|
|
|
 Re: كاريكاتير:تجديد الخطاب الديني (Re: ADIL FAIT)
|
مازن
الحمد لله النشر هنا مسموح ..
لذلك اقترح عليك .. بتثبيت بوست بعنوان كاركاتير مازن
او اي اسم تراه مناسب وتحاول من خلاله انزال اعمالك
يعني مثله ومثل المساحة التي يحتلها الكاركاتير في الصحيفة .
وياريت كل يوم تتحفنا بواحد ....
جمال حسين
| |
 
|
|
|
|
|
|
|
|
Re: كاريكاتير:تجديد الخطاب الديني (Re: mazin mustafa)
|
الله يخليك يا مازن
دا ابداع حقيقي
تتخيل يا مازن هذا العمل الرائع وريتوا لي واحد (كوز) معنا
وصحابنا عبر عن صدق اللوحه بي قسمات وجهه .. وضحك حتي بانت نواجزه
انت رائع يا مازن ..
انا غايتوا حا اقيف في الصف
وكل يوم حا انتظرك
واكتفي انا بروعة التعبير
وللآخرين الدهشه
مع اكيد حبي وتقديري،،،
عادل فايت
| |
|
|
|
|
|
|
|
|
|
Re: كاريكاتير:تجديد الخطاب الديني (Re: ADIL FAIT)
|
عزيزي جمال:
متأكد النشر هنا مسموح؟
يعني مافي بوستات اتحذفت لانها كدا و كدا كدا؟
أشك.....
لكن اقتراحك هنا جميل وحاعمل بيهو..
كل يوم حانشر عمل جديد..
داخل نفس البوست دا..
ومتشوق لارائكم النقدية...
مازن
| |
|
|
|
|
|
|
|
|
|
Re: عمل لكل يوم (Re: mazin mustafa)
|
و
ي
ت
و
ا
ص
ل
ابداعـــــــــــــــــــــــــــــــــــــل ... يا مازن
ونحنا شكلنا كل يوم حا نصفق ليك حتي تدمي ايدينا.. ايها المبدع
الله يخليك
مع اكيد حبي وتقديري،،،
عادل فايت
| |
|
|
|
|
|
|
|
|
|
Re: كاريكاتير:تجديد الخطاب الديني (Re: hanadi yousif)
|
عادل فايت..بت الفضل
كالعادة يغمرني عادل فايت بتذوقه الذي يدعم غروري كثيرا..
وكالعادة اقول لعادل فايت:نحن نحتاجك..كما قال هو في بوست سابق..
شكرا مرة اخري ...
بت الفضل(هنادي):
استحضرت حركة كفاية المصرية..وهم كما تعلمين يمرون بظروف تتفق جوهريا مع ما نمر به هنا..
لكن يبدو ان الضغوط الدولية تتولي قول"كفاية" بصورة اجدي منا..
لا اعتقد ان الفرشاة ستتوقف عن المدفع..
لكنهم غير مؤهلين لتجميلنا نحن..
ونأمل ان نستمر عزيزتي بت الفضل....
| |
|
|
|
|
|
|
|
|
|
Re: عادل فايت:الحركة دي بتعملوها كيف؟ (Re: mazin mustafa)
|
مازن ... صباح الخير
انا ذاتي استغربت دي جات كيف .. طبعا انا ما قاصد كده
وعلي اي حال انا تاني بعيد الكتبتو
بقوليك يا استاذ مازن:
والله نحنا فاتحين خشومنا ومنتظرنك
يلا .. يا زول يا رائع نشوف الهامك الليلة قال شنو
شكرا يا مازن وفنك كل يوم بدفق فينا
مع اكيد حبي وتقديري،،،
عادل فايت
| |
|
|
|
|
|
|
|
|
|
Re: للجميع (Re: mazin mustafa)
|
عزيزي ابو امنة:
قرأت ايمايلك..
والاقتراح معقول بخصوص الكاريكاتير..
ارجو ان تمدني بتفاصيل اوفي..
عجزت عن الرد لان الهوتمايل "تقيل"شديد..
لذا ارجو منك "وجميع الاصدقاء"مراسلتي علي ايمايل الياهو وهو:
[email protected]
عادل:
مبروك الصورة....
ولكم محبتي............
| |
|
|
|
|
|
|
|
|
|
Re: للجميع (Re: mazin mustafa)
|
يا الله ... انت فنان وناقد عميق ياخي ...
