|
|
|
 Re: ياناس البرتا(Alberta) ياخاينيين (Re: النصرى أمين)
|
هجره عكسيه مكثفه نحو مقاطعه البرتا الكنديه :
غادرت مجموعه كبيره جدا من السودانيين مدينتنا الصغيره
سانت كاثرينز متوجهين لمقاطعه البرتا بعد ان سقطت دفاعاتهم
الارضيه امام اغراءات الوظائف الجيده ..
قرات امس مقالا فى جريده الاستاندر المحليه جاء فيه ان بعض
المطاعم الصغيره فى البرتا اضطرت لتقليل ساعات التشغيل بسبب عدم
وجود عماله كافيه ...وان احد محلات KFC اغلق ابوابه نهائيا لنفس السبب.
يضيف التقرير ان النهضه الاقتصاديه التى تعم المقاطعه بسبب
البترول ربما تتعرض للبطء الشديد لعدم وجود الموارد البشريه...
الطريف فى الامر ان احد الاصدقاء هنا فى سانت كاثرينز اضطر لقفل
محله التجارى بسبب هجره 80% من زبائنه لالبرتا ...مما اجبره ان
يرحل بنفسه هناك ...
هناك نكته تقول ان سكان البرتا يفكرون فى بناء "حيطه"
امام القادمين من اونتاريو و كويبك
its about time
| |
 
|
|
|
|
|
|
|
|
Re: ياناس البرتا(Alberta) ياخاينيين (Re: النصرى أمين)
|
الاخ جمال
مرحب بيك فى البورد ,ونتمنى لك اقامه طيبه بيننا..
المجموعات المهاجره لالبرتا تضم خبراء سودانيين فى
جميع المجالات ...
يعنى بعد شويه حتشم ريحة الكمونيه فى الداون تاون
والتمباك فى كل كورنر ..
اما الغلاط بصوت عالى فحيكون فى كل مكان
تقبل تحياتى
| |
|
|
|
|
|
|
|
|
|
Re: ياناس البرتا(Alberta) ياخاينيين (Re: النصرى أمين)
|
الاخ الفحل
اهلا ومرحب بيك فى بوستنا المحلى ده..
انا عشت فى برتش كولومبيا فى منتصف التسعينيات
وهى فعلا جميله ومدهشه و المناخ فيها خرافى ..
بس المشكله انها "امريكية" اللون والطعم والرائحه..
وما بتشبه كندا فى شئ ..
وبرضو غاليه غلاء طاحن ..
ازكر اننى كنت اسكن من غرفه واحده فى شقه فى عماره "معشكبه"
ريحة البنقو ضارب 24 ساعه الايجار كان 600 دولار
الان فى البرتا لا توجد مشكله سكن والايجارات معقوله جدا و امكانيه
شراء البيوت فى امكانية الجميع ...
هنا فى مناطق تورنتو متوسط سعر البيت العادى بين 250 -300 الف دولار ...
ابن اختى يعمل صيدلى فى احدى المدن الصغيره فى اقليم Peace river فى
مقاطعه بريتش كولومبيا وهى منطقه متاخمه لالبرتا تم اكتشاف الغاز وبعض المعادن
يقول لى ان هناك طلب متزايد للعماله وان متوسط الاجور حوالى 20 الى 25 دولار
فى الساعه ..وهو مستغرب جدا الناس دى قاعده فى اونتاريو و كويبك لشنو!!!
كل الود
it's about time
| |
|
|
|
|
|
|
|
|
|
Re: ياناس البرتا(Alberta) ياخاينيين (Re: Gamal Abayazid)
|
لمن يريد الانتقال ل البرتا للعمل وليس لديه مكان للاقامة هناك..
وليس لديه ما يكفى من المال للايجار..ان يحاول مجال السايسمك...
