشد إعجابي بتحقيقات جون ستاسل وأدعوك، وضيوفك، لمتابعتها فالرجل صحفي من النوع النادر والأجدر بالتعلَّم من تحقيقاته.
تحياتي لك ولضيوفك الكرام.
| |
|
|
|
|
|
|
Re: الدكتورة الباحثـة هـدى المبارك - فخــر لكل الســودانيين (Re: Adil Al Badawi)
|
Dear Adil Al Badawi
Thanks for pushing this post up once again These days I am traveling and have little time to follow the board hopefully I be able to continue soon with this interesting discussion
best Abureesh
p.s. Please feel free to start a new thread for discussing education and research in Sudan
(عدل بواسطة Abureesh on 03-16-2006, 04:57 AM)
| |
|
|
|
|
|
|
|