اختفاء سيارة والى شمال دار فور من امام منزله !!!!!

Quote: في اتصال هاتفي قبل قليل مع احد مواطني مدينة الفاشر عن صحة الخبر اكد لي بأن الخبر صحيحة مائة بالمائة وان الوالي لم يشاهد منذ يومي امس وصباح اليوم كعادته دائماً يشغل النجدة بالمدينة الا انه اسكت النجدة منذ اول امس يبدو انه خائف ومندس ليه في حفرة دخان كما حال صدام حسين عند القبض عليه

Quote: يا اخوانا مافي واحد عاقل من ناس دارفور يجي يسكت بقال دا !!!! صنفرة : أنا زاتي المدخلني هنا شنو ما عارف !! لا من دارفور لا من الحكومة لا من المعارضة !! غايتو اخليك تجلط بي راحتك ..

Quote: ياناذر الخليفة انا حتي الان نقلت الخبر من جريدة الفجر الجديدة فقط وبدافع عن الجهة التي قادت العربة وبقول من حقه لانه ملكه ولم احدد الجهة التي قادت العربة حتي الان فارجو ان لا تحول الموضوع من مساره ,, ربما يكون العربة قاده مواطن وخرج به وربما يكون خرج به السواق ,, وربما يكون تحرك لوحده كما جاء في الخبر

نقاااااال عفوا بقال
رغم إنني أقف متحسباعلي الطلاق الباين من ساس يسوس ... ولكن ....!!

نقال عفوا بقال خلي بالك معاي في واحد قال ليك :

Quote: تفاجأ سكان عاصمة ولاية شمال دار فور (الفاشر ) بانتشار إشاعة قوية خلال اليومين الماضيين سرعان ما تأكدت صحتها وهى أن السيارة الرسمية (ذات الدفع الرباعي ) لوالى الولاية السيد / عثمان محمد يوسف كبر قد " اختفت " من أمام المقر الرسمي للوالى بمدينة الفاشر وقد باءت كل المحاولات للبحث عن السيارة بالفشل

Quote: والمعروف أن مدينة الفاشر محاطة بالكامل بخنادق وسواتر ترابية وان عمليات الخروج والدخول من والى المدينة (للراكبين والراجلين ) تتم عبر بوابات ثابتة ومعروفة و" محروسة " على مدار الساعة ، كما أن السلطات بالمدينة ومن فرط تشديد الحراسة فيها فإنها تفرض من وقت إلى آخر حظر التجول الليلي من أوقات مبكرة من ساعات الليل وحتى طلوع شمس اليوم التالي

يعني يالوالي ده محرس ناس مأجورين ولا طلعت كيف العربية دي يكون الوالي مشترك مع الحرامية ...... واداهم تعليمات يفتحوا الأبواب ... ولا طاقية إخفي وكده
ولا الناس السرقوا العربية دي عندهم قدرة خارقة وده يعني حاجات كتيررررررررة خلاص

نقاااال قول واحد

Quote: قبل اسبوعين صرح عثمان كبر وقال بأن متمردي دارفور يأتون يومياً الي مدينة الفاشر لاغراض صيانة سياراتهم وهناك مكنيكية يتعاملون مع المتمردين ولكن نحن لهم بالمرصاد ونغرضها معاهم علي حد زعم عثمان كبر !!!!

Quote: والمعروف أن مدينة الفاشر محاطة بالكامل بخنادق وسواتر ترابية وان عمليات الخروج والدخول من والى المدينة (للراكبين والراجلين ) تتم عبر بوابات ثابتة ومعروفة و" محروسة " على مدار الساعة ، كما أن السلطات بالمدينة ومن فرط تشديد الحراسة فيها فإنها تفرض من وقت إلى آخر حظر التجول الليلي من أوقات مبكرة من ساعات الليل وحتى طلوع شمس اليوم التالي

بدخلو بيطلعوا كيف ويصلحوا عرباتهم ....؟
يكون ياربي .................... ولا ايوه ايوه طاااااقية الاخفي ...