Seismic (Oil Explorations)...Line Helpers... Troubleshooters...shooters and else…
ما يميز هذا العمل انه.. أوت دور.. تتكفل الشركات المخدمة باسكانك.. سواء فى فندق او كامب..وتتكفل الشركة بكل تفاصيل المعيشة...مجانا..اضافة لبونس ..للبشد حيله شوية.
العمل يحتاج للياقة عالية..و صحة بدنية ..وقوة تحمل..للبرد (على الاقل ساعة 12 يوميا) محسوبة الاجر الاضافى..
لا توجد ويك أندز..28 يوم عمل واسبوع راحة تذاكر البصات مدفوعة..
يمكن ان تصفى 3000 دولار ولا تحتاج لاستخدام كارت البنك ولا سحب فلوس ..الا الدخان..
العمل شاق ولكنه ممتع لمن يحب الطبيعة..فقط..انها بداية مناسبة للقادر صحيا وجسديا ..
وتجربة ربما تقذف بك فى قمم او وديان الروكى..والوسيلة الوحيدة للانتقال ..الهيليكوبتر لمحبى مغامرات الطيران..اضافة لجهاز راديو لزوم الطوارىء...
افضل الشركات التى جربت العمل معها...
Polaris Explorer
Phone # 403 531 9739
هذا الوقت بالذات يعتبر عز الموسم.. والذى يبدا فى الانحسار مع ذوبان الجليد فى فصل الربيع..
تمنياتى بالتوفيق..لمحبى الطبيعة..و ا لتحديات المتجددة
..لآجل المال ..واللياقة.. وتجديد ا لاسبريت..
قووود لك..
| |
|
|
|
|
|
|
|
|
|
Re: ياناس البرتا(Alberta) ياخاينيين (Re: النصرى أمين)
|
يا سلام عليك يا الفحل..
معلومات مفيده جدا والله ...
وكثير من شبابنا يناسبه هذا النوع من العمل ...
غايتو يوم الاثنين الجاى تلفون الشركه دى ما حيقيف لحظه واحده..
حقو تضرب ليهم وتكلمهم انك عملت دعايه للشركه وتطالبهم بالكميشان..
شكرا ليك على المعلومه المفيده
| |
|
|
|
|
|
|
|
|
|
Re: ياناس البرتا(Alberta) ياخاينيين (Re: النصرى أمين)
|
قريت البوست يالنصرى ولاحظت انه السودانيين بييعملوا نفس الحركة دى هنا ..
اليومين دى الهجرة اريزونا..
ولما وصلت لمشاركة الفحل لقيت روحى بقول" كر على!!!
الله يجازى الكان السبب..لكن هذه هى الحياة ...قسمة ونصيب.
ربنا يوفق الجميع.
| |
|
|
|
|
|
|
|
|
|
Re: ياناس البرتا(Alberta) ياخاينيين (Re: النصرى أمين)
|
وسلام ياتماضر
اهو حال الدنيا ..والمضطر بركب الصعاب ..
ومن اجل مستقبل افضل الواحد ممكن يمشى ويعيش فى الاسكيمو ...
زمان لمن كنا فى امريكا كانت الموضه نورث كارولاينا وبعدها جات اتلانتا
واخر ايامنا كانت شيكاغو ..دلوقت اريزوما وبكره يمكن تكون
داكوتا ....ويستمر مسلسل البقاء والعدم...
