|
يوميات سائق تاكسي !!!
|
( يعاد بثه في 2006 تلبية لرغبة الجمهور )..
*****************
سايق الهلمان ومن صباح يتلفت يمنة ويسرى(على خطى الشهيد)يذكرني بي مروحة التربيزة , والناس على أرصفة الطرقات (في نيويورك) على جانبيه في إنتظار الدفارات والحافلات وأقوى الإيمان أمجاد!!!!
لو فكرت تحك رأسك ساي تجد صاحب الهيلمان وقف قصادك وقال ليك أيوة يا معلم ماشي وين فتكتفي بإبتسامة وتقول ليهو لالالالا انا حكيت راسي بس !!!!!!
تكس ...تكس .. تكس... كرررررررررررررررررررررك سييييييييييييييييييييييييييك صوت الفرامل وهي تحدث صريراً وأزيزاً وعويلاً ثم تسمع صوت الكلتش وزولنا سايق الهيلمان أداها خلف ورجع لي سنيورتنا الخواجية ونزل القزاز وبي إنجليزي جوبا قال ليها : هلو لو قود مورنينج مدام ..أي سيرفز ؟؟ الخواجيايا : Yes سايق التاكسي: قولي .. أحكي إنتي Going وين ؟؟؟ الخواجيايا : What????? سايق التاكسي يحك رأسه ويطنطن : بالله المرا دي أسة يقولوا ليها شنو !!!يسرح ويسرح ويصن ويلملم باقي كتاب الهاندرايت ويبتسم أخيراً ويقول :Where ??? Where تبرطم الخواجيايا بي كلام كتير لم يفرز منه صاحبنا إلا كلمة Night club!!!!!! وبما أنه معتاد على مثل هذه الأمكنة برزت أنيابه وتهللت أساريره تمد وتمط حتى وصل تأمين الباب الخلفي أداهو رفعة كده ورجع كرسيه !!!! حاولت الخواجيايا فتح الباب دون فائدة فعاد سواق التاكسي وفتح الباب من الداخل ودخلت الخواجيايا التاكسي .. ومن ثم بدأت رحلة القد البي الطريقة الصاح !!!!!!!
نواصل إن ربنا مد في العمر..
|
|
|
|
|
|
|
|
Re: يوميات سائق تاكسي !!! (Re: عمر الفاروق)
|
انت عارف يا زول سواقة التاكسي دي ما عيب لانو شغل رجال وعرق جبين
ولكن العيب سرقة بلد بالكامل وادخالها جوه الكروش باسم الدين
والتبرير لاغتيال الناس العزل ...صدقني التاريخ لايرحم يا العدناني وشكرا
| |
|
|
|
|
|
|
Re: يوميات سائق تاكسي !!! (Re: تيسير عووضة)
|
Quote: ات يا الفاروق اخوي ماك ضنيب أساسي وعبدالرزاق الطالب ولا ات زولا تاني |
وزيد عليهم راجل أخت عمر البشير بتاع قصر كافوري داك. بالمناسبة أخبار الميتين ريال شنو؟؟
| |
|
|
|
|
|
|
Re: يوميات سائق تاكسي !!! (Re: عمر الفاروق)
|
ولد ده !!!!!!! وحلاااااااااااااااااتي وااااااااااااا حلااااااااااااتي واااااااااااااحلاتي .... الدقلوشي الننو ده منو يا خواني!!!!!!!! عثل بث والله !!!!!! ماشي كويس يا شموشي التمبوشي وبقيت تعمل حركات العزابة والمراهقين وتعلق صور الناس التانيين زي ناس ليلى علوي وجوليا روبرتس وجون ترافولتا ورونالدينهو وشعبان عبد الرحيم !!!!! ولا يا ربي تكون ده إنت الولد العسل ده وسرحان وبتفكر وشايل هم الدنيا أو هم اللاجئين ما عارف!!!!!! لكن ما تقول لي بتشبه أنريكي !!!!
