كتب الكاتب الفاتح جبرا المتوفرة بمعرض الدوحة
|
بـورداب الـرياض . . أحي أنا . . سـجمي
|
ناس عيدروس سافروا الحصاحيصا قالوا عندهم بكى ناس حجة حليمة لقوا غنمايتهم الكانت ضايعة كلتومة وبتها زينب رجعوا الشيلة لعبدالغفار وقالوا ما فيها اشارب ولا توب ربط وكمان كل حاجة جايبنها ستة ستة . . دا زمن ستة ستة يا انت هارون راجل ست النفر باع التاكسي حقو سجمي الراجل دا حيشتغل شنو تاني ناس عوض الله جوهم ضيوف من البلد وقالوا جايبين معاهم ولدهم كمان عشان يعملوا ليه عملية في أضانه الأولاد البيقعدوا جنب الغسال تحت عمود الكهربا لمن جات ماشه سلوى قالوا ليها يا عسوليه أحي أنا . . . طلعت عليهم حجة الشول من بيتها وما خلت ليهم فرضاً ناقص سالمين ولد ناس متولي رجع من الامارات وجاب معاه حافلة روزا
|
|
|
|
|
|
|
|
Re: بـورداب الـرياض . . أحي أنا . . سـجمي (Re: حمزاوي)
|
جوابك وصل خطه واضح حرفه متين ومكين والجواب زي ما بتقول حاجة أم تبات بيكفيك علوانه.. رد الرسالة واجب أم حقين شايفها الليلة زعلانة، قالت مشت الجزر ولقت اللحم سعره طاير في السماء، يعني الواحد ما يأكل.. نفيسة جارتها زولة ممسوخة قالت ليها إنت عارفه يا أم حقين أختي لازم تمشي شفخانة الحلة الرمتانة دي عشان تجيبي ليك دواء.. أم حقين نطّرت عينونا تقول هجم عليها دبيب.. دواء شنو يا ولية.. نفيسة.. دواء سعر أم حقين.. ولي شنو نفيسة.. والله يا أم حقين أختي أكان سعر اللحم دا كل يوم زايد وليداتك ديل بعد شهر يبقوا سعرانين زي كلاب ولد جار سوطو
| |
|
|
|
|
|
|
Re: بـورداب الـرياض . . أحي أنا . . سـجمي (Re: سيد محمد احمد سيدنا)
|
حمزاوي .. ناس الرياض سلام هي .. مالكن تشيلوا من الشرق وتختوا في الغرب ، غايتو من تالا النضم فتو ناس بت الصديق ..، وبت بياع السوتها رقدت قالو دبحت تيس الرحمة وباعتو كيري عشان تدفع ضمانة راجلها في الظبطية .. الخبر جابتو بت ضوة من فريق بردب ، باقي ناس الحصحيصة عندهن المحن .. أها ودعتكن الله بمشي وبجيكن صادا عشان بدور امشي اصبح على البنية النفسا بت المراري ما مشينت ليها جابتلها بنية حلاتها ، الا ياكافي البلا راجلها لا خبر ولا اتر من ما مشى السعودية واحدين قالو ممسوك في الحجز شالو في الكشة ... ودعتكن الله بدور اغشى السوق واجيب لي كريمة سعف من سوق الشمش .. اها عقب بجي عشان أقول ليكن الحاصل ..