شكرا على المرور
وسلامى لاولاد فرح التلاته
| |
|
|
|
|
|
|
|
|
|
Re: ياناس البرتا(Alberta) ياخاينيين (Re: النصرى أمين)
|
الاخ العزيز النصري ارجع واقول تاني مرحب بيكم ولو ما شالكم الروكي بنشيلكم في راسنا وفي النهاية بقولوا ما فرقت بين احمد وحاج احمد يعني كلها غربة في غربة و(نحن من نفر عمروا الارض حيث ما قطنوا) بس نصيحتي الاولة للشباب انوا فرق كبير بين شكل الحياة في انتاريوا وفي البرتا بس لاتوا المهاجرين لسا فكرة جديدة علي رعاة البقر ديل يعني الرجل الابيض عموما صعب ارسم ليك ابتسامتوا الصفراء ذي بتاع انتاريوا يعني بالواضح ما في عنصرية مهذبة ذي باقي محافظات كندا
وبالنسبة للبرد والله ما باردة ما تخاف . بس جيب الملوحة واعجبني فيكم كللكم ( سفيفن) الصعود حا اكون بهلةمعاك في البوست لما اوصل اخر زول منكم
وتحياتي
| |
|
|
|
|
|
|
|
|
|
Re: ياناس البرتا(Alberta) ياخاينيين (Re: خالد احمد عبد المنعم)
|
النصري.. حبابك يا صديق..
و التحية لأستاذنا عبد اللطيف الفحل.. أقتفينا اثره.. و آثر جمال كولومبيا البريطانية..
ألبرتا .. لذيذة..
الشعب السوداني هنا.. مهيصة هيصة السنين.. كل ويك اند .. حفلة.. قال شنو؟ قال عروسة جاية من السودان.. و تحت تحت .. قالت القوالة.. أن احدى مدن ألبرتا الصغيرة(بروكس) صارت جزء من أغاني البنات في السودان.. و يحكي أن احدهم في امريكا اتصل على أهله في السودان.. فسأله والده قائلا.. انت يا ولدي دولة بروكس دي ما قريبة منكم .. ما تغترب فيها..!!
مجتمع السودانين هنا .. يعني يذكرك بالسودان (أنا بقول كده لأني عشت ست سنوات في سسكتشوان..و بالجد شعرت بالغربة).. و حسيت بالفرق ..
و زي ما ذكر اخونا خالد.. اهالي ألبرتا.. فيهم عنصرية جامدة ..
العمل متوفر .. و ومرة ضحك أحد القادمين .. من أونتاريو .. حنما لمح اعلان في عربية الشرطة.. للتقديم للعمل..
لكن الجدادة.. و بيضها..دي قصة تانية خالص..
في السنة دي قامت حكومة المقاطعة بمنح أي مواطن/مواطنة .. طفل/طفلة.. مبلغ اربعمائة دولار من فائض عائد النفط..اتخيل .. تقوم من أول الصباح و تلقى في صندوق بريدك مثل هذا المبلغ المحترم.. و انت و قدرتك في العيال..
من الطرائف أن احدهم قبض .. و طوالى قال السودان .. عشان يجيب زوجة تانية.. لأنو المسألةالعام القادم يمكن تكون أكتر..
عموما .. الميعاد الحددتو قريب .. و حبابك عشرة يا زول..
و دمت
كبر
| |
|
|
|
|
|
|
|
|
|
Re: ياناس البرتا(Alberta) ياخاينيين (Re: النصرى أمين)
|
الاخ خالد
Quote: وفي البرتا بس لانوا المهاجرين لسا فكرة جديدة علي
رعاة البقر |
مصيرهم الكاوبويات ديل يتعودو على المهاجرين والا مصالحهم
كلها بتقيف ..اهم شئ انو كل زول يكون واعى تماما لحقوقو
وواجاباته واقل عنكبه شنكبه تصعيد الامر لجهات عليا......
كل الود والى لقاء قريب
الاخ الاديب كبر
مرحبا بيك هنا وشرفت والله
مدينه بروكس اصبحت واحده من اشهر امريكا الشماليه
لكثافه الجاليه السودانيه فيها ..وليهم حق ناس السودان
يدخلوها فى اغانيهم ..
بالنسبه ل Quote: حنما لمح اعلان في عربية الشرطة.. للتقديم للعمل..
|
زكرتنى صديق عزيز حاول التقديم لشرطه المدينه هنا فى انتاريو
وفى النهايه وصل لقناعه انو الشغلانه مستحيله بسبب قوه المنافسه ...
يعنى يكون عايزين 10 ظباط يقدمو 15 الف شخص ...