صدقني لكن ..ختري بي الجد !!!!!!
Quote: بالمناسبة أخبار الميتين ريال شنو؟؟ |
والله تماااااام الحمد لله الحسنة بعشرة أمثالها ويضاعف الله لمن يشاء ... بقت 2000 يا قريبك بس قول ماشاء الله !!!!!! يعني دي حا تكلمني مع البشير شخصياً !!!
حبيبنا البوب:
Quote: وين البوست يا عمر بتاع العار |
ببح ..أكلو الدودو .. وفي رواية إعتقلته القوات المصرية !!!!
| |
|
|
|
|
|
|
Re: يوميات سائق تاكسي !!! (Re: عمر الفاروق)
|
good morning ياعمر
عشان تعرف بس انو عندنا انقليزي يعني
وننفع مع الخواجات
وحات الله انت راس بالله لوكنت ضنيب يعني الجماعة ديل يكونوا شنو والله ولاجناح بعوضه
كما لايفوتني ان اعزييييك في بوستك المغفور له
| |
|
|
|
|
|
|
Re: يوميات سائق تاكسي !!! (Re: عمر الفاروق)
|
للتذكير وربط المشاهد بالحلقة الماضية .. كان المخرج قد توقف عند هذه اللقطة ليشحتف الجمهور :
Quote: حاولت الخواجيايا فتح الباب دون فائدة فعاد سواق التاكسي وفتح الباب من الداخل ودخلت الخواجيايا التاكسي .. ومن ثم بدأت رحلة القد البي الطريقة الصاح !!!!!!! |
نواصل... ما أن دخلت الخواجيايا جوة التاكسي المهترئ المجلد بي البني والإسنفج طالع بي برا مع وجود شخبطة بي قلم (بيك) كحلي على خلفية الكرسي الأمامي مكتوب فيها : ( تزكار من صوفيا ديفيد يوم الإثنين الموافق 12/12/1988 الساعة 3 بي الضهر !!!) كما لاحظت الخواجيايا شخبطة أخرى على خلفية كرسي السواق مرسوم فيها بالقلم الفرنسي قلبين مخرومين بي سهم مع كتابة Let Me Alone My Baby مع تحيات مارتن 2 !!!!!...
قالت ليهو بي نبرة حادة : OOOOOOOOOOOOOOOOOOOOOOOOOOOOOOOOOoh #### !!!!!??What this ??Is It A car or Board??
بعيد عنكم صاحبنا عمي السواق إنبهط وما فرز أي شي ولملم باقي الإنجليزي العندو وأخيراً إبتسم بعد أن وجد الرد المناسب فقال ليها: ( Yes Yes جينج سيرف !!!!!!!!!) وهي عبارة كان يتذكر أنه يقولها عندما كانوا يلعبون الكرة الطائرة في الميدان خلف كوشة الحلة عندما كانوا شباباً !!!!!!!! ردت عليهو الخواجيايا بي تعجب : What Did You Say ???!!! صاحبنا حس بي الخديعة وعرف إنو خارج الشبكة في رده السابق ولكن علي منو يا بت الهرمة فأنا سائق تاكسي أكمل الأولية ودرس دكتور ترووتتا وحفظ حديثه عن ظهر قلب هاك الرد ده يا بت الذين أمنوا : No Speak Double Touch !!!!!!! تعجبت خواجيتنا وأثرت الصمت ولكن صاحبنا سواق التاكسي فسر صمتها بأنه الجمها وأخيراً أعطاها الرد المناسب وبدأ يتمتم بكلمات : هييييييييييييع بت الغلفا تاني بتجي الحفلة ؟؟؟ هييييييييع والله لكن رديت ليها رد هييييييييع سكتها أخيراً وأفحمتها ليك بي رد !!! هيييييييع !!! وأعتبر صاحبنا إنها الفرصة المناسبة لفتح موضوع بالإنجليزي مع الخواجيايا بعد أن أحس زولنا بأنه شكسبير ومستر هبانيزيوس فابتدر المحادثة قائلاً: What Is Your Name??? ترد هي: My Name Is Angleena صاحبنا سائق الهيلمان : How Old Are u?? تستغرب الخواجيايا ولكنها ترد 30 !!!!! يتبسم ويقول ليها : How Tall Are U?? وهنا فهمت خواجيتنا أن سائ التاكسي من النوع اللي بيكون بيسمع في إنجليزي الإعدادي داك ناس كيف ترد علي الزول وكيف تسألو فقالت تطنشوا لكن صاحبنا لا يزال يرغي ويقول: Can U See The Sky ???? ثم يرد بنفسه ويقول No I can't ويواصل قائلاً Why Not ثم يختتم حديثه بقول Because The Roof Is In The Way!!! كللللللللللللللبة !!!!!!! أحب الإنجليزي وأموت في Nile Course ظااااااااااااااااااااااطو ...