اخيراً سوف يأتينا ناجي العلي السوداني...
شكرا لهذا العمق
شكرا لهذا الجمال
منال
| |
|
|
|
|
|
|
|
|
|
Re: منال (Re: Manal Mohamed Ali)
|
عزيزتي منال:
اشكرك علي التقدير,والذي احتاجه بشدة..
واشكرك علي القراءة والعبور..
فبالقارىء تنتج من اللوحة كل المختبىء بها...
و اود ان اورد الراي كما ذكرته من قبل عند تعقيبي علي عادل:Quote: بدءا: انا سعيد لان العمل قد عبر عنك,بجانب تعبيره عني..
اذ ان القارىء ليس مجردمطلع علي العمل بقدر ما هو مشارك حقيقى في انتاجه..ان عمليةالقراءة هي انتاج حقيقي للنصوص..بل ان النصوص هي ,بصورة وباخري,نتاج قراءة..
والرسام,يمتلك بجانب ذائقته,ما يسمي بذائقة المجال الاجتماعي الذي يتواجد بداخله..اي ان القارىء,عبرانتاجه نصا جديدا ازاء عملية القراءة,يساهم ايضا في انتاج النص اللاحق..الذي لم يرسم بعد.. |
اشكرك مرة اخري..
وارجو ان اجدك معنا هنا كلما سنح المكان...
| |
|
|
|
|
|
|
|
|
|
Re: للجميع (Re: mazin mustafa)
|
سلامات مازن ...
اعجبتني الافكار واعجبني اكثر التنفيذ ...
العمل القبل الاخير يعبر عن اكثر من مضمون فهو اختصار لعدد من القضايا التي لو تناولناهابالكتابة لما اتسعت كل الاوراق ... لذلك انا احب هذا النوع من الفن الراقي ياراقي ...
العمل الاخير ... تعليقي عليهو لا ينفصل عن سابقه
وهنالك اكثر من مقصلة علقنا عليها ....وتعددت المشانق و الموت واحد و الميت اثنين شعب ووطن .... وناس تكبر عشان تكبر جيوبا ... وعندك كبرت ايضا اعينهم..
(ولمتـــين عينا في الفيل ونطعن في ضل ضنب المنفخ فيــــــل )كماذكر الطيب برير
بت الفضل : سلامات كتار
وماضل غير ابان دقون الفي الضلالة معشعشة تغش الله وتخش بيتو من ورا العشى ...مازال المكان يردد صدى صوتك ... لك التحية
جمال حسين
| |
|
|
|
|
|
|
|
|
|
Re: كاريكاتير:تجديد الخطاب الديني (Re: mazin mustafa)
|
مازن , منُذ متي وأنت هنا ...
بتجي وتخش وترفع "كركتيرات"...
وتمشي وتجي ...
ومافي ولا مس كول
...
طيب يا مازن ,
انشاء الله تتطور تبقي تشكيلي 
أو كما قال صديقنا الطويل الشاعر
عموماً شكراً يا حلو ...علي الزرع
أخوكم في الفُسق قرمبوز
| |
|
|
|
|
|
|
|
|
|
Re: عمل خارج روتين اليومي:مهدي للخواض (Re: osama elkhawad)
|
عزي الخواض..
اعمل علي الخطاب الديني منذ عامين..والنص السابق,وهذا النص نماذج لطريقة المعالجة التي اخترتها للموضوع..
بالطبع لم انشر في الصحف اي عمل يمت لهذا المشروع بصلة "لاسباب معلومة" ..والان انا انشر نماذجي ,هنا، بحذر..
سامدك باعمال لا تصلح لهذا المنبر علي الايمايل..
وسعيد لمرورك ..منتظر لمقارباتك..
اللمعة: توزيع الضوء والظل علي اللوحة..
و بتعبيرك:سأعود بالتفصيل
| |
|
|
|
|
|
|
|
|
|
Re: كاريكاتير:تجديد الخطاب الديني (Re: Elnasri Amin)
|
عزيزي الخواض:
شكرا علي مرورك اللطيف..
توزيع الضوء والظل مثار اختلاف كبير في تكنيك الكاريكاتير..
