|
الأخ من فين؟؟ من السودان !!! أجدع ناس والله العظيم ...........
|
الظلام يلف النور ويطمس المعالم .. الرؤى تبدلت وأصاب الدواخل
غثيان الاستغفال .... وتفجرت ثورة الكرامة براكين ..وامتحت من قواميس
تعاملاتنا ( عفى الله عمّا سلف )...ولكن المارد فينا يولد بكل اسف قزما .. وإن تعملق أو( تجعلن ) ثُبطت همته وانتهر كبرياؤه فاضمحلَ وربما تلاشى .. ابتلانا الله بحكومة لايهمها غير ان تحكم حتى ولو ظلّت بلا شعب ..!!! وأن يرضى عنها سادتها الأمريكان والمصريون فتلك غاية المنى وكل المبتغى .. مت أيها الشعب أو تشرّد لست مهما .. مت في العراء تحت الصقيع .. مت ظامئا أو جائعا ... أو حتي تحت أقدام العسكر .. أو ركلات السادة ال... أيها الأحرار هبّوا ...استبدلوا ثياب أمنكم فزعا .... ولا نامت أعين الجبناء
الأخ من فين ؟؟ من السودان !!! أجدع ناس والله العظيم ..
|
|
|
|
|
|
|
|
Re: الأخ من فين؟؟ من السودان !!! أجدع ناس والله العظيم ........... (Re: محسن عبدالقادر)
|
الاخ العزيز محسن تحية طيبة 1-القمع هي ثقافة النظام العربي القديم وتمارسه مصر ضد ابناءها ايضا وبكل وحشية 2- اهمال المواطن من ضلال الانقاذ القديم وشعوبيتها الزائفة ..من زمان الناس يموتو بالجوع في جنوب السودان والنظام يصدر الذرة للنيجر ويتضامن مع كسوفو وكشمير والشيشان..وكما يقول المثل اليمني يموت الزمار واصابعه تلعب وبتذكر في حادثة الباخرة عشر رمضان كان امام لمسلمين السابق يحتفل بثورة مايو الاسلامية واعيادها بينما تاينيك السودانية يتحدث عنه القاص والداني وماذا يعني موت 20 سوداني للنظام ومات 2مليون في حروب البسوس واعاقةملايين وتشرد ثلاث ملايين منهم فقط ال25 الماتو في القاهرة
وحسب المرء من الشر ان يضيع من يعول وسيظل الشعب المصري في حدقات العيون ونحن نمييز تماما بين الانظمة والشعوب
| |
|
|
|
|
|
|
Re: الأخ من فين؟؟ من السودان !!! أجدع ناس والله العظيم ........... (Re: محسن عبدالقادر)
|
سلام الاخ محسن مع احترامنا للاقلية من الشعب المصرى ولكن معظمهم هم ناس انتو اجدع ناس ليس مع السودانيين فقط .. بل مع كل الشعوب والفرق هنا انه الشعوب الاخرى هى التى تتعامل بنفس الاسلوب وتفهم جيدا معنى الاستغفال .. ونحن بطيبتنا وعفويتنا اصبحنا ضحية للكلام المعسول حتى وقعت الطامه الكبرى.. ذكرتنى بطرفة ساذجه كصاحبها .. فى احدى المرات وهنا فى الخليج .سال مصرى اخ سودانى عن موضوع وكان يريد المساعده مهما صعبت الامور .. ودرا بنهم الحوار التالى .. (( والله انتو السودانيين اجدع ناس .. والله مافيش حد زيكم .. قال ليه اخونا السودانى ..ياخى ما تكتر كلامك ..انا زاتى ما سودانى .. ببرودة اعصاب قال ليه المصرى .. معقولة؟ ومال انت ايه.. قال ليه انا صومالى .. بطريقتهم الفهلويه طوالى قال ليه والله دول اجدع منهم ..)) يعنى اسلوب استهبال واضح جدا شكرا جزيلا الاخ محسن وكل عام وانت والجميع بالف خير
| |
|
|
|
|
|
|
Re: الأخ من فين؟؟ من السودان !!! أجدع ناس والله العظيم ........... (Re: محسن عبدالقادر)
|
محسن يا اخي
اعزيك ونفسي في فقدنا العظيم.
لا زالت دموعي تترقرق كلما بدأت اكتب عن هذه الماساة.
تخيل يا محسن
اكثر من 281 الوفيات
اكثر من 281 اسره سودانيه اصابها الحزن المباشر في ذلك اليوم.
هذه القاهره
هي التي عبر منها ابن خالتك الغالي ميرغني حمزه
شابا سودانيا مخلص حمل السودان في داخله حلما لا يموت.
احب شعبه ورفض السلطه التي اذلت حبيبه
فقرر الخروج لافاقا ارحب عله يقدر على
مواصلة عشقه لمحبوبه
(الشعب السوداني ) بشكلا افضل.
كان ذلك ميرغني
وهؤلاء ال 281 كلهم عندي ميرغني
كلهم شباب حملوا الوطن داخلهم
صلبين شجعان
صمدوا ثلاثة اشهر في العراء
اتحدوا ولم يقبلوا ان يتخلوا عن بعضهم البعض.
سعى مجرمي المفوضيه لتشتيت كلمتهم لكنهم صمدوا. واستمرت الجهود لتفريق شملهم لكنهم صمدوا
وكانوا مثالا للسودان الموحد.
وفجأه انقض عليهم السفله,
بالهراوت
وتحت احذية العسكر
انسحقت احلام شبابا سودانيون حملوا الوطن داخلهم.
اهلهم هنا معنا
تتصل بي كثيرا من الاخوات الجنوبيات يبكون يا محسن وابكي معهم
تعانقنا يومها بالهواتف عبر العالم
دموعنا سالت من استراليا للسويد ومن امريكا لليابان
فجعونا هؤلاء المصرين واذلونا يومها واي اذلالا.
30 ديسمبر و العالم ينتظر ميلاد العام الجديد ونحن مسمرون للانترنت
نحصي عدد قتلانا
ليلة 31 كانت الاسوأ
تواردت الانباء بزيادة عدد القتلى
معظم الجرحى ماتوا!!!!
لماذا ماتو؟؟؟؟؟
لانه الاومر كانت موتوهم!!!!
نزفوا لحد الموت.
قالوا عنا مرضى ايدز
وسرقوا اعضاءنا!!!!!
ياترى هل غسلوها جيدا من دماءنا الملوثه.
محزونة انا يا صديقي
مثقوبة دواخلي من الحزن.
محسن
لا اوصيك باللاجئين خيرا
فانا اعلم انك ستفعل.
لكني احتاج بعض الراحه
لذا انوي ان اغيب عن هذا المنبر.
لك الود ودم بخير.
تراجي.
| |
|
|
|
|
|
|
|