المنافسه على الوظائف هنا فى اونتاريو حاميه جدا جدا ..
كمثال .فى الشركه التى اعمل بها الان... تظهر احيانا بعض الوظائف
"السنينه" لكن عدد المقدمين ليها عادة يتجاوز المئات ..بحيث تصبح عملية
الاختيار مهمه صعبه جدا لناس human resourse
انشالله حنسجل "زياره تفقديه" للولايه بعد 5 اسابيع ونشوف بعد داك ..
كدى يمكن نحصل ال 400 بتاعت السنه الجديده
كل الود لكم
ولكل ابناء البرتا
| |
|
|
|
|
|
|
|
|
|
Re: ياناس البرتا(Alberta) ياخاينيين (Re: النصرى أمين)
|
سلامات يا النصري...أمين،
نحنا لا من ناس ألبرتا ولا حاجة لكين الخير بِعَجِبْنا رَمُّو وين ما كان. أها أمسك عندك:
Quote: Brian Jean says another 100,000 people are needed in Fort McMurray.
That’s why one oil company has built a runway to fly workers daily from civilization to Fort McMurray. But why would anyone want to come work in a place where temperatures plummet to 40 below and the sun sets shortly after it rises in the long winter? Well, perhaps because the oil companies pay some of the highest salaries in North America.
Take Josh Lichti, who says he could be making $120,000 by the time he is 22.
"It’s amazing," he says |
.
"| Quote: I think it’s bigger than a gold rush. We’re expecting $100 billion over the next 10 years to be invested in this area — $100 billion in a population that, currently, is 70,000 people," says Brian Jean, who represents the region in Canada’s parliament. |
تحقيق سي. بي. إس. نيوس عن البترول البِمْصروهو من الرملة في ألبرتا في هذا الرابط: http://www.cbsnews.com/stories/2006/01/20/60minutes/main1225184.shtml
أكان علي السقط مافي شيء ممكن يغطيك منو أحسن من الدولارات وأكان علي الشمش، شفتو منَّها ما فيهو الكفاية. أنْجضوا بَسْ وأمنياتنا لكم بالتوفيق.
| |
|
|
|
|
|
|
|
|
|
Re: ياناس البرتا(Alberta) ياخاينيين (Re: النصرى أمين)
|
الاخ عادل البدوى
الف مرحب بيك
ويبدو انك تشجع اللعبه الحلوه ..
| Quote: أكان علي السقط مافي شيء ممكن يغطيك منو أحسن من الدولارات |
والله كلام صاح ..مافى دفايه احسن من الدولار ..
بعدين احنا هنا فى انتاريو البرد مابقصر معانا ..
امبارح القريبه دى ..كسلت من تدفئة السياره قبل قيادتها ,,,ياخ والله برد
لمن غلبنى اربط الحزام ..دجه الحراره تحت الصفر ...تقريبا خمس دقائق وانا متفرزن
لغايه ما بدا السخان فى العمل ..
يازول مادام برد لبرد اخير الزول يمشى لبرد بفائده...
اتصلت قبل فتره باحد الاصدقاء فى احدى مدن الاسكيمو حيث الغالبيه هم سكان البلاد الاصليين
ولا استطيع اقول الهنود الحمر لان هذه الجمله استفذت احدهم حينما قلت له ذلك "بغشامه"ورد على بحده لماذا تقول لى هنود حمر لماذا تستفذنى ؟؟ هل تريد ان تتشبه بالرجل الابيض ..
اعتزرت له فى الحال وحاولت التبرير بجهلى بالامر ..قلت له ماذا لو قلت له انتم native
رد على لا نحب ذلك ايضا نحن شيبوان (او شئ من هذا القبيل)
المهم نرجع للموضوع ..هذا الصديق اخبرنى كل السودانيين فى تلك المناطق البارده حالتهم
ممتازه جدا ويمتلكون اعمال خاصه وبعضهم يمتلك عقارات ...وهو ايضا مستغرب الناس دى
"مكسره" فى انتاريو لشنو....