فمنذ نشأة هذا الفن "مع بداية المدرسة الواقعية:1867 علي يد التشكيلي العظيم هونوريه دومييه.."
http://www.w6w.net/users/19-08-2005/w6w_2005081904294327807c073bb4e.jpg
سرعان ما تكونت العديد من الاتجاهات في هذا الفن..
وانفصل عنه الكوميكس..والكارتون..
وارتبط بالتصميم اكثر في مراحل تاريخية لاحقة..
واصبحت مدارسه متعددة..(مثلما تفرعت انجاهات معظم الفنون لدرجة مخيفة).. وبدات تظهر الرؤي المختلفة حول التكنيك وبناء النص الكاريكاتيري ..
ومن تلك القضايا التي ثار حولها الاختلاف..قضية توزيع الضوء والظل علي اللوحة..
ونواصل...
| |
|
|
|
|
|
|
|
|
|
Re: كاريكاتير:تجديد الخطاب الديني (Re: mazin mustafa)
|
يا مازن .. سلام
ويا فنان كيفنك..
انا عاوز اقول ليك:
فيها ايه لو اضفت تعليق صغييييييييييييير مع كل عمل وانت بتنزلوا
او مناسبه العمل زاتو (ياتو حته من الخطاب الديني المعوج)
مع اكيد حبي وتقديري،،،
عادل فايت
| |
|
|
|
|
|
|
|
|
|
Re:عمنا واستاذنا احمد طه... (Re: أحمد طه)
|
عمنا واستاذنا احمد طه...
البوست نور بصحفي وكاريكاتيرست قديم ..
افتقدك منذ زمان..ولا اجد اخبارك..
ذهبت الي الاقتصادية وعلمت انها اغلقت ابوابها..
وسالت عنك فلم يدلني احد..
البوست نور باضافة حقيقية...
يا عادل جايي عليك بعد شوية...
| |
|
|
|
|
|
|
|
|
|
Re: عاااااااااااادل (Re: ADIL FAIT)
|
عادل..
اها دورك جا سريع
(انعل ابو الواسطة)
توجد بعض الاعمال لا يمكن فهمها بعيدا عن سياقها الذي انتجت بداخله..
لذا تكون الاشارة الي السياق ضرورية..
وتوجد بعض الاعمال لا تحتاج الي الاشارة..
مثلا:
العمل الاخير يتناول الفقر بصورة رئيسة او هكذا كنت انوي عندما قمت برسمه)
والفقر لا يحتاج لذكر مناسبة..
لكن لو انتهي الفقر ساقوم بذكر توضيح اقول فيه:
رسم هذا العمل عندما كان بالعالم فقر..
وهكذا الخطاب الدينيوهو اسوأ قليلا من الفقر)
مع محبتي...
| |
|
|
|
|
|
|
|
|
|
Re: كاريكاتير:تجديد الخطاب الديني (Re: mazin mustafa)
|
الاخ مازن
تحايا و سلامات
فعلاً زي ما قال استاذنا الخواض الكاراكتير فن بيحتاج لي فنان و محلل و زي ما واضح في كاراكتيراتك دا متوفر بصورة ممتازة عندك
بالمناسبة بتنشر في ياتو جريدة ؟؟
و درست في كلية الفنون – جامعة السودان ؟؟ لو كدة دفعة كم ؟؟
نحنا متابعين جيدين الكاركتيرات
حامد عطا
و عماد حجاج
متعة أضفت ليها انت
تحايا و نشوف المزيد!!!
| |
|
|
|
|
|
|
|
|
|
Re: ااسف (Re: Mohammed Elhaj)
|
ااااااااسف..
اعتذر بشدة علي الغياب..
كنت مريض..
ولا استطيع التحصل علي انترنت...
وبعيد من اعمالي..
اعتذر بشدة ..
وفريبا حاواصل..
(شكرا للجميع)
| |
|
|
|
|
|
|
|
|
|
Re: عمل اليوم (Re: mazin mustafa)
|
الرسم معبر للحد البعيد
احييييييييييييييك يا رائع
شكرا يا مازن..
امتعتنا .. متعك الله بالصحة والعافية
مع أكيد حبي وتقديري،،،
عادل فايت
| |
|
|
|
|
|
|
|
|
|
Re: عمل اليوم (Re: ADIL FAIT)
|
الاعزاء المتواجدون هنا..
ابحث عن اعمال للزواوي(الكاريكاتيرست الليبي الشهير)..
