|
Re: .. مصيدة الفراش .. (Re: حمزاوي)
|
Quote: سموهو نقال علشان يكون في اليد موش عشان يقفلوهو |
طيب انت البريد الوراد ما قاعد تطلع عليه مالك ولا الرجالية لسع دورها ما جاء
عموما كل سنة وانت طيب
| |
|
|
|
|
|
|
Re: .. مصيدة الفراش .. (Re: abuguta)
|
ابوقوته وأنت بالف خير .. وحيات خوتك رسالتين بس للعيد ، واحده مفرحه وواحده بتكتل المفرحه .. مفرحة خالص والتانية .. بعيد عنك حياتي عذاب .. على العموم .. كل سنة وأنت طيب ..
أنت قاعد تودي الرسائل دي وين ؟؟
| |
|
|
|
|
|
|
Re: .. مصيدة الفراش .. (Re: ghariba)
|
علاء ود منصور
قال ليها شيلي ليكي حجارة من مزدلفة و روحي أرجمي أخوكي ال في السودان داك ..
و نهدي العبارة للشفيف الطيف صلاح شتات
***
يقال أن صاحبنا بعد أن صال و جال في السودان جاء للحج .. و عندما رمى الشيطان الكبير قال له الشيطان : حتى أنت يا بروتس ؟
***
القابلة على أمانيك ..
** يا أخوانا ود الشيخ عرفتو أخبارو شنو ؟
| |
|
|
|
|
|
|
Re: .. مصيدة الفراش .. (Re: ابو جهينة)
|
Quote: قال ليها شيلي ليكي حجارة من مزدلفة و روحي أرجمي أخوكي ال في السودان داك .. |
كانت قوية جدا يا استاذ .. والاقوى منها .. الشغال عسكري مرور للصواريخ .. وكلما يحلق ( اسكود ) شابكو .. بي هنا .. بي جاي شووووية ..
وامانيك يا ابوجهينة .. وكل من تحب
ود الشيخ . في نعمه لا يحسد عليها .. معيد لحدي الآن .. والليلة off
| |
|
|
|
|
|
|
Re: .. مصيدة الفراش .. (Re: القلب النابض)
|
يا قلب
كل سنة وأنت بالف خير .. اهو في البيت طبعا.. كالعادة مع كل عيد .. خندقة شديدة .. بعدين الاماني دي للسنة الجاية والله بي صراحة كدا بعيدة .. ساعديها شوية كدا ... وخليها بالكتير اسبوع وما بعيد على الله..
كوني بألف خير
| |
|
|
|
|
|
|
Re: .. مصيدة الفراش .. (Re: Soumeta)
|
سوميتــا يافنانه تعرفي مافي حل إلا اقوم اديك (يــا أحسن زولة ) ملعوبــة بي وليد زاكي الدين .. بتريحك
| |
|
|
|
|
|
|
Re: .. مصيدة الفراش .. (Re: الأمين عثمان صديق محمد)
|
العزيز الأمين عثمان صديق محمد اولا كل سنة وأنت طيب .. وطبعا عندنا خلايــا نائمة كتيرة جدا في الرياض.. اهــا ضروري جدا نتلاقى .. التلفونات في البروفايل حدد مكانك وانا بوصلك .. انا في شارع التخصصي تشرفني والله في اي لحظة .. ومليون مرحب بيك
| |
|
|
|
|
|
|
Re: .. مصيدة الفراش .. (Re: tmbis)
|
سبحان الله يا تمبس اول يوم كنا ضابحين في المحمدية جمب سكن وزارة الخارجية والتخصصي دا مسحتو مسح من اشارة النقل الجماعي لحدي طريق مكة الايام جاية انشاء الله والارقام خزنتها في جوالي خلاص وانت تشرف بلد يا راجل يازوق
| |
|
|
|
|
|
|
Re: .. مصيدة الفراش .. (Re: الأمين عثمان صديق محمد)
|
تعرف يا الأمين البلد دي ضيقة جدا .. .. كان اتصلت بوقع ليك المسالة .. لكن مبدئياً في مكانكم الضابحين فيهو دهـ .. إذا كان قلت تمبس .. كنت حتلقاني قدامك شايلني الهواء إذن بيناتناالسكــة..وبرضو راجيك
| |
|
|
|
|
|
|
Re: .. مصيدة الفراش .. (Re: ود الباوقة)
|
ياود الباوقــه لكن الواحد كان كتر في التقطيره دي .. ممكن كان ينقلب ليكم ( ابو الدقيق ) عـــادي ولا فراش ولا ابو القــدح.. اقول ليك حاجــه..؟؟ فيل ذاتو ممكن بعدين الدعوة التكلتها لي بين ( قوسين ) دي كان وديته لي العيد الجاي .. والله التقطيرة دي إلا تجيب ليها ( لقيمات )...
| |
|
|
|
|
|
|
Re: .. مصيدة الفراش .. (Re: tmbis)
|
تمبس .......
