|
اختفاء سيارة والى شمال دار فور من امام منزله !!!!!
|
عاجل من مراسل جريدة الفجر الجديد بالفاشر اختفاء سيارة والى شمال دار فور من أمام منزله ! 22/1/2006 الفاشر من م. س. خ. مراسل جريدة الفجر الجديد السبت 21/1/2006 م
تفاجأ سكان عاصمة ولاية شمال دار فور (الفاشر ) بانتشار إشاعة قوية خلال اليومين الماضيين سرعان ما تأكدت صحتها وهى أن السيارة الرسمية (ذات الدفع الرباعي ) لوالى الولاية السيد / عثمان محمد يوسف كبر قد " اختفت " من أمام المقر الرسمي للوالى بمدينة الفاشر وقد باءت كل المحاولات للبحث عن السيارة بالفشل وقد تأكد تماما عدم وجود السيارة داخل مدينة الفاشر وبالتالي تأكد خروجها خارج المدينة ، والمعروف أن مدينة الفاشر محاطة بالكامل بخنادق وسواتر ترابية وان عمليات الخروج والدخول من والى المدينة (للراكبين والراجلين ) تتم عبر بوابات ثابتة ومعروفة و" محروسة " على مدار الساعة ، كما أن السلطات بالمدينة ومن فرط تشديد الحراسة فيها فإنها تفرض من وقت إلى آخر حظر التجول الليلي من أوقات مبكرة من ساعات الليل وحتى طلوع شمس اليوم التالي والجدير بالذكر أن أهالي المدينة قد نسوا أو تناسوا موضوع اختفاء سيارة الوالي وانتقلوا إلى موضوع آخر ذات صلة يتم تداوله بكثير من السخرية والتهكم والشماتة وهو مضمون الرسالة التي وجدت في مكان اختفاء السيارة وتبعات تلك " الرسالة " على الحياة اليومية للسيد الوالي ، حيث يقال انه وجدت ورقة مثبتة من طرفيها بحجرين صغيرين في مكان وقوف السيارة قبل اختفائها وقد كتبت في هذه الورقة رسالة مقتضبة وبخط أنيق وبلغة إنجليزية طليقة تقول : this time only the vehicle is gone , who knows, the next may be the driver ! والجملة تعنى بالعربية : لقد ذهبت السيارة لوحدها هذه المرة ، من يدرى ربما الدور القادم على السائق ! وفور تلقى الرسالة اهتم الوالي بمضمون الرسالة اكثر من البحث عن السيارة المفقودة ، حيث أوكل إلى مستشاريه المقربين ترجمة الرسالة وعندما ترجمت له الرسالة أوكل إلى مجموعة أخري تأويل الرسالة بالتركيز على كلمة " السائق " ، وعندما اتفق المترجمون والمأولون على أن كلمة السائق ربما تعنى الوالى نفسه ، عندها جن جنون الوالى وبات يغير اماكن نومه عدة مرات فى الليلة الواحدة ، بدءً بقيادة الجيش ثم الشرطة ثم رئاسة امن الدولة والدفاع المدني والعملية مستمرة حتى كتابة هذا الخبر بعد يومين من الحدث ولا ندرى إلى أين ينتهى به المقام الآمن
|
|
|
|
|
|
|
|
Re: اختفاء سيارة والى شمال دار فور من امام منزله !!!!! (Re: ابراهيم بقال سراج)
|
كيفك يا بقال ..
شايفك خاتي ليك أيقونة بتاعت زول بيضحك مع الخبر !!!!!
هسي عليك الله في زمتك البيضحك شنو ؟
الناس السرقوا العربية دي يا بقال ناس حرامية ومقطعين وهم سبب معاناة أهل دارفور كلهم وادمنوا النهب والسلب بإسم قضية دارفور .. البيضحك شنو ؟!!
والله يفترض تخت ليك ايقونة بتاعت زول خجلان او زول مكسوف او زول شايل في إيدو بطيخة بمُص فيها مش تضحك !!!
صنفرة :
في بوست رندا منصور شايقك كبرت اللفة وما رديت على تساؤلاتي !!! وامبارح في بوست بريمة شايف ناصر محمد خليل قال ليك كلام وبرضو كبرت اللفة !! أها يا بقال اللفة البتكبرا دي ما باقيلك ضاقت شوية !!
| |
|
|
|
|
|
|
Re: اختفاء سيارة والى شمال دار فور من امام منزله !!!!! (Re: ناذر محمد الخليفة)
|
بالله عليكم أحكمو بالحق
وينصر دينك يا ناذر على الكلمات الصادقات
بالله عليكم الله سرقة سيارة الوالي إلما يدل هل يدل على وجود قضية لمتمردي دارفوور أم يدل على أن ناس التحرير والعدل والمساواة كلهم على بعضهم شوية حرامية وقطاعين طرق هذه إدانة لهم وللأسف من عند أنفسهم
وشهد شاهد من أهله
أمسك حرامي ,,, أمسك حرامي ,,, أمسك حرامي
أبو شهد
| |
|
|
|
|
|
|
Re: اختفاء سيارة والى شمال دار فور من امام منزله !!!!! (Re: ابراهيم بقال سراج)
|
وشهادة أخري تأكيداً للشهادة السابقة
هم من سرقووووووووووووو عربة الوالي
أقصد عربة الشعب السوداني
أنتو بتسرقو قبل ما يعطوكم السلطة والحكم فما بالكم بعد الحكم والسلطة الظاهر أنكم ستسرقون كل أموال السودان بحجة أنها تخصكم ومن حقكم
ياخي استحي على وجهك
أنا لو منك أتغطي بطرحة سودا وأدفن راسي في التراب من شدة الخجل
أمسك حرامي أمسك حرامي أمسك حرامي
متمردو دارفووور يقرون بأنهم مجرد لصوص وقطاعين طرق فقط لاغير لاغير
دا عنوان بوست حنزلو قريباً بس خلو بقال يزيد من إعترافاته
| |
|
|
|
|
|
|
Re: اختفاء سيارة والى شمال دار فور من امام منزله !!!!! (Re: ابراهيم بقال سراج)
|
عليك الله أسي لو ما الإنقاذ تقدر تتصل هاتفياً بالفاشر
Quote: في اتصال هاتفي قبل قليل مع احد مواطني مدينة الفاشر عن صحة الخبر اكد لي بأن الخبر صحيحة مائة بالمائة وان الوالي لم يشاهد منذ يومي امس وصباح اليوم كعادته دائماً يشغل النجدة بالمدينة الا انه اسكت النجدة منذ اول امس يبدو انه خائف ومندس ليه في حفرة دخان كما حال صدام حسين عند القبض عليه |
إبراهيم بقال مراسل لصوص دارفور .........
