كتب الكاتب الفاتح جبرا المتوفرة بمعرض الدوحة
|
آآآآآه يا سفارة السودان بالرياض
|
عندماقررت العودة النهائة للوطن الحبيب . قلت يا ولد كدى عرج على سفارتنا الفتية وشوف الامتيازات شنو. وكان أن ذهبت واستفسرت . فما كان من القائمين على الامر ودون عناء أن زودونى بصورة من قرار وزير المالية بالاعفاءات الجمركية للعودة النهائية وهو طبعا كالعادة قرار غير واضح ولا يحمل أى تفاصيل . وعندما سالت عن التفاصيل ردوا على الشباب والله دا العندنا وهى فى ملخصها اعفاءات للعفش المستعمل هذا ما قالوه بالحرف الواحد. قلت والله مافى داعى، يعنى انا قاعد لى عشرين سنة وفى النهاية أشيل لى كراكيب مستعملة وشوية كرور أرجع بيهو ، احسن امشى اشترى من هناك. وعندما عدت كانت الدهشة. وجدت قائمة كاملة بما هو معفى من جميع الرسوم الجمركية للمنقولات الشخصية للمغترب وكمان جديدة لنج ايه رايكم. واذا كان سفارة السودان بالرياض لا تعلم فشر البلية ما يضحك . وما هى الخدمة التى تقدمها هذه السفارة اذا كانت لا تعلم بابسط الاشياء التى لاتكلفها سوى مكالمة تلفونية بعشرين ريال الى سلطات الجمارك بالجهاز المزعوم أنة للعاملين بالخارج. ولماذا لا يوزع هذا الجهاز نشرة للسفارات بالخارج. ولتعم الفائدة للاخوة المغتربين الذين كنت واحدا منهم قبل شهر، دعونى اسرد عليكم القائمة . اثنين غرفة نوم اثنين غرفة جلوس اثنين طقم ترابيز صغيرة سرائر ( العدد غير محدد بالقرار) مراتب "" "" "" اثنين يونت طقم مذاكرة موكيت ( الكميةغير محددة بالقرار) سترائر "" "" "" "" اوانى منزلية "" "" "" ثلاجة ديب فريزر اثنين ثلاجة عادية ثلاجة كولر مياه بوتاجاز فرن واحد مكيف اثنين تلفزيون واحد غسالة واحدفيديو واحد طبق هوائى ديجتال اثنين مكواة كهرباء اثنين مكيف ( مكرر حسب القرار) ثلاثة مراوح استاند مكنسة كهرباء
هده القائمة بالنص حسب ما وردت بالقرار لتعم الفائدة اخوتى الغلابة من المغتربين. ويا سفارة السودان فى الرياض مرة اعملوا ليكم شغلانة كاملةوخلونا من حكاية دا العندنا واجتهدوا شوية، ولكل مجتهدنصيب.
|
|
|
|
|
|
|
|
Re: آآآآآه يا سفارة السودان بالرياض (Re: إسماعيل وراق)
|
وراق اخوى سلام من صبا بردى أرق طبعا انا بعد دا ما لى ناقة ولا جمل فى اولويات ومهام سفارة السودان فى الرياض والله يعينك انت وود قاسم وآخرين على مهام واوليات ناس السفارة. نحنا خلاص بقينا احرار، وخلونا نشوف رحلة بورداب الخرتوم اخبارها شنو ، على فكرة يا وراق انا اعلنت سفرى فى الموقع اظنك الايام ديك كنت مشغول شويةتحياتى التى لا تنقطع لجميع بورداب الرياض
| |
|
|
|
|
|
|
Re: آآآآآه يا سفارة السودان بالرياض (Re: م. سيد احمد قدورة)
|
أبو السيد يا أخي الرياض بدونك ناقصة ... حمد لله على السلامة وبركة بنهاية الغربة ، وربنا يردنا جميعا إلى الوطن .. كيف الأولاد والأهل ، والجيران ،،، عليك مر سلم على وليداتي ، وقول ليهم أبوكم مشتاق ليكم وإن شاء الله جاييكم قريب ونهائي ... تعرف يا أبو السيد السفارة زي ما قال إسماعيل وراق ما شغالة بينا ، وأنا كنت كتبت بوست عنوانه هل نحن همل ، والهملة طبعا عامة ... سأترك لك رسالة عند ابني طلال بخصوص ( بيت الجاك ) عشان تعمل زيارة للبيت وتورينا الناقص شنو حسب خبراتك ... وشكرا على قائمة العفش ..
| |
|
|
|
|
|
|
Re: آآآآآه يا سفارة السودان بالرياض (Re: Alshafea Ibrahim)
|
الله يعينكم اخوتى المغتربين . وانا تحت الخدمة لجلب اى معلومات تحتاجونها بالمجان على موقعنا الشامخ باذن الله وربنا يطول عمرك اخونا بكرى . اخى ود قاسم فى النية زيارة ابنائى بابى روف قريبا ودى ما فيها كلام يا ابو طلال. طبعا كنت ماشى كدارى ويا دوب سويت لى عربيه وبعد دا هاك ياجرى، ولو عاوز نكمل ليك البيت مافى اى مانع.
| |
|
|
|
|
|
|
|