كل سنة .... وانت ........ اجمل ..
رايك شنو .. في حجر شيشة .. وصحن شية ... وكباية شاي .. وقعده لذيذة .. عندى في الجمعية .. انت .. ومعاك واخونا داااااااااك ؟؟؟
| |
|
|
|
|
|
|
Re: .. مصيدة الفراش .. (Re: الخير محمد عوض)
|
ابو الخيرات .. طبعا مافي مساحة للزمن القديم .. أنو يرجع ، حتى لو كان رجع هل بنقدر عليهو؟؟ .. كل سنة وأنت طيب والكيدز..
Quote: دي حركة في شكل مقلب.....القراية احسن ليك |
يعني نحضر للدكتوراة .. وبعدين معاكم ياخير .. تصدق الاسبوع الفات دا كلو العروض كان شكلها كدا .. بعدين في واحدين اصحابنا قدو السلك .. الواحد يجيك مادي بوزو شبرين .. كان سلمت علهيو ساكت يقول ليك اوعه . تورط نفسك دا كلام ..دا؟
| |
|
|
|
|
|
|
Re: .. مصيدة الفراش .. (Re: خدر)
|
.. ياخدوري ..اصلو بتاور في الفترة ما بين شهر عشرة ولحدي شهر واحد .. تدفع كم يامنقه وتشتري بي خسارتو دي ..؟ نقبل المقايضه .. .. ممكن نبدل بي عدة .. قزاز .. كبابي اي حاجه
ياخي أقول ليك حاجه ..
بلاش زاتو بنديك ليهو
| |
|
|
|
|
|
|
Re: .. مصيدة الفراش .. (Re: هشام آدم)
|
Quote: Another butterfly fell down
thanks brother timbs |
يــاهشام .. هـــــــــل من مزيد ؟؟ لانو الموت مع الفراش عرس .. والحاجة التانية.. كويس جدا تعمل خطوط رجعه .. كتبت لي تروتسكي إنو يكون أقوى من كدا قوة التحمل دي ياهشام برضو نوع من موت الفراش لكن ما اي فراش ياهشام .. فراش الربيع بالذات
| |
|
|
|
|
|
|
Re: .. مصيدة الفراش .. (Re: samo)
|
ياسموو.. العرض ده مفتوح لي متين ..؟.. امس كنا قريبيين باليل خالص .. لكن الجو ما كان بتاع الحاجات دي .. كان جو .. سمك لذلك الليلة كيف معاك ؟؟
| |
|
|
|
|
|
|
Re: .. مصيدة الفراش .. (Re: tmbis)
|
Quote: أنت قاعد تودي الرسائل دي وين ؟؟ |
السؤال هو :
انت قاعد تستقبل الرسائل دي وين ؟؟
كل عام و انت بخير ،،،
سمعنا انك كنت جايينا و غيرت رائيك في اللحظات الاخيرة ،،،
عسي ان يكون المانع خير
| |
|
|
|
|
|
|
Re: .. مصيدة الفراش .. (Re: حمد فتح الرحمن)
|
دكتور حمد المانع خير جدا والله ، حالات الشوق لسه ما تجاوزت الحد المسموح بيهو بعدين انا كان جيت هناك تاني ما برجع..
Quote: انت قاعد تستقبل الرسائل دي وين ؟؟ |
والله ياحمد دي الحاجة المجنناني انا ذاتي ، الظاهر لي ايميلي بيعمل Block بشكل اوتماتيكي ( للمافراش ) اكتب فراش واتوكل على الله .. صدقني بتوصل
وصية مهمة: عمك تنقو ده شوف ليهو بطانيتين وشوف ليك ( بنج ) خمسه سي سي .. يا باقي الشربوت حق العيد الايامات دي الرياض فيها زيفه مبالغه .. راجينكم بكره..
| |
|
|
|
|
|
|
Re: .. مصيدة الفراش .. (Re: الجندرية)
|
Quote: اعمل حسابك ابو الدقيق برضو بجيبو اللهب والضوء |
اماني ياست الكل .. غايتو قاعدين نسال الله .. يخلي لينا من ( الفراش ) البلم ( الرحيق ) ( والنحل ) البسوي العسل لكن ابو الدقيق يا منقه دا طرفنا منو..
مشتاقين .. والايامات دي في نشاط كان الله ادي العافية
| |
|
|
|
|
|
|
Re: .. مصيدة الفراش .. (Re: tmbis)
|
.. يا كل من اصطدتموني هنا .. بشراك الإلفة .. جاييكم ..