الاخ عادل
اظن انك تعيش الان فى السعوديه ولدى ملاحظه حول المهاجرين من الخليج,, والسعوديه بالذات
معظمهم ياتى الى كندا "بقروش كتيره" ويسكن فى اغلى المناطق فى كندا فى ضواحى تورنتو
حيث يصل ثمن البيت الى 300 الف دولار ...اها الجماعه يجو يشترو البيوت فى سكاربورو
وبعد داك الله كريم ...نعم العقار استثمار ولكنه استثمار جبان ..الواحد بضمن قروشه قاعده فى امان ويمكن تزيد شويه لكن كان من الممكن استثمارها مشاريع اكثر فائده
كل الود
| |
|
|
|
|
|
|
|
|
|
Re: ياناس البرتا(Alberta) ياخاينيين (Re: النصرى أمين)
|
سلامات يا شباب:
ناس البرتا ديل حلوين وظريفين لمن يلقو المهاجرين بيخدموهم و بالذات في أشغال هم ما عاوزنها...لكن لا مجال لاعطاء فرصه في عمل تخصصي الا بصوره محدوده جدا .... عشت في كالجري عام 1999 و كانت البرتا (booming) كما لم تكن من قبل ... رغم ذلك فرص العمل المهني كانت نادره جدا و لازالت الي حد ما .... خلاصة قولي عنصرية ال (Red neck) في البرتا أسوأ من أي مكان أخر ( في رأي المتواضع) ...
========
P.S. كبر سلامات ... متين سبتو رجاينا الحنينه؟ keep in touch!
| |
|
|
|
|
|
|
|
|
|
Re: ياناس البرتا(Alberta) ياخاينيين (Re: النصرى أمين)
|
الاخ النصري ... سلامات
أتفق معك أن ال7 سنوات فتره طويله ... لكن الوضع لم يتغير في المجال التخصصي ... لدي صديق تخرج من ( Southern Alberta Institute of Technology) ببكلاريوس هندسة بترول منذ 2001 وفي هذا المجال بالذات يتم تعيين الطلاب في كالجري قبل التخرج ... هل تصدق هذا الصديق لليوم في كالجري ولليوم لم يجد فرصه في مجاله و الذي لديه خبره فيه قبل الهجره .... أعتقد أن منصور المقتاح ممكن يقدم وجهة نظر دقيقه ... نسبه لمعايشته للوضع هناك و لدرايته بكل التفاصيل .... في الاخر رأي يحمل تجربتي ورؤيتي الخاصه التي قد تكون غير مواكيه لطول المده كما ذكرت .... مع أمنيات التوفيق .
| |
|
|
|
|
|
|
|
|
|
Re: ياناس البرتا(Alberta) ياخاينيين (Re: النصرى أمين)
|
الاخ مرتضى
تحيه واحترام ..
والله الشئ البنسمع بيهو بخصوص التوظيف فى مجال الحفر
والتنقيب على البترول يصل لمرحله الخيال ..
سمعنا ان هناك كثير من شركات التنقيب تبحث على عماله
ماهره فى اعمال الحفر ومستعدين لتدريب الراغبين لكورسات
قصيره (3 او اربع شهور) يتم بعدها ارسالهم لمناطق الحقول بمرتبات
جيده جدا ..
سمعنا كذلك ان اى وظيفه ابتدائيه فى مناطق الحقول تتعدى ال 25 دولار
فى الساعه ....وان هناك شح شديد هناك ...
غايتو الواحد لازم يمشى بنفسو ويحكم ...وناس المفتاح وامير مساعد
برضو ممكن يدلو بدلوهم فى الموضوع ..
تقبل تحياتى
النصرى
| |
|
|
|
|
|
|
| |
Gamal Abayazid
Tumadir
Kabar
فيس بوك
تويتر
انستقرام
يوتيوب
بنتيريست