نقال قول اتنين

Quote: عندها جن جنون الوالى وبات يغير اماكن نومه عدة مرات فى الليلة الواحدة ، بدءً بقيادة الجيش ثم الشرطة ثم رئاسة امن الدولة والدفاع المدني

Quote: منذ اول امس يبدو انه خائف ومندس ليه في حفرة دخان كما حال صدام حسين عند القبض عليه

والله كويس يا نقااال حفرة دخان بالنهار وبالليل مع العسكر والأمنجية منتهي الحماية
يا ربي هو مدسي وبغير مكان نومو من منو ...؟ اهو انتو عارفين...

يا أخي تهذب في الحديث عن خصمك لو كان لديك قضية حقا..!!

نقاااال قول ثلااااااثة

Quote: عربة الوالي هي ملك للدولة وليس ملكاً للوالي نفسه وهي من اموالنا كشعب للدولة ومن حقنا ان نسترد اموالنا التي نهبت من قبل حكومة الانقاذ

Quote: انا حتي الان نقلت الخبر من جريدة الفجر الجديدة فقط وبدافع عن الجهة التي قادت العربة وبقول من حقه لانه ملكه

Quote: ولم احدد الجهة التي قادت العربة حتي الان فارجو ان لا تحول الموضوع من مساره

تدافع عن زول ما بتعرفوا متلقي حجج ساااااكت
ولا أنا ما فاهم حاجة كدي يا فيصل نووبي ساعدني افهم

نقاااال قول كم اقيف ارجع فوق قول أأأأأاربعة

Quote: ربما يكون العربة قاده مواطن وخرج به وربما يكون خرج به السواق ,, وربما يكون تحرك لوحده كما جاء في الخبر

كان ساقها مواطن وذلك يعني إنه سرقها وانت تدافع عن السرقة
كان ساقها السواق ما عااااااادي لأنو إتفقت في نقل الخبر

Quote: على أن كلمة السائق ربما تعنى الوالى نفسه

وإذا إتحركت براها معناها هي ذاتها كان من زماااان تحدد موقفها من الكرين هي مع ولا ضد ومن حق الحكومة أن لا تبحث عنها للعودة لبيت الطاعة وتطلقها إلي غير رجعة

نقاااال قول خمشة عفوا قول خمسة

Quote: عربة الوالي هي ملك للدولة وليس ملكاً للوالي نفسه وهي من اموالنا كشعب للدولة ومن حقنا ان نسترد اموالنا التي نهبت من قبل حكومة الانقاذ

Quote: ولم احدد الجهة التي قادت العربة حتي الان فارجو ان لا تحول الموضوع من مساره ,,

انت ماعرف الجهة يازول قوم شوف اموالك واموال شعبك السرقها منو
انت قاعد وما عارف السارق أموالكم منو ...؟

نقااااال قول ستة كفاية انا ماقاصد حركة كفاية انا قصي خلاص هذا يكفي
كدي النديك واحدة تانية صغيرة للتوضيح

Quote: عربة الوالي هي ملك للدولة وليس ملكاً للوالي نفسه وهي من اموالنا كشعب للدولة ومن حقنا ان نسترد اموالنا التي نهبت من قبل حكومة الانقاذ

Quote: المرة الجاي عليك ياعثمان كبير

العربية مال الشعب عشان كده سرقوها
عثمان كبير ده برضو حق الشعب ويسرقوه ولا الوالي برضو تابع لمالكم ولا ده موديل عربية الوالي التانية
والدور البعده لي منو ...؟




اخر قولي
أقوليك كما قلت أنت لي ناذر

Quote: اطلع امشي شوف شغلة تنفعك

وانا بقول ليك اطلع شوف الجهة السرقت عربيتكم منو عشان تستردها ولو سرقتوها انتو امشي الحق نصيبك اصلو البلد كلها قسمة في قسمة



ود زبيدة

(عدل بواسطة منتصر حسن محمد on 01-24-2006, 11:35 AM)