ارجو ممن يمتلك بعض اعماله انزالها علي البوست ...
والي ان اعود.....
| |
|
|
|
|
|
|
|
|
|
Re: عمل اليوم (Re: mazin mustafa)
|
Quote: لكن لو انتهي الفقر ساقوم بذكر توضيح اقول فيه:
رسم هذا العمل عندما كان بالعالم فقر..
وهكذا الخطاب الدينيوهو اسوأ قليلا من الفقر)
|
الأخ مازن
أقرأك عبر الفرشة وخطوط الفكرة تعبر عني تماماً، وما أسعدنا بفنان
يعبر عنا، ودهشة الإعجاب بالفكرة ومبتدعها تقتلع الضحكة رغم "الحال التحزن"
فتتجاوز حد الإبتسامة.
ردودك أعلاه مقالات ولوحات كاريكاتورية، تتجاوز الكثير وتقول المثير
"خوفي عليك"
| |
|
|
|
|
|
|
|
|
|
Re: عمل اليوم (Re: أبنوسة)
|
عزيزتى ابنوسة..
شكرا علي المرور اللطيف..
والنحت الجميل الذي نثرته هنا..
الحال التحزن اصبحت لاتطاق..(ام انا اصبحت لا امل الشكوي؟)..
ولذا ....
امل ان نتمكن من الاستمرار..
اعزائي المتداخلين..
ساعدوني باعمال للزواوي ..
ان استطعتم اليه سبيلا..
وغدا ساعود بعمل جديد..
مع محبتي....
| |
|
|
|
|
|
|
|
|
|
Re: ما العمل؟ (Re: osama elkhawad)
|
صديقي الخواض..
يسعدني مرورك..
الصورة مرات بتختفي لمن يكون في مشكلة في السيرفر..
عموما..
بقيت ما قادر انشر كتير ذي زمان..
عادل فايت..
ارجع لردي علي "عاصم"..
واتمني ان نستمر...
| |
|
|
|
|
|
|
|
|
|
Re: عمل اليوم (Re: Asim Sharief)
|
عاصم..
والله ما بخل..
الموضوع اني متارجح بين مرض وصحة..
وحبة قروش وفلس اكتر..
وما بقدر ادخل يومي علي البوست..
عشان كدة ..
الشغل ما منتظم..
مع محبتي
| |
|
|
|
|
|
|
|
|
|
Re: عمل اليوم (Re: ADIL FAIT)
|
والله ياماذن فاطمة السمحه دي قلبت فيها هوبا عديل كده!!
انت عارف بسرعه جدا ربط بين الكركتير و وزارة التخطيط واعادة
صياغة الانسان السوداني .في هذا النظام الردئ
اي افراغ السوداني من ثقافته وارثه وحضارته...
والله انت بارع وفنان اتمني ليك دوام العافيه وواصل
| |
|
|
|
|
|
|
|
|
|
Re: عمل اليوم (Re: عماد شمت)
|
كل خط هنا أعجبني
وكل فكرة
شكرا لك يا مازن
..................................................
كل مشهد لا يريك الكثرة في العين الواحدة لا تعول عليه
..................................................
ابن عربي
| |
|
|
|
|
|
|
|
|
|
Re: عمل اليوم (Re: mazin mustafa)
|
ولد محمد الزواوي بضواحي بنغازي سنة 1936.
وحول بدايته مع الرسم يقول في حديث نادر نشر منذ سنوات:
"ولدت ميولي نحو الكاريكاتير في عمر مبكر، فقد كنت أسكن في نجع بدوي، وكان بجوارنا واد اسمه "وادي القطارة". وكانت يومياتي تبدأ في ظل هذا الجو أرعى البقر صباحاً وأقطف الزهور وأوراق العنب واحولها الى الوان على الصخور، وبعد الغروب أفاجأ بأن البقر الذي كنت مكلفاً بحراسته قد غادر المكان! وكالعادة تعودت ان يكون موعد (العلقة) الساخنة بعد هذه الفترة يومياً حتى دخلت المدرسة وفي المدرسة فشلت في جميع الدروس الا مادة الرسم، وبعد سنوات تركت الدراسة بسبب ظروفي العائلية لأعمل رساماً في شركة اميركية.
وفي هذه الفترة بدأت أتابع رسوم الفنان اليوناني "برني" الذي كان يرسم في مجلة "الاثنين" المصرية وفعلاً بدأت محاولات تقليد لاترك الرسم الواقعي الى الكاريكاتير".