>>>>>>>>>>>>>>> يتبع >>>>>>>>>>>>
| |
|
|
|
|
|
|
Re: يوميات سائق تاكسي !!! (Re: ادريس خليفة علم الهدي)
|
Quote: ضنيب العنزة لا بيهش ناموس ولا بيغطي فقوس |
في مثل بيقول ليك الزول دا ضنب عنز. وتطلق عادة على الزول الإضيني . يعني الزول الماعندو رأي وما فيهو فايدة . ووجه الشبه بينه وبين ضنب العنز هو أن الأول لا يرجى منه رجاء وضنب العنز لا يستر عورتها.
| |
|
|
|
|
|
|
Re: يوميات سائق تاكسي !!! (Re: shammashi)
|
شموشي التمبوشي.... حبيبي إنت جيتني يا الفالح ؟؟؟؟؟
Quote: في مثل بيقول ليك الزول دا ضنب عنز. وتطلق عادة على الزول الإضيني . يعني الزول الماعندو رأي وما فيهو فايدة . ووجه الشبه بينه وبين ضنب العنز هو أن الأول لا يرجى منه رجاء وضنب العنز لا يستر عورتها. |
والله انا زمان ما كنت مقتنع بي المثل البيقول (الكلب) بيدور خناقو ... لكن أسة والله بعد طلتك البهية دي إقتنعت بيهو !!!! لا زلت عند كلامي البامبرز أسعاروا ماشة في النازل وعندنا في الرياض هنا الأيام دي في خصومات تقيلة وعروض علي البيبي جوي العريض أبو طبقتين وصدقني ما ناسيك وأقربDHL يصلك عشان تستمتع وتعيش اللحظة وتسيطر على الوضع !!!!!! تخريمة : أخبار المرا الفي حلتكم الزماااااااااان ديك شنو ؟؟؟
| |
|
|
|
|
|
|
Re: يوميات سائق تاكسي !!! (Re: عمر الفاروق)
|
Quote: أخبار المرا الفي حلتكم الزماااااااااان ديك شنو |
يعني إنت فرحان بتشبيهي ليك بالمرة ديك. الله أداك
شوف بالله أنا قبل أكتر من سنة شبهتك بيها وأسي معظم المتداخلين معاك وصلوا لنفس النتيجة. وشايف كمان مستواك ماشي للخلف وبخطى حثيثة. يعني من تلك المرأة (الإنت عارفا) لضنب عنز. وبكرة نشوفك حتصل وين. يللا شد حيلك.
يعني ما علقت لينا علي يختكم الجديد قالوا في اتنين ماشين يدربوهم في بلد تصنيع اليخت شد حيلك عشان تطلع واحد فيهم وما تنسى تسوق هناي داك معاك
غايتو بعدين تجيبت صاحباتك ديك بدلاليكن وجنس ربات في اليخت. والله بايضة ليك في قفص. والأداك بالكوريق يدينا بمعلقة الدواء.
| |
|
|
|
|
|
|
|