| |
|
|
|
|
|
|
Re: اختفاء سيارة والى شمال دار فور من امام منزله !!!!! (Re: ابراهيم بقال سراج)
|
!!!!!!!!!!!!!!!!!!!
Quote: عربة الوالي هي ملك للدولة وليس ملكاً للوالي نفسه وهي من اموالنا كشعب للدولة ومن حقنا ان نسترد اموالنا التي نهبت من قبل حكومة الانقاذ |
دا يا هو كلامك مش !!!!
يا بقال البتعمل فيهو دا كلو بيدل إنك فعلا زول امنجي ساكت وفي الامنجية النوع الما ناقش حاجة داك !! زول بيقول عن نفسو حرامي دا ما شفناهو إلا في المنبر العجيب دا !!
هسي منو القال ليك الحركات المسلحة عدل ولا تحرير هي السرقت العربية !! طلعوا ليك بيان بي عمليتم الظافرة ولا ضربو ليك تلفون ووروك !!
صنفرة :
شايفك تاني رجعت لي سيرة الخمرة والدخان ديك !!!!
| |
|
|
|
|
|
|
Re: اختفاء سيارة والى شمال دار فور من امام منزله !!!!! (Re: ناذر محمد الخليفة)
|
ياناذر الخليفة
انا حتي الان نقلت الخبر من جريدة الفجر الجديدة فقط وبدافع عن الجهة التي قادت العربة وبقول من حقه لانه ملكه ولم احدد الجهة التي قادت العربة حتي الان فارجو ان لا تحول الموضوع من مساره ,, ربما يكون العربة قاده مواطن وخرج به وربما يكون خرج به السواق ,, وربما يكون تحرك لوحده كما جاء في الخبر
| |
|
|
|
|
|
|
Re: اختفاء سيارة والى شمال دار فور من امام منزله !!!!! (Re: ابراهيم بقال سراج)
|
!!!!!!!!!!!!!!!!
Quote: ياناذر الخليفة
انا حتي الان نقلت الخبر من جريدة الفجر الجديدة فقط وبدافع عن الجهة التي قادت العربة وبقول من حقه لانه ملكه ولم احدد الجهة التي قادت العربة حتي الان فارجو ان لا تحول الموضوع من مساره ,, ربما يكون العربة قاده مواطن وخرج به وربما يكون خرج به السواق ,, وربما يكون تحرك لوحده كما جاء في الخبر |
يا اخوانا مافي واحد عاقل من ناس دارفور يجي يسكت بقال دا !!!!
صنفرة :
أنا زاتي المدخلني هنا شنو ما عارف !! لا من دارفور لا من الحكومة لا من المعارضة !! غايتو اخليك تجلط بي راحتك ..
| |
|
|
|
|
|
|
Re: اختفاء سيارة والى شمال دار فور من امام منزله !!!!! (Re: ابراهيم بقال سراج)
|
Quote: ياناذر الخليفة
انا حتي الان نقلت الخبر من جريدة الفجر الجديدة فقط وبدافع عن الجهة التي قادت العربة وبقول من حقه لانه ملكه ولم احدد الجهة التي قادت العربة حتي الان فارجو ان لا تحول الموضوع من مساره ,, ربما يكون العربة قاده مواطن وخرج به وربما يكون خرج به السواق ,, وربما يكون تحرك لوحده كما جاء في الخبر |
بق بق
لووووووووووووووووووووووووووول
انت شارب حاجة يا اخوي !!!!
عليك الله ده كلام ناس واعية
لوووووووووووووووووووووووووول
بقال امشي استحما و تعال .
| |
|
|
|
|
|
|
Re: اختفاء سيارة والى شمال دار فور من امام منزله !!!!! (Re: ابراهيم بقال سراج)
|
الاخ أبراهيم بقال
الخبر عاري تماما من الصحة وانا بالأمس اتصلت بالفاشر أيضا وفوجئ الجميع بورود الخبر هذه الأشاعات لا تقضي غرض لقضية دارفور وارجو ان تقرء ما كتبه الاخ ناذر بدقة وتأني فلا يمكن لعاقل ان يفرح ويفتخر لسرقة
وكيف يستوي ان يكون عربة الوالي متوقفة امام المنزل حتى لكي يتسنى للحرامية سرقتها؟ كما اظن كاتب المقال وناقلها لا يعرفان شيئ عن تركيبة منزل الوالي بالفاشر
| |
|
|
|
|
|
|
|