وعندما حُلت المصالح المشتركة سنة 1961 انتدب الزواوي للعمل في "مجلة الاذاعة" بطرابلس كمخرج صحفي ورسام. وعلى صفحاتها خط أول لوحة ساخرة عام 1963، ثم انتقل لمجلة "المرأة" كمخرج ورسام الى جانب نشر رسومه في معظم الصحف التي كانت تصدر بالبلاد الى جانب التزامه اليومي بنشر رسومه بصحيفة "الثورة" ثم عمل رساما بصحيفة "الاسبوع السياسي" ثم بصحيفة "الجماهير" ثم "الزحف الاخضر" و"الشاهد" حالياً. وهو من قلة في العالم العربي الذين خاضوا غمار الرسوم المتحركة ونفذ أفلاماً مدتها أكثر من 50 دقيقة.
| |
|
|
|
|
|
|
|
|
|
Re: كاريكاتير:تجديد الخطاب الديني (Re: mazin mustafa)
|
الاخ /مازن
التحية والاحترام وسلالالالالالالالالالالالالالالالالالالالالالالالالالالالالالالالالالالام شديد
الروعة والجمال تتجلى فى اعمالك التى تعكس الشارع بحقيقته المجردة
وتحيات ملايييييييييييييييين الف مرة
لانك اصبت الحقيقة فى مقتل عندى بعملك الرائع جدا (البنج الجامد للحركة الشعبية)
والله احييك واحييك لك منى التحية والاحترام وانشاء الله المزيد والمزيد
لك هذا المثل الذى اؤمن به :-
LEAD OR GET OUT OF THE WAY
جورج واشنطن
| |
|
|
|
|
|
|
|
|
|
Re: كاريكاتير:تجديد الخطاب الديني (Re: Lim Donato Lim)
|
عزيزي ليم..
والله انا الحركة الحركة ممغساني شديد خلاص..
وجزء من المغسة سببو انا لاني كنت متفائل(وفي الوكت داك كنت فاكر نفسي متشائم)
المهم
انا محبط جدا..
وقاعد اعيد النظر في اسئلة قديمة..
وغايتو....
شكرا للاطراء اللطيف....
| |
|
|
|
|
|
|
|
|
|
Re: كاريكاتير:تجديد الخطاب الديني (Re: mazin mustafa)
|
المبدع مازن
تدهشني عند الكاريكاتيرستس المقدرة على اختزال مايقال في صفحات
إلى رسم بليغ التصوير في نصف صفحةأو أقل وأنت أدهشتني أكثر...
أنت شخص خلاّق ومقتدر
واصل جمال
*توقيعك دا مش زي زول راقد ورافع يدينو للسماء ولا ما كدي
| |
|
|
|
|
|
|
|
|
|
Re: كاريكاتير:تجديد الخطاب الديني (Re: تيسير عووضة)
|
عزيزي الفنان المرهف مازن
أعمالك موغلة في العمق، ولا تنم عن موهبة راقية وحسب، وإنما عن قدرة كبيرة على الامساك بخيوط غير مرئية في عملية النقد، وتطويعها لصالح عمل فني حقيقي.
لك التحية ودعنا نستبشر بميلاد فنان كاريكاتير سوداني بمواصفات عالمية فعلا
| |
|
|
|
|
|
|
|
|
|
Re: كاريكاتير:تجديد الخطاب الديني (Re: خالد عويس)
|
تيسير...
شكرا علي الراي...
واعتقد ان ما تسميه بالاختزال هو عام ..في كل الفنون..
اذ:لا فن بدون انتقاء..
الصحفي والروائي:خالد عويس
شكرا علي الراي الجميل...
وعلي موضوع العالمية ..والعمق..
شكرا للقراء من غيراعضاء البورد..
| |
|
|
|
|
|
|
| |
mazin mustafa
ADIL FAIT
gamal elsadig
hanadi yousif
Ibrahim Algrefwi
osama elkhawad
الصادق اسماعيل
أحمد طه
عاطف عبدالله
Mohammed Elhaj
أبنوسة
Asim Sharief
عماد شمت
أيمن حسين فراج
Haydar Badawi Sadig
تيسير عووضة
فيس بوك
تويتر
انستقرام
يوتيوب
بنتيريست