| |
|
|
|
|
|
|
Re: بـورداب الـرياض . . أحي أنا . . سـجمي (Re: عشة بت فاطنة)
|
Quote: ناس الرياض سلام هي .. |
ما انتي قريبتي وبت عمي وليك مني مليون مسكاقمي ولي النازلين بالسلم عيني باردة عليهم زهرتين وفارس حافظهم رب العالمين سلام لي بابا وماما وللمدرسين وناظر المدرسة والفراشة وجرس الحصة والسبورة والكنبات والزملاء والزميلات لازم لازم تشجعوا المريخ
| |
|
|
|
|
|
|
Re: بـورداب الـرياض . . أحي أنا . . سـجمي (Re: حمزاوي)
|
Quote: زهرتين وفارس حافظهم رب العالمين |
حمزاوي .. ضحكتني الفي السلم ديل ما عندنا فيهم غير بطنة واحدة بس تخص السودان فاطمة ترسم الشمس اها البنية الورانية دي صينية عديل ما صينية الت شاي من الصين مرة والشافع الدرفين دا تركي ما شايف سمات العصر التركي ... اها ديل شفعنا في الغربة عولمة ساكت مافي لحمة
| |
|
|
|
|
|
|
Re: بـورداب الـرياض . . أحي أنا . . سـجمي (Re: عشة بت فاطنة)
|
واصلوا هذا الإبداع إستمتعت وتكشف لي لو أن الشعب السوداني جسد شخصية بنت قضيم في اعماله الدرامية لما سقط المسرح بهذه الشاكلة والله إبداع لا متناهي يا بورداب الرياض أرجو المواصلة عليه ================== كر عليكم لا أدري معني كر هل من مجيب
| |
|
|
|
|
|
|
Re: بـورداب الـرياض . . أحي أنا . . سـجمي (Re: حمزاوي)
|
حمزاوى مساقمى ناس نفيسه قميصم نشف وناس ودار ودرو المفتاح ووناسه نست الجبنه فى النار و ناس هناى ديك قالو بعملو مؤتمر ودقو الدلجه - اصلو سحروهم وقالو ليهم يا مصلعين!! ود علاء الدين بيوصيك وبيقول ليك تعال بى هناك كان الله ادى العمر !! واهلى طيبين وبسلمو عليك وبيوصوك على الزول السلخ الخروف " وهلاس " --------------- يا ما ايلق مقتيلو وو اركونى
| |
|
|
|
|
|
|
Re: بـورداب الـرياض . . أحي أنا . . سـجمي (Re: حمزاوي)
|
Quote: ناس عوض الله جوهم ضيوف من البلد وقالوا جايبين معاهم ولدهم كمان عشان يعملوا ليه عملية في أضانه الأولاد البيقعدوا جنب الغسال تحت عمود الكهربا لمن جات ماشه سلوى قالوا ليها يا عسوليه أحي أنا . . . طلعت عليهم حجة الشول من بيتها وما خلت ليهم فرضاً ناقص سالمين ولد ناس متولي رجع من الامارات وجاب معاه حافلة روزا |
*ميمي خيري قالو طشى في الخلا بتاع الدمام ..بدل ما يبلغو القنصلية السودانية قامت صحبتو بلغت ناس حماية الحياة الفطرية والارصاد الجوي..
*نقلا من بلاغ صحبة مجنترة راسها ما معاهاوتضج بالمودة..
| |
|
|
|
|
|
|
Re: بـورداب الـرياض . . أحي أنا . . سـجمي (Re: حمزاوي)
|
حواء بت عبد الرحيم ود حمد قالت كانت متحسسة وتعبانه وحيلة ماهو شايله قامت مشت لي حسب الله ود حامد الحكيم قالت اداها من الحبوب عينت النصهن صفر حمر بلعت منهن الكمدة والرمدة حمزواي اخوي دحين قبل يومين مو تاكل ليك في فول ناشف بلا زيت عند ابو العباس وين الخرفان ديل وجلودن لكن كان عارفك كدي كان جيت قسمتو معاك بالهنا الفول والخروف نضمك سمح
| |
|
|
|
|
|
|
Re: بـورداب الـرياض . . أحي أنا . . سـجمي (Re: حمزاوي)
|
حواء بت عبد الرحيم ود حمد قالت كانت متحسسة وتعبانه وحيلة ماهو شايله قامت مشت لي حسب الله ود حامد الحكيم قالت اداها من الحبوب عينت النصهن صفر حمر بلعت منهن الكمدة والرمدة حمزواي اخوي دحين قبل يومين مو تاكل ليك في فول ناشف بلا زيت عند ابو العباس وين الخرفان ديل وجلودن لكن كان عارفك كدي كان جيت قسمتو معاك بالهنا الفول والخروف نضمك سمح
| |
|
|
|
|
|
|
| |