يا سوميتا .. شنو ياخ ما قلنا ليك . البوست ده موتي معاهو لحدي ما نتوزن شوية
| |
|
|
|
|
|
|
Re: .. مصيدة الفراش .. (Re: tmbis)
|
يا فراش القاش .. شوق الشوق زاتو ..
زي شربوت السنة الفاتت العمل صداع لي صلاح شتات داك .. بجيبك لينا ولا كيف .. ؟؟ لاحظ معاي انو ليهو كم بعد العيد معتق !!
بالاضافة الي مغريات اخري .. العيب الوحيد ان دكين سيكون بالجوار .. الواضح ما فاضح ..
| |
|
|
|
|
|
|
Re: .. مصيدة الفراش .. (Re: ABDELAZIZ MAHADY)
|
وازا.. يعني كان ما عمار منصور فك لي طلاسمك كان ح ابقى ( مكيش ) كدا لمتين ؟ يازول دي سعادة الرئيس عديل كدا ما سعادتي براي .. ياحليل الايام الحلوة ، الالوان عامله كيف معاك والا أنت عامل كيف معاها؟؟ ساورا عندي كميات يا عبد العزيز المشكلة الماعون البنرفع فيهو .. ما شايفني ( مكتف ) كيف اليومين دي وصاني ؟؟ عندي مشروع ( قرعة ) ف ياليومين الجايات ديل كان ما الحال انعدل ولقينا لينا موقع ود ناس الخواجات بقو بتاعين حركات يا وازا ترفع الاغنية قبلما تجي سودانيز تلقاهم خموهـا..
| |
|
|
|
|
|
|
Re: .. مصيدة الفراش .. (Re: 3mk-Tango)
|
يا عمك .. نفسيات والله شديدة خلاص .. نفسيات عديل كدا .. والبتاع دا كان بيدور طيارة صدقني ما بيمشي فيني .. بعدين بي صراحة وبيني بينك ، اي فراشة بقت ابو الدقيق وقرط علي كدا شديد واي مغريات مرهونة بي وجود ( دكين ) في جو زي دا .. بتحتاج ( جونتيات ) .. بعدين ( دكين ) كان ما ( كسرتو ) بي ( حمد وبدري ) والله يجننك ..
بعدين شمار قطعت راس النيل الأزرق وصلني .. قالو لي الايامات دي شغالين ليك ( دربات )
| |
|
|
|
|
|
|
Re: .. مصيدة الفراش .. (Re: tmbis)
|
الاخ / تمبس لك المودة
***** مادد إيديّ بأكبر فرحة وعد الليل بصباح جواني ليه الخطوة معاك يوماتي تبرا السكة وما تلقاني؟؟ *****
ايحاءات ابداعية تفصح ان اشراق يصبح في غياهب الوعد الاتي .
شكرا تمبس للجمال .
تخريمة **** عشان تعرف ياتمبس اينما وجد الابداع نحط خيمة ترحالنا الاسفيري .
| |
|
|
|
|
|
|
Re: .. مصيدة الفراش (Re: عاصم الطيب قرشى)
|
علاء يا تمبس آها جيتك في بيتك المدوزن بالفراش دا شايل معاي زهور كتيرة.. جد كتيرة.. تلاتة لكل فراشة ممكنة و مستحيلة و بعد دا أهديت ليك مع تماضر و ناس سمحين روايتي "المنافي الأكثر استحالة" أقرا كويس و حتلاقي الكلام.. ما تنسى، بس جيب معاك فراشات و حتلقى ليها هناك زهور و محبتي
بوعسل أبوعسل
| |
|
|
|
|
|
|
Re: .. مصيدة الفراش (Re: ابوعسل السيد احمد)
|
الاعــزاء .. عاصم وبوعسل .. .. البيت بيتكم والفراش ياهو .. هيلكم يـــابوعسل .. .. إذا تم اصطياد الفراش .. فلا بد من ( طمسه ) في ماء الورد .. لكن بعد ما ( تجنحو ) .. وإلا .. طار الفراش الما مجنح بكل الورد .. وشربت الموية وما رويت ..
طيبة المعرفة يا بوعسل بالناس العسل..
| |
|
|
|
|
|
|
Re: .. مصيدة الفراش .. (Re: tmbis)
|
كدي خلينا من موضوع الفراش ..عملتا لينا شنو في موضوع العجلة؟ أزعل منك لو قلت أنك قاصد بالكلام دا ود عبد الماجد!! لأنك بالحرف قلت: Quote: محمد السر ولي قدام حا نجيب ليهو عجلة كمان |
(وين العجلة يا تمبس؟) دا كان عنوان بوست لغيناهو رفقاً بالباندويز
ــــــــــ كريات الدم الحمراء بتقول ليك "أخجلت تواضعنا" في تحليل العينة.
| |
|
|
|
|
|
|
|