|
Re: أنا سوداني أنا .. ( عيون الكاميرا .. لسان الحال ) .. (Re: ابو جهينة)
|
جائزة للمصور كأحسن صورة لذاك العام .. و بعدها نال صقر الرمة جائزته ..
إنها الشهرة على حساب الأوجاع ..
و يلف النسيان قصة هذا الطفل ..
بينما يحلق صقر الرمة للبحث عن سيناريو آخر بصورة فوتوجينيك .. و لا تهمه الجائزة أو لمعان إسمه .. المهم أن تكون عظام الضحية بها بقايا من لحم .. حتى و لو جلد فقط.
| |
|
|
|
|
|
|
Re: أنا سوداني أنا .. ( عيون الكاميرا .. لسان الحال ) .. (Re: يازولyazoalيازول)
|
الرجل الحديقة هشام شيخ الدين
محبة و مودة و سلام
عليك الله السودان دة ما وطن فريد ؟؟؟
همسة في أذنك يا هشام :
للمرة الثانية أزوغ من الجنسية السعودية .. و قد أتتني في عقر داري .. أحسست بأنني سأغير جلدي بإنتزاعه إنتزاعا .. أحسست بأنني سأنتزع ذاكرتي و أرميها في الربع الخالي و أعتمر بجمجمة أخرى .. أحسست بأنني سأقتلع عيني و أضع منظارا آخر .. فلا يمكن أبدا و لا يستقيم عندي أن أنظر للدنيا بعيون غير عيوني التي إنعكس بهما أول ما إنعكس ضوء الشمس يتلألأ على صفحة النيل ..
مش ؟
أرقد عافية
| |
|
|
|
|
|
|
Re: أنا سوداني أنا .. ( عيون الكاميرا .. لسان الحال ) .. (Re: ابو جهينة)
|
اخوى ابوجهينة احسست بانى احب هذا الوطن فعلا فكلماتك واحساسك بهه جعلنى اتمالك نفسى وسرحت بعيد اتذكر وطننا حمى طفولتى ولم يستطع حماية غيرى....تذكرت ارضة وترابه وسماءه تذكرت طيبة اهلة تذكرت نيله وصحاريه سيعود لنا ونعود له سنجتز كل ما هو دخيل كل ما هو غريب ....سنجتز نار الفرقه المستعره ونحيل الحلم الى حقيقة لاننا نحبه لك كل الود
| |
|
|
|
|
|
|
Re: أنا سوداني أنا .. ( عيون الكاميرا .. لسان الحال ) .. (Re: حسن الجيلى سعيد)
|
أخوي حسن الجيلي
تحية أخوية صادقة
سعدت بدخولك مرفأ الوطن الحبوب .. مشاعرك تؤكد محبتك الحميمة لكل ذرة من تراب وطنك حماه الله و حفظه ..
Quote: احسست بانى احب هذا الوطن فعلا فكلماتك واحساسك بهه جعلنى اتمالك نفسى وسرحت بعيد اتذكر وطننا حمى طفولتى ولم يستطع حماية غيرى....تذكرت ارضة وترابه وسماءه تذكرت طيبة اهلة تذكرت نيله وصحاريه سيعود لنا ونعود له سنجتز كل ما هو دخيل كل ما هو غريب ....سنجتز نار الفرقه المستعره ونحيل الحلم الى حقيقة لاننا نحبه |
و المنجزات العظيمة تبدأ بأحلام صغيرة ..
أرقد عافية
| |
|
|
|
|
|
|
Re: أنا سوداني أنا .. ( عيون الكاميرا .. لسان الحال ) .. (Re: بدرالدين شنا)
|
شقيقي أبو البدور
محبة مستمرة إستمرار النيل
هاك العملة دي :
تعرف يا أبو البدور .. زمان كانوا في عطبرة أهلنا يدونا ( ريال كان بيساوي عشرة قروش ) .. نجيب منو العيش و الفول و الجبنة و ( نبرشت ) الباقي .. ريال فيهو بركة .. حسع ال 500 ريال تفكها .. و عليهو العوض منو العوض .. في السودان تروح تستلم قريشاتك الحولتها من هنا .. لمن تفتح الشنطة بعد يومين .. تمسكك شهقة ..
