|
مركب مكنة ............................
|
كثيرون من بني وطني يركبون مكنات غير مكناتهم – والتعبير هنا يقصد به تقمص حالة / وظيفة – فمثلا نجد منهم من يركبون مكنه دكتور او لواء (جيش، شرطة او امن ) يعجبهم هذا التقمص ولعب الدور وفي احيان تركب المكنه لتجاوز موقف معين او محاولة فهم حالة محددة او ربما اظهار الوجود في مجتمع مغلق (مجتمع دكاترة/ محامين/ شرطة...)... نبداء بمن يركب مكنة دكتور مثلا...هذا الشخص يحفظ معظم الادوية واسماء الدكاترة والوصفات الطبية ويعمد علي وضع نظارة طبية ودائما يكون (شاكي القميص)، ويسعد ايما سعادة بلقب دكتور او حين يعرفه شخص الي اخر د. فلان .... لي صديق يركب هذه المكنه في المستشفات .. عندما نزور احد المعارف في المستشفي تجده دائما يبحث عن الطبيب المباشر لحالتة الشخص الذي نزوره ويبدا معه في الخوض في تفاصيل طبية عن الحالة ، ونتائج الفحوصات والعلاجات المقترحة ، الغريب في الموضوع ان الطبيب يندمج معه بكل جديه ... صديقي هذا لم يدرس الطب ولكن له اخت درست الطب فزامل زملائها وتعامل بمصطلحاتهم كثيرا حتي حفظها... المريح في الموضوع انه لا يجروء علي كتابة اي وصفات او النصح باي علاج حتي وان كان مضاد حيوي ... مع العلم بانه مهندس الكترونيات شاطر جدا... ولكنها هواية علي حد تعبيره
ولنا عودة
|
|
|
|
|
|
|
|
Re: مركب مكنة ............................ (Re: Ahmed Mohammed Osman)
|
نوع اخر يركب مكنة ضابط ... لكن يختلف الوضع هنا علي حسب الموهومين (ديل الناس البركبو لاجلهم المكنه) فاذا كانو مثلا ملكية (مدنيون) او عساكر مرور او حراس بوابات طوالي الزول بيختار اقرب رتبة لي دفعتو ويركب المكنة طوالي.. اول حاجة يصر وشو ويقول: شرطة (ما تقول بوليس لانو ناس البوليس ما بقولو كلمة بوليس دي بقولو شرطة) وبالتاكيد لاننا شعب لايوق الرد بكون من اي زول : انت منو؟؟ يقول : معاك نقيب شرطة احمد محمد عثمان وزارة الداخلية (دا ما انا ...كويس؟) تقال هذه العبارة بصرامة الدنيا كلها وصرة ما تديك الدرب وصوت لازم يكون جهوري مافيهو لين...يعجب هذا الشخص بالحركات العسكرية من المشية لغاية ضغط اليد في السلام وعادة ما يكون جسده رياضي ممشوق وحركاته حادة ... ايضا يهتم بكشوفات النقل اكتر من الضباط انفسهم اللواء فلان ودوه الجوازات والنقيب علان نقلو الدمازين والمقدم فلتكان اتزوج وكدا... هذا النوع من الناس معظم علاقاتو الاجتماعية بالعساكر .... برضو في حالات ممكن تركب المكنه شرطة لي ضباط جيش او تركب مكنة جيش لي ضباط شرطة ... هذا النوع عكس مكنة الدكتور .. يتمادي المركب في بعض الاحيان حتي يصل لي الرج (السجن) لانو اذا تم اكتشاف المكنة ما برحموك ويفتحو ليك ستمية خمسة وتسعين مادة
ود خالتي لزم طوالي مركب مكنة ضابط والغريب انو بتمشي في اي زول خاصة ناس المرور ما بيرخي ليهم لانو لو لقو فيك فرصة ما بعتقوك... حتي مرة في مستشفي الشرطة في كل باب نعبره بغير الرتبة بين نقيب/ رائد/ مقدم...
مكنة الضابط بتختلف من مكنة اللواء : لما يقولو الزول دا مركب مكنة لواء اييييييييييييك
لنا عودة
| |
|
|
|
|
|
|
Re: مركب مكنة ............................ (Re: Ahmed Mohammed Osman)
|
Quote: صديقي هذا لم يدرس الطب ولكن له اخت درست الطب فزامل زملائها وتعامل بمصطلحاتهم كثيرا حتي حفظها... المريح في الموضوع انه لا يجروء علي كتابة اي وصفات او النصح باي علاج حتي وان كان مضاد حيوي ... مع العلم بانه مهندس الكترونيات شاطر جدا... ولكنها هواية علي حد تعبيره |
اذا كان صديقك ارجو ان تنصحه بدراسة الطب عشان يكون دكتور عديل بدل من تركيب مكنة دكتور وطالما هو حافظ مصطلحات كثيرة عن الطب اكيد بيكون شاطر اذا درس الطب واكيد حينجح في هذه المهنة ,, ارجوك انصحه بدراسة الطب
| |
|
|
|
|
|
|
Re: مركب مكنة ............................ (Re: Ahmed Mohammed Osman)
|
Quote: اذا كان صديقك ارجو ان تنصحه بدراسة الطب عشان يكون دكتور عديل بدل من تركيب مكنة دكتور وطالما هو حافظ مصطلحات كثيرة عن الطب اكيد بيكون شاطر اذا درس الطب واكيد حينجح في هذه المهنة ,, ارجوك انصحه بدراسة الطب |
شكرا علي النصيحة الغالية يا بقال ودي ما فكرنا فيها بي الجد نبهتنا لي حته كانت غايبة عننا ياااااااااااااه شكرا شكرا شكرا شكرا شكرا
Quote: ولكنها هواية علي حد تعبيره |
الجزء دا ما قريتو ولا اشرح ليك هواية يعني شنو؟
| |
|
|
|
|
|
|
Re: مركب مكنة ............................ (Re: Ahmed Mohammed Osman)
|
سعدالدين وانت طيب والسنه الجاية انشالله كل المكن اصلي
Quote: افتنا في احمر مركب مكنة جمهورية وحايم بصورة الأستاذ! و بيان احمر مخجل و (عدم) بيان من المؤسسية الجمهورية! |
دي فتوي كبييرة وبتجيب الهوا... مالك علي ياخوي؟؟؟
لكن في الغالب دا مكنتو بتكون 900 سي سي وما براند قوي عشان كدا تلقاهو متلصق في الحاجات الكبيرة كبيرة وعندها صدي.... كدي لغاية مانجيك
| |
|
|
|
|
|
|
Re: مركب مكنة ............................ (Re: Ahmed Mohammed Osman)
|
في مجال الكمبيوتر يوجد مكن كميات الواحد تلقاهو طبيع (طباعة بي برنامج الاوفيس) ومركب مكنة مبرمج ويقعد يفتي ليك في الاس كيو ال والتريقر وووووو وكمان مرة مرة بيشطح لي السلوك الحايمة حولو ويقول ليك بربط شبكة
هذا النوع من المكنة يتم ربطة بمساهمة من المجتمع نجد هذا في لفظ "بتاع الكمبيوتر" البرينتر الطاشة ينادوك الشبكة الغايبة ينادوك البرنامج لو وقف ينادوك الوندوز طش برضو ينادوك
| |
|
|
|
|
|
|
Re: مركب مكنة ............................ (Re: Ahmed Mohammed Osman)
|
الحبيب / احمد
Quote: نجد هذا في لفظ "بتاع الكمبيوتر" البرينتر الطاشة ينادوك الشبكة الغايبة ينادوك البرنامج لو وقف ينادوك الوندوز طش برضو ينادوك |
هههههها الجاتك في اسمك سامحتك ... قلت لي (بتاع الكمبيوتر ) ماتزعل ممكن يقولو ليك (بتاع السستم)
ركب مكنة 4X4 وابقى مدير ... واعمل (نايم) بس بدون (شخير)
بالمناسبة دي الويرد الطاشي بيعملو ليهو شنو؟؟؟
| |
|
|
|
|
|
|
|