نواصل
| |
|
|
|
|
|
|
Re: أنا سوداني أنا .. ( عيون الكاميرا .. لسان الحال ) .. (Re: نجود حسن عبد الرحمن)
|
الأخت نجود
تحية كبيرة جدا ..
شكرا على المرور الأنيق
Quote: نشال ينشل منك الاخيرة دى عوضك الله حق تلاتة يوم طارو |
تصدقي يا نجود .. أنا أحسن لى يقعوا مني مليون جنيه و يضيعوا .. أما واحد ينشلني صعبة جداً .. يعني بحس بإنو واحد إستغفلني و مد لى لسانو مترين و بيضحك ..
Quote: وعند اخرين حق اسبوع |
و الله صعبة شديد .. حصل إتنشلتي يا نجود ؟ بتي قبل يومين ضربت لى و العبرة خانقاها : يابا .. سرقوا شنطتي و فيها مصروف اليوم و الجوال ال رسلتو لى جديد ..
غايتو ما قدرت أرد .. قلت ليها : ال جاتك في مصاريفك و جوالك إن شاء الله سماح .. غايتو .. حأتغرم تمن جوال جديد .. إن شاء الله ما ينفعو ..
أرقدي عافية
| |
|
|
|
|
|
|
Re: أنا سوداني أنا .. ( عيون الكاميرا .. لسان الحال ) .. (Re: ابو جهينة)
|
Quote: حصل إتنشلتي يا نجود ؟
|
حصل والله لكن رجعتها بفضل رجال الامن لانو كان فيها ورق مهم والنشله والله ود ناس انت عارف يا ابوجهينة فى ظاهرة الايام دى يجيك ولد شاب قيافه بشباك الحافلة ولاالبص الانت مستقلو ويحكى ليك قصة حياتو انو اتنشل ومحتاج للبوصلو وفى اثناء كلامو لو خاتى موبايلك برة ولا جزلانك خلاص تانى عوضك الله والنشل بقى فنون.. وربنا يعوض بنيتك
| |
|
|
|
|
|
|
Re: أنا سوداني أنا .. ( عيون الكاميرا .. لسان الحال ) .. (Re: ابو جهينة)
|
صدقت يا ابا جهينة اذا قال ابوجهينة فصدقوه فخير القول ما قاله ابو جهينة
وعند جهينة الخبر اليقين
يا حليل الماضي ايامه . . والمحلي داخل عطبرة . . واكسبرس حلفا ونزلنا في نمرة 6
وقهوة عم عثمان في صواردة . . وعباس بيبسي عب وقام . واستراحة ابونوره في حلفا وعبدالماجد ابوشنب في كرمة وقهوة ود باهي في اكد
تلك الايام الجميلة والحياة الطيبة . . هل من عودة هل
| |
|
|
|
|
|
|
Re: أنا سوداني أنا .. ( عيون الكاميرا .. لسان الحال ) .. (Re: حمزاوي)
|
إبن عمي حمزاوي
تحايا طيبة
Quote: يا حليل الماضي ايامه . . والمحلي داخل عطبرة . . واكسبرس حلفا ونزلنا في نمرة 6
وقهوة عم عثمان في صواردة . . وعباس بيبسي عب وقام . واستراحة ابونوره في حلفا وعبدالماجد ابوشنب في كرمة وقهوة ود باهي في اكد
تلك الايام الجميلة والحياة الطيبة . . هل من عودة هل |
حمزاوي :
أيام زمان كانت حلوة بناسها و أهلها .. الآن النفوس تغيرتْ بعض الشي بفعل وتيرة الحياة السريعة التي تقود دفتها الجانب المادي في أغلب الأحيان ..
قرانا و أريافنا لا زال فيهم الخير .. المدن في كل العالم وتيرة حياتها المتسارعة جعلت من الناس يبتعدون عن حميمية قديمة .. لم ينسوها و لكن الظروف تجبرهم على عدم التعامل بها في معظم الأوقات
أرقد عافية
| |
|
|
|
|
|
|
|